Источникоря важ и тетрадка, кай тэ сытювас «Дром и служэния»
1—7 ИЮЛЯ
СОМНАК АНДА БИБЛИЯ | КОЛОССЯНАМ 1—4
«Ашавэн и пурани жызня и жувэн нэвя жызняса»
(Колоссянам 3:5—9) Важ када умарэн андэ тумари тила кода, со камэл тэ терэл билажавардимос, мэлалимос. Инке умарэн кода, со камэлпэ, но нащи, кода, со камэлпэ, но анэн каринг и смэрть. И на авэн чорымастирэ. Када еқэндар кодэлэса, кала тэлён хохавнэ дэвлэсти. 6 Важ када авэла лэ Дэвлэстири холи. 7 Кадя варикала терэнас и тумэ, кала жувэнас андэ вся када. 8 Но акана отстон пэстар вся: ярость, гнево, холи, алава, савэ терэн ԥарэс по ди и билажаварди дума тэ на жал тумэндар. 9 На хохавэн ек еқэс. Парувэн пэс и мэкэн найлашэ делоря.
w11 15/3 9—10, абз. 12, 13
Мэк тумэн андярэл лэ Дэвлэско духо, ай най лэ мироско
12 Саво духо дицол мандэ андо ди и андэ кода, сар мэ пэс андярав? (Адиносар Колоссянам 3:8—10, 13.) О духо кадэлэ мироско сытярэл тэ терас кода, со камэл амари ӷрешно тила (Галатам 5:19—21). Тэ полас, саво амэндэ духо можно най тоди, кала вся драго, ай тоди кала терэлпэ варисо най лашо. Например, тоди, кала варико анда собрания на шол сама пар мэндэ, холярэл или дажэ терэл против амэндэ бэзэх. Кадяжэ кода, саво амэндэ духо, можэт тэ дицол тоди, кала амэ цэрэ. Можно тэ пушэс пэстар: «Важ о послиднё епаш бэрш, мэ лэм май фартэ тэ шавпэ по Христос, или мэ упалэ лэм найдраго тэ дав дума и тэ андярав пэс сар варикала?»
13 Лэ Дэвлэско духо можэт тэ поможый амэнди тэ парувас пэс и тэ мэкас вся, со камэл и ӷрешно тила. Када поможыя амэнди тэ любисарас май фартэ аврэн и тэ терас лашимос. Амэнди авэла май вушэро тэ простисарас еқаврэс анда вся оди, дажэ если па амарятэ исин васо тэ холявас. Амэ будэр на ласа пэ нэсправедливость тэ холявас, тэ ԥэнас алава, савэндар ԥарэс по ди и тэ дас дума билажавардэс. Фэдэр амэ ласа тэ терас вся, кай анда оди тэ полас и тэ жалуисарас аврэн (Эфесянам 4:31, 32).
(Колоссянам 3:10—14) и ашэн нэвэ манушэса, саво ашэл нэво, через кода, кай ӷанэн о чачимос и сытёл тэ андярэл пэс кадя, сар андярэл пэс о Дэл. 11 Катэ нинай ни греко, ни иудеё, ни обрезано, ни найобрезано, нинай анда авэр народоря, нинай скифо, нинай рабо, нинай свободно, но вся и важ всаворэ о Христос. 12 Важ кода кай тумэн витидя о Дэл и тумэ свынти и тумэн любин, утидэнпэ андэ бари любовь, кай тэ полэн и тэ жалуин, и андо лашимос. На гиндон пала пэстэ бут, тэ авэл тумэндэ ковло ди, и тэ ӷанэн тэ аштярэн. 13 На холявэн ек пэ ек и анда вся оди простин ек еқэс, если варикастэ исин васо тэ холявэл пэ авэр. Сар о Иегова анда вся оди простисардя тумэн, кадяжэ простин и тумэ. 14 Ай инке, утидэнпэ андэ любовь, важ кода кай вой май ӷлавно и стидэл всаворэн.
w13 15/9 21, абз. 18, 19
Ай тумэ парудён?
18 Кай и алава анда Библия тэ парувэн амэн, амэнди трэбуй най кати тэ адиносарас ла, но и тэ гиндосарас пала кода, со проадиносардям. Бут мануша дэкала адинон и Библия и важ када драго ӷанэн, со котэ пистромэ. Наверно, ту диқлянас кацавэ манушэн андэ служэния. Дэсавэ андар лэндэ моӷут дажэ тэ росԥэнэн и стихоря анда Библия наизусть. Но часто када на парувэл лэндири жызня. Со лэнди на хутилэл? Кай и Библия тэ парувэл лэ манушэс, во трэбуй тэ домэкэл, кай и алава андар латэ фартэ тэ зажан андо ди. Важ када амэнди трэбуй тэ виарақас время, кай тэ погиндосарас пала кода, со уӷанас анда Библия. Авелоп драго тэ пушас пэстар: «Патяв мэ, кай када най просто варисави учения? Додиқлэм мэ кода, со доԥэнэн, кай када чачимос? Диқав ли мэ, сар тэ терав андэ пэстири жызня кадя, сар уӷанав? На гиндосарав ли мэ, кай кадэлэсти мэ моӷу кати тэ сытярав аврэн? Исин мандэ андо ди кацаво, кай о Иегова дэл дума лично манца?» Кала амэ погиндосараса пала кадэла вопросоря, амэндэ андо ди авэла инке май бари любовь каринг о Иегова и тоди амэ ласа тэ парудювас андэ лащи риг (Притчи 4:23; Луки 6:45).
