Сар тэ на хасарас и радость, кала исин ԥаримос?

1, 2. Со амэндэ трэбуй тэ авэл андо ди, кала амэндэ исин ԥаримос андэ жызня, сар ԥэнэнпэ андэ Матфея 5:11?

О ИИСУСО ԥэндя, кай кала амэ ласа тэ служысарас лэ Дэвлэсти, амэ аваса па чачимастэ бахталэ, но кадяжэ во ԥэндя, кай амэндэ авэла и о ԥаримос (Матф. 10:22, 23; Луки 6:20—23). Амэ лошалэ тэ служысарас лэ Дэвлэсти. Но кала о родо на дэл амэнди тэ служысарас лэсти или и власти амэн вэрыцын, кай амэ патяс андо Иегова, кадэлэстар амэнди можэт тэ авэл ԥарэс по ди. Кадяжэ ԥарэс можэт тэ авэл кала тасавэн пар мэндэ и мануша пэ бути или и однокласникоря и камэн, кай амэ тэ стерас варисо нэправильно англа Дэл.

² Кала лэ манушэндэ исин ԥаримос андэ жызня, лэнди ԥарэс тэ лошавэн. Андэ Библия ԥэнэнпэ, кай андэ жызня можэт тэ авэл ԥаримос, но всаек андо ди трэбуй тэ авэл радость. И о Иаково пала када пистросардясас, кай тэ на парашас тэ лошавас, дажэ если исин ԥаримос (Иак. 1:2, 12). Ай о Иисусо ԥэндясас кацавэ алава: «Бахталэ тумэ, кала через мандэ пэр тумэндэ ԥэнэн найлашэ алава» и ӷонин. (Адиносар Матфея 5:11.) Но сар тэ виритярас о ԥаримос и тэ на хасарас и радость андо ди? Кай тэ уӷанас пала када и май драго тэ полас када, уӷанам дэсавэ гиндоря анда письморя, савэ пистросардя о Иаково лэ ԥралэнди и лэ ԥэянди андэ собрания. Спэрва уӷанаса пала христианоря анда пэрво вико, сар вонэ виритярэнас о ԥаримос.

САВО ԤАРИМОС САС КАЙ И ХРИСТИАНОРЯ АНДО ПЭРВО ВИКО?

3. Со сас сразу посли кода, сар о Иаково ашэля христианино?

³ Прожыля набут время посли кода, сар о Иаково лэ Иисусоско ԥрал ашэля лэстирэ ученикоса, и пэ христианоря андо Иерусалимо дя бида пала бидатэ, лэн линэ тэ вэрыцын (Деян. 1:14; 5:17, 18). Ай посли кода, сар лэ Стефанос помардэ барэнца и христианоря унашлэтар анда форо и линэ тэ жувэн па вся Иудея и Самария и дажэ линэ тэ жувэн по Кипро и андэ Антиохия (Деян. 7:58—8:1; 11:19). Лэнди прижыляпэ тэ пэрэандярэн бут ԥаримос, но вонэ всаек на парашэнас тэ росԥэнэн пала Дэл, кай бы вонэ тэ на авэн. И блаӷодаря кадэлэсти ашэлэ нэвэ собрании (1 Пет. 1:1). Но кай кадэла христианоря сас и авэр ԥаримос.

4. Саво инке ԥаримос сас кай и христианоря андо пэрво вико?

⁴ Андо пэрво вико андо 50 бэрш лэ И. Х., кай и христианоря сас бут ԥаримос. Андэ кадэва бэрш о римско правителё о Клавдий приԥэндя всаворэ иудеёнэнди, кай вонэ тэ ашавэн кадэва форо и тэ ужан андар лэстэ. И христианоря кадя и стердэ, вонэ ашадэ пэстирэ цэра и жылэ тэ жувэн андэ авэр ҭана (Деян. 18:1—3). Ай варикай андо 61 бэрш лэ И. Х. о Павло пала лэндэ пистросардя, кай лэ ԥралэн и лэ ԥэян анда собрания англа всаворэ лажаварэнас и шонас андо баруно и одлэнас лэндар вся о хабэ (Евр. 10:32—34). Ай аврэндэ сас инке и авэр ԥаримос, лэндэ сас найлашо зор, ай варико сас чороро (Рим. 15:26; Флп. 2:25—27).

