16. а) Со сас май дур ла корзинаса? (Диқэн англа статья 3 картинка.) б) Каринг одындярэн и корзина и жувля, савэндэ слинэ крылоря?

¹⁶ После када авэн дуй жувля, савэндэ сас и крылоря, сар кай о аисто. (Адиносар Захарии 5:9—11e). Кадэла жувля на шонпэ пэ кодэя, сави бэшэл андэ корзина! Пэстирэ зоралэ крылонэнца и жувля подвурян каринг и корзина, андэ сави сас о «Найлашимос» и одындярэн ла. Но каринг? «Андэ ԥув Сеннаар», када сас Вавилоно. Ай васо интя?

17, 18. а) Васо и ԥув Сеннаар поджалас, кай интя тэ андярэн о «Найлашимос»? б) Со амэндэ трэбуй тэ авэл андо ди каринг о найлашимос?

¹⁷ Лэ израильтянонэнди, савэ жувэнас андэ лэ Захариястирэ деса, и ԥув Сеннаар могла тэ здэлпэ, кай фартэ поджал важ о «Найлашимос». О Захария и авэр евреёря драго ӷанэнас, саво найлашимос терэласпэ андо Вавилоно. Котэ сас билажавардимос, и котэ тэлёнас хохавнэ дэвлэнди. Лэ евреёнэнди, савэ жувэнас андо Вавилоно, прижаласпэ кажно дес тэ пристон вся пэско зор, кай тэ на терэн кадя, сар терэнас и мануша, савэ тэлёнас хохавнэ дэвлэнди. Лэ Захариястири видения поможысардя лэнди инке май фартэ тэ патян, кай о Иегова на домэкэла, кай о найлашимос тэ ашэлпэ машкар мануша, савэ тэлён лэсти.

¹⁸ Кадэя видения поможысардя лэ евреёнэнди тэ на бистрэн пала кода, кай о Иегова аштярэл лэндар, кай вонэ и май дур тэ тэлён лэ Иеговасти кадя, сар лэсти чалёл. Нащи, кай о найлашимос тэ авэл и тэ ашэлпэ андэ лэ Дэвлэско народо. Андэ пэстири организация о Иегова любий амэн и фэрий. Трэбуй тэ сэрас, кай о Иегова кажнонэстар аштярэл, кай андэ кода, сар вонэ тэлён тэ на авэл найлашимос. Нисаво найлашимос на трэбуй тэ авэл андэ лэ Дэвлэско народо!