19 Кала кажно дес адиносарас и Библия и гиндосарас пала кода, со проадиносардям, када поможыя амэнди и май дур тэ терас па алава: «Парувэн пэс и мэкэн и найлашэ делоря и ашэн нэвэ манушэса, саво ашэл нэво, через кода, кай ӷанэн о чачимос» (Колоссянам 3:9, 10). Да, амэндэ вижала тэ полас и гиндоря анда лэ Дэвлэско Алав и тэ полас, сар када поможый. Кода, кай амэ ашас нэвэ манушэса, поможыя амэнди тэ на попэрас андэ лэ Сатанастирэ ловушки.
Виарақас сомнак анда Библия
(Колоссянам 1:13, 14) Во спасысардя амэн анда рабство кай и тэмнота и пэрэандярдя андо царство кай пэско любимо Шаво. 14 Через кода, кай во витиндя амэн, простинпэ амарэ ӷрехоря.
it «Царство Бога», подзаг. «Царство Сына... [Божьей] любви»
Лэ Дэвлэско Царство
«Царство кай... [лэ Дэвлэско] любимо Шаво». Андэ Пятидесятница андо 33 бэрш лэ Иисусостар, через дэш дес посли кода, сар о Иисусо вазгляпэ по нэбо, во дя пэстирэ учениконэнди о свынто духо. Кадя вонэ полинэ, «кай о Дэл дя лэсти баро ҭан паша пэско право вас» (Деяния 1:8, 9; 2:1—4, 29—33). О «нэво доӷоворо», пала саво вонэ доԥэнделэ, ля действовать и вонэ ашэлэ ӷлавно часть анда нэво «свынто народо», анда духовно Израилё (Евреям 12:22—24; 1 Петра 2:9, 10; Галатам 6:16).
Кодэла времятар барэдэр андэ кадэя собрания ашэля о Христос, саво бэшля па право лэ Дадэско вас (Эфесянам 5:23; Евреям 1:3; Филиппийцам 2:9—11). И Библия сыкавэл, кай лэ 33 бэршэстар лэстирэ учениконэнца правий лэ Дэвлэско царство. Андо письмо лэ христианонэнди, савэ жувэнас андо пэрво вико андэ Колоссы, о апостоло Павло дэл дума пала Иисус Христос сар пала кодэва, кастэ ужэ исин царско власть. Во пистрой: «[О Дэл] спасысардя амэн анда рабство кай и тэмнота и пэрэандярдя андо царство кай пэско любимо Шаво» (Колоссянам 1:13; сыстосар Деяния 17:6, 7).
Лэ Христоско Царство сас стодо андо 33 бэрш. Кадэва царство правий лэ христианонэнца, савэ арақаделэпэ лэ Дэвлэстирэ духостар, кай тэ ашэн лэ Дэвлэстирэ шавэнца (Иоанна 3:3, 5, 6). Кала лэ христианонэнди, савэ арақаделэпэ лэ Дэвлэстирэ духостар, дэна наӷрада тэ жувэн по нэбо, вонэ парашэна тэ авэн кодэлэнца, ко жувэла пэ ԥув тала лэ Христоско Царство. Но вонэ авэна тэ правин еқэҭанэ лэса по нэбо (Откровение 5:9, 10).
(Колоссянам 2:8) Диқэн, кай нико тэ на отцырдэл тумэн через кода, сости сытярэн андэ кадэва миро и через лэ манушэнго хохаимос, саво кадэлэ миростар, па принцыпоря кадэлэ миростирэ, ай най па Христос.
w08 8/15 28 9
Интересни гиндоря анда книӷи Галатам, Эфесянам, Филиппийцам и Колоссянам
2:8. Со када «принцыпоря кадэлэ миростирэ», савэндар о Павло ԥэндя тэ фэрисавас? Кадэла принцыпоря ужан андэ лэ Сатанастири система. Вонэ сыкавэн, сави кадэя система, правин лэ манушэнца и цырдэн лэн, кай вонэ тэ терэн кода, со трэбуй важ кадэя система (1 Иоанна 2:16). Андэ кадэла принцыпоря ужан филасофия, барвалимос и хохавнэ религии кадэлэ миростирэ.
8—14 ИЮЛЯ
СОМНАК АНДА БИБЛИЯ | 1 ФЕССАЛОНИКИЙЦАМ 1—5
«Подритярэн ек аврэс и дэн зор ек аврэсти»
(1 Фессалоникийцам 5:11—13) Подритярэн ек аврэс и дэн зор ек аврэсти, сар тумэ и терэн. 12 Мангас жэ тумэн, ԥрала, тэ стон патив пэ кодэла, ко стол бут зор важ тумэндэ, ко сытярэл тумэн андо Ӷосподо, ко подԥэнэн тумэнди. 13 Сыкавэн пэ дила, кай стон пэр лэндэ бари патив и любин лэн пала лэндири дила. Ладин ек аврэса.
w11 15/6 26, абз. 12
Стон патив пэ кодэла, ко бут терэл важ тумэндэ
12 Тэ диқэс пала собрания, или тэ тердёс англа собрания, када май бут чем просто тэ сытярэс. Андэ 1 Тимофею 3:4, кай пистромэ кадэва жэ греческо алав, о апостоло Павло ԥэнэнас, кай о барэдэр андэ собрания трэбуй драго тэ диқэл пала пэско ери и кай лэстирэ бэятцэ трэбуй тэ кандэн лэс. И алава «тэ диқэс» и «тэ тердёс англа», сыкавэн най кати, кай трэбуй тэ сытярэс лэ бэятонэн, ай кадяжэ, кай трэбуй тэ авэс хулай андо ери и кай и бэятцэ тэ кандэн. Да, и старейшыноря диқэн пала собрания и поможын всаворэнди тэ кандэн лэ Иеговас (1 Тимофею 3:5).
