СТАТЬЯ КАЙ ТЭ СЫТЮВАС 34
Ту фартэ куч важ лэ Иеговастири собрания!
«Андэ тила исин бут части. Но хоть лэн и бут, када всаек ек тила, кадяжэ и лэ Христоса» (1 КОРИНФЯНАМ 12:12).
ДИЛИ 101 Служысарас, сар ек ери
ПАЛА СО УӶАНАСА АНДА СТАТЬЯ?a
1. Сави бах амэндэ исин?
САВИ дэ бари бах тэ авас андэ лэ Иеговастири собрания! Кала амэ служысарас еқэҭанэ лэ ԥралэнца и лэ ԥэянца, амэндэ по ди мирно и радосно. И када на сыстоса нисоса. Ай со о Иегова дя тути тэ терэс андэ собрания?
2. Пала со пистросардя о апостоло Павло андэ пэстирэ письморя?
2 Кай тэ полас када, трэбуй тэ погиндосарас, со пистросардя о апостоло Павло андэ пэстирэ письморя, андэ савэ во пистросардя лэ Дэвлэстирэ гиндоря. Андэ кажно пэско письмо, о Павло сыстосардя и собрания манушэстиря тиласа. Ай пэ христианоря во ԥэндя, кай вонэ, сар разни части андэ тила (Римлянам 12:4—8; 1 Коринфянам 12:12—27; Эфесянам 4:16).
3. Пала со амэ подаса дума андэ кадэя статья?
3 Всаворэ амэ куч андэ собрания, и найважно, сави амэндэ нацыя, скати ловэ, сар амэ барелям и сави амэндэ образования. Амэ всаворэ можэм тэ поможысарас андэ собрания. Андэ кадэя статья амэ подаса дума, сости амэ можэм тэ сытювас анда лэ Павлостирэ алава. Пэрво, со амэ уӷанаса, када, васо андэ собрания куч кажно андар мэндэ. Дуйто, пала со подаса дума, када, со трэбуй тэ терас, если амэнди ԥарэс тэ патяс, кай амэ куч андэ собрания. И трито, погиндосараса, васо трэбуй кажно тэ терэл и дила, сави лэсти дя о Иегова.
КАЖНО АНДАР МЭНДЭ КУЧ АНДЭ ЛЭ ИЕГОВАСТИРИ СОБРАНИЯ
4. Сости амэн сытярэн и алава анда Римлянам 12:4, 5?
4 Кода, пала со ԥэндя о Павло, поможый амэнди тэ полас, кай кажно андар мэндэ куч андэ лэ Иеговаско ери. О Павло залэл тэ пистрой о письмо кацавэ алавэнца: «Сар андэ ек тила исин бут части, и вонэ всаворэ терэн разно дила, кадя и амэ, хоть амэн и бут, амэ ек тила, важ кода кай амэ терас и гиндосарас, сар о Христос, и амэ кадяжэ трэбуй ек еқэсти, сар и разни части андэ тила» (Римлянам 12:4, 5). Со о Павло камля тэ ԥэнэн кадэлэ алавэнца? Кадэлэса о Павло камля тэ ԥэнэн, кай андэ собрания кажнонэстэ разно дила, но кажно андар мэндэ куч важ о Иегова.
Андэ собрания кажнонэстэ разно дила, но кажно андар мэндэ куч важ о Иегова (Диқэн и абзацоря 5—12.)e
5. Савэ «подаркоря» о Иегова дя андэ собрания?
5 Всаворэндэ амэндэ исин пэсти дила андэ лэ Иеговастири арӷанизацыя. Подам дума пала кодэла ԥрала, савэ диқэн пала собрания (1 Фессалоникийцам 5:12; Евреям 13:17). Через о Иисусо о Иегова дя андэ собрании «лэ манушэн, савэ сар подаркоря» (Эфесянам 4:8). Машкар лэндэ ԥрала анда Руководящё совето и лэндирэ помошникоря, ԥрала анда камитето филиала, раёни надзирателя, ԥрала, савэ сытярэн андэ библейски школы, старейшыноря и служэбни помошникоря. Всаворэ кадэлэ ԥралэн стодэ лэ свынтонэ духоса, кай вонэ тэ подритярэн и собрании и тэ заботинпэ пала лэ Иеговастирэ бакрорэ, савэ лэсти куч (1 Петра 5:2, 3).
