Кода, пэр со тумэ надеинпэ, точно авэла!

1. Андар со дицол, кай о Авраамо надеияспэ най евья?

О ИЕГОВА дя алав пэстирэ друӷости лэ Авраамости, кай через лэско потомко во блаӷословия всаворэ народоря пэ ԥув (Быт. 15:5; 22:18). Блаӷодаря кодэлэсти, кай о Авраамо фартэ патялас, лэстэ на сас сомнении, кай кода, со ԥэндя о Дэл, обязательно исполнияпэ. Но и время жалас, лэ Авраамости сас почти 100 лет, лэстиря хулаяти сас 90, ай лэндэ шаво кадя и на арақаделя (Быт. 21:1—7). И всаек андэ Библия ԥэнэнпэ: «Во патялас и надеияспэ, кай ашэла дадэса важ бут народоря» (Рим. 4:18). Амэ ӷанас, кай пэр со о Авраамо надеияспэ, исполнисайля. Лэстэ арақаделя шаво, савэс во фартэ аштярэлас, о Исаако. Со поможыяс лэ Авраамости тэ надеийпэ?

2. Васо о Авраамо патялас, кай о Иегова стерэла кода, пала со дя алав?

² О Авраамо драго ӷанэнас лэ Иеговас и важ када фартэ патялас, кай о Дэл стерэла вся, пала со дя алав (Рим. 4:21). О Иегова сас довольно лэ Авраамоса важ лэстири вера и прижангля лэс найдошалэса (Иак. 2:23). Сар дицол анда Римлянам 4:18 о Авраамо патялас и надеияспэ пэ кода, со авэла англэ. Давайте роздиқаса, со о апостало Павло ԥэндясас важ и надежда андо письмо лэ римлянонэнди андэ 5 ӷлава.

3. Со о Павло пистрой пала надежда?

³ О Павло росԥэнэн, васо если надеисавас, амэ «на умэкаса и вас» (Рим. 5:5). Кадяжэ во поможый амэнди тэ полас, кай амари надежда можэт тэ барёл и тэ ашэл май састи. Сар када можэт тэ авэл запистромэ андэ Римлянам 5:1—5. Кала амэ ласа тэ роздиқас кадэла стихоря, погиндосар, со сас андэ тири жызня посли кода, сар ту болделян, и сар тири надежда барёлас и ашэлас май састи. Ту диқэса, кай и када инке най вся. Ту можэш тэ надеиспэ инке май фартэ. Спэрва давайте роздиқаса, пала сави райкани надежда дэлас дума о Павло.

АМАРИ РАЙКАНИ НАДЕЖДА

4. Пала со ԥэнэнпэ андэ Римлянам 5:1, 2?

⁴ Проадинон Римлянам 5:1, 2. О Павло пистросардя кадэла алава ла собранияти андо Римо. Кала и ԥрала и ԥэя анда кодэва форо уӷанглэ пала Иегова и пала Иисусо, вонэ патяе андэр лэндэ и ашэлэ христианоря. Важ када через лэндири вера о Дэл прижангля лэн найдошалэнца, витидя лэн и дя пэско свынто зор. Кадя о Дэл дя лэнди райкани надежда, сави вонэ моӷли тэ аштярэн всаворэ одеса.

5. Сави надежда исин кай и памазаникоря?

⁵ О Павло ӷэт май интя пистросардя лэ памазаниконэнди, лэ христианонэнди андо Эфесо, пала надежда, сави дя лэнди о Дэл. Вонэ получина кода, со прижал лэ свынтонэнди (Эф. 1:18). Ай андо письмо Колоссянам лэ христианонэнди о Павло пистросардя, кай вонэ получина кода, со приӷотовлено важ лэндэ по нэбо (Кол. 1:4, 5). Пэр со надеинпэ памазани христианоря? Лэн о Дэл воскресия каринг и вечно жызня по нэбо и котэ вонэ лэна тэ правин лэ Христоса (1 Фес. 4:13—17; Отк. 20:6).

6. Со пала пэстири надежда ԥэндя ек ԥрал, саво сас памазанико?

