Любисар инке май фартэ лэ Иеговас и лэ ԥралэн и лэ ԥэян андэ собрания

1. Ко важ амэндэ о Иегова?

ЛЭ ИЕГОВАСТЭ фартэ баро ери. Када о Иисусо, во пэрво анда вся тварения, и фартэ бут анӷелоря (Кол. 1:15; Пс. 103:20). Кадяжэ и мануша, савэ на парашэн лэс тэ кандэн, моӷут тэ ԥэнэн по Иегова Дад. Пала када ԥэндясас о Иисусо пэстирэ учениконэнди: «Мэ жав каринг мэрно Дад и тумаро Дад» (Иоан. 20:17). Важ када, кала амэ болдювас, амэ ашас сар ек ери, андэ саво всаворэ любин ек еқэс (Мар. 10:29, 30).

2. Со амэ уӷанаса андэ кадэя статья?

² Дэсавэнди ԥарэс тэ патян, кай о Иегова лэн любий и кай во важ лэндэ, сар Дад. Ай варикасти ԥарэс тэ сыкавэл пэ дила пэстири любовь каринг и ԥрала и ԥэя андэ собрания. Андэ кадэя статья амэ уӷанаса, сар о Иисусо поможыя амэнди тэ полас лэ Иеговас сар Дадэс. Инке уӷанаса, сар амэ можэм тэ сытювас лэ Иеговастар тэ андярас пэс лэ ԥралэнца и лэ ԥэянца кадя жэ, сар и во.

О ИЕГОВА КАМЭЛ, КАЙ АМЭ ТЭ АВАС ИНКЕ МАЙ ПАШЭ КАРИНГ ЛЭСТЭ

3. Сар и ашунгли молитва поможый, кай амэ тэ авас май пашэ каринг о Иегова?

³ О Иегова най сар начальнико, саво камэл, кай всаворэ би алавэско лэс тэ кандэн. Во любящё Дад, саво андэ любо маменто виашунэна амэн и поможыя. О Иисусо камэл, кай о Иегова и важ амэндэ кадяжэ тэ авэл, сар Дад, сар и важ лэстэ. И най евья андэ пэрви алава андэ пэстири ашунгли молитва во ԥэндя: «Амаро Дад» (Матф. 6:9). Андэ Свынто Писания по Иегова ԥэнэн и «Всемоӷущё», и «Создателё», и «Царё пэ вечность» (Быт. 49:25; Ис. 45:18; 1 Тим. 1:17). О Иисусо моӷ тэ ԥэнэн, кай амэ кадя пэр лэстэ тэ ԥэнас, но во ԥэндя, кай амэ тэ ԥэнас пэр лэстэ «Дадэ».

4. Камэл о Иегова тэ авэл май пашэ каринг амэндэ? Росԥэнэн.

⁴ Ай тути вушэро тэ прилэс лэ Иеговас, сар Дадэс? Дэсавэнди када найвушэро. Можэт, варико бареля андэ кацаво ери, кай дажэ на ӷанэн, со када «любящё дад». Сар драго, кай о Иегова полэл, со амэндэ по ди и васо када кадя! Во камэл, кай амэндэ тэ авэл лэса лащи дружба. Важ када андэ Библия исин кацавэ алава: «Авэн май пашэ каринг о Дэл, и во пашола каринг тумэндэ» (Иак. 4:8). О Иегова любий амэн и камэл тэ авэл важ амэндэ само лашо Дад.

5. Сар о Иисусо поможый амэнди тэ авас май пашэ каринг о Иегова, сар ԥэнэнпэ андэ Луки 10:22?