6. Со, сар запистромэ андэ 1 Фессалоникийцам 2:6—8, камэн тэ терэн ԥрала, савэн стодэ лэ свынтонэ духоса?
6 Лэ ԥралэн стодэ лэ свынтонэ духоса, кай вонэ тэ терэн разно дила андэ собрания. Кадяжэ, сар и разни части андэ тила, и вас чи и пэрнэ, трэбуй важ всавори тила, кадя жэ и ԥрала, савэн стодэ лэ свынтонэ духоса, стон бут зор, кай тэ терэн лашимос всаворэнди андэ собрания. Вонэ када терэн най важ кода, кай лэн тэ похвалин, ай важ кода, кай тэ подритярэн лэ ԥралэн и лэ ԥэян. (Адиносар 1 Фессалоникийцам 2:6—8b.) Амэ блаӷодарни лэ Иеговасти пала кацавэ служытеля, савэндэ лащи дружба лэса и савэ бут пэр со жан важ и служэния.
7. Саво лашимос исин бутэ служытелёнэндэ, савэ служын полновременно?
7 Пэ вся и люма исин ԥрала и ԥэя, савэ служын мисианеронэнца, ай кадяжэ сар спецыальни и общи пианероря. Важ лэндэ и полновременно служэния ашэля само ӷлавно андэ лэндири жызня. Блаӷодаря кадэлэсти вонэ поможысардэ бутэ манушэнди тэ ашэн лэ Иисусостирэ учениконэнца. Хоть вонэ найбарвалэ, андэ лэндири жызня бут лашимос лэ Иеговастар (Марка 10:29, 30). Амэнди куч кадэла ԥрала и ԥэя, и амэ цэнисарас и дила, сави вонэ терэн.
8. Васо важ о Иегова куч кажно мануш, саво росԥэнэн и лащи весть?
8 Сыкавэл када, кай андэ собрания куч кати кодэла ԥрала, савэнди динэ тэ терэн варисави дила андэ собрания или кати и полновременни служытеля? Канешно най! Важ о Дэл и андэ собрания куч кажно мануш, саво росԥэнэн и лащи весть (Римлянам 10:15; 1 Коринфянам 3:6—9). Када кадя, важ кода кай ек анда ӷлавно дила, сави трэбуй тэ терэн андэ собрания, када тэ сытярэн лэ манушэн, кай тэ ашэн лэ Иисусостирэ ученикоря (Матфея 28:19, 20; 1 Тимофею 2:4). Всаворэ вазвещятеля андэ собрания, болделэ вонэ чи най, старыинпэ, кай андэ лэндири жызня када тэ авэл ӷлавно (Матфея 24:14).
9. Васо амэнди куч и ԥэя андэ собрания?
9 Кадяжэ андэ лэ Иеговастири собрания куч и христианки. Дэко андар лэндэ хулаи, дэко ԥивли, ай дэко наймиростэ. О Иегова цэний, кай вонэ на парашэн лэсти тэ служын. Андэ Библия бут пистромэ пала жувля, савэ на парашэнас тэ кандэн лэ Дэвлэс. Лэ Иеговасти чалёлас, сар вонэ пэс андярэнас, важ кода кай вонэ сас мудри, патянас андо Дэл, служынас анда вся оди и фартэ камэнас тэ поможын аврэнди, сас смили и терэнас бут лащи дила (Луки 8:2, 3; Деяния 16:14, 15; Римлянам 16:3, 6; Филиппийцам 4:3; Евреям 11:11, 31, 35). Сар жэ амэ блаӷодарни лэ Иеговасти, кай андэ амарэ собрании исин кацавэ ԥэя, савэндэ кацавэ лашэ качестворя!
