Источникоря важ и тетрадка, кай тэ сытювас «Дром и служэния»
2—8 ДЕКАБРЯ
СОМНАК АНДА БИБЛИЯ | ОТКРОВЕНИЕ 7—9
«О Иегова блаӷословий „фартэ бутэ манушэн“»
(Откровение 7:9) Важ када мэ диқлэм и додиқлэм фартэ бутэ манушэн, савэн нико нэ моӷ тэ пэрэадиной. Кадэла мануша слинэ анда всаворэ нацыи, народоря, и шыба и тердёнас англа престоло и англа Бакроро. Вонэ слинэ андэ лунго парни йда, и андэ лэндирэ вас слинэ пальмови виточки.
it «Великое множество людей», подзаг. «Кого оно представляет», абз. 2
Фартэ бут мануша
Но тоди исин вопросо. Если «фартэ бут мануша», када кодэла, кас спасын и ко ашэлпэ тэ жувэл пэ ԥув, тоди васо ԥэнэнпэ, кай вонэ тердён «англа [лэ Дэвлэско] престоло и англа Бакроро»? (Откровение 7:9). Кала андэ Библия ԥэнэнпэ, кай варико тердёл англа варикастэ, када можэт тэ сыкавэл, кай во лашо англа лэстэ или чалёл лэсти (Псалом 1:5; 5:5; Притчи 22:29; Луки 1:19). Трэбуй тэ шас сама, кай андэ Откровение андэ шовто ӷлава пистромэ, кай «и царёря па вся и ԥув, и барэдэра андэ правительства, и барэдэра пэ воиноря, и барвалэ, и зоралэ, и всаворэ раборя и свободни гараделэ». Кастар? «Кодэлэстар, ко бэшэл по престоло, и лэ Бакрорэстиря холятар, важ кода кай авеля о баро дес лэндиря холяти, и ко можэт тэ ашэлпэ тэ тердёл?» (Откровение 6:15—17; дик Луки 21:36). Важ када амэ полас, кай и «фартэ бут мануша» када кодэла, ко спасысайля, кала сас кодэя холи. Во смоӷ «тэ ашэлпэ тэ тердёл», сар кодэва, ко лашо англа Дэл и англа Бакроро.
(Откровение 7:14) Мэ катэ жэ ԥэндэм лэсти: «Мэрно ӷосподино, ту екжэно када ӷанэс». Во ԥэндя манди: «Када кодэла, ко вижан анда само бари бида. Вонэ вихаладэ пэстири йда и стердэ ла парни андэ лэ Бакрорэско рат.
it «Беды, страдания», подзаг. «Великое бедствие», абз. 5
Биды, ԥаримос
Прожыля почти 30 бэрш, сар розмардэ о Иерусалимо, и лэ Иоанности ԥэндэ пала фартэ бут мануша анда всаворэ нацыи, народоря и шыба: «Када кодэла, ко вижан анда само бари бида» (Откровение 7:13, 14). Кода, кай фартэ бут мануша вижан анда само бари бида, сыкавэл, кай кадэла мануша ла пэрэжувэна. Када кадяжэ доԥэнэн и алава анда Деяния 7:9, 10, кай ԥэнэнпэ: «О Дэл сас лэса [лэ Иосифоса], и во уля лэстар всаворэ биды [пэ греческо тли́псис]». Кадэла алава сыкавэн, кай о Дэл най кати дэлас лэ Иосифости зор тэ виритярэл всаворэ биды, но и кай о Иосифо пэрэжудя лэн.
(Откровение 7:15—17) Важ када вонэ тердён англа лэ Дэвлэско престоло и о дес и рят терэн дила андэ свынто служэния андэ лэско храмо. И Кодэва, ко бэшэл по престоло, росшола понад лэндэ пэстири катуна. 16 Вонэ будэр на авэна боқалэ и би паестирэ, вонэ на диқэна и жара и о қам на ԥабарэла лэн, 17 важ кода кай о Бакроро, саво по машкар престоло, лэла тэ пасый лэн и тэ андярэл кордэ, катар жал ла жызняко паи. И о Дэл виқосэла всаворэ ясва па лэндирэ яқа».
it «Великое множество людей», подзаг. «Кого оно представляет», абз. 1
Фартэ бут мануша
Кас вонэ сыкавэн. Тэ полас, ко када и «фартэ бут мануша», поможына и алава анда 7 ӷлава анда Откровение и анда авэр стихоря анда Библия. Андэ Откровение 7:15—17 ԥэнэнпэ пала кода, кай о Дэл «росшола понад лэндэ пэстири катуна», лэн андярэна «кордэ, катар жал ла жызняко паи», и во «виқосэла всаворэ ясва па лэндирэ яқа». Кадэла алава кадяжэ шонпэ пэ кода, со пистромэ андэ Откровение 21:2—4: «бари лэ Дэвлэстири катуна машкар и мануша», «во виқосэла всаворэ ясва па лэндирэ яқа» и «смэрть будэр на авэла». Андэ кадэя видения и дума жал пала мануша, савэ находинпэ пэ ԥув, ай най по нэбо, катар змэкэлпэ о Нэво Иерусалимо.
Виарақас сомнак анда Библия
(Откровение 7:1) Посли када мэ додиқлэм штарэ анӷелонэн, савэ тердёнас пэ штар ла ԥувьятирэ краёря. Вонэ састэс ритярэнас штар ла ԥувьятирэ балваля, кай нисави балвал тэ на ԥурдэл ни пэ ԥув, ни пэ моря, ни пэ витки.
re 113, абз. 3, 4
По лэ Дэвлэско Израилё стодэ печать
3 Англа кода, сар о Иегова тэ сыкавэл пэстири холи, и анӷелоря терэн дила андэ особо служэния по нэбо. Акэ со о Иоанно диқля андэ видения: «Посли када мэ додиқлэм штарэ анӷелонэн, савэ тердёнас пэ штар ла ԥувьятирэ краёря. Вонэ састэс ритярэнас штар ла ԥувьятирэ балваля, кай нисави балвал тэ на ԥурдэл ни пэ ԥув, ни пэ моря, ни пэ витки» (Откровение 7:1). Со када сыкавэл амэнди адес? Кадэла «штар балваля» драго сыкавэн о сындо, саво йто авэла «пэ ԥув», када вся о найлашо миро, и о сындо «пэ моря», када и мануша, савэ на жувэн па законо. Кадяжэ о сындо авэла пэ правителя, савэ заваздэнпэ сар и «витки». Вонэ ритярдён пэ кода, кай и мануша лэн витидэн (Исаия 57:20; Псалом 37:35, 36).
