• Со трэбуй тэ стерэл о мануш, кала во тердя баро бэзэх?
    Жувэн вечно пэ бахтатэ! Сытювас па Библия анда книжка, кай исин видеоря и бут статьи

    • 4. О Иегова одяло каринг кодэла, ко стердя бэзэх

      Если о мануш, саво стердя баро бэзэх англа Дэл, будэр на камэл тэ жувэл па лэско законо, лэс дурярэн ла собраниятар. Во будэр на дэл дума лэ ԥралэнца и лэ ԥэянца анда собрания и вонэ лэса тожэ на дэн дума. Адиносарам 1 Коринфянам 5:6, 11 и подам дума пала вопросо, саво май тэлэ.

      • Если андо хумэр тэ шос набут дрожы, тоди вся о хумэр ваздэлапэ. Сар када сыкавэл, кай и общения лэ ӷрешникоса, саво на каийпэ, можэт повлиять пэ вся и собрания?

      И старейшыноря старыинпэ тэ шонпэ по Иегова и тэ авэн одялэ каринг и мануша, савэ стердэ бэзэх. И ԥрала на бистрэн пала кацавэ мануша и поможын лэнди тэ ринпэ андэ собрания. Бут кодэла, кас дурярдэ, потом рисайлэ андэ собрания. Хоть лэнди и сас фартэ ԥарэс, када поможысардя, кай вонэ тэ полэн, со вонэ стердэ (Псалом 141:5).

      О Иегова устожливо, одяло и любящё каринг кодэла, ко стердя бэзэх. Андар со када дицол?

      5. Если мануш каийпэ, о Иегова лэс простия

      О Иисусо росԥэндя притча, сави дэл тэ полас, со кай о Иегова по ди, кала о мануш каийпэ. Адиносарам Луки 15:1—7 и подам дума пала вопросо, саво май тэлэ.

      • Со анда кадэя притча амэ полас пала кода, саво о Иегова?

      Адиносарам Иезекииль 33:11 и подам дума пала вопросо, саво май тэлэ.

  • Ашпэ предано лэ Иеговасти
    Жувэн вечно пэ бахтатэ! Сытювас па Библия анда книжка, кай исин видеоря и бут статьи

    • 1. Со дэсавэ моӷут тэ терэн, кай тэ одындярэн амэн лэ Иеговастар?

      Дэко камэл, кай амэ тэ парашас тэ служысарас лэ Иеговасти, — када отступникоря и дэсавэ барэ мануша анда веры. И отступникоря — када и мануша, савэ ашадэ лэ Иеговастири арӷанизацыя и акана хохавэн пэр латэ, кай амэ тэ парашас тэ патяс. Кадяжэ дэсавэ барэ мануша анда хохавнэ веры розындярэн о хохаимос пала лэ Иеговастирэ свидетеля. Кадэлэса вонэ камэн тэ одындярэн лэ манушэн лэ чачимастар. Если амэ ласа тэ доԥэнас лэнди пэско чи тэ адиносарас лэндирэ книжки, тэ зажас пэ лэндирэ странички или пэ лэндирэ сайторя, тэ диқас лэндирэ видеоря, када можэт тэ анэн каринг и бида. Пала кодэла, ко камэн, кай амэ тэ ашавас лэ Иеговас андэ Матфея 15:14 пистромэ: «На шон сама пэр лэндэ. Вонэ корэ и екжэнэ на ӷанэн каринг жан. Ай если о коро андярэл лэ корэс, тоди лэдуй пэрэна андэ яма».

      2. Дицол амари преданость лэ Иеговасти па кода, со амэ витидас?

      Амэ любисарас лэ Иеговас, и важ када нисар на ласа тэ сԥандювас ла хохавня вераса. Амэ на камас тэ терас нисави бути, и нисо авэр, со сԥангло ласа. Инке тэ на авас ни андэ сави арӷанизацыя, сави сԥангли кадяжэ ла хохавня вераса и на камас нисар ла тэ подритярас. О Иегова ԥэнэн амэнди: «Вижа [анда Вавилоно Велико], мэрно народо» (Откровение 18:2, 4).

      УӶАНАМ МАЙ БУТ

      Андэ кадэя ӷлава амэ уӷанаса, со тэ терас, кай аврэндэ тэ на вижал тэ римон амари дружба лэ Иеговаса, и сар тэ полас, кай трэбуй тэ вижас анда Вавилоно Велико?

      3. Фэринпэ кодэлэндар, ко сытярэл лэ хохаимасти пала Дэл

      Со тэ терас, кала ашунас хохаимос пала лэ Иеговастири арӷанизацыя? Адиносарам Притчи 14:15 и подам дума пала вопросо, саво май тэлэ.

      • Васо на трэбуй тэ патяс всаворэсти, со ашунас?

      Адиносарам 2 Иоанна 9—11 и подам дума пала вопросоря, савэ май тэлэ.

      • Сар трэбуй тэ андярас пэс лэ отступниконэнца?

      • Дажэ если амэ на дас дума лэ отступниконэнца, сар можэт тэ вижал, кай амэ всаек ашунаса лэндирэ вэрыти гиндоря?

      • Со авэла по ди кай о Иегова, если амэ ласа тэ уӷанас, со и отступникоря дэн дума пала Иегова и пала лэстири арӷанизацыя?

      4. На параш тэ кандэс лэ Иеговас, кала андэ собрания варико тердя бэзэх