Сар и лащи новость уӷанэн па вся и ԥув?

Через пэско Царство о Иегова улэла вся амаро ԥаримос. Када фартэ лащи новость и пала латэ трэбуй тэ уӷанэн всаворэ. О Иисус Христос камэлас, кай всаворэ лэстирэ ученикоря тэ росԥэнэн пала када кажнонэ манушэсти! (Матфея 28:19, 20). Сар лэ Иеговастирэ свидетеля терэн и дила, сави дя о Иисусо?

1. Сар адес стерэнпэ и алава анда Матфея 24:14?

О Иисусо ԥэндя: «Кадэя лащи новость пала Царство росԥэнэна па вся и ԥув» (Матфея 24:14). Амэ, лэ Иеговастирэ свидетеля, фартэ ради тэ терас кадэя дила. Амэ росԥэнас и лащи новость па вся и ԥув май бут чем пэ 1 000 шыба. Када фартэ бари дила, пэ сави трэбуй тэ пристос вся пэско зор и андэ кадэя дила трэбуй тэ жал вся па порядко. Када никала на авелоп би лэ Иеговаско.

2. Сар амэ росԥэнас о чачимос анда Библия?

Сар и христианоря андо пэрво вико, амэ жас тэ росԥэнас пала Дэл па цэра (Деяния 5:42). Кадя амэндэ вижал тэ росԥэнас радосно новость милиононэ манушэнди кажно бэрш. Амэ росԥэнас пала Дэл везде, кай исин мануша. И через кода, кай вонэ най всегда цэрэ, амэ росԥэнас котэ, кай тидэлпэ май бут миро. Амэ вся и время старысавас тэ росԥэнас аврэнди пала Иегова и пала лашимос, саво во загиндосардя.

3. Ко трэбуй тэ росԥэнэн о чачимос анда Библия?

Всаворэ чачунэ христианоря трэбуй аврэнди тэ росԥэнэн и лащи новость анда Библия. Важ амэндэ тэ терас кадэя дила фартэ важно. Амэ терас вся, со па амаро зор, важ кода кай кадэлэстар зависит лэ манушэнди жызня. (Адиносар 1 Тимофею 4:16.) Пала када амэ на лас ловэ, важ кода кай андэ Библия пистромэ: «Би ловэнго линэ, би ловэнго и тумэ дэн» (Матфея 10:7, 8). И дажэ кала и мануша амэн на ашунэн, амэ всаек на парашас тэ росԥэнас пала Дэл. Кадя амэ служысарас лэ Иеговасти и радосарас лэс.

УӶАНАМ МАЙ БУТ

4. Амэ терас вся, кай о чачимос анда Библия тэ ашунэл кажно мануш

ВИДЕО: «Росԥэнэн важ о Дэл „пэ авэр краё ԥув“» (7:33)

• Сар тути кода, кай лэ Иеговастирэ свидетеля пристон зор, кай тэ росԥэнэн пала Дэл?

Адиносарам Матфея 22:39 и Римлянам 10:13—15 и подам дума пала вопросоря, савэ май тэлэ.

• Сар через амари служэния амэ сыкавас, кай любисарас ек еқэс?

• Со кай о Иегова андо ди, кала во диқэл пэ кодэла, ко росԥэнэн и лащи новость анда Библия? (Диқэн о стихо Римлянам 10:15.)

5. Амэ терас лэ Дэвлэса ек дила

Бут со сыкавэл, кай пала дила, сави амэ терас, диқэл о Иегова. Например, андэ Новая Зеландия, о ԥрал, савэс ақарэн Пол, росԥэнэнас пала Дэл па цэра. Во додиқля жувля, сави тэсара мангэласпэ кай о Дэл, савэс ақарэн Иегова. Вой мангля, кай варико каринг латэ тэ авэл и через трин часоря во поджыля каринг лако цэр.

Адиносарам 1 Коринфянам 3:9 и подам дума пала вопросо, саво май тэлэ.

• Сар анда када дицол, кай ла диласа руководий о Иегова?

Адиносарам Деяния 1:8 и подам дума пала вопросо, саво май тэлэ.

• Васо би лэ Иеговаско амэндэ на вижала тэ стерас кадэя дила?

Ту ӷанглян?

Кажно курко амэ сытювас тэ росԥэнас пала Дэл пэ собрания, сави прожал машкар курко. Сар гиндос, анэн када лашимос?

6. Амэ терас кода, со ԥэндя амэнди о Дэл

Андо пэрво вико дэсавэ мануша терэнас вся, кай тэ тердярэн кадэя дила. Но сас христианоря, савэ домардёнас, кай тэ авэл можно па законо тэ росԥэнэн пала Дэл (Филиппийцам 1:7). Адес лэ Иеговастирэ свидетеля терэн кадяжэ.a

ВИДЕО: «Домардювас, кай па законо тэ росԥэнас пала Дэл» (2:28)

Адиносарам Деяния 5:27—42 и подам дума пала вопросо, саво май тэлэ.

• Васо амэ на парашаса тэ росԥэнас пала Дэл? (Диқэн о стихо 29, 38 и 39.)

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иисусо ԥэндя пэстирэ учениконэнди тэ росԥэнэн о чачимос анда Библия всаворэнди. Кадяжэ уӷанглям, кай о Иегова поможый амэнди тэ терас кадэя дила.

Сар ту гиндос?

• Сар и мануша росԥэнэн о чачимос анда Библия па вся и ԥув?

• Сар через амари служэния амэ сыкавас, кай любисарас лэ манушэн?

• Сар ту гиндос, анэн амэнди радость, кала амэ росԥэнас о чачимос анда Библия? Васо?

ДИК ИНКЕ

Уӷан, сар лэ Иеговастирэ свидетеля росԥэнэн пала Дэл андэ барэ фороря.

«Росԥэнэн пала Дэл андо Парижо котэ, кай бут мануша» (5:11)

Сар лэ Иеговастирэ свидетеля поможын кодэлэнди, ко бежэнцоря?

«Росԥэнас важ о Дэл лэ бежэнцонэнди» (5:59)

Дик, сар ек жувли, сави вся и жызня служыяс лэ Иеговасти, росԥэнэн пала пэстэ.

«Мэ бахтали, кай витидэм со май лашо дром» (6:29)

Уӷан, сар через кода, кай амэ вицэласас и сындоря, амэнди сас май вушэро тэ росԥэнас пала Дэл.

«Кодэла, ко росԥэнэн пала Царство, бандён каринг и сындоря» («Лэ Дэвлэско Царство правий!», ӷлава 13)