Источникоря важ и тетрадка, кай тэ сытювас «Дром и служэния»
5—11 АВГУСТА
СОМНАК АНДА БИБЛИЯ | 2 ТИМОФЕЮ 1—4
«О Дэл дя амэнди най кацаво духо, кай тэ авас даранэ»
(2 Тимофею 1:7) Важ кода кай о Дэл дя амэнди най кацаво духо, кай тэ авас даранэ, ай дя о духо, кай тэ авас састэ, тэ любисарас и тэ авас годявэрнэ.
w09 15/5 15, абз. 9
Тэрнэ мануша, мэк всаворэнди дицол о лашимос, саво тумэ домарделэ
9 Кай тэ поможый лэ Тимофеёсти, о Павло ԥэндя лэсти: «О Дэл дя амэнди най кацаво духо, кай тэ авас даранэ, ай дя о духо, кай тэ авас састэ, тэ любисарас и тэ авас годявэрнэ» (2 Тимофею 1:7). «Тэ авас годявэрнэ» сыкавэл, кай о мануш можэт драго и правильно тэ гиндой. Кадяжэ, кацаво мануш можэт тэ диқэл пэ вся кадя, сар исин, ай най сар камэлпэ. Дэсавэ тэрнэ мануша даран тэ попэрэн андэ ситуацыи, посли савэ можэт тэ авэл стрессо. Важ када вонэ фартэ бут время совэн и диқэн о телевизоро, прилэн и наркотикоря, фартэ бут пэн, проандярэн бут время лэ друӷонэнца и терэн билажавардимос. Амэнди, сар лэ христианонэнди, трэбуй «тэ отшас о найлашимос и кода, со камэлпэ лэ манушэнди андэ кадэва миро... [и] тэ жувас годявэрнэс, тэ кандас лэ Дэвлэс и тэ на ашавас лэс» (Титу 2:12).
(2 Тимофею 1:8) Важ када на лажа ни кодэлэстар, со росԥэнэнпэ пала амаро Ӷосподо, ни мандар, кас бэшардэ важ лэстэ. Но лэ Дэвлэстирэ зорэса виритяр о найлашимос, саво пэрэл тути через и лащи весть.
w03 1/3 9, абз. 7
«На даран и авэн састэ!»
7 О Павло пистросардя лэ Тимофеёсти: «О Дэл дя амэнди най кацаво духо, кай тэ авас даранэ, ай дя о духо, кай тэ авас састэ... Важ када на лажа... кодэлэстар, со росԥэнэнпэ пала амаро Ӷосподо» (2 Тимофею 1:7, 8; Марка 8:38). Посли кадэла алава можно тэ пушэс пэстар. Лажаво манди важ кода, андэр со мэ патяв, или мэ на дарав пала када тэ росԥэнав? Ԥэндэм мэ кодэлэнди, каса терав бути (или сытював), кай мэ лэ Иеговаско свидетелё, или мэ на камав пала када тэ дав дума? Лажав мэ кодэлэстар, кай мэ най кацаво, сар всаворэ, или мэ абуросарав, кай через и дружба лэ Иеговаса мэ на шавпэ пэ авэр? Если варико дарал тэ росԥэнэн и лащи весть или лажал, кай во гиндой най кадя сар всаворэ, мэк на бистрэл кода, со о Иегова ԥэндя лэ Иисусости Навиности: «На дар и ав састо». На бистэр пала кода, со май важно. Май важно кода, со гиндон о Иегова и о Иисус Христос, ай най, со гиндон кодэла, каса ту терэс бути или сытёс (Галатам 1:10).
