«На ласа тэ умэкас и вас»

1. Васо амэ бахталэ и абуросарас тэ авас лэ Иеговастирэ свидетеля?

ТЭ АВАС лэ Иеговастирэ служытеля, када бари бах! Амэ жувас кадя, кай тэ прославляеца лэ Иеговаско алав, росԥэнас пала лэстэ аврэ манушэнди и поможысарас, кай вонэ тэ авэн лэ Иисусостирэ ученикоря. Амэ фартэ лошавас, если амэндэ вижал тэ дас помощь лэ манушэсти, саво цырдэлпэ «каринг о чачимос, саво дэл вечно жызня», тэ ашэл лэ Дэвлэско служытелё (Деян. 13:48). Амэндэ по ди кода жэ, со кай о Иисусо. Во фартэ лошавэлас, кала лэстирэ ученикоря росԥэнэнас, со лэндэ сас интересно андэ служэния (Луки 10:1, 17, 21).

2. Андэр со дицол, кай и служэния лэ Иеговасти важ амэндэ фартэ важно?

² Амэ полас, кай амари служэния лэ Дэвлэсти, када фартэ важно. О апостоло Павло ԥэндя лэ Тимофеёсти: «Вся и время дик пала пэстэ и пала кода, сар ту сытярэс. ...Кала кадя терэса, фэриса и пэс, и кодэлэн, ко тут ашунэн» (1 Тим. 4:16). Вижал, кала амэ росԥэнас важ о Царство, када спасый лэ манушэндири жызня. Амэнди вся и время трэбуй тэ диқас пала пэстэ, важ кода кай амэ лэ Иеговастирэ служытеля. Кажнона пэстиря диласа амэ камас тэ слависарас лэс и тэ сыкавас, кай жувас кадя, сар росԥэнас лэ манушэнди анда Библия (Флп. 1:27). Ай важ кода, кай тэ диқас, сости амэ сытярас, амэ драго ӷотовимся каринг и служэния и мангас лэ Иеговас тэ подритярэл амэн.

3. Сар дэкала и мануша ашунэн пала лэ Дэвлэско Царство? Росԥэнэн о примеро.

³ Но дэкала, хоть амэ и пристас бут зор андэ служэния, амэн ашунэн фартэ набут мануша или вобще нико. Можэт, тумэ сэрэн, со сас андэ жызня кай о ԥрал Георго Линдало. Лэ 1929 бэршэстар жы каринг 1947 бэрш во сас ек лэ Иеговаско служытелё, саво росԥэнэнас пала Дэл андэ Исландия. О Георго роздя тысячи книжки, но нико кадя и на приля о чачимос пала Дэл. Во пистросардя: «Дэсавэ сас против, но май бут мануша просто на камэн тэ ашунэн пала Дэл». Потом андэ Исландия авелэ ԥрала и ԥэя, савэ сытелэ андэ Школа Галаадо. Но всаек трэбуй сас тэ прожан инке 9 бэрш, кай варико тэ болдёлb.

4. Со амэндэ по ди, кала и мануша на камэн амэн тэ ашунэн или о изучающё нисо на терэл, кай тэ болдёл?

⁴ Канешно, амэнди нэприятно, кала и мануша на камэн тэ ашунэн амэн или о изучающё долӷо нисо на терэл, кай тэ болдёл. О апостоло Павло ԥэндя, кай лэско «ди ровэл и вся время дуқал», важ кода кай бут евреёря на прижанглэ кай о Иисусо, када Христос (Рим. 9:1—3). Например, тумэ изучаете лэ манушэса и Библия, драго ӷотовитесь каринг и изучения и мангэнпэ пала лэстэ. Но во на прилэл андэ пэстири жызня кода, со уӷанэн, и тумэнди трэбуй тэ ашавэн кадэя изучения. Или анда кодэла, каса тумэ изучали, кадя нико и на болделя. Дошалэ андэ када тумэ? Ай ԥэнэн када, кай лэ Иеговасти на чалёл, сар тумэ росԥэнэн пала лэстэ? Андэ кадэя статья амэ розласа дуй вопросоря. Андар со дицол, кай о Иегова блаӷословий амари служэния, и сар тэ диқас пэ служэния кадя жэ, сар во?

