Сытён кай о Самсоно тэ надеинпэ по Иегова

1, 2. Васо авелоп драго тэ уӷанас пала Самсоно?

ПАЛА со тумэ гиндон, кала ашунэн алав Самсоно? Наверно, тумэнди авэл по гиндо, кай када лэ Дэвлэско служытелё, савэстэ сас фартэ баро зор. Да, во сас кацаво. Но еқвар о Самсоно приля нэправильно ришэния. Када андя лэс каринг и бида. Но всаек важ о Иегова о Самсоно сас верно служытелё. Важ када о Дэл позаботисайля, кай пала лэ Самсоностири жызня тэ авэл запистромэ андэ Библия важ амэндэ.

² Через о Самсоно о Иегова терэлас удивительно дила, кай тэ поможый пэстирэ народости, лэ Израилёсти, савэс во витидя. Прожылэ бут бэрша посли кода, сар муля о Самсоно. Кала о апостало Павло пистрояс пала мануша, савэндэ сас састи вера, о Иегова побудисардя лэс тэ пистрой кадяжэ и пала Самсоно (Евр. 11:32—34). О Самсоно надеияспэ по Иегова дажэ тоди, кала када сас найвушэро. Андэ кадэя статья амэ подаса дума: сости амэ можэм тэ сытювас кай кадэва лэ Дэвлэско служытелё. Сар лэско примеро можэт тэ подритярэл амэн?

О САМСОНО ПАТЯЛАС ЛЭ ИЕГОВАСТИ

3. Сави задания получисардя о Самсоно?

³ О Самсоно арақаделя тоди, кала пэ лэ Дэвлэско народо тасавэнас и филистимляноря (Суд. 13:1). Лэндири жэстоко правления анэнас бут ԥаримос лэ израильтянонэнди. О Иегова витидя лэ Самсонос важ и особо дила. Во трэбуй сас тэ спасый лэ израильтянонэн лэ филистимлянонэндар (Суд. 13:5). Када сас найвушэро задания! Кай ла тэ стерэл, о Самсоно трэбуй сас тэ надеийпэ по Иегова.

4. Сар о Иегова поможысардя лэ Самсоности тэ освободийпэ лэ филистимлянонэндар? (Судей 15:14—16).

⁴ Роздиқаса ек случаё, кала о Самсоно надеияспэ по Дэл и сар во лэсти поможысардя. Еқвар, кала и филистимляноря авелэ андэ Лехи (возможно, када ҭан сас андэ Иудея), кай тэ дэн по Самсоно. Кай и иудеёря сас дар англа филистимляноря. Важ када вонэ закамлэ тэ отдэн лэ Самсонос, саво сас анда лэнго народо, лэ вороӷонэнди. Вонэ састэс сԥанглэ лэс дуе нэвэ дурянца и одындярдэ лэс каринг и филистимляноря (Суд. 15:9—13). Но «по Самсоно сжыля лэ Иеговаско духо», и во вишынделя анда дуря, ай тоди «во арақля свижо лэ ишакостири челюсть, ля ла и умардя ласа» 1000 филистимлянонэн! (Проадинон Судей 15:14—16.)

5. Со амэ уӷанас анда кода, кай о Самсоно ля лэ ишакостири челюсть?

⁵ Васо о Самсоно ля лэ ишакостири челюсть? Хэба кадэлэса обычно марэнпэ пэ война? О Самсоно полэлас: во сможэт тэ вицэлэл кати лэ Иеговастирэ зорэса, ай най блаӷодаря кодэлэсти, со лэстэ андэ вас. Кадэва предано лэ Дэвлэско служытелё просто ля кода, со сас паша лэстэ. Драго дицол: во вицэлдя, важ кода кай андэ вся патялас лэ Иеговасти.

6. Со поможыя амэнди тэ стерас и дила, сави амэнди дя о Иегова?

⁶ Лэ Иеговастирэ зорэса амэндэ вижала тэ стерас дажэ кодэя дила, сави здэлпэ най па амаро зор. О Дэл можэт амэн тэ удивий. Во можэт тэ поможый амэнди тэ ришысарас любо ситуацыя кадя, сар амэ и на гиндосарасас. Патян лэ Иеговасти! Во дя зор лэ Самсоности, во дэла зор и тумэнди и поможыя тэ стерэн, со во камэл (Прит. 16:3).