Виарақас сомнак анда Библия
(2 Тимофею 2:3, 4) Сар лашо воино кай о Иисус Христос виритяр о ԥаримос, саво пэрэл тути. 4 Ни ек воино на залэлпэ пэстиря диласа, кай тэ затерэл ловэ, если камэл тэ чалёл кодэлэсти, ко ля лэс пэ военно служба.
w17.07 10, абз. 13
Стидэн о барвалимос, саво па чачимастэ куч
13 Кай о Тимофеё тожэ сас састи вера. О Павло ԥэндя по Тимофеё, кай во лэ Иисусоско «лашо воино», и пистросардя лэсти: «Ни ек воино на залэлпэ пэстиря диласа, кай тэ затерэл ловэ, если камэл тэ чалёл кодэлэсти, ко ля лэс пэ военно служба» (2 Тимофею 2:3, 4). Адес лэ Христостирэ ученикоря, ай машкар лэндэ май бут чем милионо пианероря, терэн вся, пэ скати када вижал, кай тэ жувэн кадя, сар ԥэндя о Павло. Вонэ на терэн кадя, сар тасавэл и реклама андэ кадэва миро. Андэ када лэнди поможый библейско принцыпо: «Кодэва, ко вужыло, ашэл рабо кодэлэско, ко заля лэсти и ловэ» (Притчи 22:7). О Сатана камэл, кай амэ, сар раборя, тэ отдас вся и время и о зор андэ лэстири система. Через дэсавэ ришэния амэ бут бэрша можэм тэ терас бути пэ кодэва, касти вужылэ. Кадя дэсавэ мануша лэн барэ кредиторя, кай тэ тинэн цэра, кучутнэ машыны, или кай тэ сытён и дажэ кай тэ стерэн баро ябьяв. Амэ тераса годявэрнэс, если жуваса просто, на ӷуляса андо вужылимос и ласа май набут тэ тратисарас и ловэ. Кадя амэ сыкаваса, кай камас тэ авас раборя лэ Дэвлэсти, ай най лэ ловэнди (1 Тимофею 6:10).
(2 Тимофею 2:23) Кадяжэ, на ӷуль андэ найгодявэрни и найсэжо дума, ту ӷанэс, кай через латэ и мануша заспоринпэ.
w14 7/15 14 ¶10
Лэ Иеговаско народо отшол о найлашимос
10 Адес кай лэ Иеговаско народо андэ собрании почти нинай кацаво, кай варико тэ сытярэл кодэлэсти, со на сжалпэ ла Библияса. Но, кала амэ диқас кацаво, катар бы кадэя дума тэ на жал, амэнди трэбуй сразу ла тэ отшас пэстар. Авелоп найгодявэрнэс тэ сԥандювас лэ отступникоса андэ дума, или через интэрнэто, или инке варисар. Дажэ если амэ камас кадя варикасти тэ поможысарас, кацави общения жылоп против лэ Дэвлэско законо, пала саво амэ щяс дям дума. Амэ, сар лэ Иеговаско народо, никала на камас тэ дас дума лэ отступниконэнца.
12—18 АВГУСТА
СОМНАК АНДА БИБЛИЯ | ТИТУ 1 — ФИЛИМОНУ
«Назначь „андо кажно форо... лэ старейшынонэн“»
(Титу 1:5—9) Мэ ашадэм тут по Крито важ кода, кай ту дэсо тэ лашарэс и тэ стос андо кажно форо лэ старейшынонэн, сар мэ тути ԥэнавас. 6 Тэ стос можно кодэлэс, кас ни андэр со на дошалярэса, кастэ ек хулаи, кастэ и бэятцэ служын лэ Дэвлэсти, савэн нико на дошалярэлас, кай вонэ на кандэн и андярэн пэс билажавардэс. 7 О надзирателё трэбуй ни андэр со тэ на авэл дошало, сар кодэва, кас о Дэл стодя тэ диқэл пала дила, тэ на терэл па пэстирятэ, тэ на авэл холинако, тэ на авэл матимари, тэ на марэл аврэн и тэ на авэл жадно, кай тэ терэл вся пэ пэско вас, 8 Но тэ авэл гостеприимно, тэ любий тэ терэл лашимос, годявэрнэс тэ гиндой, тэ авэл праведно, преданно, тэ ритярэл пэс андэ вас. 9 Кала сытярэл аврэн, во трэбуй тэ приритярдёл лэ чачунэ алавэсти, кай тэ поможый через и правильно учения и тэ сыкавэл кодэлэнди, ко жал против, сар вся исин па чачимастэ.