⁵ О Иисусо поможый амэнди, кай амэ тэ авэс май пашэ каринг о Иегова. Во кадя драго ӷанэн лэ Иеговас и кадя фартэ шолпэ пэр лэстэ, кай ԥэндя: «Ко диқля ман, диқля и мэрнэ Дадэс» (Иоан. 14:9). О Иисусо, сар барэдэр ԥрал, сытярэл амэн тэ кандас и тэ стас патив пэ амаро небесно Дад. Инке во сытярэл амэн, со трэбуй тэ терас, ай со най, кай о Иегова тэ лошавэл. Ай кала о Иисусо сас пэ ԥув, во сыкадя, саво о Иегова добро и любящё. (Адиносар Луки 10:22.) Уӷанам пала када май драго.

6. Катар амэ ӷанас, кай о Иегова ашунэнас лэ Иисусостирэ молитвы? Росԥэнэн о примеро.

⁶ О Иегова виашунэн пэстирэ бэятонэн. Кадя сас и лэстирэ Шавэса. Кала о Иисусо сас пэ ԥув, во вся и время мангэласпэ лэ Иеговасти, ай о Иегова драго ашунэнас (Луки 5:16). О Иегова ашунэнас пэстирэ Шавэс, кала во мангэласпэ, кай тэ витидэл 12 апостолонэн (Луки 6:12, 13). Кадяжэ о Иегова ашунэнас лэ Иисусостири молитва, кала во андо ԥаро маменто андэ пэстири жызня росԥэнэнас пала пэстирэ пэрэжывании. И рят англа пэстири смэрть, кала лэс придинэ, о Иисусо всаворэ одеса мангэласпэ пэстирэ Дадэсти, кай во тэ дэл лэсти зор тэ виритярэл о ԥаримос, саво лэстэ авэла англэ. О Иегова най кати виашундя лэ Иисусостири молитва, но и бишалдя лэ анӷелос, кай тэ подритярэл лэс (Луки 22:41—44).

7. Со тутэ по ди, кала ту ӷанэс, кай о Иегова ашунэн тирэ молитвы?

⁷ Кадяжэ и адес о Иегова ашунэн, кала лэстирэ служытеля мангэнпэ лэсти. Во дэл май лашо атвето, чем амэ лэстар када манглям и дэл атвето андэ кодэя время, кала када трэбуй (Пс. 116:1, 2). Ек ԥэй анда Индия пала вся фартэ пэрэжывала и лати сас най спокойно по ди. Вой всаворэ одеса мангэлас лэ Иеговас тэ поможый лати. Вой диқля о Бродкастинго пала маё 2019 бэрш. Котэ ԥэнэнаспэ, сар тэ улас пэстар и пэрэжывании. И ԥэй ԥэнэн, кай во сас, сар важ латэ, и када сас атвето пэ латирэ молитвы.

8. Сар о Иегова сыкавэлас, кай любий лэ Иисусос?

⁸ О Иегова амэн кадяжэ любий, сар любияс лэ Иисусос, кала во инке сас пэ ԥув (Иоан. 5:20). О Иегова заботияспэ, кай лэ Иисусостэ тэ авэл вся, кай лэстири дружба лэса тэ авэл лащи, кай лэсти тэ авэл драго по ди и кай лэстэ тэ авэл вся, со трэбуй важ и жызня. Инке во хвалияс лэ Иисусос и ԥэнэнас, кай любий лэс (Матф. 3:16, 17). О Иисусо полэлас, кай лэско небесно Дад андэ любо маменто лэсти поможыя, и важ када о Иисусо никала на гиндояс, кай во екжэно (Иоан. 8:16).

9. Васо ту патяс, кай о Иегова тут любий?

⁹ Сар и о Иисусо, кажно андар мэндэ ӷанэн, кай о Иегова любий лэс. Кати погиндосар, скати о Иегова терэл важ тутэ. Во приля тут андэ пэско ери, андэ саво исин бут ԥрала и ԥэя, савэ подритярэн, кала тути ԥарэс и савэ паша тутэ, кала ту лошавэс (Иоан. 6:44). И кай ту тэ на парашэс тэ патяс андо Иегова, во через пэстири арӷанизацыя бут со дэл, кай амари дружба лэса тэ авэл май лащи. И во дажэ кажно дес заботийпэ, кай амэндэ тэ авэл вся, со трэбуй важ и жызня (Матф. 6:31, 32). Со май бут ту лэса тэ гиндос, кай о Иегова тут любий, со май фартэ и ту лэса лэс тэ любис.