5. Пала со амэ подаса дума?

⁵ О Иаково пистросардя пэско письмо тоди, кала лэ ԥралэндэ и лэ ԥэяндэ сас ԥари время. Када сас жы каринг о 62 бэрш лэ И. Х. О Иаково ӷанэнас, саво ԥаримос лэнди прижаласпэ тэ пэрэжувэн. О Иегова через пэско свынто духо дя лэсти гиндо, кай во тэ пистрой советоря лэ ԥралэнди и лэ ԥэянди, сар вонэ тэ пэрэандярэн кадэва ԥаримос и тэ на хасарэн и радость. Шаса сама по письмо, саво пистросардя о Иаково, и уӷанаса атветоря пэ кадэла вопросоря. Пала сави радость пистрояс о Иаково? Васо о христианино можэт тэ хасарэл и радость? Ай кадяжэ уӷанаса, сар амэнди поможый тэ на хасарас и радость, если амэ мудри, смили и патяс андо Иегова, саво бы ԥаримос амэндэ тэ на авэл?

ВАСО АМЭ НА ПАРАШАС ТЭ ЛОШАВАС?

6. Васо, сар пистромэ андэ Луки 6:22, 23, о христианино на парашэл тэ радуийпэ, дажэ кала лэстэ ԥаримос?

⁶ Бут ко гиндой, кай о мануш авэла бахтало кати тоди, кала лэстэ авэла лашо зор, бут ловэ или кала андо ери авэла вся драго. Но о Иаково пистросардя, кай и чачуни радость дэл лэ Дэвлэско свынто духо и кацави радость на прожал со бы тэ на авэл лэ манушэстэ андэ жызня (Гал. 5:22). О христианино авэла па чачимастэ бахтало, кала во полэл, кай во уӷодий лэ Дэвлэсти и терэл кадя, сар сытярэл о Иисусо. (Адиносар Луки 6:22, 23; Кол. 1:10, 11.) Кадэя радость, сави ԥабол кай о христианино андо ди, када сар фонарё. Во светий, сави бы тэ на авэл поӷода, балвал чи брышын. И яг андэр лэстэ на парашэл тэ ԥабол, важ кода кай вой андрэ тала стэкла. Кадяжэ и о христианино на парашэл тэ лошавэл, саво бы ԥаримос тэ на авэл андэ лэстири жызня. Када проблемы лэ зорэса, нинай ловэ, можэт лэстар подасанпэ или пэр лэстэ тасавэл о родо или авэр мануша, кай во патял андо Иегова. Со май бут ԥаримос андэ жызня кай о христианино, со май бари радость лэстэ авэла андо ди. И кала амэндэ исин проблемы, через кода кай амэ лэ Иеговастирэ свидетеля, када сыкавэл, кай амэ па чачимастэ лэ Иисусостирэ ученикоря (Матф. 10:22; 24:9; Иоан. 15:20). Акэ васо о Иаково пистросардя: «Ԥрала, кала тумэндэ ԥаримос, лошавэн» (Иак. 1:2).

7, 8. Васо амэ ашас инке май састэ, кала амэндэ исин ԥаримос?

⁷ Инке о Иаково пистросардя, кай и христианоря ӷотови тэ пэрэандярэн дажэ бари бида андэ пэстири жызня. Во ԥэнэн, кай кала вонэ виритярэн о ԥаримос, када сыкавэл, кай вонэ па чачимастэ патян андо Дэл (Иак. 1:3). Кадяжэ о ԥаримос шолпэ пэ кода, кала о састри росԥабарэн, ай потом резко стон андо шудро паи, кай во тэ авэл май састо. Кадяжэ и амэ, кала пэрэандярас о ԥаримос, ашас май састэ, кай тэ фэрисарас амари дружба лэ Дэвлэса. Важ када о Иаково пистросардя: «Виритярэн о ԥаримос до конца, кай тумэ тэ ашэн совершэни и свынти и кай андэр тумэндэ тэ на авэл нисаво нэдостатко» (Иак. 1:4). Кала амэ диқас, кай виритярас о ԥаримос, тоди амэ лас май фартэ тэ патяс лэ Иеговасти и на парашас тэ радосавас.