w14 15/11 28—29
Пушэн кодэла, ко адинон
Хоть андэ Библия фартэ и на росԥэнэнпэ, сар назначали лэ ԥралэн андэ кодэя время, дэсавэ стихоря поможын амэнди тэ полас када. Например, амэ уӷанас, кай о Павло и о Варнава, кала ринаспэ цэрэ анда пэрво дром, «андэ кажно собрания вонэ мангэнаспэ и ритярэнас о посто, ай тоди стонас лэ старейшынонэн и отдэнас лэн лэ Иеговасти, андэ саво кодэла патяе» (Деяния 14:23). Прожылэ бэрша и о Павло пистросардя лэ Титости, саво сас лэса андэ кацави служэния: «Мэ ашадэм тут по Крито важ кода, кай ту дэсо тэ лашарэс и тэ стос андо кажно форо лэ старейшынонэн, сар мэ тути ԥэнавас» (Титу 1:5). Здэлпэ, кай о Тимофеё, саво бут ездияс лэ Павлоса, кадяжэ моӷ тэ назначает лэ ԥралэн (1 Тимофею 5:22). Дицол, кай лэ ԥралэн назначали и надзирателя, савэ ездинас па собрании, ай най и апостолоря или и старейшыноря андо Иерусалимо.
О Руководящё совето парудя о порядко, сар тэ стон лэ старейшынонэн и служэбнонэ помошниконэн, кала май драго уӷангля, со пала када ԥэнэнпэ андэ Библия. Анда 1 сентября 2014 бэрш амэндэ кацаво порядко. О раёно надзирателё драго роздиқэл кода, со пистрон и старейшыноря пала ԥрала, савэн камэн тэ назначат. Кала во авэла андэ собрания, во май драго уӷанэна кадэлэ ԥралэн и жала лэнца андэ служэния, если када вижала. Посли кода, сар о раёно подэла дума пала лэндэ лэ старейшынонэнца анда собрания, во можэт тэ назначит служэбнонэ помошниконэн или старейшынонэн андо пэско раёно. Кацаво порядко май бут шолпэ пэ кода, сар назначали лэ ԥралэн андо пэрво вико.
Ко со терэл андэ кадэя дила? О годявэрно и кандино рабо трэбуй тэ праварэл кодэлэн, ко андо цэр (Матфея 24:45—47). О Руководящё совето мангэлпэ пала свынто духо и драго роздиқэл и Писания, кай тэ ԥэнэн, сар тэ терэн па библейски принцыпоря, савэ поджан каринг о порядко андэ всаворэ собрании. Кадяжэ о кандино рабо назначает всаворэн, ко служын сар раёни надзирателя и ко служын андэ лэ филиалонэндирэ камитеторя. Ай и филиалоря поможын тэ стерэн кода, со ԥэнэн. И старейшыноря андэ кажно собрания трэбуй драго и серьезно тэ роздиқэн, пэ скати и ԥрала, савэн вонэ камэн тэ назначат, поджан каринг кода, со пистромэ андэ Библия. Кай кажно раёно надзирателё исин бари ответственность драго и андэ молитва тэ роздиқэл кода, со пистросардэ и старейшыноря и тэ назначит лэ ԥралэн, савэ поджан.
Виарақас сомнак анда Библия
(Титу 1:12) Ек андар лэндэ, лэнго жэ пророко, ԥэндя: «И критяноря вечни хохавнимаря, опасни зверёря, каштаря, савэ ӷанэн кати тэ замарэн и пор».