⁶ Важ и христианоря, савэн о Дэл витидя тэ правин по нэбо, фартэ куч лэндири надежда. Акэ савэ лашэ алава ԥэндя пала када ек андар лэндэ, о ԥрал Фрэдэрико Фрэнцо: «Амэ надеисавас най евья. Кода, пэр со надеийпэ кажно анда 144000, савэ анда найбаро стадо, точно авэла. Када авэла кадя, сар амэ и прецтавить пэсти нэ можэм». Кадэла алава о ԥрал Фрэнцо ԥэндя андо 1991 бэрш. Каринг кодэя время во ужэ бут бэрша верно служыяс лэ Дэвлэсти. Инке во ԥэндя: «Амэ... на бистэрдям пэ скати дэ куч кадэя надежда. [...] Со май долӷо амэ аштярас, со май фартэ амэ цэнуисарас ла. Дажэ если прижалапэ тэ аштярас милионоря бэрша, када ашэл. Мэ цэнисарав пэстири надежда май фартэ, чем варикала».

7, 8. Сави надежда исин кай бут лэ Иеговастирэ служытеля? (Римлянам 8:20, 21).

⁷ Бутэ лэ Иеговастирэ служытелёнэндэ адес исин авэр надежда. Вонэ кадя жэ сар и о Авраамо надеинпэ тэ жувэн вечно пэ ԥув, кала лэла тэ правий лэ Дэвлэско Царство (Евр. 11:8—10, 13). Пала кадэя райкани надежда о Павло тожэ пистросардя. (Проадинон Римлянам 8:20, 21.) Кала тумэ пэрво разо уӷанглэ анда Библия пала лашымос, саво авэла англэ, со тумэнди май фартэ чалеля? Кода, кай тумэ ашэна идиальни и тумэн на лэла тэ цырдэл каринг о найлашымос? Ай можэт тумэ обрадосайлэ, кай пэ ԥув андо раё диқэна пэстирэ пашутнэн, савэн на ашэля? Кала тумэ уӷанглэ пала лашымос, саво загиндосардя важ тумэндэ о Дэл, тумэ полинэ: када ашэл тэ аштярэн!

⁸ Сави надежда амэндэ тэ на авэл — када вечно тэ жувас пэ ԥув или по нэбо, амэ лошаса аштярас кадэя время. И амари надежда можэт тэ ашэл инке май састи. О Павло росԥэндя, сар када можэт тэ авэл. Давайте роздиқаса лэстирэ алава. Када поможыя амэнди инке май фартэ тэ аштярас кода, пала со о Дэл дя алав.

САР АМАРИ НАДЕЖДА АШЭЛ МАЙ САСТИ?

9, 10. Сар па лэ Павлоско примеро дицол, саво ԥаримос авэла кай кажно христианино? (Римлянам 5:3). (Диқэн кадяжэ и картинка.)

⁹ Проадинон Римлянам 5:3. О Павло ԥэнэн, кай через о ԥаримос амари надежда можэт тэ ашэл май састи. Спэрва можэт тэ здэлпэ, кай кадэва гиндо нэпонятно. Но па чачимастэ никас андар мэндэ о ԥаримос на обжал ригаса. Роздиқаса, саво примеро сыкавэл екжэно о Павло. Во ԥэндя лэ ԥралэнди анда Фессалоника: «Кала амэ самас тумэнца, амэ най еқвар ԥэнасас, кай амэндэ авэла ԥаримос, и тумэ ӷанэн кай кадя и сас» (1 Фес. 3:4). Ай лэ христианонэнди андо Коринфо во пистросардя: «Амэ самас андэ фартэ бари бида, када сас най па амаро зор и амэ на ӷанасас ашасапэ жундэ чи най» (2 Кор. 1:8; 11:23—27).

¹⁰ Кай кажно христианино андэ жызня бут трудности (2 Тим. 3:12). Тумэндэ сас ԥаримос? Со прижыляпэ тумэнди тэ пэрэжувэн, кала тумэ прилинэ ришэния тэ ашэн лэ Иисусостирэ ученикоря? Можэт и друӷоря или о родо асанас тумэндар? Или дажэ ӷрубо дэнас дума и вишонас пэр тумэндэ и холи? Ай возможно, тумэ камэнас андэ вся тэ андярэн пэс честно, но тумэндэ через када сас проблемы пэ бути? (Евр. 13:18). Или тумэ полэн, кай о правительство тасавэл пэр тумэндэ, важ кода кай тумэ росԥэнэн пала пэстири надежда? Саво бы ԥаримос тумэндэ тэ на авэл, о Павло ԥэндя, кай трэбуй тэ радуинпэ. Пала со во ԥэнэнас?