САР ДИЦОЛ, КАЙ О ИЕГОВА БЛАӶОСЛОВИЙ АМАРИ СЛУЖЭНИЯ?

5. Васо дэкала андэ служэния на вижал вся кадя, сар амэ камас?

⁵ Андэ Библия ԥэнэнпэ, кай о мануш, саво кандэл лэ Дэвлэс, «вся, со во терэл, лэстэ вижал» (Пс. 1:3). Но када на сыкавэл, кай вся, со амэ терас андэ служэния лэ Иеговасти, вижала кадя драго, сар амэ камас. Амэ всаворэ нэсовершэни и андэ жызня «бут ԥаримос» (Иов 14:1). И инке, пар мэндэ тасавэн и вороӷоря, и амэ нэ можэм смило тэ росԥэнас пала Иегова (1 Кор. 16:9; 1 Фес. 2:18). Сар жэ тоди о Иегова диқэл пэ амари служэния? Кай тэ уӷанас пала када, давайте роздиқаса дэсавэ принцыпоря анда Библия.

6. Сар о Иегова диқэл пэ амари служэния?

⁶ О Иегова шол сама, кала амэ стас бут зор андэ служэния и виритярас о ԥаримос. Во цэний, кала амэ анда вся оди на парашас тэ росԥэнас пала лэстэ, дажэ если амэн на ашунэн. О Павло пистросардя: «О Дэл най нэправедно, кай тэ бистрэл тумари дила и любовь, сави тумэ сыкадэ каринг лэско алав кодэлэса, кай поможынас и на парашэнас тэ поможын лэ свынтонэнди» (Евр. 6:10). О Иегова сэрэл амари любовь и амари дила, дажэ если нико анда мануша, савэнди амэ росԥэнасас пала Дэл, на болделя. Инке о Павло пистросардя лэ коринфянонэнди: «Сэрэн, кай вся, со тумэ терэн важ о Ӷосподо, най евья» (1 Кор. 15:58). Кадэла алава поджан и каринг амэндэ, нэ важно, вижыля амэндэ андэ служэния вся кадя, сар амэ камасас чи най.

7. Сости амэ сытювас анда кода, сар о Павло диқэлас пэ пэстири служэния?

⁷ О апостоло Павло сас фартэ лашо мисианеро. И блаӷодаря лэсти андэ бут фороря стердэ собрании. Но всаек, дэсавэ дэнас дума найдраго пала лэстэ и ԥэнэнас, кай во най фартэ лашо учителё. Шон сама, со кацавэ манушэнди ԥэнэнас о Павло: «Мэ май бут тердэм дила, чем авэр» (2 Кор. 11:23). О Павло поможысардя фартэ бутэ манушэнди тэ ашэн христианоря! И во моӷ тэ шол сама именно пэ кадэла алава. Но во на ля када тэ терэл. Сар и о Павло, на бистрам, важ о Иегова само цэно, кай амэ пристас зор андэ служэния и виритярас о ԥаримос.

8. Пала саво важно гиндо амэнди трэбуй тэ сэрас?

⁸ Ужэ ек амари служэния радуий лэ Иеговас. Еқвар о Иисусо бишалдя пэстирэ 70 учениконэн, кай вонэ тэ жан тэ росԥэнэн пала лэ Дэвлэско Царство. Посли служэния вонэ сас фартэ лошалэ. Васо? Вонэ ԥэндэ лэ Иисусости: «Ӷосподо, дажэ и найвужэ амэн кандэн, кала амэ ԥэнас тиро алав». Но о Иисусо шутя сама, со май важно: «Радуинпэ най кодэлэсти, кай и бэнга тумэн кандэн, ай кодэлэсти, кай... [тумарэ алава] запистромэ по нэбо» (Луки 10:17—20). О Иисусо полэлас, кай андэ служэния лэндэ най всегда авэна кацавэ интересни случаёря. Чаче тэ ԥэнас, амэ дажэ на ӷанас, бут мануша, касти и ученикоря тоди росԥэнэнас пала Дэл, ашэлэ христианоря чи най. О Иисусо камля тэ сытярэл пэстирэ учениконэн тэ полэн важно гиндо. Май бари радость андэ служэния авэла най кодэлэстар, кала амэн драго ашунэн, ай тоди, кала амэ полас, кай лэ Иеговасти приятно тэ диқэл, кай амэ всаворэ одеса служысарас.