4 И штар анӷелоря сыкавэн штар ӷруппы анӷелонэн, савэнди о Иегова ԥэндя тэ зритярэн и балваля жы кай о дес, кала авэла о сындо. Кала и анӷелоря одмэкэна и балваля лэ Дэвлэстиря холяти и вонэ андэ ек время ԥурдэна па северо, па юӷо, па востоко и па западо, вонэ зындярэна вся пэ пэско дром. Када лэла тэ шолпэ пэ кода, сар дэлмут о Иегова лэ штарэ балвялянца роздарадя лэ эламитянонэн, умардя и стрисардя лэн па ԥув (Иеремия 49:36—38). Када авэла фартэ бари балвал, май бари чем и балвал, савяса о Иегова умардя лэ аммонитянонэн (Амос 1:13—15). Нисо анда лэ Сатанастири арӷанизацыя нэ сможэт тэ ашэлпэ андо дес лэ Иеговастиря холяти, кала во пэ вся и вечность доԥэнэна, кай во со май лашо правителё (Псалом 83:15, 18; Исаия 29:5, 6).
(Откровение 9:11) Лако царё, о анӷело пэ бездна. Пэ еврейско шыб лэс ақарэн Аваддо́н, ай пэ греческо Аполлио́н.
it «Аваддон», подзаг. «Кто такой Аваддон, ангел бездны?»
Аваддоно
Ко када о Аваддоно, о анӷело пэ бездна?
Андэ Откровение 9:11 по Аваддоно ԥэнэнпэ, кай во «анӷело пэ бездна». Кацаво жэ греческо алав Аполлионо означает «кодэва, ко умарэл». Андо 19 вико камэнас тэ доԥэнэн, кай кадэва стихо сыкавэл пэ кацавэ мануша, сар о Веспасиано, о Мухаммадо и дажэ о Наполеоно, и гиндонас, кай када лэ Сатанаско анӷело. Но анда Откровение 20:1—3 дицол, кай «о анӷело ла тияса важ и бездна», када най лэ Сатанаско, ай лэ Дэвлэско анӷело, савэс бишалдэ па нэбо. Кадэва анӷело сԥандэл лэ Сатанас и шол лэс андэ бездна. Пала Откровение 9:11 андэ ек библейско справочнико ԥэнэнпэ: «О Авадонно, када най лэ Сатанаско, ай лэ Дэвлэско анӷело, саво умарэл кодэлэн, пала кастэ лэсти ԥэнэн о Дэл» (The Interpreter’s Bible).
Сар ужэ ԥэнэнаспэ, андэ Еврейски Писании о алав авадо́нно фартэ пашэ лэ алавэнца моӷила и смэрть. Андэ Откровение 1:18 запистромэ лэ Христостирэ алава: «Мэ... жував вечно и мандэ исин тии па смэрть и па моӷила». Кода, кай лэстэ исин власть пэ бездна, дицол анда Луки 8:31. Ай кода, кай лэстэ исин фартэ баро зор тэ розмарэл, ай кадяжэ зор тэ умарэл лэ Сатанас, дицол анда Евреям 2:14. Котэ ԥэнэнпэ, кай о Иисусо «ашэля тиласа и ратэса, кай пэстиря смэртяса тэ залэл о зор кодэлэстар, ко можэт тэ анэн и смэрть, лэ Сатанастар». Андэ Откровение 19:11—16 пала Иисусо ԥэнэнпэ сар пала кодэва, кас о Дэл стодя тэ умарэл и тэ терэл лэско сындо. (Дик АПОЛЛИОН.)
9—15 ДЕКАБРЯ
СОМНАК АНДА БИБЛИЯ | ОТКРОВЕНИЕ 10—12
«Дуе свидетелёнэн умардэ, ай потом вонэ рисайлэ каринг и жызня»
(Откровение 11:3) Мэ бишалава дуе мэрнэ свидетелёнэн, и вонэ 1260 деса авэна тэ росԥэнэн о пророчество и пэр лэндэ авэла йда важ и скорбь».
w14 15/11 30
Пушэн кодэла, ко адинон
Кас сыкавэн и дуй свидетеля, пала савэ пистромэ андэ 11 ӷлава андэ Откровение?
Андэ Откровение 11:3 росԥэнэнпэ пала дуй свидетеля, савэ трэбуй слинэ тэ росԥэнэн о пророчество 1 260 деса. Май дур ԥэнэнпэ, кай о зверё «победия и умарэла лэн». Но кодэла, ко када диқэн, удивинпэ, кай через «трин епашэса дес» кадэлэ дуе свидетелёнэн рин каринг и жызня (Откровение 11:7, 11).
Кас сыкавэн кадэла дуй свидетеля? Тэ полас о атвето пэ кадэва вопросо амэнди поможына дэсавэ маменторя анда кадэя ӷлава. Пэрво, амэ уӷанас, кай «лэн сыкавэн дуй аливки и дуй светильникоря» (Откровение 11:4). Када дэл тэ сэрас важ о светильнико и дуй аливки анда пророчество, саво пистросардя о Захария. И аливки сыкавэн «дуе памазаниконэн», када о царё Зоровавелё и о само баро рашай Иисусо. Вонэ «тердён паша Ӷосподо всаворя ԥувьяко» (Захария 4:1—3, 14). Дуйто, кадэла дуй свидетеля терэн кода жэ, со терэнас о Моисеё и о Илья. (Дик Откровение 11:5, 6 и Числа 16:1—7, 28—35; 1 Царей 17:1; 18:41—45.)
Соса шонпэ кадэла стихоря анда Откровение и Захария? Андэр лэндэ ԥэнэнпэ пала лэ Дэвлэстирэ памазаникоря, савэ андярэнас лэ Дэвлэско народо андэ ԥари время. Сар ԥэнэнпэ андэ Откровение, и памазани ԥрала, савэ андярэнас лэ Дэвлэско народо андэ кодэя время, кала андо 1914 бэрш по нэбо ашэля лэ Дэвлэско Царство, росԥэнэнас важ о Дэл трин епашэса бэрш андэ «йда важ и скорбь».
Сар кадэя время закончилась, лэн, ԥэнэса, умардэ, кала шутэ андо баруно пэ набут время, пэ сави андэ Библия ԥэнэнпэ трин епашэса дес. Лэ Дэвлэстирэ народостирэ враӷоря радуинаспэ, лэнди здэласпэ, кай лэндэ вижыля тэ тердярэн лэстири дила (Откровение 11:8—10).
