30 ӶЛАВА

Кодэла, кас на ашэля, упалэ жувэна!

Изображэния

Кала мэрэл о мануш, када анэн бут ԥаримос и биды. Важ када андэ Библия пистромэ, кай и смэрть, када вороӷо (1 Коринфянам 15:26). Анда 27 ӷлава ту уӷанглян, кай о Иегова улэла кадэлэ вороӷос. Ай со авэла кодэлэнца, кас ужэ нинайлэ? Анда кадэя ӷлава ту уӷанэса, кай о Иегова дя алав тэ рий каринг и жызня милиардоря манушэн. Во воскресия лэн, кай вонэ тэ жувэн вечно. Можэт кацаво тэ авэл? И кай вонэ лэна тэ жувэн, упрэ по нэбо или пэ ԥув?

1. Со о Иегова стерэла важ и мануша, савэн на ашэля?

О Иегова фартэ камэл тэ рий кодэлэн, кас нинай. О мануш, савэс ақарэнас Иов и саво на парашэлас тэ кандэл лэ Дэвлэс, патялас, кай если во мэрэла, лэс о Дэл на бистрэла. Во ԥэндя лэ Дэвлэсти: «Ту ақарэса, и мэ взвисавава». (Адиносар Иов 14:13—15.)

2. Катар амэ ӷанас, кай о мануш можэт упалэ тэ жувэл?

Кала о Иисусо сас пэ ԥув, о Дэл дя лэсти кацаво зор, кай во тэ воскресий лэ манушэн. О Иисусо рисардя каринг и жызня ла бэята, савяти сас 12 бэрш, ай инке ла ԥивлятирэ бэятос (Марка 5:41, 42; Луки 7:12—15). Кадяжэ, сар муля лэ Иисусоско друӷо о Лазарё, посли кода, сар лэс гарадэ и прожылэ штар дес, о Иисусо всаек рисардя лэс каринг и жызня. О Иисусо мангляпэ лэ Дэвлэсти и ԥэндя: «Лазарё, вижа!» И о мануш, саво мулясас, вижыля (Иоанна 11:43, 44). Пэ скати дэ ради сас лэско ери и лэстирэ друӷоря.

3. Пэр со моӷут тэ надеинпэ кодэла, кастэ варико муля?

О Дэл дэл алав, «кай ринапэ каринг и жызня кодэла, ко муля» (Деяния 24:15). О Иисусо най еқвар рияс лэ манушэн каринг и жызня катэ пэ ԥув, и вонэ сас кадэлэсти фартэ лошалэ! Нико андар лэндэ на жыля по нэбо (Иоанна 3:13). Ӥто о Иисусо рия каринг и жызня андо раё пэ ԥув кодэлэн, ко нинайлэ. Во ԥэндя, кай кодэла, «ко мулинэ» и пала кастэ сэрэл о Дэл, лэна тэ жувэн. Упалэ жувэна дажэ кодэла, савэн ужэ дэлмут нинай (Иоанна 5:28, 29).

УӶАНАМ МАЙ БУТ

Андэ кадэя ӷлава амэ уӷанаса па Библия, васо можэм тэ патяс, кай о Иисусо воскресия лэ манушэн, и васо кадэлэстар можэт тэ авэл май вушэро по ди и када можэт тэ дэл зор.

О Иисусо рий каринг и жызня лэ Лазарёс, и всаворэ фартэ удивинпэ кадэлэсти.

4. О Иисусо доԥэндя, кай упалэ моӷут тэ жувэн кодэла, кас нинай

Уӷанам май бут пала кода, со о Иисусо стердя важ пэско друӷо Лазарё. Адиносарам Иоанна 11:14, 38—44 и подам дума пала вопросоря, савэ май тэлэ.

Катар амэ ӷанас, кай о Лазарё па чачимастэ мулясас? (Диқэн о стихо 39.)
Сар ту гиндос, рисардоп о Иисусо лэ Лазарёс каринг и жызня пэ ԥув, если во тэ жылоп по нэбо?

Диқам о ВИДЕО.

ВИДЕО: «О Иисусо рий каринг и жызня лэ Лазарёс» (1:16)

5. Фартэ бут мануша ринапэ каринг и жызня!

Адиносарам Псалом 37:29 и подам дума пала вопросо, саво май тэлэ.

Кай лэна тэ жувэн кодэла, ко ринапэ каринг и жызня?

О Иисусо воскресия най кати кодэлэн, ко ӷанэнас лэ Иеговас и служыяс лэсти. Адиносарам Деяния 24:15 и подам дума пала вопросо, саво май тэлэ.

Кас ту камлоп тэ диқэс анда кодэла, ко ринапэ каринг и жызня?

Погиндосар пала кода, кай важ о Иисусо тэ рий лэ манушэс каринг и жызня кадя жэ дэ вушэро, сар и о дад можэт тэ жунгавэл пэстирэ бэятос, саво совэл

6. Амэнди придэл зор и дэл надежда кода, кай и мануша ринапэ каринг и жызня

Кода, со запистромэ андэ Библия пала лэ Иаирости бэята, подритярдя и дя зор бутэ манушэнди, савэ хасардэ пэстирэ чачен. Проадиносарам кода, со сас па чачимастэ и запистромэ андэ Луки 8:40—42, 49—56.

Англа кода, сар тэ рий каринг и жызня лэ Иаиростиря бэята, о Иисусо ԥэндя: «На дар, кати патя». (Диқэн о стихо 50.) Кала амэ ӷанас, кай и мануша упалэ жувэна, када поможыя амэнди.

Сар када поможыя, кала амэ хасардям варикас анда чаче?
Сар када поможыя, кала амэ можэм тэ хасарас пэстири жызня?

Диқам о ВИДЕО и подам дума пала вопросо, саво май тэлэ.

ВИДЕО: «Сар кода, кай аштярас лэ манушэн тэ ринпэ каринг и жызня, дэл амэнди зор?» (3:21)

Коллаж: Картинки анда видео «Сар кода, кай аштярас лэ манушэн тэ ринпэ каринг и жызня, дэл амэнди зор?» 1. Пэ авэр дес посли кода, сар муля и Фелисити, пэ собрания, и ԥэй облэл ла Вераника. 2. И Вероника пэстиря бэятаса подритярэл ла манушня па Библия.

Сар кода, кай Фели́сити рияпэ каринг и жызня, придэл зор латирэ дадэсти и дати и поможый лэнди тэ жувэн?

ТУТИ ВАРИКО МОЖЭТ ТЭ ԤЭНЭН: «Фартэ ԥарэс тэ патяс кодэлэсти, кай и мануша лэна упалэ тэ жувэн».

Ай со ту гиндос пала када?
Саво стихо анда Библия ту сыкадоп, кай тэ доԥэнэс, кай авэла воскресения?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай андэ Библия пистромэ, кай ринапэ каринг и жызня фартэ бут мануша. О Иегова камэл, кай вонэ упалэ тэ жувэн, во дя лэ Иисусости зор када тэ стерэл.