w11 15/6 28, абз. 19
Стон патив пэ кодэла, ко бут терэл важ тумэндэ
19 Сар бы ту диқлоп по подарко, саво стердэ спецыально важ тутэ? Наверно, ту авелоп фартэ блаӷодарно и на гарадоп лэс. Через о Иисус Христос о Иегова дя амэнди «лэ манушэн, савэ сар подаркоря». Амэ можэм тэ сыкавас, кай блаӷодарни пала лэндэ, кала драго ашунас и речи, савэ ԥэнэн и старейшыноря и терас кадя, сар вонэ ԥэнэн. Кадяжэ амари блаӷодарность дицол и тоди, кала амэ дас каминтарии пэ собрании. Важно тэ подритярас и дила, пала сави диқэн и старейшыноря, например кала росԥэнас важ о Дэл. Если о совето, саво дя о старейшына, поможысардя тути, ԥэн лэсти пала када. Кадяжэ, сыкав пэстири блаӷодарность лэ старейшынонэндирэ еренди. На бистэр, кай о старейшына май бут тэ терэл дила важ и собрания, лэско ери важ када май мало проандярэл лэса и время.
(1 Фессалоникийцам 5:14) Мангас тумэн, ԥрала, сытярэн кодэлэн, ко терэл нэправильно, подритярэн кодэлэн, касти ԥарэс по ди, поможын кодэлэнди, касти найвушэро, на холявэн ни пэр кастэ.
w17.10 10, абз. 13
«Любовь трэбуй тэ авэл... пэ дила и па чачимастэ»
13 Поможын кодэлэнди, кастэ варисо на вижал. Алава анда Библия: «Поможын кодэлэнди, кастэ варисо на вижал, на холявэн ни пэр кастэ» поможына тумэнди тэ диқэн, чачуни тумэндэ любовь чи най (1 Фессалоникийцам 5:14). Бутэндэ, кастэ и вера ашэля май слабо, па дэсави время ашэл май састи. Но дэкала амэнди трэбуй тэ аштярас и тэ на холявас, важ кода, кай дэсавэнди ԥралэнди и ԥэянди вся время трэбуй тэ поможысарас. Амэ можем тэ ԥэнас лэнди алава анда Библия, савэ лэн подритярэна, тэ ақарас лэн пэ служэния или тэ виашунас лэн. Но амэнди на трэбуй тэ гиндосарас пала амарэ ԥрала и ԥэя анда собрания, кай варикастэ вся время драго вся вижал, ай варикастэ най. Важ кода, кай кажнонэстэ исин, со драго вижал и со най. Даже о апостоло Павло ԥэндя, кай лэстэ бут со на вижалас (2 Коринфянам 12:9, 10). Важ када кажнонэсти амэнди трэбуй, кай и ԥрала и ԥэя анда собрания, тэ подритярэн.
w15 15/2 9, абз. 16
Сар о Христос на гиндон пала пэстэ бут и анда вся оди жалуин аврэн.
16 Амари дума. Через и любовь андо ди каринг авэр мануша амэ камас тэ подритярас «кодэлэн, касти ԥарэс по ди» (1 Фессалоникийцам 5:14). Со можно тэ ԥэнас, кай тэ подритярас кодэлэн, касти ԥарэс по ди? Важно, кай андэ амарэ алава тэ дицол, кай амэ анда оди заботисавас и камас тэ поможысарас. Кала амэ анда вся оди хвалисарас кодэлэн, ко умэкля и вас, када поможыя лэнди тэ додиқэн, андэр пэстэ лашэ качестворя и тэ полэн, кай вонэ бут со моӷут тэ стерэн. Можно инке еқвар тэ ԥэнас, кай вонэ фартэ куч лэ Иеговасти, важ кода кай во ақардя лэн каринг пэско Шаво (Иоанна 6:44). Лэн подритярэла кода, кай о Иегова диқэл пала пэстирэ служытеля, савэнди ԥарэс по ди и савэ умэклэ и вас (Псалом 34:18). Амарэ лашэ алава моӷут тэ подритярэн кодэлэн, касти када трэбуй (Притчи 16:24).
Виарақас сомнак анда Библия
(1 Фессалоникийцам 4:3—6) О Дэл камэл, кай тумэ тэ авэн вужэ англа лэстэ, кай тэ на андярэн пэс билажавардэс. 4 Кай кажно тумэндар тэ ӷанэн тэ андярэл пэс достойно и тэ зритярдёлпэ андэ кода, со камэлпэ и кода, со камэл и тила, но со нащи. 5 Тэ на андярэл пэс билажавардэс, сар кодэла, ко на ӷанэн лэ Дэвлэс. 6 Кай нико тэ на терэл пэстирэ ԥралэсти о найлашимос и тэ на залэл лэско право андэ када, важ кода кай о Иегова спушэла пала вся када. И амэ тумэнди пала када ԥэнасас ужэ май англал.
