Авэн ӷотови каринг лэ Иеговаско дес

1. Со трэбуй тэ терас, кай тэ спасысавас андэ лэ Иеговаско дес?

КАЛА андэ Библия ԥэнэнпэ пала «лэ Иеговаско дес», и дума жал пала время, кала о Всемоӷущё Дэл сындой пэстирэ вороӷонэн и спасый пэстирэ служытелёнэн. Андэ дэлмутни время о Иегова сындояс дэсавэ народонэн (Ис. 13:1, 6; Иез. 13:5; Соф. 1:8). Андэ амари время «лэ Иеговаско дэс» залэлапэ, кала и мануша дэна по Вавилоно Велико и закончица кодэлэса, кала авэла о Армагидоно. Кай тэ спасысавас андэ кодэва «дес», трэбуй тэ авас ӷотови ужэ акана. О Иисусо сытярэлас, кай амэнди трэбуй вся и время тэ авас ӷотови каринг и бари бида (Матф. 24:21; Луки 12:40).

2. Васо авэла драго тэ роздиқас о письмо 1 Фессалоникийцам?

² О апостало Павло андэ 1 Фессалоникийцам ԥэндя пала примероря, савэ поможына лэ христианонэнди тэ авэн ӷотови каринг лэ Иеговаско сындо. О Павло полэлас, кай лэ Иеговаско дес авэла най ӥто (2 Фес. 2:1—3). Но во всаек ԥэнэнас лэ ԥралэнди и лэ ԥэянди, кай вонэ тэ авэн ӷотови каринг кадэва дес, сар бута во авэла тэся. Амэ тожэ можэм тэ прилас о совето лэ Павлоско. Давайте подаса дума: 1) сар авэла лэ Иеговаско дес, 2) ко нэ сможэт тэ спасыйпэ андэ кодэва дес и 3) сар амэ тэ подӷотовимся каринг лэстэ.

САР АВЭЛА ЛЭ ИЕГОВАСКО ДЕС?

3. Васо лэ Иеговаско дес можно тэ сыстос лэ чордыӷареса? (Диқэн кадяжэ и картинка.)

³ «Сар о чор и рят» (1 Фес. 5:2). Када пэрво анда трин примероря, через савэ о Павло росԥэндя, сар авэла лэ Иеговаско дес. Кала о чор жал тэ чорэл, во терэл када ӥто и андэ рят тоди, кала о хулай лэ цэрэско када на аштярэл. Лэ Иеговаско дес кадяжэ авэла нэожыдано важ и бут мануша. Дажэ и чачунэ христианоря, возможно, удивинапэ, сар ӥто лэла тэ парудёл и время андэ люма. Но амэнца о Дэл на обжалапэ кадя, сар прижал лэ найлашэ манушэнди.

4. Васо лэ Иеговаско дес сыстойпэ кодэлэса, сар кай и манушни залэнпэ и схватки?

⁴ «Сар кай и жувли, сави трэбуй тэ арақавэл, резко залэнпэ и схватки» (1 Фес. 5:3). И манушни, сави аштярэл бэятос, на ӷанэн точно время, кала латэ авэна схватки. Но вой ӷанэн, кай вонэ точно авэна. Обычно и схватки залэнпэ нэожыдано и кадэлэстар фартэ дуқанэс. Када нисар на тердярэса. Точно кадя жэ и амэ на ӷанас о дес и о часо, кала залэлапэ лэ Иеговаско дес. Но амэ патяс, кай кадэва дес обязательно авэла и кай лэ Дэвлэско сындо важ и найлашэ мануша нико на тердярэла и во авэла нэожыдано.

5. Васо и бари бида можно тэ сыстос кодэлэса, сар ԥэрнадёл о дес?