АНДЯР ПЭС ЛЭ ԤРАЛЭНЦА И ЛЭ ԤЭЯНЦА КАДЯ ЖЭ, САР О ИЕГОВА

10. Сости амэ сытювас андэ кода, сар о Иегова андярэл пэс лэ ԥралэнца и лэ ԥэянца?

¹⁰ О Иегова любий лэ ԥралэн и лэ ԥэян андэ собрания. Ай амэнди тэ сыкавас пэстири любовь дэкала найвушэро. Важ кода кай амэн барярдэ по разному и амэндэ разно культура. Инке амэ всаворэ терас варисо най кадя, и кадэлэса амэ можэм или тэ холярас ек еқэс, или тэ терас ԥарэс по ди. Но всаек амэ можэм тэ пристас зор, кай андэ собрания тэ авэл мирно и драго. Важ када амэнди трэбуй тэ сытювас лэ Иеговастар тэ диқас пэ ԥрала и пэ ԥэя кадя, сар во (Эф. 5:1, 2; 1 Иоан. 4:19). Погиндосарам, сар во када терэл, и андэр со амэ можэм лэстар тэ сытювас.

11. Сар о Иисусо терэлас, сар о Иегова, кала жалуияс лэ манушэн?

¹¹ О Иегова всаворэ одеса жалуий аврэн (Луки 1:78). Кала о мануш, саво жалуий аврэн диқэл, кай варикасти ԥарэс, во на прожала мимо, ай поможыя и подритярэла. Кадяжэ терэл и о Иегова, ай о Иисусо фартэ шолпэ пэр лэстэ (Иоан. 5:19). Кала о Иисусо диқэлас пэ мануша, лэстэ дуқалас оди пала лэндэ и лэсти сас жалко лэн. Важ кода кай вонэ сас «вицыенэ и росшутэ, сар и бакрорэ би лэ пастухоско» (Матф. 9:36). Но о Иисусо най кати полэлас, сар дэ ԥарэс лэ манушэнди, но и исцэлияс лэн и старыияспэ тэ поможый кодэлэнди, ко сас вицыено ԥаря бутятар (Матф. 11:28—30; 14:14).

12. Сар амэ можэм тэ сыкавас, кай жалуисарас лэ ԥралэн и лэ ԥэян?

¹² Кай тэ полас и тэ жалуисарас лэ ԥралэн и лэ ԥэян, амэ трэбуй тэ полас, саво ԥаримос лэндэ исин. Например, кай ек ԥэй найлашо зор, но вой, можэт, на ԥэнэн пала када. Но если амэ ԥэнаса, кай камас тэ поможысарас лати, вой, можэт, на отԥэндёла. Можэт, лати трэбуй тэ дэн помощь андэ кода, кай тэ гитон тэ хан или тэ поприлэн па цэр. Или, можэт, варисаво ԥрал хасардя и бути. Тоди амэ можэм лэсти тэ подарисарас ловэ, и дажэ, кай во, можэт, тэ на ӷанэн кастар. Пэ кадэла ловэ во пока можэт тэ жувэл, пока на виарақэл пэсти бути.

13, 14. Сар амэ можэм тэ сытювас лэ Иеговастар тэ авас щедри?