w90 15/12 31, абз. 5
Пушэн кодэла, ко адинон
Можно точно тэ ԥэнас, кай о Павло на гиндояс, кай всаворэ критяноря кацавэ найлашэ. Во, канешно, ӷанэнас, кай по Крито слинэ лашэ христианоря, савэ чалёнас лэ Дэвлэсти и савэн во мақля свынтонэ духоса (Деяния 2:5, 11, 33). Котэ жувэнас бут христианоря, кай тэ стидэн и собрании андэ всаворэ фороря. Хоть кацавэ христианоря и на слинэ совершэни, но амэ можэм тэ патяс, кай вонэ на слинэ хохавнимаря и каштаря, савэ ӷанэн кати тэ замарэн и пор. Авелоп када кадя, тоди вонэ на чалелоп лэ Дэвлэсти (Филиппийцам 3:18, 19; Откровение 21:8). Сар кай всаворэ народоря андэ амари время, кадя и по Крито слинэ найхохавнэ мануша, савэ анда оди прилэнас и лащи весть и савэнди на чалёлас о билажавардимос, саво котэ терэласпэ (Иезекииль 9:4; дик кадяжэ Деяния 13:48).
(Филимону 15, 16) Можэт, важ када во и ужыля най пэ долӷонэстэ, кай тэ рийпэ тутэ пэ вся и время. 16 Ужэ най сар рабо, но май бут чем рабо, сар кучутно ԥрал. Када особенно важно важ мандэ, но инке май фартэ важ тутэ, кай во тэ авэл тутэ сар рабо и сар ԥрал андо Ӷосподо!
w08 15/10 31, абз. 4
Интересни гиндоря анда книӷи Титу, Филимону и Евреям
15, 16. Васо о Павло на мангля лэ Филимонос тэ одмэкэл лэ Онисимос? О Павло на камэлас тэ ашавэл и дила, кай тэ росԥэнэн важ лэ Дэвлэско Царство и тэ сытярэл важ о Иисус Христос. Важ када во на ӷулелас андэ проблемы, савэ слинэ кай и мануша. Ек анда кацавэ проблемы сас вопросо важ о рабство (Деяния 28:31).
19—25 АВГУСТА
СОМНАК АНДА БИБЛИЯ | ЕВРЕЯМ 1—3
«Любисар праведность и нэнавидь о найлашимос»
(Евреям 1:8) Ай пала Шаво во ԥэнэн: «О Дэл авэла тиро престоло пэ вечность, и тиро царство лэла тэ правий справедливо.
w14 15/2 5, абз. 8
Прилэн лэ Христос, ашунглэ Царёс!
8 Андо 1914 бэрш о Иегова стодя пэстирэ́ Шавэс Царёса по нэбо. Лэско «царство лэла тэ правий справедливо», важ када амэ можэм тэ патяс, кай во правия андо чачимос и справедливость. Лэ Иисусостири власть чачуни, важ кода кай о Дэл лэско «престоло». Лэстири власть жал лэ Иеговастар. Кадяжэ лэ Иисусоско престоло стодо пэ вечность. Абурос ли ту кодэлэса, кай служыс лэ Иеговасти, кала правий о зорало Царё, савэс стодя о Дэл?
(Евреям 1:9) Ту любисас праведность и нэнавидел о найлашимос. Акэ васо о Дэл, тиро Дэл, мақля тут вулееса и дя тути май бари радость, чем кай авэр царёря».
w14 15/2 4, абз. 7
Прилэн лэ Христос, ашунглэ Царёс!
7 Адиносар Псалом 45:6, 7. О Иисусо фартэ любияс праведность и нэнавидел вся о найлашимос, саво жалас пэ лэско Дад. Важ када о Иегова стодя лэс Царёса. Лэ Иисусостэ сас май бари радость, чем кай авэр царёря, савэ слинэ анда лэ Давидоско родо. Васо можно кадя тэ ԥэнас? Важ кода кай лэсти дя кадэя радость екжэно о Иегова. Кадяжэ о Иегова стодя лэс и Царёса, и Само барэ рашаса (Псалом 2:2; Евреям 5:5, 6). Инке, о Иегова мақля лэ Иисусос най вулееса, ай свынтонэ духоса и лэско царство най пэ ԥув, ай по нэбо.
Виарақас сомнак анда Библия
(Евреям 1:3) Во драго сыкавэл лэ Дэвлэстири слава, точно сыкавэл екжэнэ́с лэ Дэвлэс и во вся ритярэл лэстирэ зоралэ алавэса. Во по нэбо бэшля па право вас лэ Дэвлэстар, кала уля амэндар амарэ ӷрехоря, кай амэ тэ авас вужэ.
it «Образ», подзаг. «Всегда ли Иисус был подобен своему Отцу в равной мере?», абз. 1
Образ
Всегда ли о Иисусо сас андэ вся кацаво жэ, сар лэско Дад?