it «Блуд», подзаг. «Недопустим для христиан», абз. 3
Билажавардимос
О билажавардимос, када бэзэх, пала саво лэ манушэс моӷут исключить анда собрания (1 Коринфянам 5:9—13; Евреям 12:15, 16). О апостоло Павло ԥэнэн, кай о христианино, саво терэл билажавардимос, терэл бэзэх против пэстири тила, важ кода кай кадэя часть андэ тила, кай тэ авэн бэятцэ, ай най кай тэ терэл билажавардимос. Кацаво мануш римой пэстири дружба лэ Иеговаса, мэлярэл лэ Дэвлэстири собрания и можэт тэ занасвавэл насвалимаса, саво пэрэдэлпэ через кадэла орӷаноря и анэн каринг и смэрть (1 Коринфянам 6:18, 19). Кадэва христианино залэл о право пэстирэ ԥралэнго (1 Фессалоникийцам 4:3—7) кодэлэса кай, 1) терэл и собрания най вужи и лажаварэл ла, 2) терэл, кай о мануш, савэса во тердя билажавардимос тэ авэл найлашо англа мануша и если кадэва мануш най андо брако, во терэл, кай о мануш тэ авэл найвужо кала жэнийпэ или жал миростэ. 3) Кацаво мануш андярэл най лашо алав по пэско ери, ай кадяжэ 4) лажаварэл лэ родителёнэн, лэ хулас или лэ жэнихос кодэлатирэс, каса стердя билажавардимос. Во на стол патив най по мануш, кастирэ законоря моӷут тэ сындосарэн пала билажавардимос, ай моӷут и най, ай на стол патив по Дэл, саво спушэла лэстар пала кадэва бэзэх (1 Фессалоникийцам 4:8).
(1 Фессалоникийцам 4:15—17) Ԥэнас тумэнди када лэ Иеговастирэ алавэса. Амэ, савэ жувас, савэ дожуваса жы кай и время, кала о Христос авэла, нисар на аваса пэрви кодэлэндар, ко засутя ла смэртяса, 16 важ кода, кай екжэно о Ӷосподо сжала по нэбо и ақарэла через лэ архангелоско ӷолосо и лэ Дэвлэстири труба и кодэла, ко патянас андо Христос и мулинэ, ущена пэрви. 17 Тоди амэ, савэ инке жундэ, аваса одындярдэ лэнца пэ тучи, кай тэ диқаспэ по нэбо лэ Ӷосподоса, и кадя вся время аваса лэ Ӷосподоса.
w15 15/7 18, абз. 14, 15
«Йто тумэн спасына»!
14 Со авэла посли кода, сар о Гого анда Магого лэла тэ ӷоний лэ Дэвлэстирэ народос? И евангелисторя о Матфеё и о Марко росԥэнэнас пала ек события. Амэ адиносарас: «Во [Шаво манушыкано] бишалэла лэ анӷелонэн и стидэла кодэлэн, кас во витидя, лэ штарэ балваляндар, ла ԥувятирэ краёстар жы кай о краё нэбо» (Марка 13:27; Матфея 24:31). Кадэла алава на сыкавэн ни кодэя время, кала пэ памазаникоря стон и пэрво печать, ни кодэя время, кала стона и послиднё печать (Матфея 13:37, 38). Пэ памазаникоря стона и послиднё печать англа само бари бида (Откровение 7:1—4). Лэ Иисусостирэ алава, кай во стидэла кодэлэн, кас витидэ, стерэнапэ тоди, кала кодэла, ко ашэляпэ анда 144 000, ваздэнапэ по нэбо (1 Фессалоникийцам 4:15—17; Откровение 14:1). Када авэла йто посли кода, сар о Гого анда Магого дэла по лэ Дэвлэско народо (Иезекииль 38:11). Тоди, сар ԥэнэнас о Иисусо, «кодэла, ко кандэн лэ Дэвлэс... авэна тэ ԥабон, сар о қам, андо царство пэстирэ Дадэско» (Матфея 13:43).
15 Сыкавэл када, кай и памазаникоря ваздэнапэ по нэбо андэ манушыкани тила? Андэ христиански религии бут мануша патян, кай вонэ ваздэнпэ по нэбо андэ манушыкани тила, важ када вонэ гиндон, кай кала о Христос рияпэ, лэс диқэна всаворэ. Но андэ Библия ԥэнэнпэ, кай «авэла знако лэ манушыканэ Шавэстар» по нэбо и кай о Иисусо авэла пэ небесни тучи (Матфея 24:30). Кадэла алава сыкавэн, кай кала о Иисусо рияпэ, када нико на диқэла. «Лэ ратэсти и ла тилати на авэла дино лэ Дэвлэско Царство». Важ када, кодэла ко ваздэнапэ по нэбо, спэрва трэбуй тэ парудён «фартэ йто, сар андэ ек минута, кала дилабэл послиднё труба». (Адиносар 1 Коринфянам 15:50—53.) Кала амэ дас дума пала памазаникоря, амэ на ԥэнас о алав «ваздэнапэ по нэбо», важ кода кай бут мануша сразу погиндона пала найбиблейски учении. Но можно тэ ԥэнас, кай кодэла верни памазаникоря, савэ ашэлэпэ пэ ԥув, андэ ек время авэна стидэ еқэҭанэ по нэбо.
15—21 ИЮЛЯ
СОМНАК АНДА БИБЛИЯ | 2 ФЕССАЛОНИКИЙЦАМ 1—3
«Дицола о беззаконнико»
(2 Фессалоникийцам 2:6—8) И акана тумэ ӷанэн, со авэла тэ зритярэл лэс, пока во на дицола андэ пэстири время. 7 И чаче, и тайна кадэлэ би законости ужэ андэ дила, но кати жы каринг кодэя время, пока кодэва, ко зритярэл, на ужала па дром. 8 И тоди дицола о беззаконнико, савэс о Ӷосподо Иисусо умарэла лэ духоса пэстирэ вуштэнго и кодэлэса, со авэла, кала во рияпэ.
it «Преданность Богу», подзаг. «Что означает „тайна этого беззакония“, о которой говорил Павел?»