11. Васо андэ ԥари время амэнди нащи тэ здаспэ?

¹¹ Амэ можэм тэ лошавас, важ кода кай о ԥаримос поможый, кай амаро характеро тэ авэл май лашо. Андэ Римлянам 5:3 ԥэнэнпэ: «Андэ ԥари время [амэ] сытювас тэ авас састэ». Кай всаворэ христианоря авэла ԥаримос. Важ када кажно андар мэндэ трэбуй тэ авэл састо. Кати тоди амэ диқаса, кода пэр со надеисавас. Амэ на камас тэ шаспэ по мануш, пала саво ԥэндя лэ Дэвлэско шаво. О Иисусо ԥэндя, кай кадэва мануш, сар и семена, савэ пэлинэ котэ, кай исин бара. Кацаво мануш лошаса прилэл о алав. Но «кала лэстэ залэлпэ и ԥари время и лэс лэн тэ ӷонин», во сразу хасарэл пэстири вера (Матф. 13:5, 6, 20, 21). Кала пар мэндэ тасавэн или кала амэндэ ԥаримос, када канешно на анэн амэнди радость. Но если амэ виритярас вся, када анэн амэнди лашымос. Давайте уӷанаса, саво.

12. Саво лашымос анэн амэнди о ԥаримос?

¹² О Иаково шутя сама, саво лашымос анэн амэнди о ԥаримос. Во пистросардя: «Кала тумэ на парашэн тэ пэрэандярэн и ԥари время, тумэ бут сости сытёна, кай тэ ашэн андэ вся састэ, лашэ и идиальни» (Иак. 1:2—4). О Иаково пистрой, кай кала амэ пэрэандярас и ԥари время, када варисости амэн сытярэл. Сости? Кай тэ авэл май бари вера и терпения и кай май фартэ тэ патяс лэ Дэвлэсти. Но када инке най вся.

13, 14. Сар амари надежда ашэл май састи тоди, кала амэ пэрэандярас о ԥаримос? (Римлянам 5:4).

¹³ Проадинон Римлянам 5:4. О Павло ԥэндя, кай «если амэ ашаспэ састэ, када поможый амэнди тэ авас уӷодни лэ Дэвлэсти». Хэба лэ Иеговасти чалёл, кала амэндэ исин ԥаримос? Канешно най. Но во лошавэл, кала амэ на парашас лэс тэ кандас, дажэ андэ ԥари время. Имено кадя амэ уӷодисарас лэ Дэвлэсти. Сар дэ драго тэ полас, кай о Иегова абурой амэнца, кала амэ виритярас о ԥаримос! (Пс. 5:12).

¹⁴ Погиндон пала Авраамо. Лэстэ сас баро ԥаримос, но во драго лэс виритярдя. Важ када о Иегова ԥэндя, кай во лэско друӷо и прижангля лэс найдошалэса (Быт. 15:6; Рим. 4:13, 22). Наверно ту тожэ камэс, кай о Дэл тэ ԥэнэн када и пала тутэ. Хэба када возможно? Да, амэ можэм тэ уӷодисарас лэ Дэвлэсти. Када дицол най па кода, савэ задании амэндэ исин и сар дэ бут амэ терас андэ служэния. Важ о Дэл важно, кай амэ тэ на парашас лэс тэ кандас дажэ андэ ԥари время. Тэ ашэлпэ састо андо ԥаримос можэт кажно мануш. Пэ када нэ влияет, сави лэстэ ситуацыя андэ жызня, скати лэсти бэрш и савэ лэстэ способности. Исин тутэ акана варисаво ԥаримос? Ӷан, о Иегова диқэл, кай ту на парашэс лэс тэ кандэс. Кала амэ драго полас, кай андярас пэс кадя, сар чалёл лэ Дэвлэсти, када поможый састэс тэ патяс, кай во амэнца довольно. Ай када сыкавэл, кай амэндэ точно авэла лашымос лэ Дэвлэстар. Кадя амари надежда ашэл май састи.

НАДЕЖДА, САВИ АШЭЛЯ МАЙ САСТИ

15. Пала со о Павло пистрой андэ Римлянам 5:4, 5 и васо амэн када можэт тэ змарэл?