Но, сар ԥэнэнаспэ андо пророчество, через трин епашэса дес и дуй свидетеля жунделэ. Кадэлэ памазаниконэн вимэклэ анда баруно. Кодэлэнди, ко на ашадэ лэ Дэвлэс, во через лэнго Ӷосподо, Иисус Христос, дя особо дила. Андо 1919 бэрш вонэ слинэ машкар кодэла, кас стодэ тэ служын «годявэрнэ и кандинэ рабоса», кай лэ Дэвлэстирэ народостэ андэ послидни деса, тэ авэл вся, со трэбуй важ лэндири дружба лэ Иеговаса (Матфея 24:45—47; Откровение 11:11, 12).
Интересно, кай па Откровение 11:1, 2 дицол, кай кода, со сас лэ дуе свидетелёнэнца, сжалпэ ла времяса, кала трэбуй авэла тэ продиқэн лэ Дэвлэско храмо. Пэ када шолпэ о гиндо анда трито ӷлава анда Малахия. Котэ росԥэнэнпэ, кай трэбуй авэла тэ продиқэн лэ Дэвлэско храмо, ай посли када тэ стерэн лэс вужо (Малахия 3:1—4). Скати пэ када жыля время? Кадэя время началась андо 1914 бэрш и закончилась андо 1919 бэрш. Андэ кадэя время ужан 1260 деса (42 шона) и символически трин епашэса дес, пала савэ ԥэнэнпэ андэ 11 ӷлава андэ Откровение.
Амэ фартэ ради, кай о Иегова стердя вужо важ и лащи дила пэско особо народо! (Титу 2:14). Кадяжэ, амэ цэнисарас о примеро, саво амэнди сыкадэ и памазаникоря, савэ андярэнас лэ Дэвлэско народо андэ ԥари время и слинэ кодэлэ дуе свидетелёнэнца, пала савэ ԥэнэнпэ андэ Откровение.
(Откровение 11:7) И кала вонэ парашэна тэ росԥэнэн о пророчество, о зверё, саво ваздэлпэ анда бездна, марэлапэ лэнца, победия и умарэла лэн.
(Откровение 11:11) Но через трин епашэса дес о Дэл рисардя лэн каринг и жызня и вонэ вазглэпэ пэ пэрнэ. Тоди кодэла, ко када диқлэ, фартэ пэрэдарайлэ.
Виарақас сомнак анда Библия
(Откровение 10:9, 10) Тоди мэ жылэм каринг о анӷело и ԥэндэм лэсти, кай во тэ дэл манди кодэва найбаро свитко. И во ԥэндя манди: «Лэ лэс и ха. Андо жэлудко тутэ авэла лэстар киркэс, но андо муй во авэла гугло, сар ядин». 10 И мэ лэм анда лэ анӷелостирэ вас кодэва найбаро свитко и халэм лэс. И андо муй мандэ во сас гугло, сар ядин, ай кала халэм лэс, андо жэлудко ашэля киркэс.
it «Свиток», подзаг. «Символическое значение»
Свитко
Авэр значения. Андэ Библия дэкала о алав «свитко» ԥэнэнпэ андэ авэр значения. И о Иезекиилё и о Захария диқлэ свитко, пэ саво сас пистромэ дуе ригэндар. Можэт кода, кай по свитко сас пистромэ дуе ригэндар, сыкавэлас кай и сындоря, савэ котэ запистромэ слинэ фартэ важни и серьёзни, важ кода кай обычно пистронас еқа ригатар (Иезекииль 2:9—3:3; Захария 5:1—4). Андэ ек видения анда Откровение ԥэнэнпэ, кай Кодэва, ко бэшэл по престоло, ритярэлас андо право вас о свитко и по свитко семь печати, савэ на дэнас тэ полэн со пистромэ андрэ. Кода, со пистромэ андо свитко, сас тайна, пока лэ Дэвлэско Бакроро на зля и печати (Откровение 5:1, 12; 6:1, 12—14). Потом андэ видения лэ Иоанности динэ о свитко и ԥэндэ, кай во лэс тэ похал. Пэ шыб во сас гугло, но андо жэлудко кай о Иоанно во ашэля кирко. О свитко сас ԥэрнадо и кода, со андэр лэстэ пистромэ, динэ тэ ӷанэн. Лэ Иоанности о свитко здяпэ гугло через и весть, сави андэр лэстэ пистромэ. Но кадэя весть кадя жэ сыкавэлас, кай лэсти трэбуй авэла тэ росԥэнэн пала найлашимос и лэсти ԥэндэ, кай во када тэ терэл (Откровение 10:1—11). О Иезекиилё кадяжэ диқля свитко, андэ саво слинэ запистромэ заровдэ диля, сар стонинас и фартэ ровэнас (Иезекииль 2:10).
(Откровение 12:1—5) Тоди по нэбо сас баро знако, жувли, сави утиди андо қам. Тала пэрнэ латэ сас луна, ай по шэро корона анда 12 черӷая. 2 Вой сас беременно и цыпияс, кай дуқанэс, и мучияспэ, кай трэбуй сас тэ анэн. 3 Тоди по нэбо сас авэр знако, баро драконо, лоло сар яг, и савэстэ семь шэрэ и дэш роӷоря, и пэ шэрэ лэстэ сас семь короны. 4 Ла пуряса о драконо сцырдя и трито часть черӷая па нэбо и шутя лэн пэ ԥув. Кадэва драконо тердёлас англа жувли, сави трэбуй сас тэ анэн бэятос, кай, кала вой анэна, тэ похал латирэ бэятос. 5 И латэ арақаделя шаво, мурш, саво авэла тэ пасый всаворэ народоря саструня рувляса. И лако бэято катэ жэ сас ундярдо каринг о Дэл и лэско престоло.
it «Родовые муки», подзаг. «Символическое значение», абз. 6—8
Дук кодэлэстар, кай трэбуй тэ анэн
Андэ Откровение росԥэнэнпэ пала видения сави диқля о Иоанно. Во додиқля по нэбо ла жувля, сави «цыпияс, кай дуқанэс, и мучияспэ, кай трэбуй сас тэ анэн». «Латэ арақаделя шаво, мурш, саво авэла тэ пасый всаворэ народоря саструня рувляса». О драконо камэлас тэ похал лэ бэятос, но о бэято «сас ундярдо каринг о Дэл и лэско престоло» (Откровение 12:1, 2, 4—6). Кода, кай о Дэл ля лэ бэятос пэстэ, сыкавэл, кай о Дэл прижангля, кай во лэско. Када напоминает о обычаё, кала лэ бэятос, саво кати арақаделя, анэн каринг о дад, кай во лэс тэ прижанэн. (Дик РОЖДЕНИЕ.) Вижал, кодэя «жувли», када лэ Дэвлэстири «хулаи», «упруно Иерусалимо», «дэй» лэ Христостири и лэстирэ ԥралэндири, савэ авэна лэса тэ правин (Галатам 4:26; Евреям 2:11, 12, 17).
