Источникоря важ и тетрадка, кай тэ сытювас «Дром и служэния»
6—12 ИЮЛЯ
СОМНАК АНДА БИБЛИЯ | ИСХОД 6, 7
«Акана ту диқэса, со мэ стерава лэ фараоноса»
(Исход 6:1) О Иегова ԥэндя лэ Моисеёсти: «Акана ту диқэса, со мэ стерава лэ фараоноса. Мэрнэ зорэса мэ стерава кадя, кай во тэ одмэкэл и дажэ тэ видаравэл мэрнэ народос па кадэя ԥув».
(Исход 6:6, 7) Важ када ԥэн лэ израильтянонэнди: „Мэ о Иегова, и мэ виандярава тумэн анда Египто и одмэкава тумэн, кай и египтяноря будэр тэ на тасавэн пэр тумэндэ. Мэ одмэкава тумэн анда рабство, стерава баро сындо и спасысарава тумэн зоралэ вастэса. 7 Мэ стерава, кай тумэ тэ авэн мэрнэ народоса и мэ авава тумарэ Дэвлэса. И тумэ уӷанэна, кай мэ о Иегова, тумаро Дэл, саво одмэкэл тумэн, кай и египтяноря будэр тэ на тасавэн пэр тумэндэ.
it «Моисей», абз. 13
Моисеё
И израильтяноря тожэ фартэ паруделэ. Спэрва, кала о Моисеё стердя чудеса, и израильтяноря патяе, кай лэс бишалдя о Иегова, но кала о фараоно стердя лэндири бути инке май ԥари, вонэ линэ тэ холявэн по Моисеё. Через када о Моисеё умэкля и вас и ля тэ мангэлпэ лэ Иеговасти (Исход 4:29—31; 5:19—23). Тоди о Всемоӷущё Дэл подритярдя лэ Моисеёс и ԥэндя, кай стерэла кода, со аштярэнас о Авраамо, о Исаако и о Иаково. Кай и израильтяноря тэ ӷанэн, со сыкавэл лэско алав, о Иегова камэлас лэн тэ освободий и кай вонэ тэ авэн барэ народоса пэ ԥув, пала сави во дя алав (Исход 6:1—8). И израильтяноря всаек на кандэнас лэ Моисеёс. Но посли девято бида вонэ залинэ лэстири риг и линэ тэ кандэн. Важ када посли десято бида лэ Моисеёстэ вижыля тэ андярэл кадэлэ народос, сар кандино войско (Исход 13:18).
(Исход 7:4, 5) О фараоно на лэла тумэн тэ ашунэл, и тоди мэ сыкавава андо Египто мэрно зор, стерава баро сындо и виандярава мэрнэ барэ народос, лэ израильтянонэн, анда Египто. 5 Кала мэ процырдава о вас по Египто и виандярава лэ израильтянонэн па кадэя ԥув, и египтяноря уӷанэна, кай мэ о Иегова».
it «Моисей», абз. 11, 12
Моисеё
Англа фараоно. О Моисеё и о Аароно слинэ ӷлавни андэ «битва, каско дэл май зорало». Через и жрецоря, можэт, када слинэ о Ианниё и о Иамвриё (2 Тимофею 3:8), о фараоно мангля, кай всаворэ дэвла андо Египто тэ сыкавэн, кай вонэ май зоралэ лэ Иеговастар. Но ужэ и пэрво чуда, сави стердэ о Моисеё и о Аароно англа фараоно, сыкадя, кай лэ Иеговаса на сыстонапэ нисавэ египецки дэвла, ай о фараоно всаек тердёлас пэ пэско (Исход 7:8—13). Потом, кала сас и трито бида, дажэ и жрецоря прижанглэ: «Када стердэ лэ Дэвлэстирэ зорэса!» Ай инке посли ек бида лэндэ слинэ нарыворя и лэнди сас кадя ԥарэс, кай вонэ нэ моӷли тэ авэн каринг о фараоно и тэ жан против Моисеё (Исход 8:16—19; 9:10—12).