10. Васо амэнди куч ԥрала и ԥэя, савэ андэ бэршэндэ?
10 Амэ кадяжэ лошалэ, кай андэ собрания исин бут ԥрала и ԥэя, савэ андэ бэршэндэ. Дэсавэ андар лэндэ на парашэн тэ служын лэ Иеговасти вся пэстири жызня. Авэр уӷанглэ чачимос пала Дэл най фартэ дэлмут. Сар бы тэ на авэл, бут кастэ андар лэндэ найдраго лэ зорэса. Важ када вонэ нэ моӷут тэ терэн андэ служэния и андэ собрания скати вонэ камэн. И всаек, амарэ ԥрала и ԥэя, савэ андэ бэршэндэ, стон бут зор, кай тэ росԥэнэн пала Дэл, ай кадяжэ тэ подритярэн и тэ сытярэн аврэн! Кода, со вонэ терэн, сытярэл и амэн бут сости. Вонэ па чачимастэ куч и важ о Иегова и важ амэндэ (Притчи 16:31).
11, 12. Сар тумэн подритярэл кода, сар пэс андярэн и тэрнэ ԥрала и ԥэя анда собрания?
11 Погиндон кадяжэ пала тэрнэ ԥрала и ԥэя. Лэндэ бут ԥаримос, пока вонэ барён андэ люма, савяса правий о Сатана и андэ сави бут найлашимос, саво жал лэстар (1 Иоанна 5:19). Но всаек вонэ дэн каминтарии пэ собрании, росԥэнэн важ о Дэл и би дарако зашонпэ пала кода, андэр со патян. Кадэлэса вонэ амэн фартэ радуин. Да, тумэ тэрнэ ԥрала и ԥэя, фартэ куч андэ лэ Иеговастири собрания! (Псалом 8:2).
12 И всаек, дэсавэнди ԥралэнди и ԥэянди ԥарэс тэ патян, кай вонэ куч андэ собрания. Со поможыя тэ полас, кай кажно андар мэндэ куч андэ лэ Иеговастири собрания? Подам дума пала када.
ТУ ФАРТЭ КУЧ АНДЭ СОБРАНИЯ
13, 14. Васо дэкасти здэлпэ, кай вонэ найкуч андэ собрания?
13 Сости амэн инке моӷут тэ сытярэн лэ Павлостирэ алава? Во шутя сама пэ проблема, сави исин и адес. Бутэ христианонэнди ԥарэс тэ патян, кай вонэ куч андэ собрания. О Павло пистросардя: «Дажэ если о пэрно ԥэнэна: „Важ кода кай мэ най вас, тоди мэ най ла тилатири часть“, во всаек на парашэл тэ авэл ла тилатири часть. И если о кан ԥэнэна: „Важ кода, кай мэ най як, тоди мэ най ла тилатири часть“, во всаек на парашэл тэ авэл ла тилатири часть» (1 Коринфянам 12:15, 16). Со сыкавэн кадэла алава?
14 Если ту лэса тэ сыстос пэс аврэ ԥралэнца и ԥэянца, ту можэш тэ лэс тэ гиндос, кай ту най кадя дэ куч андэ собрания, сар авэр. Можэт ту диқэс, кай андэ собрания ек драго сытярэл, авэр драго вся арӷанизует, ай варико драго диқэл пала собрания. И ту гиндос, кай тути каринг лэндэ фартэ дур. Если тутэ кацавэ гиндоря, када сыкавэл, кай ту на гиндос пала пэстэ бут (Филиппийцам 2:3). Но на бистэр, если ту вся и время лэса тэ сыстос пэс аврэнца, кодэлэнца, кастэ варисо драго вижал тэ терэн, кадэлэстар тутэ можэт тэ авэл ԥарэс по ди. Со поможыя тути?
15. Сар запистромэ андэ 1 Коринфянам 12:4—11, сар амэнди трэбуй тэ диқас пэ кода, со амэндэ драго вижал тэ терас?
