Сытювас май драго тэ служысарас. Сар правильно тэ пистросарас и письморя

ВАСО КАДА ТРЭБУЙ? И книӷа 1 Коринфянам, када ек анда 14 письморя, савэ о Павло пистросардя, кай тэ подритярэл лэ ԥралэн. И идоси через и письморя можно тэ дас дума лэ манушэнца. И алава андо письмо драго подтидэ, важ кода кай кодэлэстэ, ко лэс пистросардя, сас время тэ погиндой, со во камэл тэ ԥэнэн. Кадяжэ о письмо можно най еқвар тэ проадинос. Через и письморя драго тэ росԥэнас важ о Дэл лэ родости и кодэлэнди, кас ӷанас. Через и письморя кадяжэ можно тэ росԥэнас пала Дэл кодэлэнди, каса на вижал тэ подас дума. Например, када кодэла, касти интересно тэ ашунэн, но кас нинай цэрэ или кодэла, ко жувэн андэ цэра, кай бут квартиры или ҭана, каринг нащи тэ зажас. Пала со трэбуй тэ сэрас, кала пистросарас о письмо, особенно кодэлэнди, кас на ӷанас?

САР КАДА ТЭ ТЕРАС?

• 

  Пистросар кода, со бы ту ԥэндоп кадэлэ манушэсти, кала диқлопэ лэса. Спэрва ԥэн ко ту и драго росԥэн, васо ту пистрос о письмо. Тоди задэ вопросо, кай о мануш тэ погиндой. Ԥэн, кай амэ би ловэнго сытярас па Библия и росԥэн дэсавэ темы анда литература па сави сытярас.

• На пистросар бут, кай о мануш тэ на цыёл, кала лэла тэ адиной о письмо.

• Дик, кай вся тэ авэл пистромэ правильно, кай тэ авэл вушэро тэ адиной и кай тэ на авэл пистромэ ӷрубо. Если ту бишалэс о письмо па почта, приклей марки, скати трэбуй. Андэ дэсавэ страны, если на хутилэна марки, па кодэва, касти бишалдям о письмо, моӷут тэ лэн и ловэ.

• На лажа тэ подэс дума лэ старейшинонэнца пала кода, сар тэ пистрос и письморя.