Лэ Дэвлэско Пэрво шаво, саво потом ашэля манушэса, «кацаво жэ», сар лэско Дад (2 Коринфянам 4:4). О Дэл дясас дума именно кадэлэ Шавэса, кала ԥэндя: «Создадим лэ манушэс кацавэс жэ, сар амэ», важ кода кай о Шаво шоласпэ по Дад, по Создателё, кодэла времятар, сар во сас создано (Бытие 1:26; Иоанна 1:1—3; Колоссянам 1:15, 16). Кала о Шаво жувэлас пэ ԥув сар совершэно мануш, во сыкавэлас, саво лэско Дад, пэ скати када лэстэ вижалас. Тоди во моӷ тэ ԥэнэн: «Ко диқля ман, диқля и мэрнэ Дадэс» (Иоанна 14:9; 5:17, 19, 30, 36; 8:28, 38, 42). Но, кала лэ Иисусоско Дад, о Дэл Иегова, рисардя лэс каринг и жызня по нэбо и дя лэсти вся и власть по нэбо и пэ ԥув, о Иисусо ля тэ шолпэ по Дэл инке май фартэ (1 Петра 3:18; Матфея 28:18). Важ кода, кай «о Дэл инке май фартэ вазгля» пэстирэ Шавэс, во инке май бут ля тэ шолпэ пэ пэско Дад, чем жы кай кода, сар тэ авэл пэ ԥув (Филиппийцам 2:9; Евреям 2:9). Акана во «точно сыкавэл екжэнэ́с лэ Дэвлэс» (Евреям 1:2—4).
(Евреям 1:10—12) Кадяжэ: «Ту, Ӷосподо, дэлмут стодян фундаменто важ и ԥув, и тирэ вас стердэ о нэбо. 11 Вонэ на авэна, ай ту ашэсапэ. Сар йда, вонэ римонапэ, 12 и ту стидэса лэн, сар лунго йда. Лэн парувэна, но ту кодэва жэ, и тирэ бэрша никала на прожана».
it «Небо», подзаг. «Буквальные небеса вечны», абз. 5
Нэбо
И алава анда Псалом 102:25, 26 сыкавэн лэ Дэвлэс лэ Иеговас. Но о апостоло Павло ԥэндя кадэла алава каринг о Иисус Христос, важ кода кай вся и люма сас создано через лэстэ. О Павло ԥэндя, кай лэ Шавастири жызня на шолпэ пэ всаворэ авэр тварении, савэ о Дэл, если закамлоп, стидоп сар лунго йда и улиноп (Евреям 1:1, 2, 8, 10—12; дик кадяжэ 1 Петра 2:3, NW, сноска).
26 АВГУСТА — 1 СЕНТЯБРЯ
СОМНАК АНДА БИБЛИЯ | ЕВРЕЯМ 4—6
«Тер вся, со андэ тиро зор, кай тэ авэс „андэ лэ Дэвлэско покоё“»
(Евреям 4:1) И кадя, важ кода кай инке исин о алав тэ авас андэ лэско покоё, ласа тэ фэрисавас, кай тэ на вижал кадя, кай варико андар тумэндэ тэ авэл нэдостойно.
(Евреям 4:4) Еқвар во ԥэндя важ о седьмо дес кадя: «О Дэл ля тэ отцыёл андо седьмо дес всаворя пэстиря дилатар»,
w11 15/7 24, абз. 3—5
Со када лэ Дэвлэско покоё?