Через и биды еқэндэ оди ашэля ковло, ай аврэндэ ашэля жэстоко. О Моисеё и о Аароно ԥэнэнас кажно разо, сави авэла бида, и када доԥэнэнас, кай лэ Моисеёс бишалдя о Иегова. Лэ Иеговаско алав ашэля ашунгло андо Египто, пала лэстэ бут дэнас дума, и кадэлэстар и мануша паруделэ. Кай и израильтяноря и кай дэсавэ египтяноря оди ашэля май ковло. Ай кай о фараоно, кай лэстирэ советникоря и кай кодэла, ко залинэ лэстири риг, и одя ашэлэ инке май жэстоки (Исход 9:16; 11:10; 12:29—39). И египтяноря полэнас, кай кадэла биды жан най важ кода, кай вонэ холярдэ пэстирэ дэвлэн, ай важ кода, кай лэндирэ дэвлэн сындой о Иегова. Кала прожылэ и девять биды, «по Моисеё андо Египто стонас бари патив и лэ фараоностирэ слуӷоря, и о народо» (Исход 11:3).
Виарақас сомнак анда Библия
(Исход 6:3) Мэ сыкаделэм лэ Авраамости, лэ Исаакости и лэ Иаковости, сар о Всемоӷущё Дэл, но мэ на дэм лэнди тэ уӷанэн ман сар кодэлэс, кас ақарэн Иегова.
it «Всемогущий», абз. 6, 7
Всемоӷущё
Кала о Иегова дя алав лэ Авраамости, кай лэстэ арақадёла о Исаако, во ԥэндя пала пэско титуло «Дэл Всемоӷущё» (Эл Шадда́й). О Авраамо трэбуй сас фартэ тэ патял, кай о Иегова можэт тэ зритярэл пэско алав. Потом кадэва титуло ԥэнэнас по Дэл, кала и дума жалас, кай во блаӷословия лэ Исаакос и лэ Иаковос, сар наследниконэн па лэ Авраамоско доӷоворо (Бытие 17:1; 28:3; 35:11; 48:3).
Важ када о Иегова моӷ тэ ԥэнэн лэ Моисеёсти: «Мэ сыкаделэм лэ Авраамости, лэ Исаакости и лэ Иаковости, сар о Всемоӷущё Дэл [бе-Эл Шадда́й], но мэ на дэм лэнди тэ уӷанэн ман сар кодэлэс, кас ақарэн Иегова» (Исход 6:3). Када на сыкавэлас, кай и патриархоря на ӷанэнас лэ Иеговаско алав, важ кода кай вонэ и дэсавэ мануша, савэ жувэнас жы каринг лэндэ, часто ԥэнэнас кадэва алав (Бытие 4:1, 26; 14:22; 27:27; 28:16). Шам сама пэ книӷа Бытие, андэ сави пистромэ пала кода, сар жувэнас и патриархоря. Котэ о алав «Всемоӷущё» запистромэ 6 разоря, ай андо оригинально еврейско тексто о алав Иегова запистромэ 172 разоря. Кадэла патриархоря ӷанэнас, кай лэ Дэвлэстэ исин право по титуло Всемоӷущё, но лэндэ на сас возможность тэ полэн, со сыкавэл лэско алав, Иегова.
(Исход 7:1) Но о Иегова ԥэндя лэ Моисеёсти: «Мэ стодэм тут Дэвлэса важ о фараоно, ай тиро ԥрал о Аароно ашэла тирэ пророкоса.
it «Моисей», абз. 8
Моисеё
О Дэл на отшутяпэ лэ Моисеёстар, дажэ кала во отԥэндёлас. О Моисеё на грабияс тэ лэлпэ пала дила, сави лэсти дэлас о Дэл. Во гиндояс, кай на ӷанэн тэ дэл дума. Када сас ужэ най кодэва Моисеё, саво 40 бэрш палпалэ екжэно камля тэ освободий лэ израильтянонэн. Во камэлас тэ отԥэндёл кадэла дилатар и ԥэндя, кай о Иегова тэ дэл кадэя дила аврэсти. Хоть о Иегова росхоляйля, во на отшутяпэ лэ Моисеёстар и дя лэсти андэ помощь лэ Ааронос. Кадя о Моисеё ашэля кодэлэса, через кастэ дэл дума о Дэл, и «Дэвлэса» важ о Аароно, саво пэрэдэлас лэ Моисеёстирэ алава. Кала вонэ диқэнаспэ лэ израильсконэ старейшынонэнца и лэ фараоноса, дицол, кай о Дэл дэлас дума лэ Моисеёса, ай о Моисеё пэрэдэлас када лэ Аароности. Ай о Аароно ужэ дэлас дума англа фараоно (саво правияс посли фараоно, савэстар 40 бэрш палпалэ занашлятар о Моисеё) (Исход 2:23; 4:10—17). Посли о Иегова ԥэндя, кай о Аароно сас лэ Моисеёско «пророко», важ кода кай о Аароно дэлас дума лэ Моисеёстар, сар и о Моисеё дэлас дума и терэлас лэ Иеговастирэ алавэстар. Кадяжэ о Иегова ԥэндя, кай о Моисеё ашэла «Дэвлэса важ о фараоно», када сыкавэл, кай лэстэ авэла власть по фараоно, важ када во на трэбуй сас тэ дарал лэ египецконэ царёстар (Исход 7:1, 2).
