Сытён кай лэ Иисусоско цыкнэдэр ԥрал

1. Саво ери сас кай о Иаково?

О ИАКОВО — лэ Иисусоско ԥралb. Во бареля андо ери, кай всаворэ сас предани лэ Дэвлэсти. Лэстирэ родителя, о Иосифо и Мария, фартэ любинас лэ Иеговас и анда вся ди служынас лэсти. Кадяжэ важ о Иаково сас бари блаӷословения, кай лэско барэдэр ԥрал о Иисусо трэбуй сас тэ ашэл Мессия. Важ лэстэ сас бари бах тэ арақадёл андэ кацаво ери!

2. Васо о Иаково моӷ тэ абурой пэстирэ барэдэрэ ԥралэса?

² Кай о Иаково сас бут причины тэ абурой пэстирэ барэдэрэ ԥралэса (Матф. 13:55). Например, кала лэ Иисусости сас 12 лет, во кадя драго ӷанэнас и Писания, кай кадэлэсти удивинаспэ дажэ и учителёря андо Иерусалимо (Луки 2:46, 47). Инке о Иаково, можэт, вмести лэ Иисусоса терэлас плотницко дила. Если када кадя, тоди о Иаково моӷ инке май драго тэ уӷанэн пэстирэ ԥралэс. О Нейтано Норроc най еқвар ԥэнэнас: «Если камэс тэ уӷанэс май драго лэ манушэс, тер бути лэса». О Иаково трэбуй сас тэ диқэл, сар о Иисусо «барёлас и ашэлас май годявэрно и затерэлас май бари патив англа Дэл и англа мануша» (Луки 2:52). Амэ моӷли бы тэ погиндосарас, кай о Иаково трэбуй сас тэ авэл пэрво анда лэ Иисусостирэ ученикоря. Но вся сас совсем най кадя.

3. Сар андярэлас пэс о Иаково, кала о Иисусо служыяс пэ ԥув?

³ Кала о Иисусо служыяс пэ ԥув, о Иаково на ашэля лэско ученико (Иоан. 7:3—5). Можэт, во сас анда родо, ко ԥэнэнас, кай о Иисусо сжыля па годятэ (Мар. 3:21). И никай най пистромэ, кай о Иаково сас паша Мария, кала лэ Иисусос казнисардэ по столбо (Иоан. 19:25—27).

4. Со амэ уӷанаса анда кадэя статья?

⁴ Ӷэт май интя о Иаково патяя андо Иисусо и дажэ ашэля пативало старейшына андэ христианско собрания. Андэ кадэя статья амэ роздиқаса, сости амэн сытярэл лэ Иаковоско примеро. Подам дума, васо важно тэ авас смирени и сар тэ ашас лашэ учителёря.

САР О ИАКОВО, АВЭН СМИРЕНИ

5. Сар паруделя лэ Иаковостири жызня посли кода, сар во диқляпэ лэ Иисусоса, саво воскрес?

⁵ Кала о Иаково ашэля предано лэ Иисусоско ученико? Посли кода, сар о Иисусо рисайля каринг и жызня, «во сыкаделя лэ Иаковости, потом всаворэ апостолонэнди» (1 Кор. 15:7). Када парудя вся лэ Иаковостири жызня. Во сас лэ апостолонэнца андэ упруни комната андо Иерусалимо, кала вонэ аштярэнас, кай пэр лэндэ тэ сжал о свынто духо (Деян. 1:13, 14). Ӷэт май интя во служыяс андо руководящё совето (Деян. 15:6, 13—22; Гал. 2:9). Ай инке, варикай жы кай 62 бэрш н. э., во через о свынто духо пистросардя о письмо лэ христианонэнди, савэ сас памазаникоря. Кадэва письмо анэн лашимос и амэнди адес, и нэважно, кай амэ надеисавас тэ жувас — по нэбо чи пэ ԥув (Иак. 1:1). И сар ԥэндя о Иосифо Флавиё, о иудейско пэрвосвященико о Анано Младшо приԥэндя, кай лэ Иаковос тэ казнин. Жы каринг пэстири смэрть о Иаково ашэляпэ верно лэ Иеговасти.

6. Соса о Иаково на шоласпэ пэ рашая андо пэрво вико?

