И мануша по разному диқэн пэ кода, трэбуй тэ пэн чи най или скати тэ пэн. Дэсавэ набут пэн, кала бэшэн лэ друӷонэнца. Дэко пэл кадя, кай матёл, ай авэр совсем на пэн. Ай со пала спиртни напиткоря андэ Библия пистромэ?

1. Можно чи най тэ пэн?

Андэ Библия на ԥэнэнпэ, кай нащи тэ пэн. Андэр латэ пистромэ, кай о вино, када ек анда бут подаркоря, савэ о Дэл дя лэ манушэнди. Андэ Библия пистромэ, кай о вино радуий «лэ манушэско ди» (Псалом 104: 14, 15). Дэсавэ мануша, пала савэ пистромэ андэ Библия, пэнас спиртни напиткоря (1 Тимофею 5:23).

2. Саво совето исин андэ Библия пала спиртни напиткоря?

Лэ Иеговасти фартэ на чалёл, кала о мануш бут пэл и кала матёл (Галатам 5:21). Андэ Библия пистромэ: «На ав машкар кодэла, ко фартэ бут пэл вино» (Притчи 23:20). Важ када, если о мануш камэл тэ пэл варикаса или екжэно, во трэбуй тэ погиндой акэ пала со. Кала во пэла, лэстэ о шэро всаек трэбуй драго тэ терэл, во трэбуй драго тэ полэл, сар дэл дума и сар андярэл пэс, ай кадяжэ, кай лэстэ посли када тэ ашэлпэ лашо зор. Если лэ манушэсти ԥарэс тэ ритярэл пэстири мера, тоди фэдэр совсем тэ отԥэндёл тэ пэл.

3. Сар тэ сыкавэс, кай стос патив пэ кода, со витидэн авэр?

Кажно мануш трэбуй екжэно тэ витидэл, пэла во чи най. Амэ на трэбуй тэ сындосарас кодэлэн, ко по набут пэл, но ӷанэн пэстири мера. Но нащи тэ застависарас тэ пэн, кала вонэ на камэн када тэ терэн (Римлянам 14:10). Фэдэр о мануш совсем тэ на пэл, если ӷанэн, кай через када аврэндэ авэна проблемы. (Адиносар Римлянам 14:21.) Трэбуй тэ родас «лашимос най важ пэстэ, ай важ авэр». (Адиносар 1 Коринфянам 10:23, 24.)

УӶАНАМ МАЙ БУТ

4. Витидэ, ту пэса спиртни напиткоря чи най

Сар о Иисусо диқэлас пэ кода, кала пэн? Кай тэ полас када, сгиндосарам, сави пэрво чуда стердя о Иисусо. Адиносарам Иоанна 2:1—11 и подам дума пала вопросоря, савэ май тэлэ.

• Сар анда кода, со стердя о Иисусо, дицол, со во гиндой пала кодэла, ко пэл и пала алкоӷолё.

• Если о Иисусо на ԥэнэнас, кай када найдраго, кала о мануш набут пэл, тоди сар амэнди трэбуй тэ диқас пэ кодэва, ко пэл алкоӷолё.

Хоть и христианоря моӷут тэ пэн, исин время, кала фэдэр када тэ на терэн. Адиносарам Притчи 22:3 и погиндосарам, пэла о мануш чи най, кала:

• во камэл тэ ладэл екжэно пала рулё или тэ терэл пэ варисави техника,

• вой виԥиравэл лэ бэятос,

• лэсти о врачо ԥэндя будэр тэ на пэл совсем,

• лэсти ԥарэс тэ на пэл бут,

• лэсти нащи тэ пэл по законо котэ, кай во жувэл,

• во камэл тэ побэшэл манушэса, саво совсем на пэл, важ кода кай варикала кай кодэва мануш сас кадэлэса проблемы.

Трэбуй чи най тэ авэн и спиртни напиткоря по ябьяв или кала тидэнпэ тэ побэшэн? Тэ полас када поможыя кадэва видео. Диқам о ВИДЕО.

ВИДЕО: «Трэбуй тэ авэл спиртно по ябьяв чи най?» (2:41)

Адиносарам Римлянам 13:13 и 1 Коринфянам 10:31, 32. Спэрва проадиносар о стихо анда Римлянам и дэ атвето по вопросо, саво май тэлэ. Ай потом проадиносар и стихоря анда 1 Коринфянам и кадяжэ дэ атвето по вопросо.

• Сар тути поможыя кадэва принцыпо тэ прилэс и ришэния, сави чалёла лэ Иеговасти?

5. Стов важ пэстэ мера

Хоть о Иегова на ԥэнэн, кай нащи тэ пэн, но во ԥэнэн, кай нащи тэ пэн фартэ бут. Васо? Адиносарам Осия 4:11, 18 и подам дума пала вопросо, саво май тэлэ.