Канешно, лэ Дэвлэстири «жувли» по нэбо совершэно, и дук кодэлэстар, кай вой анэн лэ бэятос, най кацави, сар кай и обычно жувли. Важ када кай латири дук авэр значения. Када сыкавэл, кай вой полэл, кай пашол и время тэ анэн и вой аштярэл када (Откровение 12:2).
Ко кадэва «шаво»? Во трэбуй «тэ пасый всаворэ народоря саструня рувляса». Када жэ ԥэнэнаспэ андо Псалом 2:6—9 пала Царё анда лэ Дэвлэско Царство. Но о Иоанно диқля и видения, кала прожыля бут время, сар о Христос арақаделя пэ ԥув, муля и рисайля каринг и жызня. Вижал, кадэя видения пала кода, кала по нэбо стодэ лэ Дэвлэско Царство, андэ саво Царё о Иисус Христос. Во, кала рисайля каринг и жызня, «бэшля па право вас лэ Дэвлэстар и кодэла времятар аштярэл, пока лэстирэ враӷонэн на шона лэсти тала пэрнэ» (Евреям 10:12, 13; Псалом 110:1; Откровение 12:10).
16—22 ДЕКАБРЯ
СОМНАК АНДА БИБЛИЯ | ОТКРОВЕНИЕ 13—16
«На дар лэ зверёнэндар»
(Откровение 13:1, 2) Во терделя по писко анда моря. Потом мэ додиқлэм зверёс, саво вазгляпэ анда моря. Лэстэ сас дэш роӷоря и семь шэрэ. Пэ роӷоря лэстэ сас дэш короны, ай пэ шэрэ найлашэ алава пала Дэл. 2 О зверё, савэс мэ диқлэм, шоласпэ по леопардо, но и лапы лэстэ слинэ сар кай о медведё, ай о муй лэстэ сас, сар кай о лево. И о драконо дя лэ зверёсти зор, престоло и бари власть.
w12 15/6 8, абз. 6
О Иегова, када Дэл, саво росԥэнэн и тайны
6 Каринг о дуйто вико о Иисусо, саво рисайля каринг и жызня, сыкадя лэ Иоанности дэсавэ нэобычни видении (Откровение 1:1). Андэ ек видения о Иоанно диқля лэ Сатанас, саво сар драконо тердёлас по бэрэӷо кай и фартэ бари моря. (Адиносар Откровение 13:1, 2.) О Иоанно кадяжэ диқля нэобычнонэ зверёс, саво вазгляпэ анда моря и савэсти о Сатана дя бари власть. Потом о анӷело сыкадя лэ Иоанности, кай и семь шэрэ лэ лолэ зверёсти, пала саво пистромэ андэ Откровение 13:1, сыкавэн семь царстворя (Откровение 13:14, 15; 17:3, 9, 10). Андэ кодэя время, кала о Иоанно пистрояс кадэла алава, панч андар лэндэ ужэ парашэлэ тэ правин, ек инке правияс, и ек «инке на авеля». Пала савэ царстворя, или правительстворя, ԥэнэнас о Иоанно? Амэ роздиқаса, со сыкавэл кажно лэ зверёско шэро, пала савэ пистромэ андэ Откровение. Кадяжэ амэ уӷанаса, савэ маменторя важ кадэла царстворя андо пэско пророчество пистросардя о Даниило. Важ дэсавэ царстворя во пистросардя важ бут бэрша май англал, сар вонэ тэ авэн.
(Откровение 13:11) Потом мэ диқлэм аврэ зверёс, саво ваздэласпэ анда ԥув. Лэстэ сас дуй роӷоря, кацавэ, сар кай о бакроро, но задя дума во сар драконо.
(Откровение 13:15) Лэс домэклэ, кай во тэ дэл жызня лэ зверёстиря статуяти, кай лэ зверёстири статуя тэ дэл дума и тэ терэл кадя, кай тэ умарэн всаворэн, ко на тэлёла лэ зверёстиря статуяти.
re 193, абз. 26
Борьба дуе зверёнэнца
26 Со када? Када Англо-Американско мирово правительство, кода жэ, со и о седьмо шэро, кай о пэрво зверё, но савэстэ особо дила. Кода, кай андэ видения кадэва шэро, сар отдельно зверё, поможый амэнди май драго тэ полас, сар во екжэно терэл кадэя особо дила па вся и ԥув. Кай кадэва зверё, савэстэ дуй роӷоря, исин дуй нэзависими царстворя, савэ вмести терэн ек дила. Кодэлэса кай лэстэ исин дуй роӷоря, «сар кай о бакроро», во видэл пэс, кай во лашо и на терэл нисо вэрыто. Кадяжэ кадэлэса во камэл тэ сыкавэл, кай лэстири правления со май лащи. Но во дэл дума, «сар драконо», тасавэл пэ мануша, уӷражает лэнди, ай кадяжэ терэл войны котэ, кай на прилэн лэстири правления. Во ԥэнэн лэ манушэнди тэ на жувэн па законоря анда лэ Дэвлэско Царство, андэ саво правий лэ Дэвлэско Бакроро, ай тэ терэн кода, со чалёл лэ Сатанасти, лэ барэ драконости. О зверё камэл, кай и мануша тэ розделинпэ и тэ вэрыцын ек аврэс через разни нацыи, и кадэлэса тэ тэлён лэ пэрвонэ зверёсти.
re 194—195, абз. 30, 31
Борьба дуе зверёнэнца
30 Кода, со сас, сыкавэл, кай лэ зверёстири статуя, када арӷанизацыя, сави закамлэ тэ стерэн и Великобритания и США. Када и арӷанизацыя, сави подритярэн кадэла страны и пэ сави спэрва ԥэнэнас Лига Нацый. Потом, андэ 17 ӷлава андэ Откровение, пала кадэя арӷанизацыя пистромэ, кай вой жундо лоло зверё, саво никастар нэ зависит. Кадэя арӷанизацыя «дэл дума», кала путярдэс ԥэнэн, кай кати вой можэт тэ дэл лэ манушэнди мирно и безопасно жызня. Па чачимастэ вой ашэля ӷруппа, андэ сави и барэ мануша анда правительстворя споринпэ ек еқэса и ԥэнэн ек пэ ек найлашэ алава. Вой даравэл лэ народос, саво на камэл тэ прижанэл латири власть, кай отԥэндёла лэстар и важ када лэсти авэла фартэ ԥарэс. Па чачимастэ и Лига Нацый видаравэлас анда пэстири арӷанизацыя кодэла страны, савэ на терэнас кадя, сар вой камэл. Кала жала и само бари бида, и роӷоря кадэлэ зверёстирэ стерэна бут найлашимос (Откровение 7:14; 17:8, 16).
