15, 16. а) Савэ лэ Дэвлэстирэ алава, пистромэ андэ книӷа Аввакумо? б) Сости амэ сытювас анда алава, савэ дя о Дэл?

¹⁵ О Иегова дэл алав, кай: «кодэлэстэ, ко кандэл лэс, авэла вечно жызня» и кай «пэ вся и ԥув лэна тэ ӷанэн, кай о Иегова ашунгло Дэл» (Аввакум 2:4, 14). Чаче, кодэла, ко ӷанэн тэ аштярэн и патян лэ Иеговасти жувэна вечно.

17. Со о Иегова стерэла важ амэндэ, сар амэ ласа тэ патяс лэсти?

¹⁷ Анда книӷа Аввакум бут сости сытён кодэла, ко жувэн андэ послидни деса. О Иегова дэл алав, кай всаворэ, ко кандэн лэс и патян лэсти, жувэна вечно. Важ када на парашам тэ терас вся, кай май фартэ тэ патяс лэ Дэвлэсти, саво ԥаримос амэндэ тэ на авелоп. Через о Аввакумо о Иегова дэл алав, кай дэла зор тэ пэрэндярас о ԥаримос и спасыя амэн. Во мангэл, кай амэ тэ патяс лэсти и тэ ӷанас тэ аштярас кодэя время, кала во лэла тэ хулаий ла ԥувьяса через пэско царство. Тоди андэ кодэя время пэ ԥув жувэна кати кодэла мануша, савэ бахталэ и кастэ ковло ди (Матфея 5:5; Евреям 10:36 жы кай 39).