9. Сави авэла блаӷословения, если амэ, со бы тэ на авэл, на парашас тэ росԥэнас пала Дэл? (Галатам 6:7—9).

⁹ Адиносар Галатам 6:7—9. Если амэ, со бы тэ на авэл, на парашас тэ росԥэнас пала Дэл, тоди амэндэ авэла вечно жызня. О земледельцо старыийпэ тэ сеий о зэрно и тэ шол пэр лэстэ паи. Кадя жэ и амэ, сар ԥэндя о Павло, сеисарас, кала терас «кода, со камэл о духо». Аврэ алавэнца, амэ терас кадя, сар амэнди о Иегова подԥэнэн через пэско свынто духо. О Иегова дэл алав, кай кодэлэстэ, ко на умэкэла и вас и на сдэлапэ, авэла вечно жызня. И када нэ зависит, поможысардям амэ варикасти тэ болдёл чи най.

ДИҚЭН ПЭ СЛУЖЭНИЯ КАДЯ, САР О ИЕГОВА

10. Состар зависит, авэла о мануш тэ ашунэн пала Дэл чи най?

¹⁰ Ашунэла амэн о мануш чи най зависит кодэлэстар, саво лэстэ ди. Кай тэ полас кадэва гиндо, шам сама пэ притча пала сеятелё, сави росԥэндя о Иисусо. О зэрно, саво росшолас кадэва мануш, попэля андэ разно почва, и кати кодэла семена, савэ во шутя пэ лащи ԥув, андэ́ уражаё (Луки 8:5—8). О Иисусо росԥэндя, кай и разно почва када и мануша, савэ по разному андярэн пэс, кала ашунэн пала Дэл (Луки 8:11—15). Сар и о сеятелё, амэ нисо нэ можэм тэ стерас, кай лэ манушэстэ май ӥто тэ барёл и дружба лэ Иеговаса. Када зависит кодэлэстар, саво ди кай о мануш. Амари дила, и дальшэ тэ сеисарас, када тэ росԥэнас пала лэ Дэвлэско Царство. Сар ԥэндя о апостоло Павло, «кажнонэ манушэсти дэна лашимос» важ кода, саво зор во пристодя, ай най важ кода, саво результато када андя (1 Кор. 3:8).

11. Васо андэ лэ Иеговастирэ яқа о Ноё драго стердя пэстири дила? (Диқэн и картинка пэ обложка.)

¹¹ Всегда сас и мануша, савэ на камэнас тэ ашунэн лэ Иеговастирэ служытелёнэн. Например, о Ноё андярэлас приӷоворо лэ Иеговастар варикай 40 или 50 бэрш (2 Пет. 2:5). О Ноё надеияспэ, кай и мануша приашундёнапэ, но о Иегова на ԥэндя, кай кадя авэла. Кала во дя лэ Ноёсти задания тэ строий о ковчеӷо, во ԥэндя: «Ту зажаса андо ковчеӷо, и туса зажана тирэ шавэ, тири хулаи и тирэ боря» (Быт. 6:18). Важ кода кай о ковчеӷо сас най фартэ баро па размеро, о Ноё полэлас, кай каринг лэстэ приашундёна набут мануша (Быт. 6:15). Но, сар амэ ӷанас, кацавэ манушэн совсем на сас (Быт. 7:7). О Иегова на гиндояс, кай о Ноё най драго стердя и дила, сави во лэсти дя. Наоборот, андэ Библия пала лэстэ ԥэнэнпэ, кай во «стердя кадя, сар ԥэндя лэсти о Дэл. Точно кадя во и стердя» (Быт. 6:22).