3 Исин дуй маменторя, савэ доԥэнэн, кай андо пэрво вико о седьмо дес инке на парашэлясас. Пэрво, со када сыкавэл, када лэ Иисусостирэ алава кодэлэнди, ко сындояс лэс, кай во рияс о зор андэ суббота, ай важ лэндэ када сас бути. О Ӷосподо ԥэндя лэнди: «Мэрно Дад идоси терэл дила, и мэ терав дила» (Иоанна 5:16, 17). Со о Иисусо камля тэ ԥэнэн? Лэс дошалярэнас, кай во терэлас дила андэ суббота. Важ када о Иисусо ԥэндя лэнди: «Мэрно Дад идоси терэл дила». Можно тэ ԥэнас, кай кодэлэнди, ко лэс дошалярэнас, во ԥэндя: «Амэ лэ Дадэса терас ек дила. Если мэрно Дад на парашэл тэ терэл дила андэ суббота, сави жал най ек тысяча бэрш, то и манди можно тэ терав дила андэ суббота». Вижал, о Иисусо камля тэ ԥэнэн, кай важ и ԥув о баро субботнё дес, кала о Дэл отцыёл, о седьмо дес, на парашэля андэ лэстирэ деса.
4 Пала дуйто маменто, саво доԥэнэн када, росԥэндя о апостоло Павло. Во ԥэндя алава анда Бытие 2:2, кай ԥэнэнаспэ важ лэ Дэвлэско покоё. Через о свынто духо во пистросардя: «Амэ, савэ патяям, авас андэ кадэва покоё» (Евреям 4:3, 4, 6, 9). Вижал, кай андэ лэ Павлостирэ деса, о седьмо дес на парашэлясас. Но скати инке трэбуй сас тэ жал кадэва дес?
5 Кай тэ уӷанас када, трэбуй упалэ тэ шас сама, пэр со трэбуй сас о седьмо дес. Андэ Бытие 2:3 ԥэнэнпэ: «О Дэл блаӷословисардя о седьмо дес и стердя лэс свынто». О Иегова стердя, кай кадэва дес тэ авэл свынто, то есть отделисардя лэс, кай тэ стерэл кода, со загиндосардя. Во загиндосардя, кай па вся ԥув тэ жувэн мануша, савэ кандэн лэс и савэ диқэна пала ԥув и пала вся, со пэр латэ исин (Бытие 1:28). Кай тэ авэл када, о Дэл Иегова и о Иисус Христос, «ла субботако Хулай», идоси терэн дила (Матфея 12:8). Кадэва дес, андэ саво отцыёл о Дэл, на парашэла, пока на авэла вся, со во загиндосардя. Када авэла тоди, кала прожана и тысяча бэрш, андэ савэ правия о Христос.
(Евреям 4:6) И кадя, важ кода кай дэсавэ инке трэбуй тэ авэн андэр лэстэ, ай кодэла, касти пэрвонэнди росԥэндэ и лащи весть, на авелэ через кода, кай на канглэ,
w11 15/7 25, абз. 6
Со када лэ Дэвлэско покоё?
6 О Дэл драго росԥэндя лэ Адамости и ла Евати, со загиндосардя тэ стерэл, но вонэ закамлэ тэ жан аврэ дромэса. О Адамо и Ева слинэ пэрви мануша, савэ витидэ тэ на кандэн лэ Дэвлэс. Кадяжэ стердэ и милионоря мануша. Дажэ о Израилё, о народо, савэс витидя о Дэл, парашэля тэ кандэл лэс. Трэбуй тэ шас сама, кай о Павло ԥэндя лэ христианонэнди андо пэрво вико, кай дэсавэ андар лэндэ, моӷли тэ попэрэн андэ кодэя жэ ловушка, сар и израильтяноря андэ дэлмутни время. Во пистросардя: «Важ када стераса вся, со андэ амаро зор, кай тэ авас андэ кадэва покоё, кай варико тэ на отжал, сар жала па кодэва жэ дром, пэ саво на кандэн» (Евреям 4:11). Шон сама, о Павло ԥэндя, кай если о мануш на кандэл, во можэт тэ на авэл андэ лэ Дэвлэско покоё. Васо амэнди трэбуй тэ ӷанас пала када? Можэт ли тэ авэл кадя, кай если андэ варисостэ амэ жас против кода, со камэл тэ стерэл о Дэл, то амэ на аваса андэ лэ Дэвлэско покоё? Чаче, када фартэ важно тэ уӷанас, и амэ подаса дума пала када. Но спэрва уӷанам, васо и израильтяноря на авелэ андэ лэ Дэвлэско покоё и сости амэ анда када сытювас.