Преданность лэ Дэвлэсти
Исин инке ек тайна, сави нисоса на шолпэ пэ лэ Иеговастири «свынто тайна». Када и «тайна кадэлэ би законости». И чачунэ христианоря на ӷанэнас пала кадэя тайна, важ кода кай андэ кодэя время, кала жувэлас о Павло, «о беззаконнико» инке на сас и лэс на дицолас. Дажэ посли кода, сар дицэля кадэва «беззаконнико», бут мануша на полэнас ко када, важ кода кай кадэва «беззаконнико» притерэласпэ, кай во терэл лашимос важ о Дэл, но па чачимастэ гарадёлас пала када, кай тэ терэл о найлашимос. О Павло ԥэндя, кай и «тайна кадэлэ би законости» ужэ сас андэ лэстирэ деса, важ кода кай андэ христианско собрания дицолас о найлашимос, через саво и мануша отжылэ лэ Дэвлэстар. Но о Иисусо умарэла лэс андэ время, кала во рияпэ. Кадэва «беззаконнико», отступнико, савэса правий о Сатана, ваздэлапэ «понад кажно, пэр кастэ ԥэнэн „дэл“ или кода, сости тэлён [греческо алав се́басма]». Кадя, кадэва лэ Дэвлэско баро враӷо, савэса правий о Сатана, лэла фартэ драго тэ дилярэл и анэна каринг и смэрть кодэлэн, ко жал пала лэстэ. «О беззаконнико» домардёл када кодэлэса, кай гаравэл ко во па чачимастэ, и притерэлпэ, кай во предано лэ Дэвлэсти (2 Фессалоникийцам 2:3—12; сыстосар Матфея 7:15, 21—23).
(2 Фессалоникийцам 2:9—12) Но о беззаконнико авэла через лэ Сатанастири дила, сави во терэл барэ зорэса, ай кадяжэ терэл через и хохавнэ знакоря и чудеса 10 и через вся вэрыто хохаимос важ кодэла, ко мэрэл, кай тэ рий лэнди важ кода, кай вонэ на прилинэ и любовь каринг о чачимос, кай тэ спасынпэ.11 Важ када о Дэл домэкэл, кай и дила, сави дилярэл, тэ влияет пэр лэндэ, кай вонэ тэ патян андо хохаимос 12 и кай лэн всаворэн тэ сындон важ кода, кай на патянас андо чачимос, ай виарақэнас радость андо найлашимос.
it «Ложь», абз. 8
Хохаимос
О Дэл Иегова «домэкэл, кай и дила, сави дилярэл, тэ влияет» пэ кодэла, касти чалёл о хохаимос, «кай вонэ тэ патян андо хохаимос», ай най андэ лащи весть пала Иисус Христос (2 Фессалоникийцам 2:9—12). Када дицол анда кода, со сас бут бэрша палпалэ лэ израильсконэ царёса, савэс ақарэнас Ахаво. И хохавнэ пророкоря ԥэнэнас лэ царёсти, кай во победия андэ война против Рамоф-Галаадо. Ай лэ Иеговаско пророко о Михеё ԥэнэнас, кай кай о Ахаво авэла бида. О Иегова сыкадя лэ Михеёсти, кай домэкля еқэ анӷелос тэ обдилярэл лэ Ахавос через лэстирэ пророкоря. Кадэва анӷело стердя кадя, кай вонэ линэ тэ ԥэнэн лэ царёсти най о чачимос, ай кода, со вонэ екжэнэ камэнас тэ ԥэнэн и кода, со во камэлас тэ ашунэл лэндар. Но дажэ кала лэ Ахавос предупредили, во витидя тэ патял андо хохаимос и важ када муля (1 Царей 22:1—38; 2 Летопись, ӷлава 18).
Виарақас сомнак анда Библия
(2 Фессалоникийцам 1:7, 8) ай тумэнди, ко виритярэл о ԥаримос, авэла май вушэро еқэҭанэ амэнца андэ время, кала дицола о Ӷосподо Иисусо па нэбо пэстирэ фартэ зоралэ анӷелонэнца 8 андэ бари яг, кала во спушэла кодэлэндар, ко на ӷанэн лэ Дэвлэс и ко на терэл кадя, сар ԥэнэн и лащи весть пала амаро Ӷосподо Иисусо.
it «Огонь», подзаг. «Уничтожение», абз. 2
Яг
О Пётро пистрояс, кай «кадэва нэбо и ԥув... ашэнпэ важ и яг». Кадэя ӷлава и авэр стихоря сыкавэн, кай и дума жал най пала чачуни яг. Катэ ԥэнэнпэ пала вечно уничтожэния. Сар и андэ лэ Ноёстирэ деса о Потопо уничтожыл най о чачуно нэбо и ԥув, ай кати лэ найлашэ манушэн. Кадя и тоди, кала о Иисус Христос авэла пэстирэ фартэ зоралэ анӷелонэнца андэ бари яг, авэна уничтожэни пэ вечность кати и найлашэ мануша и о найлашимос, андэ саво вонэ жувэн (2 Петра 3:5—7, 10—13; 2 Фессалоникийцам 1:6—10; сыстосар Исаия 66:15, 16, 22, 24).