⁶ О Иаково сас смирено. Васо можно кадя тэ ԥэнас? Погиндон: и о Иаково, и учителёря и рашая андэ кодэя время диқлэ доказательства, кай о Иисусо — лэ Дэвлэско Шаво. Сар андярдя пэс о Иаково? Во смирено прижангля, кай сас нэ право, и патяя андо Иисусо. Но када на ԥэнэса пала барэ рашая андо Иерусалимо. Например, вонэ точно ӷанэнас, кай о Иисусо воскресил лэ Лазарёс. Но вонэ на прижанглэ, кай лэ Иисусос бишалдя о Иегова, и важ када камэнас тэ умарэн и лэ Лазарёс, и лэ Иисусос (Иоан. 11:53; 12:9—11). Ай кала ужэ о Иисусо рисайля каринг и жызня, и рашая терэнас вся, кай тэ угаравэн када лэ манушэндар (Матф. 28:11—15). Через и ӷордость кадэла рашая на патяе андо Христос.

7. Васо амэнди нащи тэ авас ӷорди?

⁷ Уроко: на авэн ӷорди и сытён лэ Иеговастар. Исин дэсаво насвалимос, кала и артэрии андо ди моӷут тэ замардён, и тоди во ужэ нэ можэт тэ марэлпэ, сар трэбуй. Кадя жэ через и ӷордость амаро ди можэт тэ ашэл баруно, и амэ парашаса тэ приашундювас каринг лэ Дэвлэско алав. О Иегова дя лэ фарисеёнэнди бут доказательства, кай о Иисусо — када о Христос. Но через и ӷордость лэнго ди ашэля баруно, и вонэ отԥэнделэ тэ патян кодэлэсти, со диқлэ пэстирэ яқэнца (Иоан. 12:37—40). Кадя вонэ пэрэԥандадэ пэсти о дром каринг и вечно жызня (Матф. 23:13, 33). Па лэнго примеро амэ диқас, сар дэ важно тэ домэкас, кай лэ Дэвлэско Алав и о свынто духо тэ влияют пэ амаро гиндо и пэ амарэ ришэнии (Иак. 3:17). О Иаково сас смирено, и важ када во сас ӷотово тэ сытёл лэ Иеговастар. И сар амэ инке диқаса, блаӷодаря кадэлэсти во кадяжэ ашэля лашо учителё.

САР О ИАКОВО, АВЭН ЛАШЭ УЧИТЕЛЁРЯ

8. Со поможыя амэнди тэ авас лашэ учителёря?

⁸ Кай о Иаково на сас бари образования. Здэлпэ, кай и рашая и учителёря андэ кодэя время диқэнас пэр лэстэ, кай во кацаво жэ нэӷрамотно мануш, сар и о апостоло Пётро и Иоанно (Деян. 4:13). Но о Иаково смоӷ тэ ашэл лашо учителё, и када дицол па лэско письмо, саво во пистросардя. Можэт, сар кай о Иаково, амэндэ тожэ нинай бари образования, но амэ сможэм тэ ашас лашэ учителёря. Амэнди трэбуй тэ мангас лэ Дэвлэстар свынто духо и тэ прилас и помощь, сави дэл лэстири арӷанизацыя. Давайте роздиқаса, сар о Иаково ашэля лашо учителё и сости амэ можэм лэстар тэ сытювас.

9. Саво учителё сас о Иаково?

⁹ О Иаково дэлас дума просто и понятно. Кала амэ адиносарас лэ Иаковоско письмо, амэнди сразу понятно, со и сар тэ терас. Роздиқаса, например, сар дэ просто о Иаково росԥэндя лэ христианонэнди, кай вонэ трэбуй тэ авэн ӷотови би холяко тэ пэрэандярэн и нэсправедливость. Во пистросардя: «Амэ ԥэнас бахталэ пэ кодэла, ко виритярдя. Тумэ ашундэ, сар о Иово виритярдя ԥари время и диқлэ, со о Иегова стердя важ лэстэ, и тумэ диқлэ, сар о Иегова фартэ любий и жалуий анда вся оди» (Иак. 5:11). Диқэн, о Иаково шолас сама пэ Писания. Во призындярдя примеро пала Иово и сыкадя, кай о Иегова всегда блаӷословий кодэлэн, ко лэсти предано. Дицол, кай о Иаково сытярэлас простонэ алавэнца. Кадя во шолас сама най пэр пэстэ, ай по Иегова.

10. Сости инке амэ сытювас кай о Иаково, кай тэ авас лашэ учителёря?