31 Посли Дуйто мирово война лэ зверёстири статуя, акана када и Арӷанизацыя Объединённых Нацый, умарэлас лэ манушэн ужэ екжэни. Кадя, андо 1950 бэрш и войскоря анда ООН заӷульдэ андэ война, сави сас машкар Северно и Южно Корея. И войскоря анда ООН и анда Южно Корея умардэ варикай 1 420 000 манушэн анда Северно Корея и Китаё. Ай анда 1960 жы кай 1964 бэрш и войскоря анда ООН терэнас дила андо Конго (Киншаса). Ай инке, и барэ мануша анда разни страны, кадяжэ и римски папы о Павло шовто и о Иоанно Павло дуйто, на парашэнас тэ доԥэнэн, кай кати лэ зверёстири статуя стерэла кадя, кай пэ ԥув тэ авэл мирно. Кадэла мануша шон сама, кай, если о миро на лэла тэ тэлёл кадэла статуяти, тоди о миро мулярэла корко пэс. Можно тэ ԥэнас, кай вонэ терэн кадя, кай тэ умарэн всаворэн, ко на камэл тэ кандэл ла статуя и тэ тэлёл лати (Второзаконие 5:8, 9).
(Откровение 13:16, 17) Во терэл кадя, кай всаворэ мануша, и барэ и цыкнэ, и барвалэ и чорорэ, кодэла, ко свободни и ко раборя, тэ стон знако по право вас и по чикат, 17 кай никастэ тэ на вижал ни тэ тинэн, ни тэ битинэн, кати кодэва, пэр кастэ исин знако, када лэ зверёско алав или о число лэстирэ алавэско.
w09 15/2 4, абз. 2
Интересни гиндоря анда книӷа Откровение. Часть дуйто
13:16, 17. Хоть амэндэ исин ԥаримос, кала терас разно дила кажно дес, например, кала варисо тинас или битинас, амэнди нащи тэ домэкас, кай о зверё тэ стерэл кадя, кай амэ лэсти тэ тэлювас. Тэ стас лэ зверёско знако по вас или по чикат сыкавэл, кай амэ домэкас лэс тэ авэл хулай пэ амари дила и пэ амарэ гиндоря.
Виарақас сомнак анда Библия
(Откровение 16:13, 14) И мэ додиқлэм трин найвужэ думы лэ бэнгэндар, савэ, сар ляӷушки, вижан анда муй кай о драконо, кай о зверё и кай о хохавно пророко. 14 Кадэла думы лэ бэнгэндар и сыкавэн знакоря. Вонэ вижан каринг и царёря всаворя ԥувьятирэ, кай тэ стидэн лэн пэ война, сави авэла андо баро дес лэ Всемоӷущёнэ Дэвлэско.
w12 1/2 6, абз. 2, 4
О чачимос пала Армагеддоно
Андо пророчество анда книӷа Откровение росԥэнэнпэ, кай йто о Сатана и бэнга подмарэна лэ правителёнэн тэ стидэн лэ мирос, кай тэ умарэн лэ Дэвлэстирэ народос. Кадэлэстар помэрэна милионоря мануша, важ кода кай о Дэл фэрия пэско народо кодэлэндар, ко жана против лэстэ (Откровение 19:11—18).
И война Армагеддоно авэла най кодэлэстар, кай о Дэл пэрво андэ холи жала пэ авэр. Наоборот, о Дэл фэрия лэ лашэ манушэн кодэлэндар, ко закамэна лэн тэ умарэн. Кадэя война начнут «и царёря всаворя ԥувьяти», када и барэ мануша андэ правительстворя. Васо вонэ жана по лэ Дэвлэско народо? Важ кода кай о Сатана, сар о кукловодо андярэла и правительстворя против кодэла, ко кандэн лэ Иеговас (Откровение 16:13, 14; 19:17, 18).
(Откровение 16:21) И баро ӷрадо, саво ек весит варикай 20 килограмм, пэля па нэбо пэ мануша. И мануша дэнас амрая лэ Дэвлэс важ кадэя бида, ӷрадо, важ кода кай и бида кадэя сас фартэ бари.
На парашэн тэ кандэн лэ Дэвлэс, кала авэла и «само бари бида»
8 Андэ кодэя время, сар авэла и само бари бида, амэ ласа тэ росԥэнас ужэ авэр весть. Акана амэ росԥэнас лащи весть пала лэ Дэвлэско Царство и родас нэвэ учениконэн. Но тоди ласа тэ росԥэнас и весть, савятар авэла найдраго, сар лэ ӷрадостар (Откровение 16:21). Файма, амэ ласа тэ росԥэнас, кай точно авэла конец кодэлэсти, соса правий о Сатана. Прожала время и амэ поласа, пала со авэла кадэя весть и сар амэ ласа ла тэ росԥэнас. Ласа амэ чи най и май англэ тэ росԥэнас и лащи весть кадя, сар росԥэнасас ужэ май бут чем шэл бэрш? Или ласа тэ росԥэнас па аврятэ? Поаштярам и диқаса. Со бы тэ на авэл, амэ всаек ласа смило тэ росԥэнас пала лэ Иеговаско сындо! (Иезекииль 2:3—5).
23—29 ДЕКАБРЯ
СОМНАК АНДА БИБЛИЯ | ОТКРОВЕНИЕ 17—19
«Лэ Дэвлэстири война улэла всаворэ войны»
(Откровение 19:11) Тоди мэ диқлэм росԥэрнадо нэбо и парнэ грастэс. По всаднико, саво бэшэл пэр лэстэ, ԥэнэн Верно и Чачуно, и во праведно сындой и андярэл и война.
(Откровение 19:14—16) Пала лэстэ пэ парнэ граста слинэ небесни войскоря, и вонэ слинэ утидэ андо со май лашо лёно, саво сас парно и вужо. 15 Анда лэско муй вижал баро востро мечо, кай тэ умарэл лэса и народоря, и во лэла тэ пасый лэн саструня рувляса. Во топчий о виноӷрадо важ и бари холи лэ Всемоӷущёнэ Дэвлэстири. 16 Пэ лэстири упруни йда и пэ риг май тэлэ ла кущикатар, пистромэ о алав Царё пэ царёря и Ӷосподино пэ ӷосподиноря.
w08 1/4 8, абз. 3, 4
О Армагеддоно, када лэ Дэвлэстири война, сави улэла всаворэ войны
Пока и власть андэ вас кай и найлашэ мануша, и лашэ мануша на жувэна мирно и безопасно (Притчи 29:2; Экклезиаст 8:9). Вижал кадя, кай о найлашимос нисар на отделиса лэ манушэндар, савэ лэс терэн. Важ када пэ ԥув авэла мирно и авэла справедливость кати тоди, кала лэ найлашэ манушэн будэр на авэла. О Соломоно пистросардя: «О вэрыто мануш авэла выкупо важ о лашо мануш» (Притчи 21:18).