(Евреям 4:9—11) Важ када важ лэ Дэвлэско народо инке ашэлпэ о субботнё покоё. 10 Кодэва, ко андэ лэ Дэвлэско покоё и екжэно отцыёл пэстиря дилатар, сар и о Дэл отцыёл пэстиря дилатар. 11 Важ када стераса вся, со андэ амаро зор, кай тэ авас андэ кадэва покоё, кай варико тэ на отжал, сар жала па кодэва жэ дром, пэ саво на кандэн.
w11 15/7 28, абз. 16, 17
Со када лэ Дэвлэско покоё?
16 Адес ридко диқэса, кай варико анда христианоря лэла тэ тасавэл, кай важ и спасения трэбуй тэ жувас па дэсавэ лэ Моисеёстирэ законоря. Лэ Дэвлэстирэ алава, савэ пистросардя о Павло лэ эфесянонэнди, ворта сыкавэн: «Па кадэва лэ Дэвлэско лашимос тумэн и спасысардэ через и вера, и када най кай тумэ екжэнэ затердэ, ай кай када подарко лэ Дэвлэстар. Най важ и дила, кай нико тэ на хвалийпэ» (Эфесянам 2:8, 9). Сар и христианоря моӷут адес тэ авэн андэ лэ Дэвлэско покоё? О Иегова отделисардя о седьмо дес, дес важ о покоё, кай тэ стерэл вся, со загиндосардя важ и ԥув. Сар амэ можэм тэ авас андэ лэ Иеговаско покоё? Кала амэ кандас и терас и дила соӷласно кодэлэса, сар постепенно о Дэл терэл кода, со загиндосардя. Пала кадэя дила во росԥэнэн через пэстири арӷанизацыя.
17 Авря ригатар, если бы амэ алавэнца или диласа сыкадоп, кай най фартэ важно тэ терас кадя, сар ԥэнэн о годявэрно и кандино рабо па Библия, тоди амэ жылоп па дром би лэ Дэвлэско. Кадяжэ амэ жылоп против кода, со загиндосардя тэ стерэл о Дэл. Через када амэ парашэлоп тэ ладисарас лэ Иеговаса. Андэ авэр статья амэ уӷанаса дэсавэ ситуацыи, савэ поможына тэ полас, кандас амэ лэ Дэвлэс или най. Кода, со амэ витидас андэ кадэла ситуацыи, сыкавэла, авелям амэ андэ лэ Дэвлэско покоё чи най.
Виарақас сомнак анда Библия
(Евреям 4:12) О алав лэ Дэвлэстар жундо и лэстэ исин зор, и во май востро, чем любо мечо, саво востро дуе ригэндар. Во зажал кадя дур, кай лэл тэ дицол, саво о мануш пар пэстэ и саво лэстэ оди. Во отделий и кокаля кодэлэстар, со андэр лэндэ. Ай кадяжэ росполэл и гиндоря и кода, со по ди.
w16.09 13
Пушэн кодэла, ко адинон
Андэ Евреям 4:12 ԥэнэнпэ пала «алав», саво «жундо» и савэстэ «исин зор». Со за када «алав»?
▪ О кантексто сыкавэл, кай о апостоло Павло дэлас дума пала алава, через савэ о Дэл росԥэнэн, со загиндосардя тэ стерэл. Пала када запистромэ андэ Библия.
О стихо Евреям 4:12 часто тердёл андэ амари литература, кай тэ сыкавэл, кай ла Библиятэ исин зор тэ парувэл лэ манушэндири жызня, и када чаче кадя. Но диқам о кантексто. О Павло ԥэнэнас лэ христианонэнди анда евреёря тэ терэн кадя, сар загиндосардя о Дэл. Пала када бут со пистромэ андэ свынти писании. Тоди о Павло ԥэндя пала израильтяноря, савэнди о Дэл дя свобода анда египетско рабство. Вонэ аштярэнас тэ авэн пэ ԥув, пала сави о Дэл дя алав, тэ авэн котэ, «кай питял о ҭуд и ядин» и кай лэндэ авелоп о чачуно покоё (Исход 3:8; Второзаконие 12:9, 10).