⁵ Ԥэрнадёл о дес. Андэ пэско трито примеро о Павло упалэ ԥэнэн пала чордэӷаря, савэ авэн и рят. Но пэ кадэва разо, сар дицол, во сыстой лэ Иеговаско дэс кодэлэса, сар ԥэрнадёл о дес (1 Фес. 5:4). И чордэӷаря моӷут тэ бистрэн тэ шон сама пэ время, кала чорэн. О свето лэ нэвэ десэско можэт лэн тэ приастарэл и всаворэ диқэна, со вонэ терэн. Кадя жэ и андэ бари бида дицона кодэла, ко шонпэ пэ чордэӷаря. Вонэ андэ тэмнота залэнпэ ла диласа, савятар нинай нисаво толко. Но амэ най сар вонэ. Амэ можэм тэ авас ӷотови каринг лэ Иеговаско дес и тэ отшас кода, со нэ уӷодно лэ Дэвлэсти. Ай кадяжэ тэ терас вся, кай амаро ди тэ цырдэлпэ каринг о лашымос, праведность и чачимос (Эф. 5:8—12). Май дур о Павло через дуй примероря сыкавэл, ко на спасыяпэ, кала авэла лэ Иеговаско дес.

КО НА СПАСЫЯПЭ, КАЛА АВЭЛА ЛЭ ИЕГОВАСКО ДЕС?

6. Со сыкавэл о гиндо, кай бут мануша совэн? (1 Фессалоникийцам 5:6, 7).

⁶ «Кодэла, ко совэн». (Проадинон 1 Фессалоникийцам 5:6, 7.) О Павло сыстосардя кодэлэн, ко на спасыяпэ андэ лэ Иеговаско дес, лэ манушэнца, савэ совэн. Вонэ на ӷанэн, со терэлпэ андэ люма, и на ӷанэн, сар дэ быстро жал и время. Важ када вонэ нэ моӷут тэ шон сама пэ важни событии или тэ полэн, со трэбуй тэ терэн. Адес и мануша духовно совэн (Рим. 11:8). Вонэ на шон сама пэ кода, со доԥэнэн, кай амэ жувас андэ послидни деса и кай фартэ ӥто авэла и бари бида. Но кала варисо терэлпэ андэ люма, када жунгавэл лэн и тоди вонэ шон сама пэ лащи новость пала Царство. Но через и время бут ко всаек упалэ «засовэл». И дажэ дэко анда кодэла, ко патян, кай авэла лэ Дэвлэско дес, гиндон, кай када авэла най ӥто (2 Пёт. 3:3, 4). Амэ полас, кала пашол лэ Дэвлэско дес, амэ трэбуй тэ на домэкас, кай амэн тэ лэл и линдра.

7. Васо кодэлэн, кас о Дэл уничтожыт, можно тэ сыстос лэ матимаренца?

⁷ «Кодэла, ко матён». О апостало сыстосардя кодэлэн, кас о Дэл уничтожыт, лэ матимаренца. О мануш, саво мато, най вся можэт тэ полэл и во нэ можэт тэ прилэл правильно ришэния. Кадяжэ можно тэ ԥэнас и пала найлашэ мануша. Вонэ нэ моӷут тэ полэн кода, со лэнди ԥэнэн о Дэл. Кацавэ мануша тердён по дром, саво андярэл каринг и смэрть. Ай и Библия побудий лэ христианонэн, кай вонэ твэрэзо тэ гиндон (1 Фес. 5:6). Ек библеисто ԥэндя, кай када означает, кай о мануш ашэлпэ спокойно, драго гиндой, нэ паникует и можэт тэ прилэл правильно ришэния. Васо амэ трэбуй тэ ашаспэ спокойни и драго тэ гиндосарас? Важ кода кай амэндэ тэ на авэл нисави дила кадэла люмаса. Пар мэндэ моӷут тэ тасавэн, кай амэ андэ политически вопросоря тэ залас варикастири риг. Со май пашэ лэ Иеговаско дес, со май фартэ пар мэндэ лэна тэ тасавэн. Амэ на трэбуй тэ пэрэжываем пала кода, сар тэ дас атвето. Лэ Дэвлэско свынто духо поможыя тэ ашаспэ спокойни, драго тэ гиндосарас и тэ прилас мудри ришэнии (Луки 12:11, 12).