Важ кода кай тэ сындой авэла екжэно о Дэл, амэ всаворэ можэм тэ патяс, кай кажно сындо против и найлашэ мануша авэла справедливо. Еқвар о Авраамо пушля: «Хэба о Сындомари всаворя ԥувьяко можэт тэ обжалпэ нэсправедливо?» О Авраамо па пэстири жызня поля, кай о Иегова вся и время андярэл пэс справедливо! (Бытие 18:25). Кадяжэ андэ Библия ԥэнэнпэ, кай о Иегова на любий тэ умарэл лэ найлашэ манушэн. Во жал пэ када кати тоди, кала би кадэлэско нисар (Иезекииль 18:32; 2 Петра 3:9).
it «Конь», подзаг. «Символическое значение», абз. 8
Грас
Андэ видения о апостоло Иоанно диқля, кай о Иисус Христос, кала во ашэля Царёса, дицэля сар всаднико, саво ладэл по парно грас, и лэса и войскоря пэ парнэ граста. Вся када сыкавэлас, кай и война, сави о Христос лэла тэ андярэл против всаворэ лэ Иеговастирэ враӷоря, праведно и справедливо (Откровение 19:11, 14). Андэ видения, сави сас май англал, разни всадникоря сыкавэнас лэ Христостири дила, кала во ашэля царё, ай кадяжэ и биды, савэ тердэпэ посли кода, сар о Дэл стодя лэс царёса (Откровение 6:2—8).
(Откровение 19:19, 20) И мэ диқлэм лэ зверёс и ла ԥувьятирэ царёнэн лэндирэ войсконэнца, савэ стидэпэ, кай тэ жан пэ война против кодэва, ко бэшэл по грас, и лэстирэ воиноря. 20 И лэ зверёс астардэ, ай лэса и лэ хохавнэ пророкос, саво терэлас чудеса англа лэстэ и через савэ во дилярэлас кодэлэн, ко стодя пэр пэстэ лэ зверёско знако и ко тэлёл лэстиря статуяти. Лэдуй вонэ слинэ жундэ, кала лэн шутэ андо озеро ягаса, саво фартэ ԥаболас.
re 285, абз. 24
О Царё победий андэ война Армагеддоно
24 О зверё, савэстэ семь шэрэ и дэш роӷоря и саво вижыля анда моря, када всавори политика андэ лэ Сатанастири люма. Посли кода, сар кадэлэ зверёс динэдап, лэс никай нинай, ай лэса нинай и лэ хохавнэ пророкос, када о седьмо мирово правительство (Откровение 13:1, 11—13; 16:13). Лэн инке «жундэн», или кодэлэн, ко терэн вся, кай тэ жан против лэ Дэвлэско народо пэ ԥув, шон андо «озеро ягаса». Чачуно кадэва озеро чи най? Най, важ кода кай о зверё и о хохавно пророко, када най чачунэ жывотни. О озеро сыкавэл ҭан, катар никала на ринпэ. Май англэ кордэ шона и смэрть и моӷила, ай кадяжэ лэ Сатанас (Откровение 20:10, 14). Канешно, када най о адо, кай вечно мучинпэ и ӷрешникоря, важ кода кай дажэ о гиндо пала када гряца лэ Иеговасти (Иеремия 19:5; 32:35; 1 Иоанна 4:8, 16).
(Откровение 19:21) Ай аврэн умардэ барэ мечоса, саво вижал анда муй кодэлэско, ко бэшэл по грас. И всаворэ птицы чалелэ лэндирэ масэстар.
re 286, абз. 25
О Царё победий андэ война Армагеддоно
25 Всаворэ авэр мануша, савэ най анда правительстворя, но савэ всаек на камэнас тэ ашавэн о найлашимос, лэн кадяжэ умардэ лэ мечоса кодэлэстирэса, ко бэшэл по грас. О Иисусо ԥэнэна, кай вонэ затердэ и смэрть. Но важ лэндэ на ԥэнэнпэ, кай лэн шона андо «озеро ягаса». Лэна вонэ упалэ тэ жувэн чи най? Никай на ԥэнэнпэ, кай рина каринг и жызня кодэлэн, кас андэ кодэя время умарэла о Сындомари о Иегова. Екжэно о Иисусо ԥэндя, кай кодэла, ко най «бакрорэ», жана «андэ вечно яг, сави важ о Сатана и лэстирэ анӷелоря», то есть «лэн умарэна пэ вся и вечность» (Матфея 25:33, 41, 46). Када авэла «андо дес, кала сындона и умарэна лэ найлашэ манушэн» (2 Петра 3:7; Наум 1:2, 7—9; Малахия 4:1).
Виарақас сомнак анда Библия
(Откровение 17:8) О зверё, савэс ту диқлян, сас, и нинай лэс, но йто во ваздэлапэ анда бездна и во авэла уничтожэно. И кодэла, ко жувэн пэ ԥув, удивинапэ, кала диқэна, кай о зверё сас и нинай лэс, но инке авэла. Лэндирэ алава, кодэла времятар, сар сас создано и люма, на запистрон андо ла жызняко свитко.
re 247—248, абз. 5, 6
Росԥэнэнпэ и тайна
5 «О зверё... сас». Да, во сас сар и Лига Нацый анда 10 января 1920 бэрш, и андэ кадэя арӷанизацыя андэ разно время слинэ 63 страны. Прожыля время и андар латэ вижылэ и Япония, Германия и Италия, ай о Советско Союзо видарадэ. Андо сентябрё андо 1939 бэрш и Германия начала и Дуйто мирово война. Кала кай и Лига Нацый на вижыля тэ стерэл мирно па вся и ԥув, вой парашэля тэ существует. Каринг о 1942 бэрш вой будэр нисо на терэлэс. Именно андэ кадэя ԥари время о Иегова дя тэ полэл пэстирэ народости вся, пала со ԥэнэнпэ андэ кадэя видения! По канӷрэсо «Нэво миро» о Н. Х. Норро ворта ԥэндя, кай, сар пистромэ андо пророчество, «лэ зверёс... нинай». Ай тоди во пушля: «Ашэлапэ и Лига андэ бездна чи най?» Посли алава анда Откровение 17:8, во ԥэндя: «Кадэя арӷанизацыя авэла упалэ». Вся кадя и вижыля и када доԥэндя, кай лэ Иеговаско пророчество чачимос!