(2 Фессалоникийцам 2:2) кай тумэ тэ на грабин тэ патян всаворэсти и тэ на пэрэжываете кодэлэстар, кай варико ԥэнэн пророчество, или кай варико пэрэдэл варикастирэ алава, или адиной письмо, саво ԥэнэса амэ пистросардям, пала кода, кай лэ Иеговаско дес кабута ужэ авеля.
it «Вдохновение», подзаг. «„Вдохновленные высказывания“ — истинные и ложные», абз. 1
Вдохновение
Чачунэ и хохавнэ «пророчества». Дэкала и апостолоря пистронас греческо алав пне́ума («духо»), андо особо смысло. Например, андэ 2 Фессалоникийцам 2:2 о Павло ԥэнэн лэ ԥралэнди анда Фессалоники тэ на грабин тэ патян всаворэсти и тэ на пэрэжывают «кодэлэстар, кай варико ԥэнэн пророчество, или кай варико пэрэдэл варикастирэ алава, или адиной письмо... пала кода, кай лэ Иеговаско дес кабута ужэ авеля». Дицол, о Павло пистрой о алав пне́ума лэ алавэнца «пэрэдино пэ алава» и «письмо», через вся када пэрэдэн варисави информацыя. Важ када андэ ек книжка пала кадэва стихо сас пистромэ кадя: «Кадэлэ алавэнца о апостоло камля тэ ԥэнэн... пала хохавно пророчество, лэ пророкостирэ алава» (Lange J. P. Commentary on the Holy Scriptures / Под ред. P. Schaff. 1976. С. 126). Ай андэ авэр книжка ԥэнэнпэ, кай и дума жал пала «пророчески алава андэ собрания дэсавэ христианонэдирэ, савэ доԥэнэн, кай диқлэ видении лэ Дэвлэстар» (Vincent M. R. Word Studies in the New Testament. 1957. Т. 4. С. 63). Важ када, хоть и дэсавэ переводоря пэрэандярэн о алав пне́ума андэ кадэва и андэ авэр стихоря просто, сар «духо», андэ авэр переводоря кадэва алав пэрэандярдо сар «пророчество» (СРП), «пророческо алав» (НП), «пророчество» (НМ).
22—28 ИЮЛЯ
СОМНАК АНДА БИБЛИЯ | 1 ТИМОФЕЮ 1—3
«Цырдэпэ, кай тэ терэс лашимос»
(1 Тимофею 3:1) Чаче, если о мануш фартэ камэл тэ терэл лэ надзирателёстири дила, во камэл лашимос.
w16.08 21, абз. 3
Полэс ту, сар важно тэ терэс и вера май састи?
3 Адиносар 1 Тимофею 3:1. О греческо алав, саво пэрэандярдо сар «фартэ камэл тэ терэл», пэрэдэл о гиндо, кай варико цырдэлпэ каринг кода, со камэл тэ дорэсэл, со, можэт, най пашэ, но дур. Кала о апостоло Павло пистросардя кадэла алава, во шутя сама, кай тэ авэл лащи дружба лэ Дэвлэса, трэбуй тэ стос зор. Представь лэ ԥралэс, саво пока най служэбно помошнико, но загиндойпэ пала када. Во полэл, кай лэсти трэбуй качестворя, савэ чалён лэ Дэвлэсти. Спэрва во стол цэль, кай тэ терэл кодэя дила, сави трэбуй, кай тэ ашэл служэбно помошнико, и домардёл кадэя цэль. Прожал время, и во патял, кай акана во терэл вся, со трэбуй, кай тэ служый сар надзирателё. Дицол, кай лэсти кажно разо трэбуй тэ стол зор, кай тэ ашэл кодэлэса, касти дэн тэ терэн май бут дила андэ собрания.
(1 Тимофею 3:13) Важ кода кай и мануша, савэ драго служын, затерэн, кай пала лэндэ драго тэ дэн дума и кай тэ авэл бари свобода андэ дума через и вера андо Иисус Христос.
km 9/78 4, абз. 7
Ԥрала, савэ «затерэн, кай пала лэндэ драго тэ дэн дума»
7 Акана амэ полас, васо о Павло ԥэнэн, кай кацавэ ԥрала «затерэн, кай пала лэндэ драго тэ дэн дума». Дэсавэ гиндон, кай о Павло дэлас дума пала кода, кай тэ залэн май баро ҭан андэ қандири, но када най кадя. И служэбни помошникоря, савэ «драго служын», моӷут тэ патян, кай о Иегова и о Иисусо лэн блаӷословин, ай и собрания стол пэр лэндэ патив и подритярэл лэн. Кадэла ԥрала затердэ, кай лэндэ тэ авэл «бари свобода андэ дума через и вера андо Иисус Христос». Вонэ вужэ одеса терэн кода, со лэндар трэбуй, и лэндири служэния фартэ цэнин. Кай кадэла ԥрала састи вера и вонэ смило и би дарако дэн дума пала кода, андэр со вонэ патян.
Виарақас сомнак анда Библия
(1 Тимофею 1:4) и тэ на шон сама пэ сказки и записи пала кода, ко кастар жыля. Вся када на анэн нисаво лашимос, ай кадэлэстар кати май бут вопросоря, савэ трэбуй драго тэ полэн, но када на поможый тэ росԥэнэн май бут пала лэ Дэвлэстири дила андэ вера.