⁸ Андэ пэско письмо о Иаково пистросардя, кай через о ԥаримос амэ можэм тэ хасарас и радость и тэ парашас тэ лошавас. Но саво када ԥаримос, и сар лэс тэ пэрэандярас?

САР ТЭ ПЭРЭАНДЯРАС О ԤАРИМОС, ЧЕРЕЗ САВО МОЖЭМ ТЭ ХАСАРАС И РАДОСТЬ?

9. Васо амэнди трэбуй мудрость?

⁹ Амэ можэм тэ хасарас и радость, если на ӷанас, со тэ терас. Кала амэндэ исин ԥаримос, и амэ на ӷанас, со тэ терас, амэ трэбуй тэ мангас мудрость кай о Иегова. Трэбуй тэ мангас, кай во тэ поможый амэнди тэ терас кадя, сар чалёл лэсти, и тэ поможый амэнди тэ на парашас лэс тэ кандас. Ай кадяжэ када тэ анэн лашимос лэ ԥралэнди и лэ ԥэянди (Иер. 10:23). Амэнди трэбуй мудрость, кай тэ ӷанас сар тэ андярас пэс и сар тэ дас дума кодэлэнца, ко вороӷуин пар мэндэ. Но если амэ на ӷанас, со тэ терас, тоди амэ ласа фартэ тэ пэрэжываем, амэнди авэла ԥарэс по ди, и амэ хасараса и радость.

10. Со трэбуй тэ терас, кай тэ авас мудри, сар ԥэнэнпэ андэ Иакова 1:5?

¹⁰ Со трэбуй тэ терас? Трэбуй тэ мангас мудрость лэ Иеговастар. Если амэ камас тэ виритярас о ԥаримос андэ жызня и тэ на парашас тэ лошавас, спэрва трэбуй тэ мангас мудрость лэ Иеговастар, би лако амэ нэ сможэм тэ прилас кацавэ ришэнии, савэ чалёна лэсти. (Адиносар Иакова 1:5.) Но со если амэ манглямпэ лэ Иеговасти, ай во, сар амэнди здэлпэ, на ашунгля амари молитва? Тоди трэбуй тэ шас сама, со ԥэндя о Иаково пала када. Лэстирэ алава «мэк мангэл кай о Дэл» сыкавэн, кай трэбуй най еқвар тэ мангас лэ Иеговастар варисо, ай трэбуй када тэ терас, пока о Иегова на дэла амэнди, со мангас. О Иегова на лэла тэ шол амэнди пэ яқа, если амэ най еқвар мангаса лэстар варисо. Наоборот, кала амэ мангас лэ Иеговастар мудрость, во дэл амэнди ла анда вся оди, важ кода кай во полэл, саво ԥаримос амэндэ можэт тэ авэл андэ жызня (Пс. 25:12, 13). Во полэл, со амэндэ по ди и фартэ камэл амэнди тэ поможый. И чаче исин васо тэ радосавас, кала о Иегова кадя терэл! Но сар о Иегова дэл амэнди мудрость?

11. Со трэбуй инке тэ терас, кай тэ авас май мудри?

¹¹ О Иегова дэл амэнди мудрость через пэско алав и Библия (Прит. 2:6). Но кай тэ авэл амэндэ кадэя мудрость, амэ трэбуй май драго тэ полас ла и и литература, сави стерди пар латэ. Амэ трэбуй най просто май бут андар латэ тэ уӷанас, ай трэбуй тэ терас кадя, сар котэ пистромэ. О Иаково пистросардя: «Авэн кацавэ, ко терэл кадя, сар ашунэл, ай най кацавэ, савэ кати ашунэн» (Иак. 1:22). Кала амэ приласа и советоря анда Библия, амэ ласа инке май фартэ тэ жалуисарас аврэн анда вся оди, аваса май мудри и ласа инке май фартэ тэ старысавас тэ ладисарас аврэнца (Иак. 3:17). Када амэнди поможыя тэ пэрэандярас любо ԥаримос и тэ на хасарас и радость.

12. Васо амэнди трэбуй драго тэ ӷанас и Библия?