15 Погиндон акэ пала со. Андэ пэрво вико о Иегова дя дэкасти через о свынто духо тэ терэн чудеса, но най всаворэнди еқэндар. (Адиносар 1 Коринфянам 12:4—11c.) Хоть о Иегова дя кажнонэсти тэ терэн разно дила, важ лэстэ сас куч кажно андар лэндэ. Адес амэнди о Дэл на дя тэ терас чудеса. Амэ всаворэ разни, и кажнонэстэ исин кода, со лэстэ драго вижал тэ терэл, но всаек амэ всаворэ куч важ о Иегова.
16. Саво совето трэбуй тэ прилас лэ Павлостар?
16 Амэнди трэбуй тэ на сыстосарас пэс аврэнца ԥралэнца и ԥэянца, ай трэбуй тэ прилас лэ Павлоско совето, саво запистромэ андэ Библия: «Но мэк кажно сыкавэла пэстири дила, и тоди лэстэ авэла, васо тэ лошавэл, сар диқэл кати пэр пэстэ и тэ на сыстой пэс аврэнца» (Галатам 6:4).
17. Сар амэнди поможыя лэ Павлоско совето?
17 Если амэ терас кадя, сар ԥэндя о Павло, и на сыстосарас пэс аврэнца, тоди амэ сможэм тэ полас, кай амэндэ исин кода, со амэндэ драго вижал тэ терас. Например, кала ек старейшына сытярэл па сцэна, лэстирэ алава можэт най кадя тэ лэн лэ одестар. Но лэстэ драго вижал тэ сытярэл аврэн манушэн па Библия. Ай можэт лэстэ най кацаво порядко андэ дила, сар кай и авэр старейшыноря. Но всаворэ ӷанэн, кай во старейшына, саво полэл аврэн и каринг лэстэ вушэро тэ пашос, кай тэ дэл библейско совето. Чи можэт во радо тэ прилэл пэстэ цэрэ лэ мирос (Евреям 13:2, 16). Если амэ полас, кай амэндэ исин кода, со амэндэ драго вижал тэ терас, тоди амэнди авэла май вушэро тэ додиқас, кай и амэ можэм тэ терас бут лашимос андэ собрания. Тоди амэндэ на авэла зависть каринг амарэ ԥрала и ԥэя, кастэ май драго вижал варисо тэ терэн.
18. Сар амэ можэм май драго тэ сытярас лэ манушэн па Библия?
18 Кажнонэсти трэбуй тэ сытёл май драго тэ служый и тэ сытярэл аврэн па Библия. Кай тэ поможый амэнди, о Иегова позаботисайля, кай амэн драго тэ сытярэн через лэсти арӷанизацыя. Например, пэ собрания, сави прожал по курко, амэн сытярэн, сар май драго тэ росԥэнас пала Дэл. Старыинпэ тумэ тэ терэн андэ служэния кадя, сар тумэ уӷанэн пэ кадэя собрания?
19. Со поможыя тути тэ сытёс андэ Школа блаӷовесников Царства?
19 Инке, кай амэ можэм тэ сытювас май драго тэ сытярас лэ манушэн па Библия, када андэ Школа блаӷовесников Царства. Тэ сытён андэр латэ моӷут ԥрала и ԥэя, савэнди исин 23 и май бут бэрш, но нинай 65, и савэ служын полновременно. Можэт ту гиндос, кай ту кордэ никала на попэрэса. Вместо кода, кай тэ гиндос, со тути на дэл тэ попэрэс андэ кадэя школа, фэдэр гиндосар, васо ту камэс кордэ тэ попэрэс. Ай потом погиндосар, со тэ стерэс, кай тэ сытёс котэ. Если ту стоса зор, о Иегова поможыя тути тэ стерэс кода, со тути здэлпэ най па тиро зор.
ТЕРЭН КАДЯ, КАЙ КОДА, СО ТУМЭНДЭ ДРАГО ВИЖАЛ ТЭ ТЕРЭН, ТЭ АНЭН ЛАШИМОС АНДЭ СОБРАНИЯ
20. Сости амэн сытярэн и алава, савэ запистромэ андэ Римлянам 12:6—8?