О зверё вижал анда бездна
6 О лоло зверё па чачимастэ вижыля анда бездна. Када сас, кала 26 июня 1945 бэрш андо Сан-Франциско (США) 50 страны витидэ о порядко, саво авэла андэ Арӷанизацыя Объединенных Нацый. Латири цэль сас, «кай пэ ԥув тэ авэл мирно и безопасно». И Лига Нацый и о ООН бут андэр со шонаспэ. Андэ инцыклапедия «Уорлд бук» ԥэнэнпэ: «Андэ дэсо о ООН шолпэ пэ Лига Нацый, сави стидэ посли Пэрво мирово война... Бут страны, савэ стидэ о ООН, май англал стидэсас и Лига Нацый. Сар и и Лига Нацый, о ООН стидэ, кай во тэ поможый тэ авэл мирно машкар и страны. О порядко, саво исин андо ООН, шолпэ по порядко, саво сас андэ Лига Нацый». Вижал, кай о ООН, када о лоло зверё, саво рисайля. Акана андэ кадэя арӷанизацыя исин варикай 190 страны, и када пэ бутэстэ май бут, чем 63 страны, савэ слинэ андэ Лига Нацый. Кадяжэ, о ООН ля пэр пэстэ май бут дила, чем и Лига Нацый.
(Откровение 17:16, 17) И дэш роӷоря, савэ ту диқлян, и о зверё вэрыцына ла роспутнона манушня, вся латар одлэна и злэна пар латэ вся и йда. Вонэ схана пар латэ о мас и сԥабарэна ла андэ яг. 17 Важ кода кай лэ Дэвлэстар авеля лэнди по ди гиндо, кай вонэ тэ стерэн кода, со во загиндосардя. Аврэ алавэса тэ стерэн кода, со вонэ загиндосардэ, када тэ отдэн пэско царство лэ зверёсти, пока на авэла кадя, сар ԥэндя о Дэл.
w12 15/6 18, абз. 17
О Иегова росԥэнэн, «со йто трэбуй тэ авэл»
17 Но и хохавни религия нэ исчезнет екжэни пэстэр. И роспутно манушни на парашэла тэ сыкавэл пэско зор, кай и царёря тэ кандэн ла, пока лэ Дэвлэстар на авэла «лэнди по ди гиндо, кай вонэ тэ стерэн кода, со во загиндосардя». (Зачитай Откровение 17:16, 17.) Йто о Иегова стерэла кадя, кай всавори политика андэ лэ Сатанастири люма, када и Арӷанизацыя Объединённых Нацый, тэ жал пэ хохавни религия. Вой будэр нэ сможэт тэ влияет пэ царёря и латэ на авэла о барвалимос. Дэсавэ бэрша палпалэ здэласпэ, кай кацаво нэ можэт тэ авэл. Ай адес и роспутно манушни еле ритярдёлпэ по думо кай о лоло зверё. Хоть када и кадя, екжэни пэстар вой нисар на склизноя. Ла сшона тоди, кала вой када на аштярэл, и андэ бари холи (Откровение 18:7, 8, 15—19).
30 ДЕКАБРЯ — 5 ЯНВАРЯ
СОМНАК АНДА БИБЛИЯ | ОТКРОВЕНИЕ 20—22
«Акэ, мэ терав вся нэво»
(Откровение 21:1) И мэ додиқлэм нэво нэбо и нэви ԥув, важ кода кай о нэбо и и ԥув, савэ слинэ спэрва, будэр нинай, и и моря ужэ нинай.
re 301, абз. 2
О нэво нэбо и и нэви ԥув
2 Важ най ек шэл бэрш жы кай о Иоанно, о Иегова ԥэндя: «Мэ создаю нэво нэбо и нэви ԥув. Кода, со сас, на лэна тэ сэрэн и када на авэла по ди» (Исаия 65:17; 66:22). Спэрва и алава анда кадэва пророчество стердэпэ андо 537 бэрш жы кай о Иисусо. Када сас, кала и иудеёря рисайлэ андо Иерусалимо посли кода, сар 70 бэрш слинэ андо вавилонско плено. Када и время, кала ринас вся, сар сас. И ԥув ашэля «нэви», када и мануша, савэ жувэн тала нэво правительство, када о «нэво нэбо». Но о апостоло Пётро шолас сама, кай кадэва пророчество стерэлапэ инке еқвар: «Амэ, па лэ Дэвлэско алав, аштярас нэво нэбо и нэви ԥув. Котэ авэна кодэла, ко жувэн па лэ Дэвлэско законо» (2 Петра 3:13). Ай о Иоанно сыкавэл, кай кадэла алава стерэнапэ андэ лэ Ӷосподоско дес. «О нэбо и и ԥув, савэ слинэ спэрва», будэр на авэна, када лэ Сатанаско порядко, андэ саво ӷлавно во и лэстирэ бэнга. О найлашо и найкандино миро будэр на авэла. Пэ лэнго ҭан авэла «нэво нэбо и нэви ԥув», када нэвэ мануша, савэ жувэн тала нэво правительство, лэ Дэвлэско Царство. (Дик Откровение 20:11.)
(Откровение 21:3, 4) Мэ ашундэм, сар кодэва, ко сас по престоло ӷромко ԥэндя: «Акэ, бари лэ Дэвлэстири катуна машкар и мануша, и во лэла лэнца тэ жувэл. Вонэ авэна лэстирэ народоса, и екжэно о Дэл авэла лэнца. 4 Тоди во виқосэла всаворэ ясва па лэндирэ яқа, и смэрть будэр на авэла, нисави бида, ни дук будэр на авэла. Кода, со сас, прожыля».
w13 1/12 11, абз. 2—4
«Акэ, мэ терав вся нэво»
«[О Дэл] виқосэла всаворэ ясва па лэндирэ яқа» (Откровение 21:4). Савэ ясва во виқосэла? Када най и ясва ла радостятар и най и ясва, савэндар влажни и яқа. Катэ ԥэнэнпэ пала ясва, савэ амэндэ исин лэ ԥаримастар. О Дэл най кати улэла лэ манушэндирэ ясва пэ дэсави время, но и виқосэла лэн еқвар и пэ вся и вечность. Во улэла вся, состар амэ ровас, када о ԥаримос и биды.