Андэ када драго дицолас, со загиндосардя о Дэл. Но потом лэ израильтянонэндирэ одя ашэлэ барунэ, вонэ парашэлэ тэ патян и бут андар лэндэ на авелэ андэ кодэва покоё (Числа 14:30; Иисус Навин 14:6—10). И всаек, па лэ Павлэстири дума, лэ Дэвлэско алав тэ авэн андэ лэско покоё, инке ашэласпэ (Евреям 3:16—19; 4:1). Чаче, кадэва алав, саво дя о Дэл, дэсо анда кода, со драго сыкавэл лэстири воля. Кадяжэ, сар и христианоря анда евреёря, амэ можэм тэ уӷанас пала кода, со загиндосардя тэ стерэл о Дэл и тэ терас кадя, сар уӷанглям. О Павло, кай тэ сыкавэл, кай кадэва алав анда Писании, набут проԥэндя анда Бытие 2:2 и Псалом 95:11.
Сар жэ амэ ради, кай «о алав тэ авас андэ [лэ Дэвлэско] покоё» инке ашэлпэ! Амэ патяс, кай кода, со ԥэнэнпэ андэ Библия, кай тэ авас андэ кадэва покоё, кадя и авэла, и амэ пэстиря ригатар стердям вся, со трэбуй. И дума катэ жал най пала кода, кай трэбуй тэ жувас па лэ Моисеёско законо или тэ чалювас лэ Дэвлэсти через варисави авэр дила. Тэ терас кадя, сар загиндосардя о Дэл, амэ закамлям через и вера. Фартэ бут мануша па вся и ԥув линэ тэ сытён па Библия и уӷанглэ пала кода, со загиндосардя тэ стерэл о Дэл. Бут андар лэндэ витидэ тэ парувэн пэстири жызня, линэ тэ патян и болделэ. Вся када драго доԥэнэн, кай «о алав лэ Дэвлэстар жундо и лэстэ исин зор». Кода, со камэл тэ стерэл о Дэл, пала со запистромэ андэ Библия, ужэ парудя амари жызня, и лэла тэ парувэл ла и май дур.
(Евреям 6:17, 18) Кадяжэ о Дэл, кала закамля инке май фартэ тэ сыкавэл кодэлэнди, касти во дя алав, кай лэско гиндо на паруделя, солахадя, 18 кай через дуй дилы, савэ никала на парудён, андэ савэ о Дэл нэ можэт тэ хохавэл, амэ, кодэла, ко нашлям, кай тэ гарадювас, анда вся оди камас тэ хутилдювас важ о лашимос, саво аштярэл амэн англэ.
it «Надежда», подзаг. «Христианская надежда», абз. 2
Лашимос
Кодэлэндэ, ко жувэна по нэбо, исин васо тэ аштярэн, кай лэндэ авэла и вечно жызня андэ тила, сави на римойпэ (Евреям 3:1). Вонэ аштярэн важ кода, кай о Дэл дя алав и солахадя, ай андэ када во нэ можэт тэ хохавэл. Кадяжэ вонэ аштярэн важ кода, кай о Христос ужэ жувэл по нэбо сар бессмертно анӷело. Важ када, па лэ Павлостирэ алава, «лашимос, саво амэ аштярас англэ, подритярэл амари жызня кадя жэ, сар о якорё ритярэл о кораблё. Чаче, кадэва лашимос поможый амэнди тэ авас састэ и тэ патяс. И во зажал пала занавесо [сар о само баро рашай зажалас андэ Свынто май анда свынти, андо Дес, кала витинэн и бэзэха], каринг важ амэндэ зажыля о Иисусо, кай тэ подӷотовит о дром важ амэндэ, саво ашэля кацаво жэ само баро рашай, сар о Мелхиседеко» (Евреям 6:17—20).