14 ӶЛАВА

Сар тэ полас лэ Дэвлэс, кай тэ уӷодисарас лэсти?

Изображэния

Анда кодэя ӷлава амэ уӷанглям, кай лэ Дэвлэсти на чалён всаворэ веры. Но амэ можэм тэ полас амарэ Создателёс кадя, кай тэ уӷодисарас лэсти (Иакова 1:27). Со важ када трэбуй? Уӷанам анда Библия.

1. Катар амэ можэм тэ уӷанас, сар тэ служысарас лэ Дэвлэсти?

Амэ трэбуй тэ тэлювас лэ Дэвлэсти кадя, сар пистромэ пала када андэ Библия. О Иисусо ԥэндя лэ Дэвлэсти: «Тиро алав исин чачимос» (Иоанна 17:17). О чачимос пала Дэл запистромэ андо лэско Алав андэ Библия. Но дэсавэ веры на прижанэн када. Вонэ парувэн кода, со пистромэ андэ Библия пэ кода, со вигиндосардэ и мануша. Лэ Иеговас холярэл, кала и мануша отшон лэстирэ законоря и терэн вся па пэстирэ законоря. (Адиносар Марка 7:9.) Но лэ Дэвлэсти анэн бари радость, кала амэ старысавас тэ терас кадя, сар пистромэ андэ Библия.

2. Сар трэбуй тэ полас лэ Дэвлэс?

О Иегова амаро Создателё и кати во ашэл, кай лэсти тэ тэлён (Откровение 4:11). Амэнди трэбуй тэ любисарас и тэ полас кати лэ Дэвлэс би лэ масхарянго. (Адиносар Исаия 42:8.)

Кода, сар амэ тэлювас лэ Иеговасти трэбуй, кай тэ авэл свынто и уӷодно лэсти (Римлянам 12:1). Амэ трэбуй тэ жувас па законо, саво стодя во. Кодэла, ко любин лэ Иеговас, на терэн нисаво билажавардимос. Кадяжэ вонэ на цырдэн, на прилэн наркотикоря и на пэн кадя, кай тэ матёнa.

3. Васо трэбуй тэ стидаспэ вмести пэ собрании?

Амарэ собрании прожан кажно курко. Котэ амэ прославляем лэ Иеговас (Псалом 111:1, 2). Например, кала дилабас диля важ о Дэл. (Адиносар Псалом 104:33.) Кала амэ тидаспэ вмести, амэ подритярас и дас зор ек еқэсти. О Иегова камэл, кай амэ тэ ԥирас пэ кацавэ собрании, важ кода кай любий амэн. Во ӷанэн, кай кацавэ собрании поможына амэнди тэ жувас вечно пэ бахтатэ андо раё пэ ԥув.

УӶАНАМ МАЙ БУТ

Андэ кадэя ӷлава амэ подаса дума, васо о Иегова камэл, кай амэ тэ полас лэс би лэ масхарянго. Кадяжэ уӷанаса, сар амэ можэм тэ прославляем лэ Дэвлэс.

4. Кай тэ полас лэ Дэвлэс на трэбуй тэ тэлювас лэ масхарянди

Катар амэ када ӷанас? Диқам о ВИДЕО и подам дума пала вопросо, саво май тэлэ.

ВИДЕО: «Чалёл лэ Дэвлэсти, кала лэс полэн через и масхаря?» (3:26)

Коллаж: 1. Израильтяноря тэлён ла сомнаконя статуяти паша плай Синай. 2. О мурш лэ чоткэнца мангэлпэ англа статуя дева Мария.

Со тердяпэ, кала и мануша линэ тэ тэлён лэ гуруворэсти, сар дэвлэсти?

Дэсавэ мануша тэлён лэ масхарянди, важ кода кай гиндон, кай кадя вонэ тэлён лэ Дэвлэсти. Но па чачимастэ када кати дурярэл лэ Дэвлэстар. Адиносарам Исход 20:4—6 и Псалом 106:35, 36 и подам дума пала вопросоря, савэ май тэлэ.

Касти тэлён бут мануша?
Сар пэ када диқэл о Иегова?
Сар ту гиндос, трэбуй и масхари, кай тэ полэс лэ Дэвлэс?

5. Если амэ полас кати лэ Иеговас, када фэрий амэн лэ хохаимастар

Уӷан, сар о чачимос пала Иегова, фэрий амэн кодэлэстар, сости сытярэн андэ хохавнэ веры. Диқам о ВИДЕО.

ВИДЕО: «Через о чачимос мэ ашэлэм свободно» (5:16)

Адиносарам Псалом 91:14 и подам дума пала вопросо, саво май тэлэ.

Со о Иегова стерэла важ амэндэ, если амэ любисарас лэс и служысарас кати лэсти?

6. Пэ собрании амэ тэлювас лэ Дэвлэсти

Пэ собрания амэ дас дума пала Иегова, подритярас ек еқэс кодэлэса, кай дас каминтарии и дилабас диля важ о Дэл. Адиносарам Псалом 22:22 и подам дума пала вопросоря, савэ май тэлэ.

Чалёл тути тэ ашунэс и каминтарии пэ собрания?
Камэс ту тэ атвечаеш пэ собрания?

Коллаж: И щеёры, сави изучает и Библия, уӷанэн, сар тэ тэлёл лэ Дэвлэсти. 1. Вой дилабэл пэ собрания. 2. Вой атвечает пэ собрания. 3. Вой сыкавэл видео ла жувляти и латиря бэятати.

7. Лэ Иеговасти чалёл, кала амэ росԥэнас кода, со уӷанас анда Библия

Амэ можэм бут сар тэ росԥэнас пала чачимос, саво пистромэ андэ Библия. Адиносарам Псалом 9:1 и 34:1 и подам дума пала вопросо, саво май тэлэ.

Со анда кода, со ту уӷанглян анда Библия, камэс тэ росԥэнэс?

ТУТИ ВАРИКО МОЖЭТ ТЭ ԤЭНЭН: «Лэ Дэвлэсти на уӷодиса».

Ай со ту гиндос?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай амаро Создателё камэл, кай амэ тэ полас кати лэс, тэ прославляем лэс пэ собрания и кай тэ росԥэнас кода, со уӷанас анда Библия.