• Со можэт тэ авэл, кала о мануш пэрэпэл?

Со тэ терэл о мануш, кай тэ на пэл лишнё? Трэбуй тэ на гиндос пала пэстэ бут и тэ ӷанэс, кала хутила. Адиносарам Притчи 11:2 и подам дума пала вопросо, саво май тэлэ.

• Васо трэбуй тэ ӷанэс, кала хутила?

6. Со поможыя, кай о мануш тэ на пэл фартэ бут?

ВИДЕО: «Ман дохаля, сар мэ жував» (6:32)

• Сар андярэлас пэс о Дима, кала пэлас?

• Вижыля лэстэ сразу тэ мэкэл тэ пэл?

• Со лэсти поможысардя тэ парудёлпэ?

Адиносарам 1 Коринфянам 6:10, 11 и подам дума пала вопросоря, савэ май тэлэ.

• Када баро бэзэх, кала о мануш фартэ бут пэл?

• Сар анда кадэла стихоря дицол, кай о мануш можэт тэ мэкэл бут тэ пэл?

Адиносарам Матфея 5:30 и подам дума пала вопросо, саво май тэлэ.

• О алав «тэ отшынэн о вас», сыкавэл, кай варисостар трэбуй тэ отԥэндёс, если камэс тэ радуис лэ Иеговас. Со ту можэш тэ стерэс, если фартэ бут пэс?a

Адиносарам 1 Коринфянам 15:33 и подам дума пала вопросо, саво май тэлэ.

• Сар тирэ друӷоря моӷут повлиять пэ кода, скати ту пэса?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иегова дя и спиртни напиткоря, кай кала подпас, тэ авэл амэнди драго кадэлэстар. Но о Дэл сындой кодэлэн, ко фартэ бут пэл и ко матёл.

Сар ту гиндос?

• Со андэ Библия пистромэ пала спиртни напиткоря?

• Васо опасно, кала о мануш фартэ бут пэл?

• Сар тэ сыкавэс, кай стос патив пэ кода, со витидэн авэр?

ДИК ИНКЕ

Со поможыя лэ тэрнэ манушэнди тэ полэн, тэ пэн лэнди чи най?

«Спиртни напиткоря. Драго погиндосар, со можэт тэ авэл» (2:31)

Со поможыя, кай тэ на авэл зависимость лэ пимастар?

«Сытён правильно тэ диқэн пэ спиртни напиткоря» («Сторожэво башня» важ 1 январё пала 2010 бэрш)

Трэбуй и христианоря тэ ԥэнэн и тосторя?

«Пушэн кодэла, ко адинон» («Сторожэво башня» важ 15 февралё пала 2007 бэрш)

Проадиносар и статья «Друг назвал меня бездонной бочкой» и уӷан, сар ек мурш мэкля тэ пэл.

«Библия меняет жизнь» («Сторожэво башня» важ 1 маё пала 2012 бэрш)

Разнонэ манушэнди чалёл тэ утидэнпэ по разному и чалёл разно причоска. Андэ Библия исин дэсавэ советоря, савэ поможына амэнди тэ утидаспэ кадя, кай тэ уӷодисарас лэ Дэвлэсти, и кай када тэ чалёл и амэнди.

1. Савэ советоря поможына тэ витидас, сар тэ утидаспэ?

Андэ Библия пистромэ, кай амэ трэбуй тэ утидаспэ вужэс и драго, годяса и тэ авас сэжи, кай па амари ӥда тэ дицол, кай важ амэндэ куч о Дэл (1 Тимофею 2:9, 10). Па кода, сар амэ утидаспэ, трэбуй тэ дицол, кай амэ стас патив по Дэл. Роздиқам май драго кадэла штар советоря. Пэрво, тэ утидаспэ вужэс и драго, кай тэ дицол каринг амэ жас. Андэ собрания ту диқэса, кай всаворэ утидэнпэ по разному, но андэ кода, сар вонэ утидэ, дицол, кай вонэ стон патив по Дэл. Дуйто, тэ утидаспэ годяса сыкавэл, кай амэ на ласа тэ нашас пала кода, кай вся и время тэ утидаспэ модно. Трито, када тэ утидаспэ сэжо, и кай кала авэр диқэна тут, лэндэ тэ на авэн билажавардэ гиндоря. И штарто, па амари ӥда трэбуй тэ дицол, кай амэ предани лэ Дэвлэсти. Амэ камас, кай пар мэндэ тэ дицол, кай амэ служысарас лэ чачунэ Дэвлэсти (1 Коринфянам 10:31).

2. Васо амэ трэбуй тэ гиндосарас пала авэр, кала витидас, сар тэ утидаспэ?