¹³ О Иегова щедро Дэл (Матф. 5:45). На трэбуй тэ аштярас, пока и ԥрала и ԥэя амэндар мангэна помощь. Амэ, сар и о Иегова, ласа пэрви тэ поможысарас. Кати погиндосар, кай лэ манушэнди на трэбуй тэ мангэн лэ Иеговас, кай тэ вижал о қам. Во подритярэл кажнонэ манушэстири жызня и дажэ кодэлэнди, ко на блаӷодарий лэс пала када. Чаче, дицол, кай о Иегова амэн любий. Амэ фартэ любисарас лэс, кай во кацаво добро и щедро.

¹⁴ Кадяжэ, сар и амаро небесно Дад, бут ԥрала и ԥэя на аштярэн, пока лэн мангэна тэ поможын. Например, андо 2013 бэрш пэ Филиппины дя баро ураӷано, пэ саво ԥэнэн «Хайян». Тоди бут ԥрала и ԥэя хасардэ пэстирэ цэра и вся, со лэндэ сас. Но авэр ԥрала и ԥэя па вся и люма сразу авелэ, кай тэ поможын лэнди лэ ловэнца и тэ ваздэн и цэра. И варикай май набут, чем важ бэршэстэ и добровольцоря стердэ ремонто и вазглэ почти 750 цэра! Инке лэ Иеговастирэ служытеля фартэ поможынас ек еқэсти, сар заляпэ кадэва баро вирусо. Када сыкавэл, кай если варико анда ԥрала или ԥэя попэрэла андэ бида, тоди амэ лэнди сразу поможысараса. Кадя амэ сыкавас, кай любисарас лэн.

15, 16. Андэр со амэ сытювас амарэ небеснонэ Дадэстар, сар ԥэнэнпэ андэ Луки 6:36?

¹⁵ О Иегова простий, полэл и жалуий. (Адиносар Луки 6:36.) Амэ када диқас кажно дес (Пс. 103:10—14). О Иисусо тожэ полэлас и жалуияс пэстирэ учениконэн, хоть вонэ терэнас бут со най кадя. Во дажэ отдя пэстири жызня, кай лэ манушэндирэ ӷрехоря тэ простинпэ (1 Иоан. 2:1, 2). Сар жэ драго, кай амэндэ можэт тэ авэл лащи дружба лэ Иеговаса и лэ Иисусоса!

¹⁶ Кай андэ лэ Иеговаско ери всаворэ тэ ладин, амэнди трэбуй анда вся оди тэ простисарас ек еқэс (Эф. 4:32). Но дэкала када найвушэро, и кай тэ простис варикас, трэбуй тэ пристос зор. Еқа ԥьяти андэ када поможысардя и статья анда «Сторожэво башня», сави называлась «Анда вся оди простин ек еқэс»b. И гиндоря анда кодэя статья поможысардэ лати тэ полэл, пэ скати дэ важно тэ простий аврэн и саво лашимос када анэн. Инке андэ кодэя статья ԥэнэнаспэ, кай кала амэ камас тэ простисарас варикас, када на сыкавэл, кай кодэва мануш пэс правильно андярдя или кабута нинай нисо, кай во кадя стердя. Кала простис, када улэс и холи анда пэско ди, и кадэлэстар тути ашэл май спокойно. Если амэ простисарас лэ ԥралэн и лэ ԥэян и на ритярас пэр лэндэ холи, тоди амэ сыкавас, кай любисарас лэн и сытювас андэ када амарэ небеснонэ Дадэстар лэ Иеговастар.

ЦЭНИСАР, КАЙ ТУ АНДЭ ЛЭ ИЕГОВАСКО ЕРИ

17. Сар амэ можэм тэ прославляем амарэ небеснонэ Дадэс, сар ԥэнэнпэ андэ Матфея 5:16?

¹⁷ Важ амэндэ бари бах тэ авас андэ лэ Иеговаско ери и тэ служысарас лэсти вмести лэ ԥралэнца и лэ ԥэянца! Амэ камас, кай со май бут мануша тожэ тэ лошавэн амэнца. Важ када амэнди трэбуй тэ диқас пала пэстэ и тэ андярас пэс кадя, кай пала амаро небесно Дад и пала лэско народо тэ на дэн дума найдраго, и дажэ гиндо кацаво лэндэ тэ на авэл. Амэ трэбуй тэ андярас пэс кадя, кай и мануша тэ закамэн тэ служын лэ Иеговасти. (Адиносар Матфея 5:16.)