«Смэрть будэр на авэла» (Откровение 21:4). Хэба можэт о мануш варисостар тэ ровэл май фартэ, чем кадэлэ враӷостар? О Иегова улэла и смэрть лэ манушэндар, савэ кандэн лэс. Сар во када стерэла? Во улэла о бэзэх, саво пэрэдяпэ лэ Адамостар и савэстар жыля и смэрть (Римлянам 5:12). Через лэ Иисусостири жэртва о Иегова дэла лэ манушэнди совершэно жызня. Тоди о послиднё враӷо будэр на авэла (1 Коринфянам 15:26). И праведни мануша смоӷут тэ жувэн вечно и тэ на насвавэн, сар и загиндосардя важ лэндэ о Дэл.
«Дук будэр на авэла» (Откровение 21:4). Сави дук будэр на авэла? О Дэл улэла всавори дук, сави исин через о нэсовершэнство и бэзэх. Када и дук андо ди и о насвалимос, через саво лэ манушэндэ ԥари жызня.
(Откровение 21:5) Кодэва, ко бэшэл по престоло ԥэндя: «Акэ, мэ терав вся нэво» и инке ԥэндя: «Запистросар, важ кода кай кадэла алава чачунэ и найхохавнэ».
w03 1/8 12, абз. 14
Иегова, када о Дэл лэ чачимаско
14 Амэнди трэбуй драго тэ полас, со о Иегова ԥэнэн амэнди андэ пэско Алав. Во па чачимастэ кацаво, сар росԥэнэн пала пэстэ, и па чачимастэ лэла тэ терэл вся, пала со дя алав. Амэндэ исин васо андэ вся тэ патяс лэсти. Амэ можэм тэ патяс, кай о Иегова па чачимастэ, сар во екжэно ԥэндя, «спушэла кодэлэндар, ко на ӷанэн лэ Дэвлэс и ко на терэл кадя, сар ԥэнэн и лащи весть пала амаро Ӷосподо Иисусо» (2 Фессалоникийцам 1:8). Амэ кадяжэ можэм тэ патяс лэ Иеговастирэ алавэсти, кала во ԥэнэн, кай любий кодэлэн, ко жал па лэ чачимаско дром, кай дэла вечно жызня кодэлэнди, ко патял андэр лэстэ, и кай улэла и дук, и ясва и дажэ и смэрть. О Иегова сыкадя, кай кадэлэ алавэнди можно тэ патяс, кала ԥэндя лэ Иоанности: «Запистросар, важ кода кай кадэла алава чачунэ и найхохавнэ» (Откровение 21:4, 5; Притчи 15:9; Иоанна 3:36).
Виарақас сомнак анда Библия
(Откровение 20:5) (Авэр анда мулэ на жунделэ, пока на прожыля тысяча бэрш.) Када пэрви, ко ринпэ каринг и жызня.
it «Жизнь», подзаг. «Жизнь на земле без тления», абз. 2
Жызня
Сар дицол анда законо, саво о Дэл дя лэ Адамости, тэ канглоп во лэ Дэвлэс, во на мулиноп (Бытие 2:17). Посли кода, сар о Дэл улэла и смэрть, лэ манушэндэ, савэ кандэн лэ Дэвлэс, будэр на авэла о бэзэх, саво андярэл каринг и смэрть. Вонэ моӷут никала тэ на мэрэн (1 Коринфянам 15:26). Сар пистромэ андэ Откровение, кала через 1 000 бэрш о Христос парашэла тэ правий, и смэрть будэр на авэла. Андэ книӷа Откровение пала кодэла, ко ашэн царёнэнца и рашанца вмести лэ Христоса, ԥэнэнпэ, кай вонэ «жунделэ и правинас лэ Христоса тысяча бэрш». И алава «авэр анда мулэ на жунделэ, пока на парашэля тысяча бэрш» пистромэ пала кодэла, ко лэла тэ жувэл в концэ андэ тысячелетнё правления, но англа кода, сар лэ Сатанас вимэкэна анда бездна, кай лэ миростэ тэ авэл послиднё ԥаримос. Каринг кадэя время и мануша пэ ԥув авэна кацавэ жэ совершэни, сар о Адамо и Ева, кала инке на стердэ о бэзэх. Тоди лэндэ авэла совершэно жызня. Кодэла, ко виритярэна о ԥаримос, посли кода, сар пэ найбари время лэ Сатанас вимэкэна анда бездна, смоӷут тэ лошавэн кацавя жызняти вся и вечность (Откровение 20:4—10).
(Откровение 20:14, 15) Ай и смэрть и моӷила шутэ андо озеро ягаса. О озеро ягаса сыкавэл и дуйто смэрть. 15 И кажнонэс, кас на виарақлэ андэ ла жызнятири книжка, шутэ андо озеро ягаса.
it «Огненное озеро», абз. 1—3
Озеро ягаса
Кадэла алава пистромэ кати андэ Откровение и лэндэ авэр смысло. Андэ Библия росԥэнэнпэ пала кадэва смысло кадя: «О озеро ягаса сыкавэл и дуйто смэрть» (Откровение 20:14; 21:8).
Кода, кай катэ авэр смысло пала озеро ягаса, дицол анда авэр стихоря андэ Откровение, андэ савэ дэлпэ дума важ лэстэ. Котэ ԥэнэнпэ, кай андэ кадэва озеро шон и смэрть (Откровение 19:20; 20:14). Амэ полас, кай и смэрть нащи тэ сԥабарэн. Кадяжэ андэ кадэва озеро шон лэ Сатанас, савэстэ и тила сар кай и анӷелоря. Важ кода кай лэстири тила на дицол, и обычно яг нэ можэт тэ стерэл лэсти вэрыто (Откровение 20:10; дик Исход 3:2 и Судей 13:20).
О озеро ягаса сыкавэл «и дуйто смэрть» и андэ Откровение 20:14 ԥэнэнпэ, кай андэр лэстэ трэбуй тэ шон «и смэрть и моӷила». Важ када дицол, кай кадэва озеро нэ можэт тэ сыкавэл и смэрть, сави пэрэдяпэ лэ манушэнди лэ Адамостар, или тэ сыкавэл и моӷила (гадесо, шеоло) (Римлянам 5:12). Вижал, кай во трэбуй тэ сыкавэл авэр смэрть, кодэя, анда сави нико на рийпэ. Кода, со пистромэ пала кадэва озеро, на шолпэ пэ кода, со ԥэнэнпэ пала лэ Адамостири смэрть и пала моӷила (гадесо, шеоло). Никай на ԥэнэнпэ, кай кадэва озеро отдэл кодэлэн, ко исин андэр лэстэ (Откровение 20:13). Андо озеро ягаса шон кодэлэн, кас нинай андэ «ла жызнятири книжка», кодэлэн, ко жан против лэ Дэвлэстири власть и на каинпэ. Када сыкавэл, и дуйто смэрть, или кай вонэ будэр никала на жувэна (Откровение 20:15).