Васо о Дэл ашунэл най всаворэ молитвы?

Амарэ небеснонэ Дадэсти лэ Иеговасти фартэ чалёл тэ ашунэл и молитвы, савэ амэ ԥэнас анда оди. Но во дэл атвето най пэ всаворэ молитвы. Васо? Пала со амэ трэбуй тэ сэрас, кала мангаспэ? Давай диқаса, со пала када пистромэ андэ Библия.

И мануша андэ қандири адинон и молитва анда молитвенико.

«Кала мангэнпэ, на ԥэнэн упалэ кодэла жэ алава» (Матфея 6:7).

О Дэл Иегова на камэл, кай амэ тэ висытювас и молитвы или тэ адиносарас лэн анда молитвенико. Во камэл, кай амэ тэ дас дума лэса анда оди. Погиндосар, со тутэ авелоп по ди, если бы тиро друӷо тэ дэл дума туса еқэ алавэнца и тэ повторяет кажно дес ек и ек? Да, лашэ друӷоря дэн дума ек еқэса сар исин и анда оди. Важ када мангпэ пэстирэ алавэнца и росԥэн лэ Дэвлэсти вся, со тутэ по ди.

О мануш диқэл упрэ и проверяет о лотерейно билето.

«Кала мангэн, тумэнди на дэн, важ кода кай мангэн найвужэ одеса» (Иакова 4:3).

Амэ полас, кай о Дэл на ашунэла кодэла молитвы, андэ савэ о мануш мангэл кода, со лэ Дэвлэсти на чалёл. Погиндосар, ашунэла о Дэл кодэя молитва, андэ сави о мануш мангэл пала удача, кай тэ вицэлэл ловэ? Канешно, най. О Дэл сытярэл амэн тэ на авас жадни и тэ на надеисавас пэ удача (Исаия 65:11; Луки 12:15). Кай о Дэл тэ ашунэл амарэ молитвы, амэ трэбуй драго тэ росполас, кай кода, со амэ мангас, на розжалпэ кодэлэса, со во ԥэнэн амэнди через и Библия.

«Если варико отԥэндёл тэ ритярэл о законо, то дажэ лэстири молитва гряца лэ Дэвлэсти» (Притчи 28:9).

Андэ дэлмутни время о Дэл на дэлас атветоря пэ молитвы кодэлэнди, ко на ритярэлас лэско законо (Исаия 1:15, 16). И о Дэл на паруделя (Малахия 3:6). Кай о Дэл тэ ашунэл амэн, амэнди трэбуй тэ ритярас лэско законо. Но со, если варикала амэ вэрыто пэс андярасас? Сыкавэл ли када, кай о Дэл никала на лэла тэ ашунэл амарэ молитвы? Канешно, най! О Дэл чаче простия амэн, если амэ каисавас андэ кода, со стердям, и анда вся зор старысавас тэ радуем лэс (Деяния 3:19).

«Кодэва, ко пашол каринг о Дэл, трэбуй тэ патял, кай во исин и кай во дэл бут лашимос кодэлэнди, ко фартэ родэл лэс» (Евреям 11:6).

И молитва трэбуй най кати важ кода, кай амэнди тэ ашэл драго по ди. Кала амэ мангаспэ, амэ сыкавас лэ Дэвлэсти, кай допатяс лэсти. Инке и молитва сыкавэл, кай амэ любисарас лэ Дэвлэс и стас патив пэр лэстэ. Андэ Библия ԥэнэнпэ, кай если амэ пала варисо мангаспэ, но на допатяс, тоди о Дэл нисо амэнди на дэла (Иакова 1:6, 7). И вера андо Дэл на лэлпэ корко пэстар. Амэ трэбуй тэ сытювас па Библия, ай важ када трэбуй время и зор. Если амэ май драго уӷанаса лэ Дэвлэс и кода, со во загиндосардя, тоди амэ ласа тэ патяс, кай во ашунэл амарэ молитвы.