Со тэ терас, кай о ери тэ авэл май бахтало? (часть 1)

Мануша, савэ найдэлмут жэнисайлэ, камэн, кай лэндэ кадэя радость тэ на прожал. Адес исин бут христианоря, савэ дэлмут жэнати, но всаек ашэнпэ радосни и бахталэ, важ кода кай жувэн па Библия.

1. Со андэ Библия пистромэ важ о хулай?

О Иегова стодя лэ муршэс, кай во тэ авэл хулай андо ери. (Адиносар Эфесянам 5:23.) И о Дэл камэл, кай о хулай тэ прилэл кацавэ ришэнии, савэ анэна лашимос важ вся ери. Андэ Библия пистромэ: «На парашэн тэ любин пэстирэ хулаян» (Эфесянам 5:25). Сар дицол, кай о хулай полэл ла хулая? Во пативалэс андярэл пэс ласа англа миро и кала вонэ дуйжэнэ. Во старыийпэ тэ фэрий ла любона бидатар, старыийпэ, кай латэ по ди тэ авэл драго и тэ авэл вся, со трэбуй важ и жызня (1 Тимофею 5:8). Но май важно всаворэстар, кай о хулай тэ диқэл, кай лэстиря хулаятэ тэ авэл лащи дружба лэ Дэвлэса (Матфея 4:4). Например, во можэт тэ мангэлпэ и тэ адиной ласа и Библия. Кала о хулай полэл пэстиря хулая, тоди и лэстэ авэла лащи дружба лэ Иеговаса. (Адиносар 1 Петра 3:7.)

2. Со андэ Библия пистромэ важ и хулаи?

Андэ Библия пистромэ, кай «ла хулаяти трэбуй тэ стол бари патив по хулай» (Эфесянам 5:33). Андар со када дицол? Вой сэрэл, со лашо исин андо лэско характеро. Сэрэл скати зор во пристол, кай тэ заботийпэ пала латэ и пала бэяцэ. Ай если во загиндосардя тэ стерэл варисави дила, вой поможыя, кай лэстэ када тэ вижал. Кадяжэ вой ковлэс и пативалэс дэл дума лэса или варикаса важ лэстэ, дажэ если лэстэ пэстири вера.

3. Со трэбуй тэ терэл о хулай и хулаи, кай лэнго брако тэ авэл инке май састо?

Андэ Библия пала хулай и хулаи пистромэ, кай «вонэ ашэна, сар ек» (Матфея 19:5). Када сыкавэл, кай вонэ вся и время старыинапэ тэ полэн и тэ цэнин ек еқэс. Важ када лэнди трэбуй тэ проандярэн май бут время вмести и тэ росԥэнэн ек еқэсти вся, со по ди. Важ о хулай и хулаи со май ӷлавно андэ жызня трэбуй тэ авэл о Иегова. Ай посли лэстэ вонэ трэбуй со май фартэ тэ цэнин ек еқэс, ай най варикас или варисо. Инке о хулай и хулаи трэбуй драго тэ диқэн, кай важ лэндэ тэ на авэл май куч авэр мурш или жувли.

УӶАНАМ МАЙ БУТ

4. Хулай, заботисав и полэ пэстиря хулая

ВИДЕО: «Хулай, любисар пэстиря хулая, сар пэстири тила» (9:53)

• Сар о хулай можэт тэ сыкавэл, кай полэл пэстиря хулая и заботийпэ пала латэ?

Адиносарам Колоссянам 3:12 и подам дума пала вопросо, саво май тэлэ.

• Сар о хулай пэ дила тэ сыкавэл, кай терэл кадя, сар пистромэ андо стихо?

5. Хулаи, полэ и стов патив по пэско хулай

Андэ Библия пистромэ, кай дажэ если о хулай на служый лэ Иеговасти, вой всаек трэбуй тэ стол патив пэр лэстэ. Адиносарам 1 Петра 3:1, 2 и подам дума пала вопросоря, савэ май тэлэ.

• Если тиро хулай на патял туса андо ек Дэл, тоди ту, канешно, камэс, кай во тэ закамэл тэ полэл лэ Иеговас. Со ту важ када можэш тэ терэс? Вся и время тэ росԥэнэс лэсти пала Иегова или фэдэр тэ андярэс пэс лэса кадя, кай во тэ диқэл, кай ту полэс лэс и стос пэр лэстэ патив? Росԥэн, васо ту кадя гиндос.

Драго, кала хулай и хулаи вмести прилэн ришэнии. Но дэкала можэт тэ авэл кацаво, кай и хулаи нэ соӷласна кодэлэса, со ԥэнэн лако хулай. Со тоди лати тэ терэл? Вой можэт спокойно и ковлэс тэ подэл дума лэса, кай тэ росԥэнэн, со вой гиндой пала када. Но лати трэбуй тэ сэрэл, кай о Иегова дя лэ хуласти и власть тэ ришает, со вонэ лэна тэ терэн. И если вой подритярэла лэстири ришэния, тоди андо ери всаворэнди авэла спокойно и драго. Адиносарам 1 Петра 3:3—5 и подам дума пала вопросо, саво май тэлэ.

• Со по ди кай о Иегова, кала и хулаи стол патив по пэско хулай?

6. Ту сможэш тэ улэс и проблемы андо брако

ВИДЕО: «Сар о хулай и хулаи моӷут май драго тэ полэн ек еқэс» (5:44)

• Андар со дицол, кай о хулай и хулаи парашэлэ тэ полэн ек еқэс сар раньшэ?

• Со вонэ стердэ, кай лэнго ери тэ авэл май састо?

Адиносарам 1 Коринфянам 10:24 и Колоссянам 3:13. И сар проадиносараса кажно стихо, подам дума пала вопросо, саво май тэлэ.

• Сар кадэла алава поможына, кай о брако тэ авэл май састо?

Андэ Библия пистромэ, кай о хулай и хулаи трэбуй тэ стон патив ек пэ ек. Патив дицол па кода, сар вонэ ковлэс дэн дума, полэн ек еқэс и драго обжанпэ ек еқэса. Адиносарам Римлянам 12:10 и подам дума пала вопросоря, савэ май тэлэ.

• Трэбуй ту тэ аштярэс чи най, кай тиро хулай или хулаи лэла пэрво тэ стол патив пэр тутэ? Васо ту кадя гиндос?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о хулай и хулаи авэна бахталэ, если лэна тэ полэн и тэ стон патив ек пэ ек. Ай кадяжэ, если лэна тэ терэн кадя, сар пистромэ андэ Библия.

Сар ту гиндос?

• Кай о ери тэ авэл май бахтало, со трэбуй тэ терэл о хулай?

• Кай о ери тэ авэл май бахтало, со трэбуй тэ терэл и хулаи?

• Если ту жэнато чи миростэ, саво совето анда Библия поможыя, кай тумаро брако тэ авэл инке май састо?

ДИК ИНКЕ

Дик лашэ советоря важ о ери.

«Тиро ери можэт тэ авэл бахтало» (брашура)

Андэ кадэва видео ту диқэса, сар дэ драго можэт тэ авэл андо ери, если всаворэ кандэн лэ Иеговас.

«Любовь — чудесный дар» (4:26)

Уӷан, сар тэ прижанэс, кай и хулаи трэбуй тэ кандэл лэ хулас.

«Почему женщинам нужно подчиняться главенству?» («Сторожэво башня» лэ 15 маёстар пала 2010 бэрш)

Сар ек ери пэрэандярдя лэндирэ проблемы и дажэ о разводо?

«С помощью Бога мы заново отстроили нашу семью» (5:14)