САР ТЭ ПОДӶОТОВИМСЯ КАРИНГ ЛЭ ИЕГОВАСКО ДЕС?

8. Соса сыстонпэ и качестворя, савэ поможына амэнди тэ на совас и твэрэзо тэ гиндосарас? (1 Фессалоникийцам 5:8). (Диқэн кадяжэ и картинка.)

⁸ «[Ласа] пэр пэстэ и саструни жылетка... и... о шлемо». О Павло сыстосардя амэн лэ воиноса, саво полностью утидо и ӷотово каринг и война. (Проадинон 1 Фессалоникийцам 5:8.) О воино трэбуй тэ авэл ӷотово каринг и война андэ любо маменто. Кадяжэ можно тэ ԥэнас и пала амэндэ. Амэ тожэ аваса ӷотови каринг лэ Иеговаско дес, если ласа пэр пэстэ и саструни жылетка — када вера и любовь. Ай кадяжэ ласа пэр пэстэ о шлемо — амари надежда. Тэ патяс, тэ любисарас и тэ аштярас англэ о лашымос — важ амари жызня, када фартэ важно.

9. Сар амэн фэрий и вера?

⁹ И саструни жылетка фэрияс лэ воиноско ди. И вера и любовь фэрий амаро ди и гиндоря. Када поможыя постояно тэ служысарас лэ Дэвлэсти и тэ жас пала Иисусо. Если амэндэ исин вера, амэ патяс, кай о Иегова блаӷословия амэн, важ кода кай амаро ди цырдэлпэ каринг лэстэ (Евр. 11:6). Вой побудия амэн тэ ашаспэ предани амарэ Ӷосподиности лэ Иисусости, дажэ если амэндэ авэна трудности. И вера поможыя амэнди тэ пэрэандярас о ԥаримос андэ жызня. Амэ можэм тэ сытювас лэ ԥралэндар и лэ ԥэяндар, савэ ашэнаспэ предани лэ Иеговасти, хоть лэндэ сас ԥаримос андэ жызня и трудности лэ ловэнца. Кадяжэ и вера поможыя тэ на ужас лэ шэрэса андо затеримос. Важ када амэнди трэбуй тэ сытювас кодэлэндар, ко стердя вся, кай лэндири жызня тэ авэл май просто, кай тэ стон лэ Дэвлэско царство по пэрво ҭанb.

10. Сар и любовь каринг о Дэл и каринг мануша поможыя амэнди тэ на парашас тэ проповедуем?

¹⁰ Кай тэ на совас и драго тэ гиндосарас, кадяжэ важно и любовь (Матф. 22:37—39). И любовь каринг о Дэл поможыя амэнди тэ на парашас тэ проповедуем, дажэ если исин най ек трудность (2 Тим. 1:7, 8). Амэ любисарас кодэлэн, ко на служый амарэ Дэвлэсти. Важ када амэ ԥирас па цэра, росԥэнас пала Дэл, служысарас па телефоно и пистросарас письморя. Амэ патяс, кай авэла дес, кай амарэ пашутнэ закамэна тожэ тэ служын лэ Дэвлэсти (Иез. 18:27, 28).

11. Сар и любовь каринг ԥрала и ԥэя поможый амэнди? (1 Фессалоникийцам 5:11).