Кажно мануш витидэл екжэно, сар во лэла тэ утидэлпэ. Но во трэбуй тэ гиндой, кай пэр лэстэ диқэна авэр и сар када лэла влиять пэр лэндэ. Амэ на камас, кай кода, сар амэ утидаспэ, тэ авэл проблема важ авэр. Амэ камас тэ уӷодисарас аврэнди андэ лашимастэ, кай тэ подритярас лэн. (Адиносар Римлянам 15:1, 2.)

3. Сар через кода, сар амэ утидаспэ, варико можэт тэ закамэл май бут тэ уӷанэн пала Иегова?

Амэ старысавас тэ утидаспэ кадя, кай тэ дицол каринг амэ жас. Амэ драго диқас, со тэ лас пар мэндэ, кала жас пэ собрания и пэ служэния. Амэ камас, кай и мануша май бут тэ шон сама пэ кода, со амэ росԥэнас, ай най пэ кода, сар амэ утидэ. Амэ камас, кай кодэлэса, сар амэ утидаспэ, тэ дицол «май шукарнэс кода, сости сытярэл амаро Спасителё, Дэл» (Титу 2:10).

УӶАНАМ МАЙ БУТ

4. Кодэлэса, сар амэ утидаспэ, амэ сыкавас, кай стас патив по Дэл

Васо амэ шас сама пэ кода, сар трэбуй тэ утидаспэ? Адиносарам Псалом 47:2 и подам дума пала вопросоря, савэ май тэлэ.

• Сар кода, сар амэ утидэ, сыкавэла, кай амэ лэ Иеговастирэ служытеля?

• Важно када чи най, сар амэ утидэ пэ собрания и пэ служэния? Васо ту кадя гиндос?

5. Со поможыя годявэрнэс тэ витидас?

Диқам о ВИДЕО.

ВИДЕО: «Вся, со терэн, терэн кадя, кай тэ прославляеца о Дэл» (10:18)

Кучутни амэндэ ӥда чи най, када най само ӷлавно. Ӥда трэбуй тэ авэл вужи, сэжо и тэ поджал каринг кода, кай амэ аваса. Адиносарам 1 Коринфянам 10:24 и 1 Тимофею 2:9, 10 и подам дума, васо амари ӥда трэбуй тэ авэл:

• акуратно и вужи,

• фартэ тэ на обцырдэл, тэ на авэн латар билажавардэ гиндоря и тэ авэл сэжо.

И христианоря на ритярэн лэ Моисеёско законо. Но вонэ бут со ӷанэн андар лэстэ пала кода, сар гиндой о Иегова. Адиносарам Второзаконие 22:5 и подам дума пала вопросо, саво май тэлэ.

• Васо трэбуй тэ на утидаспэ и тэ на авэл амэндэ кацави причоска, кай на полэса мурш када чи жувли?

Адиносарам 1 Коринфянам 10:32, 33 и 1 Иоанна 2:15, 16 и подам дума пала вопросоря, савэ май тэлэ.

• Васо амэ трэбуй тэ гиндосарас, кай кода, сар амэ утидэ, тэ на холярэл лэ манушэн андэ собрания или котэ, кай амэ жувас?

• Сави мода и савэ причоски чалён лэ манушэнди котэ, кай ту жувэс?

• Сар па тирятэ, всаворэ вонэ поджан важ и христианоря чи най? Васо ту кадя гиндос?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, сар кодэлэса, сар амэ утидаспэ, амэ сыкавас, кай стас патив по Иегова и пэ авэр мануша?

Сар ту гиндос?

• Васо важ о Иегова важно, сар амэ утидаспэ?

• Савэ советоря поможына амэнди тэ витидас, сар тэ утидаспэ и сави причоска амэндэ тэ авэл?

• Сар кодэлэстар, сар амэ утидаспэ, дицола, со гиндона и мануша пала Иегова?

ДИК ИНКЕ

Со па тири ӥда пала тутэ моӷут тэ гиндон и мануша?

«Сар мэ утидавпэ?» (статья по сайто)

Уӷан, васо трэбуй драго тэ погиндос, тэ терэс татуировка чи най?

«Со андэ Библия пистромэ пала татуировки?» (статья по сайто)

Уӷан, савэ инке советоря исин, савэ поможына тэ витидэс важ пэстэ, сар тэ утидэспэ?

«Прославляете ли вы Бога своим внешним видом?» («Сторожэво башня» важ о сентябрё пала 2016 бэрш)

Проадиносар, со поможысардя еқа манушняти будэр тэ на сындой аврэн пала кода, сар вонэ утидэнпэ.

«Одежда и внешний вид были для меня преткновением» («Прошонпэ!» лэ 22 декабрёстар пала 2003 бэрш)