7. Саво случаё сыкавэл, кай трэбуй тэ родас лэ Иеговаско руковоцтво?

⁷ И ԥрала и ԥэя, савэ строин здании важ лэ Дэвлэстири дила, сыкавэн, кай патян лэ Иеговасти. Раньшэ, амэ екжэнэ терасас и проекторя, ай тоди строисарасас и Залоря Царства и авэр здании. Но прожалас время и арӷанизацыя лэ Иеговастири барёлас и важ када трэбуй сас варисо тэ парувэн. И ԥрала, савэ руководинас андэ лэ Дэвлэстири арӷанизацыя, мангэнаспэ каринг о Дэл пала помощь. Вонэ кадяжэ сытёнас тэ терэн и дила па аврятэ. Например, амэ лям тэ тинас здании и дэсо андэр лэндэ тэ парувас, кай вонэ тэ поджан каринг амари дила. О Ро́берто, саво участвовал андэ бут стройки, андэ разни страны, ԥэнэн: «Спэрва най всаворэнди сас вушэро тэ прилэн нэво подходо. Во фартэ на шоласпэ пэ кода, сар амэ терасас бути раньшэ. Но и ԥрала сас ӷотови тэ сытён тэ терэн и дила па аврятэ. Ашэля понятно, кай о Иегова подритярэлас кода, со парудёлас». Када кати ек примеро, сар о Дэл андярэл пэстирэ народос, кай тэ исполний пэстири воля. Дэкала амэнди всаворэнди важно тэ пушас пэстар: «Родав мэ лэ Иеговаско руковоцтво и ӷотово мэ тэ присытював каринг кода, со паруделя, кай мэрни служэния и май дур тэ авэл май лащи?»

О САМСОНО ПРИЛЭЛАС И ПОМОЩЬ ЛЭ ИЕГОВАСТАР

8. Со стердя о Самсоно, кала фартэ закамля тэ пэл паи?

⁸ Можэт тумэ адинонас и пала авэр случаёря, сар о Самсоно терэлас удивительно дила. Например, во би нисоско победисардя лэ левос. Ай ӷэт май интя андо Ашкелоно во умардя 30 филистимлянонэн (Суд. 14:5, 6, 19). Би лэ Иеговастирэ зорэско кацаво авелоп нэвозможно. Андар со дицол, кай о Самсоно драго када полэлас? Еқвар, посли кода сар победисардя тысяча филистимлянонэн, во фартэ закамля тэ пэл паи. Но во на ля тэ родэл о паи екжэно, ай мангляпэ лэ Иеговасти пала када (Суд. 15:18).

9. Сар о Иегова атветил лэ Самсоности пэ молитва? (Судей 15:19).

⁹ О Иегова атветил пэ молитва лэ Самсоности. Во стердя чуда — источнико, анда саво жалас о паи. «О Самсоно пиля и ля зор». (Проадинон Судей 15:19.) Наверно, хоть и прожылэ бут бэрша, кадэва источнико инке сас, кала о пророко Самуило пистрояс и книӷа Судей. Возможно, во поможыяс лэ израильтянонэнди тэ сэрэн, кай и предани лэ Иеговастирэ служытеля моӷут тэ надеинпэ пэр лэстэ андэ ԥари время.

10. Со трэбуй тэ терас, кай тэ получисарас и помощь лэ Иеговастар? (Диқэн кадяжэ и картинка.)

¹⁰ Амэ тожэ трэбуй тэ родас лэ Иеговастири помощь, дажэ если ужэ бут со ӷанас тэ терас и бут со домарделям андэ служэния лэ Иеговасти. Трэбуй сэжо тэ прижанас, кай амэндэ вся драго вижала кати тоди, кала надеисавас по Иегова. Каринг о Самсоно рисайля о зор, кала во пиля паи, саво лэсти дя о Дэл. Кадяжэ амари вера авэла май састи, кала амэ приласа вся, со дэл амэнди о Иегова (Матф. 11:28).

11. Андар со дицола, кай амэ надеисавас пэ лэ Иеговастири помощь? Росԥэнэн примеро.