¹¹ И ԥрала и ԥэя — тожэ амарэ пашутнэ. Амэ сыкавас пэстири любовь каринг лэндэ, кала прилас лэ Павлоско совето: «Подритярэн ек еқэс и дэн зор ек еқэсти». (Проадинон 1 Фессалоникийцам 5:11.) И воиноря, савэ жанас вмести пэ война, сас вся время ӷотови тэ подритярэн ек еқэс. Амэ тожэ дас зор ек еқэсти. Кала жалас и война, о воино моӷ дэзначай тэ шынэн пэстирэ друӷос. Канешно, во никала на стердоп када спецыально. Кадя жэ и амэ никала на ласа спецыально тэ холярас амарэ ԥралэн и ԥэян или тэ рисарас лэнди (1 Фес. 5:13, 15). Инке амэ ласа тэ стас патив пэ ԥрала, савэ слидон пала порядко и тэ любисарас лэн (1 Фес. 5:12). Кала о Павло пистрояс пэско письмо андэ Фессалоника, ла собранияти котэ сас май мало, чем бэрш. И барэдэр ԥрала андэр латэ, наверно, най вся драго ӷанэнас и терэнас ошыбки. И всаек вонэ ашэнас, кай пэр лэндэ тэ стон патив. Пашол и время, кай тэ авэл и бари бида. Важ када май англэ амэнди, возможно, авэла трэбуй инке май фартэ тэ приашундювас каринг и катутнэ барэдэр ԥрала, чем адес. Возможно амэндэ на авэла связь лэ ԥралэнца анда ӷлавно управления или анда филиало. Сар жэ важно ужэ акана тэ сытювас тэ стас патив пэ барэдэр ԥрала андэ собрания и тэ любисарас лэн. Со бы тэ на авэл, давайте ласа драго тэ гиндосарас и тэ шас сама най пэ лэндирэ нэдостаткоря, ай кай лэнца руководий о Иегова и о Христос.

12. Сар фэрий амари годи кода, кай аштярас англэ о лашымос?

¹² О шлемо фэрияс лэ воиноско шэро. Кадяжэ, кала амэ аштярас англэ о лашымос, — када фэрий амари годи. Амэ драго полас, кай кода, со камэл тэ дэл амэнди кадэя найлащи люма, па чачимастэ нисо на ашэл (Флп. 3:8). Кала аштярас англэ о лашымос, када поможый тэ ашаспэ спокойни андэ любо ситуацыя. Када полинэ о Уо́ллисо и Лори́нда, савэ служын андэ Африка. Важ и трин курте кай о Уоллисо муля о дадэ, ай кай и Лоринда — и дэй. Но через о ковидо, вонэ нэ моӷли тэ ринпэ цэрэ, кай тэ авэн паша пэстирэ чаче. О Уоллисо пистросардя: «Мэ аштярав время, кала о Дэл рия лэн каринг и жызня. Када поможый манди тэ гиндосарав най пала кода, савэ вонэ сас, кала пашолас лэндири время, ай пала кода, савэ вонэ авэна андо раё пэ ԥув. Кадэя надежда дэл манди зор, кала мандэ фартэ дуқал оди, кай лэн нинай».

13. Со амэ можэм тэ терас, кай тэ получисарас о свынто духо?

¹³ «На́ мударэн лэ духостири яг» (1 Фес. 5:19). О Павло сыстосардя о свынто духо ла ягаса андэ амаро ди. Блаӷодаря лэ свынтонэ духости, саво дэл о Дэл, амаро ди ԥабол, кай тэ терэл правильно. И через када амэндэ исин зор тэ служысарас лэ Иеговасти (Рим. 12:11). Со амэ можэм тэ терас, кай тэ получисарас о свынто духо? Амэ можэм тэ мангаспэ пала лэстэ, тэ изучаем и Библия, сави сас пистромэ через о свынто духо и тэ сотрудничаем лэ Дэвлэстиря арӷанизацыяса, савяса во руководий через пэско духо. Када поможыя, кай амэндэ тэ авэн лэ свынтонэ духостирэ качестворя (Гал. 5:22, 23).

14. Состар амэнди трэбуй тэ фэрисавас, кай и май дур тэ получисарас о свынто духо? (Диқэн кадяжэ и картинка.)