¹² И Библия сар юнглинда. Вой поможый амэнди тэ полас, со амэ терас най кадя и тэ парудювас (Иак. 1:23—25). Например, амэ ӥто вижас андар пэстэ. Но кала адиносарас и Библия, амэ полас, кай амэнди трэбуй тэ пристас зор, кай тэ ритярас пэс андэ вас. И о Иегова поможый амэнди, тэ на вижас андар пэстэ, кала варико или варисо холярэл амэн. Блаӷодаря кадэлэсти амэ май драго поласа, со тэ терас и сар тэ прилас лащи ришэния, кай тэ улас и проблемы (Иак. 3:13). Пэ скати дэ важно тэ ӷанас и Библия!

13. Васо амэнди трэбуй тэ гиндосарас пала мануша, пала савэ пистромэ андэ Библия?

¹³ Дэкала амэ полас пэстири ошыбка кати тоди, кала ужэ ла стердям. Но кай амэ тэ авас мудри амэнди трэбуй тэ сытювас лэ лашэ манушэндар и тэ на терас кадя, сар терэн и найлашэ мануша. О Иаково най евья ԥэндясас кай трэбуй тэ шас сама и тэ сытювас кай о Авраамо, и Раав, о Иово и кай о Илья (Иак. 2:21—26; 5:10, 11, 17, 18). Кадэла служытеля, кандэнас лэ Иеговас, вонэ виритярдэ о ԥаримос и на парашэлэ тэ лошавэн. И амэндэ вижала тэ виритярас любо ԥаримос, важ кода кай и амэнди поможый о Иегова.

14, 15. Васо важно тэ терас вся, кай тэ на парашас тэ патяс лэ Иеговасти?

¹⁴ Амэ можэм тэ хасарас и радость, если на допатяс лэ Иеговасти. Дэкала амэ можэм тэ на дополас варисаво гиндо анда Библия, или о Иегова на дя атвето пэ амари молитва кадя, сар амэ аштярасас. Тоди амэ ужэ най кадя ласа тэ патяс лэ Иеговасти. Если амэ на ласа тэ шас сама пэ када, тоди амари дружба лэ Иеговаса на авэла кацави дэ лащи сар сас (Иак. 1:7, 8). Ай если амэ на допатяс лэ Иеговасти, тоди амэндэ можэт и тэ на авэл о лашимос, саво амэ аштярас англэ.

¹⁵ О апостоло Павло ԥэндя, кай о лашимос, саво аштярэн лэ Иеговастирэ служытеля, можно тэ сыстос кодэлэса, сар о якорё ритярэл о кораблё (Евр. 6:19). Кала пэ моря бари балвал, о якорё ритярэл о кораблё по ҭан, кай лэс тэ на вишол пэ плая. Но кадя авэла кати тоди, если по якорё о цэпо на росшындёла. Но если о цэпо авэла ржавимэ, тоди во росшындёла и на виритярэла о кораблё. Кадяжэ авэла и амэнца, если амэ лас тэ на допатяс лэ Иеговасти, када сар ржавчина, сави росхал о састри. И кала кай кацаво мануш авэла ԥаримос, во можэт тэ парашэл тэ патял лэ Иеговасти, кай во стерэла кода, пала со дя алав. Ай если амэ на патяс лэ Иеговасти, тоди амэндэ на авэла о лашимос, саво аштярас англэ. И сар ԥэндя о Иаково: «Кодэва, ко на допатял, во сар волна андэ моря, сави и балвал ӷоний и шувидэл андэ разни рига» (Иак. 1:6). Кацавэ манушэстэ на авэла радость андо ди!

16. Со трэбуй тэ терас, если амэ лям тэ на допатяс лэ Иеговасти?