¹⁰ Уроко: дэн дума просто и сытярэн па Библия. Амари цэль — тэ сыкавас, кай о Иегова мудро и заботливо Дэл, ай най кай амэ фартэ годявэрнэ и бут ӷанас (Рим. 11:33). Кай тэ домардювас када, амэ трэбуй всегда тэ дас дума па Библия. Например, амэ проандярас и изучения лэ манушэса. Если во пушэл совето, авелоп драго тэ на ԥэнас, со амэ тердоп пэ лэско ҭан. Пэ бутэстэ май фэдэр тэ поможысарас лэсти, кай во екжэно тэ порозмышляет пала примероря анда Библия и тэ полэл, со о Иегова гиндой пала када и со лэстэ авэла по ди. Блаӷодаря кадэлэсти о мануш закамэла тэ радуий лэ Иеговас, ай най амэн.

11. Савэ проблемы сас кай дэсавэ христианоря андо пэрво вико и саво совето лэнди дя о Иаково? (Иакова 5:13—15).

¹¹ О Иаково на ԥандавэлас и яқа пэ проблемы. Анда лэско письмо дицол, кай во драго ӷанэнас пала проблемы, савэ сас кай и ԥрала и ԥэя андэ собрания, и важ када во просто и понятно пистросардя лэнди, сар лэн тэ ришын. Например, дэсавэ христианоря най сразу прилэнас и советоря (Иак. 1:22). Авэр фартэ бари сама шонас лэ барвалэн (Иак. 2:1—3). Ай варико на следияс пала пэстири шыб (Иак. 3:8—10). Кай кодэла христианоря сас серьёзни проблемы, но о Иаково патялас, кай вонэ моӷут тэ парудён. По доброму, но ворта во дя лэнди совето и побудил кодэлэн, касти трэбуй сас помощь, тэ родэн ла кай и старейшыноря. (Проадинон Иакова 5:13—15.)

12. Со поможыя тэ на умэкас и вас, кала изучаем и Библия лэ манушэнца?

¹² Уроко: на ԥандавэн и яқа пэ проблемы и патян, кай и мануша моӷут тэ парудён. Дэсавэнди, каса амэ изучаем, можэт, найвушэро тэ прилэн и советоря анда Библия (Иак. 4:1—4). Ԥарэс сразу тэ ашавэн пэстирэ найлашэ привычки и тэ авэн уӷодни лэ Дэвлэсти. Амэнди трэбуй бари смилость, кай ворта, сар о Иаково, тэ ԥэнас лэ манушэсти, андэр со во трэбуй тэ парудёл. Кадяжэ амэ трэбуй тэ на умэкас и вас и тэ патяс, кай о Иегова поможыя кодэлэнди, ко най ӷорди, тэ ашэн лэстирэ друӷоря и дэла лэнди зор тэ парудён (Иак. 4:10).

13. Со полэлас о Иаково? (Иакова 3:2).

¹³ О Иаково правильно диқэлас пэр пэстэ. Во на гиндояс, кай май лашо аврэ христианонэндар важ кода, кай о Иисусо сас лэско родо и кай лэстэ сас важни задании андэ собрания. Во ԥэндясас, кай вонэ лэстирэ любими, кучутнэ ԥрала (Иак. 1:16, 19; 2:5). Инке во на старыияспэ, кай и мануша тэ гиндон кабута во совершэно. Наоборот, во и пала пэстэ тожэ ԥэндясас кацавэ алава: «Амэ всаворэ часто ошыбаемся». (Проадинон Иакова 3:2.)

14. Васо амэнди трэбуй тэ прижанас, кай тожэ терас ошыбки?

¹⁴ Уроко: амэ всаворэ нэсовершэни. Амэнди на трэбуй тэ гиндосарас, кай амэ май лашэ кодэлэндар, каса изучаем. Васо? Если амэ ласа тэ сыкавас, кай никала нэ ошыбаемся, со тоди гиндоя о изучающё? Кай во никала нэ сможэт тэ уӷодий лэ Дэвлэсти. Важ када смирено прижанэн, кай тумэнди най всегда вушэро тэ прилэн и советоря анда Библия, и росԥэнэн, сар о Иегова поможый тумэнди андэ ԥари время. Кадя о мануш полэла, кай лэстэ тожэ вся вижала андэ служэния лэ Иеговасти.