18. Со поможыя амэнди тэ авас май смили андэ служэния?

¹⁸ Дэкала и мануша асанпэ амэндар, кай амэ кандас лэ Иеговас, и дажэ моӷут тэ на дэн амэнди спокойно тэ служысарас лэсти. Важ када амэнди тэ росԥэнас пала Дэл найвушэро. Но со поможыя амэнди тэ авас май смили андэ служэния? Амэ всегда можэм тэ патяс, кай о Иегова и о Иисусо амэнди поможына. О Иисусо ԥэндясас пала када пэстирэ учениконэнди: «Нэ пэрэжывайте, со и сар тэ дэн дума, важ кода кай андэ кодэя время, через о свынто духо тумэ ӷанэна, со тэ ԥэнэн. Важ кода кай тумэ най екжэнэ лэна тэ дэн дума. Тумэнди андэ када поможыя лэ Дэвлэско свынто духо» (Матф. 10:19, 20).

19. Сар лэ Иеговаско свынто духо поможый амэнди смило тэ росԥэнас пала лэстэ? Росԥэнэн о примеро.

¹⁹ Ай акэ со сас лэ ԥралэса анда Южно-Африканско Республика, савэс ақарэн Роберто. Во кати ля тэ изучает и Библия и инке бут со на уӷангля. И через кода, кай во на камля тэ жал андэ халавдэ, лэс линэ тэ сындон. Но во смило ԥэндя, кай на лэла андэ вас и марди, важ кода кай любий лэ ԥралэн и лэ ԥэян анда собрания. Када сыкавэлас, кай во фартэ цэнияс, кай во андэ лэ Иеговаско ери! Тоди о сындомари пушля лэстар: «Ай ко тирэ ԥрала и ԥэя?» О Роберто совсем на аштярэлас, кай во када лэстар пушэла, но лэсти сразу дя по гиндо о стихо, саво сас по дес: «Ко кандэл мэрнэ Дадэс, саво по нэбо, кодэва манди и ԥрал, и ԥэй, и дэй» (Матф. 12:50). Хоть о Роберто найдолӷо изучал и Библия, но лэ Иеговаско свынто духо поможысардя лэсти, со тэ ԥэнэн. О Иегова абурой андо Роберто! Кадяжэ о Иегова абурой и амэнца, кала амэ мангас лэс, кай во тэ дэл амэнди смилость, кала найвушэро тэ росԥэнас пала лэстэ аврэнди.

20. Со амэнди трэбуй тэ терас? (Иоанна 17:11, 15).

²⁰ Тэ авас андэ лэ Иеговаско любящё ери, када со май куч! Амэндэ со май лашо Дад и амэндэ фартэ бут ԥрала и ԥэя, савэ амэн на ашавэн. И на трэбуй када тэ прилас, ԥэнэса, кадя и трэбуй. О Сатана и кодэла, ко пэ лэстири риг, терэн вся, кай амэ тэ на патяс, кай о Иегова амэн любий и камэл, кай амэ тэ на ладисарас ек еқэса. О Иисусо када полэлас и важ када мангэлас, кай о Иегова тэ фэрий амэн, кай амаро ери андэ собрания тэ авэл ек пала ек. (Адиносар Иоанна 17:11, 15.) О Иегова ашундя кадэя молитва. О Иисусо ӷанэн, кай лэско Дад всегда лэс любий и подритярэл. Давайте ласа тэ терас вся, кай и амэндэ тэ авэл кацави жэ дружба лэ Иеговаса и май драго тэ полас ек еқэс андэ собрания!