it «Родословная», подзаг. «Совет Павла в отношении родословных», абз. 2
Записи пала кода, ко кастар жыля
Тэ полэн кацавэ вопросоря и тэ дэн дума пала лэндэ сас евья, особенно андэ кодэя время, кала о Павло пистрояс лэ Тимофеёсти. Будэр на трэбуй сас тэ пистрон кадэла записи, кай тэ доԥэнэн, ко кастар жыля, важ кода кай о Дэл на розделияс андэ собрания лэ иудеёнэн и лэ манушэн анда авэр народоря (Галатам 3:28). Кай о Иисусо жыля анда лэ Давидоско потомство ужэ доԥэндэ. Йто посли кода, сар о Павло пистросардя кадэла алава, о Иерусалимо сас розмардо и иудейски записи тоди хынделэ. О Дэл лэн на фэрисардя. Важ када, лэ Павлостэ сас васо тэ пэрэжывает, кай о Тимофеё и авэр христианоря тэ на тратин и время, кай тэ уӷанэн ко кастар жыля и тэ на споринпэ пала када. Кадэлэстар и христианско вера на ашэлас май састи. Само важно запись андэ Библия пала кода, ко кастар жыля, када и запись, сави доԥэнэн, кай о Иисусо, када Христос. Андэ Библия пистромэ пала авэр записи пала кода, ко кастар жыля, и када доԥэнэн, кай ла Библияти можно тэ патяс и кай кода, со котэ пистромэ, па чачимастэ сас.
(1 Тимофею 1:17) Ай ла времятирэ Царёсти, саво вечно, савэс на дицол и саво ек Дэл, мэк авэл честь и слава пэ вся и вечность. Аминь.
cl 12, абз. 15
«Акэ Во, амаро Дэл!»
15 «Царё ла времяко», када инке ек титуло, саво ԥэнэн кати по Иегова (1 Тимофею 1:17; Откровение 15:3). Со во сыкавэл? Хоть амэнди лэ манушэнди и ԥарэс када тэ представим, о Иегова вечно. Во сас вся время, и авэла вся время. Андо Псалом 90:2 ԥэнэнпэ: «Вся и вечность ту Дэл». Важ кода кай лэ Иеговастэ никала на сас начало, во сас вся и время. Пэр лэстэ исин васо тэ ԥэнэн «Ԥурэдэр бэршэнца», важ кода кай во жувэлас вечно жы каринг кодэя время, сар пэ Люма тэ авэл варисо или варико (Даниил 7:9, 13, 22). Кастэ исин со тэ ԥэнэн, кай лэ Дэвлэстэ нинай право тэ авэл Ӷосподоса и Хуласа пэ вся и люма?
29 ИЮЛЯ — 4 АВГУСТА
СОМНАК АНДА БИБЛИЯ | 1 ТИМОФЕЮ 4—6
«Тэ кандас лэ Дэвлэс или тэ любисарас и ловэ?»
(1 Тимофею 6:6—8) Канешно! Кала кандас лэ Дэвлэс и лошавас кодэлэсти, со амэндэ исин, кадэлэстар амэндэ можэт бут со тэ авэл. 7 Амэ жэ нисо на андям андэ люма и тэ виандярас нисо нэ можэм. 8 Важ када, амэ аваса лошалэ, кай исин со тэ хас, со тэ лас пэр пэстэ и кай тэ жувас.
w03 1/6 9, абз. 1, 2
Тэ полас, сар тэ лошавас кодэлэсти, со амэндэ исин
Ӷлавно, васо о Павло сас бахтало и васо лэсти чалёлас лэстири жызня, када кай во лошавэлас кодэлэсти, со лэстэ сас. Но со сыкавэн кадэла алава? Вонэ сыкавэн, кай трэбуй тэ лошавас кодэлэсти, со амэндэ исин важ и жызня. Пала када о Павло пистрояс лэ Тимофеёсти, савэса во служыяс: «Кала кандас лэ Дэвлэс и лошавас кодэлэсти, со амэндэ исин, кадэлэстар амэндэ можэт бут со тэ авэл. Амэ жэ нисо на андям андэ люма и тэ виандярас нисо нэ можэм. Важ када, амэ аваса лошалэ, кай исин со тэ хас, со тэ лас пэр пэстэ и кай тэ жувас» (1 Тимофею 6:6—8).
Трэбуй тэ шас сама, кай о Павло сыкадя, кай кала о мануш лошало кодэлэсти, со лэстэ исин, во кандэл лэ Дэвлэс. Во полэлас, кай и чачуни бах най кодэлэстар, скати амэндэ хабэ и най лэ барвалимастар, ай кодэлэстар, кай амэ кандас лэ Дэвлэс. Вижал амэ аваса бахталэ, кала стас и служэния лэ Дэвлэсти пэ пэрво ҭан андэ амари жызня. «Со тэ хас, со тэ лас пэр пэстэ и кай тэ жувас», када важ о Павло сас кати помощь, через сави во моӷ тэ кандэл лэ Дэвлэс. Вижал и тайна, сави поля о Павло, сас андэ кода, кай трэбуй тэ патяс лэ Иеговасти, саво бы ԥаримос амэндэ тэ на авэл.
(1 Тимофею 6:9) Ай кодэла, ко закамлэ тэ барвадён, лэндэ ԥаримос, вонэ попэрэн андэ ловушка и камэн кода, со най годявэрно и вэрыто, када анэн лэ манушэн каринг и смэрть.
g 6/07 6, абз. 2
Камэн тэ барвадён. Саво ԥаримос можэт тэ авэл кадэлэстар?