¹¹ Роздиқаса о примеро лэ ԥралэско, савэс ақарэн Алексеё. Во жувэл андэ Россия. Лэсти сас ԥэрас через и жэстоки преследовании. Со поможысардя, кай лэстири вера тэ авэл састи, дажэ андэ ԥари время? Ла хулаяса вонэ на промэкэн тэ адинон и Библия и вмести служын лэ Иеговасти. О Алексеё росԥэнэн: «Мэ... жував па ӷрафико, саво стердэм важ и дэвликони дила. Проандярав лично изучения и кажно дес адиносарав и Библия. Кажно тэсара амэ ла хулаяса вмести роздиқас о стихо по дес и мангаспэ лэ Иеговасти». Сости амэ анда када сытювас? Трэбуй тэ надеисавас най пэр пэстэ, ай по Иегова. Ай важ када трэбуй састи вера. Со тэ терас, кай вой тэ авэл? Трэбуй тэ изучаем и Библия, тэ мангаспэ, тэ авас пэ христиански собрании и тэ росԥэнас пала Дэл. О Иегова пэстиря ригатар блаӷословия амэн, кала пристас зор андэ служэния лэсти. О Дэл дэлас зор лэ Самсоности и амэ можэм тэ патяс, кай во дэла зор и амэнди.

О САМСОНО НА ЗДЯПЭ

12. Сави нэправильно ришэния приля о Самсоно и соса вой на шоласпэ пэ авэр лэстирэ ришэнии?

¹² О Самсоно сас нэсовершэно мануш, кадя жэ сар и амэ. И важ када дэкала во прилэлас нэправильно ришэния. Ек анда лэстирэ ришэнии андя лэс каринг и бида. Кала о Самсоно «полюбисардя ла манушня, сави жувэлас андэ долина Сорек», во сас сындомари ужэ най ек бэрш. Кадэла манушня ақарэнас Далила (Суд. 16:4). Раньшэ о Самсоно тидэласпэ тэ жэнийпэ пэ филистимлянка. Но када сжаласпэ лэ Дэвлэстиря времяса. Во «родэлас возможность тэ рий лэ филистимлянонэ́нди». Тоди, андо филистимско форо Газа, о Самсоно ашэляпэ андо цэр кай и найлащи манушни. Андэ кодэя рят о Дэл дя лэ Самсоности зор, и во ундярдя лэ форостирэ вороты. Кадя о форо моӷли вушэро тэ захутилэн (Суд. 14:1—4; 16:1—3). Но и ситуацыя ла Далиласа сас авэр. Возможно, кадэя жувли сас израильтянка, и вой нисар на поможысардоп лэ Самсоности тэ борийпэ лэ филистимлянонэнца.

13. Сар и Далила обжыляпэ лэ Самсоноса?

¹³ И филистимляноря динэ бут ловэ ла Далилати и важ када вой трэбуй сас тэ придэл лэ Самсонос. И Далила соӷласисайля. Вой вся и время вихалас лэсти оди, кай во тэ виԥэнэн лати, васо лэстэ кацаво баро зор. Хэба сас во кацаво доверчиво, кай через и любовь каринг латэ во тэ на додиқэл лако найлашо гиндо? Сар бы када тэ на авэл, во кангля ла. Жалко, кай через кадэя ошыбка, о Самсоно пэ дэсави время хасардя пэско зор и дружба лэ Иеговаса (Суд. 16:16—20).

14. Каринг со андя кода, кай о Самсоно патялас ла Далилати?

¹⁴ О Самсоно цырдя бида пэ пэско шэро, кала патяя ла Далилати, ай най лэ Иеговасти. И филистимляноря хутилдэ лэс и випусадэ лэсти и яқа. Лэ Самсонос шутэ андо баруно андэ Газа — андэ кодэва форо, кай во зындярдя и вороты и одындярдя лэн. Лэс стердэ рабоса и застависардэ тэ мэлий о зэрно. Тоди и филистимляноря стидэсаспэ по празнико, кай тэ анэн бари жэртва пэстирэ дэвлэсти лэ Дагоности. Вонэ патянас, кай лэнго дэл отдя лэ Самсонос лэнди андэ вас. Лэ Самсонос андэ́ анда баруно, кай тэ подасанпэ лэстар (Суд. 16:21—25).

15. Сар о Самсоно сыкадя, кай упалэ надеийпэ по Иегова? (Судей 16:28—30). (Диқэн и картинка пэ обложка.)