15. Савэ примероря призындярэлас о Иаково? (Иакова 3:2—6, 10—12).

¹⁵ О Иаково призындярэлас примероря, савэ дожанас каринг оди. Канешно, андэ када лэсти поможыяс о свынто духо. Но наверно, во кадяжэ сытеля тэ призындярэл примероря пэстирэ ԥралэстар лэ Иисусостар. Анда лэ Иаковоско письмо дицол, кай лэстирэ примероря сас прости, и важ када всаворэнди сас понятно, со трэбуй тэ терэн. (Проадинон Иакова 3:2—6, 10—12.)

16. Васо амэ трэбуй тэ подтидас лашэ примероря?

¹⁶ Уроко: подтидэн лашэ примероря. Кала амэ призындярас прости примероря, и мануша моӷут прецтавить, пала со амэ дас дума. Кацавэ примероря поможына лэнди май драго тэ запомнят и важни гиндоря анда Библия. О Иисусо всегда подтидэлас лашэ примероря, и о Иаково сытёлас лэстар андэ када. Давайте май драго роздиқаса ек анда лэ Иаковостирэ примероря и поласа, васо во сас полезно.

17. Васо можно тэ ԥэнас, кай о Иаково кадя драго подтидя о примеро пала юнглинда (Иакова 1:22—25)?

¹⁷ Проадинон Иакова 1:22—25. Лэ Иаковоско примеро пала юнглинда драго поджалас. О Иаково полэлас, саво важно гиндо во камля тэ росԥэнэн. Если амэ камас, кай и Писания тэ анэн амэнди лашимос, амэ трэбуй най просто ла тэ адиносарас — трэбуй тэ прилас вся, со котэ пистромэ. О Иаково витидя о примеро, саво пашэ кажнонэ манушэсти, важ кода кай всаворэ амэ диқаспэ андэ юнглинда. Со тоди сыкавэл кадэва примеро? Авелоп найгодявэрнэс, если амэ диқаспэ андэ юнглинда, шас сама, кай варисо най кадя, но нисо на терас, кай тэ лашарас када. Точно кадя жэ, если амэ адиносарас и Библия и полас, кай трэбуй варисо тэ парувас андэр пэстэ, но нисо на терас, тоди када найгодявэрнэс.

18. Пала со амэ трэбуй тэ сэрас, кала призындярас примероря?

¹⁸ Сар амэ диқлям, кай тэ подтидас лашо примеро, амэ трэбуй тэ сытювас лэ Иисусостар и тэ сэрас пала трин маменторя: 1) о примеро трэбуй тэ поджал каринг о гиндо, пала саво росԥэнас; 2) во на трэбуй тэ авэл сложно важ кодэла, ко ашунэн; 3) и мануша трэбуй тэ полэн, сар лэс тэ прилэн. Если тумэнди найвушэро тэ подтидэн лашэ примероря, стерэн лащи лично изучения, кай тэ виарақэн кацавэ, савэ поджан. Но на бистрэн: сар через о микрофоно о ӷолосо ашундёл май драго, кадя и о примеро поможый лэ манушэнди май драго тэ полэн о гиндо. Важ када и примероря трэбуй тэ подтидас кати каринг и ӷлавни гиндоря. Канешно, амэ на камас лэн тэ призындярас кати важ кода, кай и мануша тэ гиндон, кай амэ лашэ учителёря. Амари цэль — тэ поможысарас со май бутэ манушэнди тэ ашэн лэ Иеговастирэ друӷоря.

19. Сар амэ можэм тэ сыкавас амари любовь каринг и ԥрала и ԥэя?

¹⁹ Канешно, никастэ андар мэндэ на сас андо ери совершэно барэдэр ԥрал. Но важ амэндэ бари бах тэ авас андэ лэ Иеговаско ери и тэ служысарас лэ ԥралэнца и лэ ԥэянца анда собрания. Амэ сыкавас амари любовь каринг лэндэ, кала проандярас лэнца время, сытювас лэндар и вмести служысарас. Кодэлэса, сар о Иаково диқэлас пэр пэстэ и пэ авэр, сар андярэлас пэс и сытярэлас, во сыкадя амэнди примеро. Если амэ старысавас тэ сытювас лэстар, тоди амэ прославим лэ Иеговас и поможысараса бутэ манушэнди тэ ашэн друӷоря амарэ небеснонэ Дадэсти.