¹⁶ Со трэбуй тэ терас? Трэбуй тэ стерас вся, кай тэ на парашас тэ патяс лэ Иеговасти и дажэ тэ патяс май фартэ. Кала жувэлас о пророко Илья, лэ Иеговаско народо парашэля андэ вся тэ патял лэ Иеговасти. И о Илья ԥэндя лэнди: «Скати инке тумэ лэна тэ на допатян? Если о Иегова чачуно Дэл, тоди служын лэсти, ай если о Ваало, тоди служын лэсти». Но о народо на ԥэндя лэсти ни ек алав (1 Цар. 18:21). Кадяжэ и амэ, если амэндэ авелэ гиндоря, кай амэ лям тэ на допатяс лэ Иеговасти, амэ трэбуй со май ӥто тэ шас сама пэ када. Трэбуй тэ родас атветоря пэ пэстирэ вопросоря, кай тэ полас, кай о Иегова ек чачуно Дэл, кай и Библия, када книӷа лэстар и кай лэ Иеговастирэ свидетеля, када лэско народо (1 Фес. 5:21). Если амэ кадя стераса, када поможыя амэнди тэ улас кацавэ гиндоря, савэ на дэн амэнди тэ патяс лэ Иеговасти. Если амэнди трэбуй помощь, амэ можэм тэ поджас каринг и старейшыноря, кай вонэ тэ поможын амэнди тэ полас дэсавэ вопросоря. Кай тэ на хасарас и радость андэ служэния лэ Иеговасти, трэбуй тэ терас када, со май ӥто!

17. Васо амэ можэм тэ умэкас и вас?

¹⁷ Амэ можэм тэ хасарас и радость, если умэклям и вас. Андэ лэ Дэвлэско алав ԥэнэнпэ: «Если андэ ԥари время ту умэклян и вас, тоди тутэ на авэла зор» (Прит. 24:10). О еврейско алав, саво пэрэандярдёл «умэклян и вас» можэт кадяжэ тэ сыкавэл, кала ту дарас. Ай если ту лэса тэ дарас, ту хасарэса и радость анда оди.

18. Сар када тэ виритярас и ԥари время?

¹⁸ Со трэбуй тэ терас? Трэбуй тэ патяс лэ Иеговасти, кай во дэла амэнди смилость. Амэнди трэбуй тэ авас смили, кай тэ виритярас о ԥаримос (Иак. 5:11). Еврейско алав, саво андо письмо Иакова пэрэандярдёлпэ сар «виритярас и ԥари время», дэл гиндо, кай о мануш пэрэандярэл любо ԥаримос андэ пэстири жызня, со бы тэ на авэл. Када сар о халавдо, саво на дарал и смило марэлпэ, и савэс нисо на змарэла па пэрнэ, сар бы тэ на жал пэр лэстэ о вороӷо.

19. Сости амэ можэм тэ сытювас кай о апостоло Павло?

¹⁹ Амэ можэм тэ сытювас кай о апостоло Павло, кай тэ авас смили и кай тэ виритярас о ԥаримос. Канешно, дэкала лэсти здэласпэ, кай лэстэ на хутилэла зор, кай тэ виритярэл о ԥаримос, саво лэстэ сас андэ жызня. Но о Павло всаек вся виритярдя, важ кода кай во патялас лэ Иеговасти, кай во дэла лэсти зор, саво трэбуй (2 Кор. 12:8—10; Флп. 4:13). Кадяжэ и амэнди о Иегова дэла зор и смилость, если амэ прижанас, кай би лэстирэ зорэско амэндэ нисо на вижала (Иак. 4:10).

НА ХАСАРЭН И РАДОСТЬ И ФЭРИН И ДРУЖБА ЛЭ ДЭВЛЭСА

20, 21. Андэр со амэ трэбуй тэ патяс?

²⁰ Амэ ӷанас, кай о ԥаримос, саво амэндэ исин андэ жызня, када най лэ Дэвлэстар. О Иаково пистросардя: «Кала тумэндэ ԥаримос, мэк нико на ԥэнэн: „Кадэва ԥаримос мандэ лэ Дэвлэстар“. Важ кода кай нико на стерэла кадя, кай о Дэл тэ терэл о найлашимос и о Дэл на терэл кадя, кай варико тэ стерэл о найлашимос» (Иак. 1:13). Если амэ патяс андэ када, амари дружба лэ Иеговаса авэла инке май лащи (Иак. 4:8).

²¹ О Иегова «на парудёл» (Иак. 1:17). Во подритярэлас лэ пэрвонэ христианонэн, кала лэндэ сас ԥаримос, во подритярэла и кажнонэс андар мэндэ. Анда вся оди мангэн лэ Иеговас, кай во тэ поможый тумэнди, кай тумэ тэ патян лэсти, кай тэ авэн смили и тэ авэн мудри. Патян, во ашунэл тумарэ молитвы. И во поможыя тумэнди тэ на хасарэн и радость андэ любо ԥаримос!