¹⁵ Хоть о Самсоно фартэ шылисайля, во на здяпэ. Во всаек всаворэ́ одеса камэлас тэ терэл и дила, сави лэсти дя о Дэл. (Проадинон Судей 16:28—30.) Важ када во мангля лэ Иеговас: «Домэк тэ рисарав лэ филистимлянонэ́нди». О чачуно Дэл атветил лэсти пэ молитва и каринг о Самсоно рисайля лэско нэобычно зор. И вижыля, кай пэ кадэва разо о Самсоно умардя май бут филистимлянонэн, чем важ вся пэстири жызня.

16. Сости амэ сытювас анда кода, кай о Самсоно стердя ошыбка?

¹⁶ Хоть о Самсоно потиндя бари цэмин важ пэстири ошыбка, во всаек камэлас тэ терэл кадя, сар камэл о Иегова. Кадя жэ сар и амэ. Если амэ шылисавас и амэнди дэн совето или дажэ хасарас и почотни обязаности, амэнди нащи тэ здаспэ. Сэрэн, кай амаро небесно Дад ӷотово тэ простий (Пс. 103:8—10). Дажэ если амэ раньшэ шылисавасас о Иегова можэт тэ дэл амэнди нэви задания и зор, сар лэ Самсоности.

17, 18. Сар кода, со сас андэ жызня кай о Майкло, подритярэл тумэн? (Диқэн кадяжэ и картинка.)

¹⁷ Роздиқаса, со сас андэ жызня еқэ тэрнэ ԥралэстэ, савэс ақарэн Майкло. Во анда вся оди служыяс лэ Иеговасти, во сас помошнико андэ собрания и общё пианеро. Но важ ек ошыбка о Майкло хасардя пэстирэ обязаности андэ собрания. Во росԥэнэн: «Жы каринг кодэя время мэ вся пэско зор отдавас андэ служэния, но андэ ек маменто... почуствовал, кай нисо нэ моӷу тэ терав важ о Дэл. Канешно, мандэ и андо гиндо на сас, кай о Иегова мандар одбанделя. Но мэ на сымас уверено, кай амэндэ упалэ авэла кацави састи дружба, сар раньшэ, и мэ служысарава лэсти кадяжэ анда вся ди».

¹⁸ Сар дэ драго, кай о Майкло на здяпэ. Во росԥэнэн: «Мэ отдэм вся пэско зор, кай мандэ упалэ тэ авэл лащи дружба лэ Иеговаса. Мэ постояно росԥэнавас лэсти вся со мандэ по ди, адиносаравас и Библия и гиндосаравас пала кода, со уӷанав». Прожыля время и о Майкло упалэ затердя лашо алав андэ собрания. Адес во барэдэр ԥрал андэ собрания и общё пианеро. Во ԥэндя: «Ман фартэ подритярдэ, особено и барэдэр ԥрала. Вся када поможысардя манди тэ полав, кай о Иегова на парашэля ман тэ любий. Мэ упалэ моӷу тэ терав дила андэ собрания вужэ одеса. Кадэя ситуацыя сытярдя ман кодэлэсти, кай о Иегова простий кажнонэс, ко па чачимастэ каийпэ». Када чаче кадя. Дажэ если амэ шылисавас, о Иегова можэт и дальшэ тэ патял амэнди и тэ блаӷословий амэн, если амэ парудювас и на парашас тэ надеисавас пэр лэстэ (Пс. 86:5; Прит. 28:13).

19. Со тумэнди чалеля андэ лэ Самсоностири жызня?

¹⁹ Андэ кадэя статья амэ роздиқлям фартэ интересни событии анда лэ Самсоностири жызня. Во на сас идиально мануш и дажэ стердя бари ошыбка, кала патяя ла Далилати. Но во на парашэля тэ служый лэ Иеговасти и о Дэл на одбанделя лэстар. Во домэкля, кай о Самсоно тэ терэл инке ек бари дила. О Дэл диқэлас по Самсоно сар по мануш, савэстэ састи вера. Када дицол анда 11 ӷлава Евреям. Котэ машкар верни лэ Дэвлэстирэ служытеля пистромэ лэ Самсоноско алав. Сави дэ бари бах тэ служысарас лэ небеснонэ Дадэсти! Во фартэ любий амэн и ӷотово тэ дэл зор андэ ԥари время. Важ када давайте тэ мангас лэ Иеговас кадя жэ, сар о Самсоно: «Вспомни пала мандэ и дэ манди зор» (Суд. 16:28).