¹⁴ Кала амэ получисарас лэ Дэвлэстар лэско зор, амэ трэбуй тэ терас вся, кай на мударас лэ свынтонэ духостири яг. О Иегова дэл пэско духо кати кодэлэнди, ко фэрий пэстири годи и андярэл пэс вужэс. Во на дэла свынто духо, если амэ гиндосарас пала варисо найлашо и терас кадя, сар гиндосарас (1 Фес. 4:7, 8). Кай тэ получисарас о свынто духо, амэнди кадяжэ трэбуй тэ приашундювас каринг о совето: «На промэкэн мимо кан лэ Дэвлэстирэ алава пала кода, со авэла» (1 Фес. 5:20). Андэ кадэва стихо ԥэнэнпэ пала новости, савэ о Дэл пэрэдэл через пэско свынто духо. Кадэла новости кадяжэ пала лэ Дэвлэско дес и пала особо время, андэ сави амэ жувас. Амэ на отстас кадэва дес и на гиндосарас, кай на дожуваса каринг о Армагидоно. Ай наоборот амэ анда вся оди аштярас кадэва дес и гиндосарас, кай во ужэ фартэ пашэ. Пар со када дицол? Анда кода кай амэ старысавас тэ терас правильно и анда вся оди тэ терас лэ Дэвлэстири дила (2 Пёт. 3:11, 12).

«ВСЯ ДРАГО РОЗУӶАНЭН»

15. Со тэ терас, кай тэ на патяс андэ найчачуни инфармацыя и андэ лэ бэнгэнго хохаимос? (1 Фессалоникийцам 5:21).

¹⁵ Май англэ лэ Дэвлэстирэ вороӷоря лэна тэ ԥэнэн: «Мирно и безопасно!» (1 Фес. 5:3). Андэ люма авэла лэ бэнгэнго хохаимос и бут мануша патяна кадэлэ хохаимасти (Отк. 16:13, 14). Но амэ на попэраса андэ кадэва хохаимос, если приашундюваса каринг лэ Павлоско совето: «Вся драго розуӷанэн». (Проадинон 1 Фессалоникийцам 5:21.) О ӷреческо алав, саво пэрэандярдо катэ, сар «розуӷанэн» и мануша ԥэнэнас, кала проверяли о састри, кацаво, сар сомнак, руп, кай тэ полэн чачуно во или най. Вижал, амэнди кадяжэ трэбуй тэ розуӷанас, чачимос кода, со амэ ашунас и адиносарас чи най. Када важно сас тэ терэн лэ ԥралэнди и лэ ԥэянди андэ Фессалоника. Ай амэнди када инке май фартэ трэбуй тэ терас, важ кода кай ӥто пашол и бари бида. Вместо кода, кай тэ патяс всаворэсти, со ԥэнэн авэр, амэнди трэбуй каринг када тэ поджас годяса. Важно тэ сыстосарас кода, со адиносарас и ашунас кодэлэса, со ԥэнэн и Библия и лэ Иеговастири арӷанизацыя. Тоди амэ на патяса андэ лэ бэнгэнго хохаимос (Прит. 14:15; 1 Тим. 4:1).

16. Пэр со амэ надеисавас и каринг со када амэн побудий?

¹⁶ Лэ Дэвлэско народо пэрэжувэла и бари бида. Но если тэ дас дума пала кажно андар мэндэ, то амэ на ӷанас, со кажнонэса можэт тэ авэл тэся (Иак. 4:14). Но дажэ если амэ хасараса пэстири жызня жы каринг о Армагидоно, амэ ӷанас, кай если на ашаваса лэ Дэвлэс, тоди амэ получисараса и вечно жызня. И памазаникоря лэна тэ жувэн лэ Христоса по нэбо, ай авэр бакрорэ — андо раё пэ ԥув. Давайте тэ шас май бут сама пэ амари райкани надежда и тэ авас ӷотови каринг лэ Иеговаско дес!