¹⁵ О Павло росԥэндя, кай кала амэ андэ ԥари время на парашас тэ кандас лэ Иеговас, амэ уӷодисарас лэсти. Шон сама, сар о Павло дэл дума май дур: «Если амэ уӷодни лэ Дэвлэсти, тоди можэм тэ надеисавас, если надеисавас, амэ на умэкаса и вас» (Рим. 5:4, 5). Кадэва гиндо амэн можэт тэ змарэл. Васо? Андэ Римлянам 5:2 о Павло пистросардя, кай и христианоря андо Римо ужэ надеинаспэ, кай «через о Дэл... [ашэна] ашунглэ». Васо жэ тоди во упалэ дэл дума пала надежда?

16. Росԥэнэн, сар и надежда ашэл май састи? (Диқэн кадяжэ и картинка.)

¹⁶ Сар амэ полям, амари надежда можэт тэ ашэл май састи. Кала амэ ӷанас када, амэнди май вушэро тэ полас лэ Павлостирэ алава. Сэрэс, сар ту пэрво разо уӷанглян, кай сможэш тэ жувэс вечно андо раё пэ ԥув? Наверно тути када фартэ чалеля. Но, возможно, тутэ на сас патяимос, кай када авэла, тоди ту лян май бут тэ уӷанэс пала Иегова и пала кода, со во обещяет через и Библия. Када поможысардя тути тэ полэс, кай кадэя надежда чачуни.

17. Посли кода, сар ту болделян, сар тири надежда ашэля инке май састи?

¹⁷ Дажэ посли кода, сар ту дян алав тэ жувэс важ о Иегова и болделян, ту на парашэсас май бут тэ уӷанэс пала лэстэ и тэ любис лэс. Через када ту инке май фартэ патясас, кай кода, пэр со ту надеиспэ, точно авэла (Евр. 5:13—6:1). Наверно, ту прожылян через кода, со запистромэ андэ Римлянам 5:2—4. Тутэ сас разно ԥаримос, но, кала пэрэандярэсас лэс, ту полэсас, кай уӷодис лэ Дэвлэсти. Ту ӷанэс, кай о Иегова любий тут, и важ када ту фартэ патяс, кай во стерэла вся, пала со дя алав. Ту инке май фартэ лян тэ патяс, кай надеиспэ най евья. Ту цэнис и надежда инке май фартэ, чем тоди, кала кати уӷанглян о чачимос. Вой ашэля важ тутэ инке май чачуни. Вой влияет пэ тири жызня, пэ кода, сар ту обжаспэ лэ родоса, савэ ришэнии прилэс и дажэ сар тратис пэстири время.

18. Сар о Иегова сыкавэл, кай амари надежда исполнияпэ?

¹⁸ Сар амэ уӷанглям, кала амэ полас, кай о Дэл амэнца довольно, амари надежда ашэл май састи. Ӷэт май интя о Павло ԥэнэн, кай вой точно исполнияпэ. Во пистрой: «Если надеисавас, амэ на умэкаса и вас, важ кода кай о Дэл через пэско свынто зор, саво во дя амэнди, сыкадя, кай любий амэн» (Рим. 5:5). Кадэлэ алавэнца о Иегова сыкавэл, кай во амэн никала на подвэдия и амэ на умэкаса и вас через кода, кай амари надежда на исполнисайля. Кода, пала со о Дэл дя алав, точно авэла!

19. Саво лашымос амэн аштярэл, если амэ на парашаса тэ надеисавас?

¹⁹ Погиндон пала Авраамо. Во аштярэлас, кай о Дэл тэ стерэл кода, пала со дя алав. Во уӷодияс лэ Дэвлэсти и сас лэско друӷо. О Авраамо аштярэлас най евья. Андэ Библия ԥэнэнпэ: «Кадэя обещяния о Авраамо получисардя посли кода, сар сыкадя, кай во терпеливо» (Евр. 6:15; 11:9, 18; Рим. 4:20—22). О Дэл лэс на подвэдисардя. Если ту на парашэс тэ кандэс лэ Дэвлэс, тутэ тожэ авэна блаӷословении. Кода, пэр со ту надеиспэ, — када най варисо вигиндосардо. Фартэ ӥто када точно авэла, тут аштярэл бари радость! (Рим. 12:12). О Павло пистросардя: «Мэк о Дэл, через саво амэ можэм тэ надеисавас, дэл тумарэ одести андэ вся тэ авэл лошало и спокойно, важ кода кай тумэ патян лэсти. Кадя через о свынто зор тумэ лэна инке май састэс тэ надеинпэ» (Рим. 15:13).