Канешно, най всаворэ хасарэн и жызня через кода, кай камэн тэ барвадён. Но андэ кодэя время, кала о мануш терэл бут со, кай тэ барвадёл, лэстири жызня прожал евья и во на ӷанэн васо жувэл. И хэба можно тэ ԥэнэс по мануш, кай во бахтало, кала через о стрессо пэ бути и ԥаримос через и ловэ, о мануш дарал, на совэл, лэстэ часто дуқал о шэро и о желудко? Всаворэстар кадэлэстар о мануш на жувэл май бут бэрш. Дажэ если о мануш поля, кай трэбуй тэ погиндой пала кода, со май куч андэ лэстири жызня, тэ парувэл варисо ужэ можэт тэ авэл фартэ поздно. О хулай или и хулаи ужэ можэт тэ на патял кадэлэ манушэсти, лэстирэ бэятонэнди можэт тэ авэл найдраго эмоцыанально и лэско зор можэт фартэ тэ римойпэ. Можэт, во инке варисо и сможэт тэ парувэл, но важ када трэбуй авэла тэ стол фартэ бут зор. Чаче, кацавэ манушэндэ фартэ бут ԥаримос (1 Тимофею 6:10).
(1 Тимофею 6:10) Важ кода кай вся о найлашимос жал кодэлэстар, кай исин любовь каринг и ловэ. И дэсавэ, через кадэя любовь, ашадэ лэ Дэвлэс и лэндэ сас бут ԥаримос и биды.
g 11/08 6, абз. 4—6
Шов тии каринг и чачуни бах
Андэ пэрво статья анда кадэва журнало, амэ полям, кай и мануша, савэ гиндон, кай кати о барвалимос анэн каринг и бах, вонэ ӷонинпэ пала балвал. Кала вонэ када полэн, лэнди кадэлэстар фартэ ԥарэс. Дэкала лэнди прижалпэ тэ жэртвуют пэстирэ ереса и друӷонэнца. Кала кацавэ мануша терэн вся, кай тэ барвадён, вонэ на досовэн, если най через и бути, то через и дар и пэрэжывания. Андэ Экклезиаст 5:12 пистромэ: «Драго совэл кодэва, ко терэл бути, и всаек, бут во хал чи набут. Но о барвалимос кай о барвало, на дэл лэсти тэ засовэл».
О барвалимос най кати хулай, савэстэ баруно ди, но и хулай, саво дилярэл. Еқвар о Иисусо ԥэндя, кай и ловэ, када хохавно барвалимос (Марка 4:19). Аврэ алавэнца, о барвалимос дэл алав, кай о мануш ашэла бахтало, но на зритярэл лэс. Во кати терэл кадя, кай о мануш тэ камэл инке и инке. «Ко любий и ловэ, кодэва никала на чалёла лэ ловэндар» (Экклезиаст 5:10, Танах, Д. Йосифон).
Дицол, кай о любовь каринг о барвалимос андярэл каринг и бида, каринг и пэрэжывания и ԥаримос. Вой дажэ даравэл по найлашо дром (Притчи 28:20). Но кай тэ авэл бах, о мануш трэбуй тэ дэл анда вся оди, тэ камэл тэ простий аврэн, тэ авэл вужо андэ лэ Дэвлэстирэ яқа, тэ любий аврэн и тэ авэл лашо лэ Дэвлэско друӷо.
Виарақас сомнак анда Библия
(1 Тимофею 4:2) Када авэла через и хохавнэ мануша, савэ притерэнпэ, кодэла, пэ кастири совесть ԥэнэса виԥабардо клеймо.
lvs 23, абз. 17
Вужи совесть англа Дэл
17 О апостоло Пётро ԥэнэнас, кай амэндэ трэбуй тэ авэл вужи совесть (1 Петра 3:16). Кала и мануша на шон сама пэ лэ Иеговастирэ принцыпоря, лэндири совесть парашэл лэнди тэ подԥэнэн. Па лэ Павлостирэ алава, кай кацавэ мануша пэ совесть «ԥэнэса виԥабардо клеймо» (1 Тимофею 4:2). Например, если о мануш фартэ ԥабол, то по ҭан, саво ԥабеля, ашэлпэ шрамо и кадэва ҭан будэр нисо нэ чувствует. Кадяжэ, если во на парашэл тэ терэл найдраго, лэстири совесть парашэл драго тэ подԥэнэн и ужэ на поможый лэсти.
(1 Тимофею 4:13) Пока на авава, на параш анда вся оди тэ адинос, кай тэ ашунэн авэр, тэ подԥэнэс, тэ сытярэс.
it «Чтение», подзаг. «В христианском собрании»
Чтения
Андэ христианско собрания. Андэ пэрво вико мало кастэ сас всаворэ свиткоря, савэ ужанас андэ Библия. Через када тэ адинон вслух сас фартэ трэбуй. О апостоло Павло ԥэндя, кай лэстирэ письморя тэ адинон пэ собрании и кай и собрании тэ пэрэдэн машкар пэстэ лэстирэ письморя. (Колоссянам 4:16; 1 Фессалоникийцам 5:27). Лэ тэрнорэ христианиности, лэ Тимофеёсти, о Павло пистрояс: «На параш анда вся оди тэ адинос, кай тэ ашунэн авэр, тэ подԥэнэс, тэ сытярэс» (1 Тимофею 4:13).
Кала адинон вслух, када трэбуй тэ авэл драго и понятно. Важ кода кай через када сытён авэр, кодэва, ко адиной, трэбуй драго тэ полэл кода, со во адиной и со камэлас тэ ԥэнэн кодэва, ко пистросардя. Кодэва, ко адиной, трэбуй драго тэ слидий пала кода, кай и гиндоря, савэ пистросардя о авторо, тэ на парудён и кай и мануша, савэ лэс ашунэн, тэ на полэн о смысло па аврятэ. Андэ Откровение 1:3 пистромэ, кай бахталэ кодэла, ко адинон вслух и алава анда кадэва пророчество, и кодэла, ко ашунэн и терэн кадя.