12. Со поможыяс лэ Иеремиясти тэ на хасарэл и радость андэ служэния, хоть и мануша на камэнас лэс тэ ашунэн и дажэ ӷонинас?

¹² О пророко Иеремия тожэ най ек бэрш росԥэнэнас пала Дэл, но и мануша на камэнас лэс тэ ашунэн и дажэ ӷонинас. Еқвар сас кацаво, кай лэсти сас фартэ ԥарэс, кай пэр лэстэ ԥэнэнас найлашэ алава и асанаспэ. И важ када во закамля вся тэ ашавэл. Но тэ на росԥэнэн пала Дэл во нэ моӷ! (Иер. 20:8, 9). Со лэсти поможысардя тэ на умэкэл и вас и тэ на хасарэл и радость? Во полэлас, кай о Иегова дя лэсти фартэ важно дила. Када тэ росԥэнэн лэ манушэнди, кай лэн аштярэл лашимос англэ (Иер. 29:11). Инке важ о Иеремия сас бари бах тэ дэл дума лэ Дэвлэстирэ алавэстар (Иер. 15:16). Кадя и амэ росԥэнас лэ манушэнди, савэ жувэн андэ кадэя найлащи люма, и новость, сави дэл лэнди надежда. Кадяжэ амэ дас дума лэ Иеговастирэ алавэстар, сар лэстирэ свидетеля. Если амэ ласа тэ сэрас пала када, тоди амэ на хасараса и радость, дажэ если и мануша амэн на ашунэн.

13. Сости амэн сытярэл лэ Иисусостири притча, сави запистромэ андэ Марка 4:26—29?

¹³ Лэ манушэстэ най сразу авэла лащи дружба лэ Иеговаса. Пала када росԥэндя о Иисусо андэ притча, сави запистромэ андэ Марка 4:26—29 (адиносар). Пока о сеятелё совэл, о зэрно, саво во шутя андэ ԥув, понабут лэл тэ барёл, и во нисо нэ сможэт тэ стерэл, кай када тэ авэл май ӥто. Кадяжэ и амэ нисо нэ сможэм тэ стерас, кай о мануш май ӥто тэ ашэл лэ Иеговаско друӷо. Када терэлпэ понабут и, можэт, дажэ сразу на дицола. Во када лэла тэ терэл кадя, сар лэсти авэла фэдэр, ай най, сар амэнди камэлпэ. Важ када на умэкэн и вас, если лэ манушэсти, кай тэ парудёлпэ, трэбуй авэла май бут время, чем амэ гиндосарасас. Сар и о сеятелё, амэ трэбуй просто тэ аштярас (Иак. 5:7, 8).

14. Васо дэкала амэ трэбуй тэ аштярас бэршэнца, кай андэ служэния тэ авэл результато?

¹⁴ Андэ дэсавэ ҭана прижалпэ тэ росԥэнэн пала Дэл бут бэрша, кай хоть ек варико тэ болдёл. Уӷанаса пала дуй чаче ԥэя, савэн ақарэн Глэдис и Руби Аллен. Андо 1959 бэрш лэн бишалдэ тэ служын, сар общи пианероря, андо Квебекоc. Котэ и мануша фартэ даранас, со пала лэндэ дэна дума и сосидоря. Важ када вонэ на камэнас тэ ашунэн и весть пала Царство. И инке пэр лэндэ фартэ тасавэнас и рашая анда қандири. И Глэдис росԥэнэн: «Амэ служысарасас цэр цэрэстар по 8 часов андо дес, и нико дажэ и вудара на ԥэрнавэлас! Кадя сас дуй бэрш. И мануша поджанас каринг и вудара и змэкэнас и жалюзи пэр латэ. Но амэ на сдасаспэ». Прожыля время, и катутнэ мануша линэ май драго пэс тэ андярэн лэ Иеговастирэ свидетелёнэнца, и дажэ дэсавэ линэ тэ изучают и Библия. Ай акана андэ кодэва форо исин трин собрании (Ис. 60:22).