20 И алава, савэ ԥэндя о Павло, сытярэн амэн инке варисости. Погиндосарам пала лэстирэ алава, савэ запистромэ андэ Римлянам 12:6—8d (адиносар). Катэ о Павло шол сама, кай всаворэндэ андэ собрания разни дароря. Но ӷлавно, пэр со во шол сама, кай амэнди трэбуй тэ терас кадя, кай кода, со амэндэ драго вижал тэ терас, тэ анэн лашимос андэ собрания.
21, 22. Сости амэ можэм тэ сытювас кай о ԥрал Роберто и кай о ԥрал Феличе?
21 Акэ со сас еқэ ԥралэса, савэс ақарэн Роберто. Во служыяс андэ авэр страна, но потом лэс манглэ тэ рийпэ андэ страна, кай во арақаделяпэ, кай тэ служый котэ андо вефилё. И ԥрала анда оди ԥэнэнас лэ Робертости, кай и нэви дила лэсти динэ най важ кода, кай во стердя варисо най кадя. Но екжэно во гиндояс па аврятэ. О Роберто росԥэнэн: «Мэ екжэно фартэ пэс дошаляравас и гиндосаравас, кай мэ нэ смоӷ тэ стерав кодэя дила, сави манди динэ. Кацаво мандэ сас по ди бут шона. Дэкала мэ дажэ камавас тэ ашавав вефильско служэния». Со поможысардя лэсти упалэ тэ авэл радосно? Ек старейшына ԥэндя лэсти, кай кодэя дила, сави амэнди дясас о Иегова, сытярэлас амэн май драго тэ терас и дила, сави амэндэ исин акана. О Роберто поля, кай лэсти трэбуй тэ парашэл тэ сгиндой пала кода, со сас и май бут тэ гиндой пала кода, со во можэт тэ стерэл адес.
22 Варисо кацаво сас лэ ԥралэса, савэс ақарэн Феличе Эпископо. Андо 1956 бэрш во пэстиря хулаяса закончил тэ сытёл андэ Школа Галаад и ля тэ служый, сар раёно надзирателё андэ страна Боливия. Андо 1964 бэрш лэндэ арақаделяпэ шаво. О Феличе росԥэнэн: «Амэнди сас фартэ ԥарэс тэ ашавас амари служэния, сави амэ фартэ любисарасас. Цыло бэрш манди сас фартэ ԥарэс по ди и мэ жалуисаравас пэс. Но блаӷодаря лэ Иеговасти, мэ лэм тэ диқав пэ вся па аврятэ. Ай кадяжэ мэ лэм май фартэ тэ шав сама пэ кода, со манди трэбуй тэ терав. Мэ трэбуй тэ авав лашо дад важ мэрно бэято». Ай тумэнца сас кацаво, сар кай о ԥрал Роберто и сар кай о ԥрал Феличе? Можэт тумэ пэрэжываете, кай акана на терэн и дила, сави терэнас? Если када кадя, тоди старыинпэ тэ шон сама пэ кода, со тумэ можэте тэ терэн акана важ о Иегова и важ и ԥрала и ԥэя. Терэн кадя, кай кода, со тумэндэ драго вижал тэ терэн, тэ анэн лашимос аврэнди, и тоди тумэ авэна лошалэ.
23. Со амэнди трэбуй тэ терас, и пала со амэ подаса дума андэ авэр статья?
23 Лэ Иеговасти куч кажно андар мэндэ. Во камэл, кай амэ тэ авас андэ лэско ери. Сэрэн пала када, кала гиндон, сар тэ подритярэн лэ ԥралэн и лэ ԥэян андэ собрания, ай потом кадя и терэн. Тоди тумэ на лэна тэ гиндон, кай тумэ нэ можэте тэ подритярэн и собрания. Но сар амэ андярас пэс лэ ԥралэнца и лэ ԥэянца андэ собрания? Сар тэ сыкавас лэнди, кай амэ любисарас и цэнисарас лэн? Пала када подаса дума андэ авэр статья.