15. Со пистромэ андэ 1 Коринфянам 3:6, 7 пала дила, кай поможысарас лэ манушэнди тэ ашэн лэ Иисусостирэ ученикоря?

¹⁵ Амэ всаворэ терас ек дила, кай тэ поможысарас лэ манушэнди тэ ашэн лэ Иисусостирэ ученикоря. Кала о изучающё камэл тэ болдёл, лэсти андэ када поможый вся и собрания. (Адиносар 1 Коринфянам 3:6, 7.) Прецтавим, кай о ԥрал ашадя лэ манушэсти буклето или журнало и доԥэнделя тэ авэл лэстэ упалэ. Но потом во полэл, кай лэстэ на вижала тэ попэрэл каринг кодэва мануш, и во мангэл аврэ ԥралэс тэ жал кодэлэ манушэстэ. И ужэ кадэва ԥрал лэл лэса тэ изучает и Библия. Во ақарэл пэ изучения разнонэ ԥралэн и ԥэян, и кажно андар лэндэ поможый, кай о изучающё май драго тэ уӷанэн лэ Иеговас. Сар и о сеятелё шол паи, кай тэ барёл о зэрно, кадя жэ вся и собрания поможый, кай о изучающё тэ болдёл. Ай кала кадэва мануш болдёл, тоди лошавэл и кодэва, ко лэса изучал, и ко спэрва задя дума лэса (Иоан. 4:35—38).

16. Со поможыя амэнди тэ на хасарас и радость андэ служэния, дажэ если о зор ужэ най во?

¹⁶ Варико через найлашо зор или ԥурэ бэрша ужэ нэ можэт кадя бут тэ служый и тэ поможый лэ манушэнди тэ ашэн лэ Иисусостирэ ученикоря. Дажэ если када кадя, амэ всаек можэм тэ лошавас, кай хоть набут терас варисо важ лэ Дэвлэстири дила. Шам сама пэ ек ситуацыя анда лэ Давидостири жызня. Во и лэстирэ 600 воиноря уӷанглэ, кай и амаликитяноря захутилдэ лэндирэ еря и залинэ вся лэнго хабэ. Тоди о Давидо пэстирэ манушэнца ля тэ ӷонийпэ пала лэндэ. Но 200 воиноря вимарделэ анда зор и нэ смоӷли тэ прастэн пала бандиторя. И всаек, посли кода, сар о Давидо победисардя лэ вороӷонэн, во поровну роздя и бажын всаворэ пэстирэ манушэнди (1 Сам. 30:21—25). Анда када амэ бут сости сытювас. Кажно разо, кала варико ашэл лэ Иеговаско служытелё, када бари бах важ вся и собрания. И кажно вазвещятелё, саво терэлас вся, со сас па лэско зор, можэт тэ радуийпэ всаворэ ԥралэнца и ԥэянца, кай кадэва мануш ля тэ служый лэ Иеговасти.

17. Пала со амэ блаӷодарни лэ Иеговасти?

¹⁷ Амэ блаӷодарни лэ Иеговасти, сар во диқэл пэ амари служэния. Во полэл, кай амэ нэ сможэм тэ застависарас лэ манушэн тэ ашунэн пала лэско Царство и тэ прилэн о чачимос анда Библия. Важ лэстэ важно, саво зор амэ пристас и савэ одеса када терас. Именно важ када во амэн и блаӷословия. Кадяжэ о Иегова поможый амэнди тэ на хасарас и радость андэ служэния, дажэ если амэ терас совсем набут (Иоан. 14:12). Патян, если тумэ на сдэнпэ и на умэкэн и вас, о Иегова тумэнца фартэ довольно!