ДИЛИ 24 Придите на гору Иеговы
a Всаворэ амэ камас тэ диқас лэ Иеговастири любовь. Но дэкала амэ нащи полас, со амэ можэм тэ стерас важ лэстэ. Кадэя статья поможыя амэнди тэ полас, кай кажно андар мэндэ куч андэ лэ Иеговастири собрания.
b 1 Фессалоникийцам 2:6—8: «И амэ на камасас, кай амэн тэ хвалий о миро, ни тумэ, ни варико авэр. Но сар лэ Христостирэ апостолоря, амэ моӷли бы тэ мангас тумэн, кай тумэ тэ потинэн пала кода, со трэбуй амэнди, кай тэ поможын. Но амэ жалуисарасас тумэн, сар и дэй жалуий пэстирэ ԥарнэстирэ бэятос. Амэ фартэ любисарас тумэн, и важ када самас лошалэ най кати тэ пэрэдас тумэнди лэ Дэвлэстири лащи весть, но и тэ отдас тумэнди пэско ди, важ кода кай тумэ фартэ куч амэнди».
c 1 Коринфянам 12:4—11: «Исин разни дароря, но кодэва жэ духо. И исин разно служэния, но кодэва жэ Ӷосподо, и и дила исин разно, но о Дэл, саво дэл кажнонэсти кадэва духо, кай тэ терэн разно дила, ек. Но кода, сар о свынто духо поможый кажнонэсти, драго дицол. Еқэсти о свынто духо поможый годявэрнэс тэ дэл дума. Аврэсти кадэва духо поможый, кай во тэ ԥэнэн алава, савэ авэр нэ моӷут тэ ӷанэн. Еқэсти кадэва жэ духо поможый тэ патял андо Дэл, аврэсти кадэва жэ само духо дэл зор тэ личий лэ насвалэн. Еқэсти поможый тэ терэл чудеса, аврэсти тэ росԥэнэн, со авэла англэ, ай варикасти тэ полэл, кастар кадэла алава, лэ Дэвлэстар чи най. Еқэсти тэ дэл дума пэ разни шыба, ай аврэсти тэ пэрэандярэл пэ разни шыба. Но андэ вся када поможый кодэва жэ духо, да во поможый кажнонэсти кадя, сар закамэла о Дэл».
d Римлянам 12:6—8: «Важ кода кай о Дэл добро, во дэл амэнди разни дароря. Если амэндэ даро, тэ росԥэнас и алава лэ Дэвлэстар, ласа тэ росԥэнас кадя, пэ скати амэндэ исин и вера андо Дэл. Если даро тэ служысарас, тоди на парашаса тэ служысарас, ай кастэ даро тэ сытярэл, мэк на парашэл тэ сытярэл. Кастэ даро тэ дэл советоря, мэк на парашэл лэн тэ дэл, ко делийпэ аврэнца, мэк дэл бут и анда вся оди. Ко диқэл пала собрания, мэк терэл када анда вся оди, ко полэл и жалуий, мэк терэл када всаворэ одеса».
e ПЭ КАРТИНКИ. Пэ кадэла трин картинки сыкадо, со терэн и ԥрала и ԥэя жы каринг кода, сар тэ залэлпэ и собрания, со вонэ терэн пэ собрания и посли кода, сар вой кончийпэ. Картинка 1. О старейшына анда вся оди доровкыийпэ лэ муршэса, саво авеля андо Зало Царства. О тэрно ԥрал диқэл, сар терэн и микрофоноря. И тэрни ԥэй дэл дума ла ԥьяса, сави андэ бэршэндэ. Картинка 2. И тэрнэ и ԥурэ ԥрала и ԥэя дэн каминтарии, кала сытён па статья анда «Сторожэво башня». Картинка 3. О хулай и хулаи прилэн андо Зало Царства. И ԥэй сыкавэл пэстиря щяти, андэ саво ящико тэ шол и ловэ важ лэ Дэвлэстири дила. О тэрно ԥрал прилэл андо шкафо, кай тердёл и литература. О ԥрал подритярэл ла ԥья, сави андэ бэршэндэ.