13—19 ИЮЛЯ
СОМНАК АНДА БИБЛИЯ | ИСХОД 8, 9
«О фараоно дажэ на ӷанэнас, кай во терэл кода, со камэл о Иегова»
(Исход 8:15) Ай о фараоно, кала диқля, кай и бида парашэля, всаек терделя пэ пэско и на кангля лэ Моисеёс и лэ Ааронос, сар и ԥэндясас о Иегова.
it «Упрямство», абз. 2
Тердёл пэ пэско
Важ вся время скати жувэн и мануша, о Дэл Иегова ашавэлас лэ манушэн и лэ народонэн тэ жувэн, хоть вонэ и затердэ тэ мэрэн (Бытие 15:16; 2 Петра 3:9). Важ када дэсавэ мануша парудёнас, и о Дэл лэн жалуияс (Иисус Навин 2:8—14; 6:22, 23; 9:3—15), ай авэр инке май фартэ холявэнас по Иегова и пэ лэско народо (Второзаконие 2:30—33; Иисус Навин 11:19, 20). О Иегова домэкэл, кай и мануша тэ терэн кадя, сар вонэ камэн. Акэ васо ԥэнэнпэ, кай во домэкэл, кай вонэ тэ терэн кати кода, со вонэ камэн, и кай лэндирэ одя тэ ашэн барунэ. И кала во рий кодэлэнди, ко лэс всаек на кандэл, андэ када дицол лэско баро зор, и кадя ашундёл лэско алав. (Дик Исход 4:21; Иисус Навин 12:40; Римлянам 9:14—18.)
(Исход 8:18, 19) И жрецоря линэ тэ калдуин, кай тэ стерэн лэ мошкэн, но лэндэ нисо на вижыля. И мошки слинэ пэ мануша и пэ жывотни. 19 Тоди и жрецоря ԥэндэ лэ фараоности: «Када стердэ лэ Дэвлэстирэ зорэса!» Но о фараоно всаек ашэляпэ тэ тердёл пэ пэско и на кангля лэ Моисеёс и лэ Ааронос, сар и ԥэндясас о Иегова.
(Исход 9:15—17) Мэ ужэ дэлмут бишалдоп пэр тутэ и пэ тиро народо страшно бида и стрисардоп тут па ԥув. 16 Но мэ на умардэм тут, кай тэ сыкавав тути мэрно зор и кай па вся и ԥув тэ уӷанэн мэрно алав. 17 Ту вся кадяжэ гиндос, кай май баро всаворэндар и на одмэкэс мэрнэ народос?
it «Нечестие», абз. 4—6
Найлашимос
Инке о Дэл Иегова можэт тэ андярэл вся кадя, кай и найлашэ мануша тэ терэн кода, со во загиндосардя, хоть вонэ и екжэнэ када на полэн. И найлашэ мануша жан против Дэл, во можэт тэ на домэкэл лэн дэсо тэ терэн, кай лэстирэ служытеля тэ ашэнпэ вужэ англа лэстэ. Через кадэла мануша во можэт дажэ тэ стерэл кадя, кай тэ дицол лэстири праведность (Римлянам 3:3—5, 23—26; 8:35—39; Псалом 76:10). Пала кадэва гиндо пистромэ андэ Притчи 16:4: «О Иегова стердя кадя, кай вся поможый андэ кода, со во загиндосардя, дажэ и найлашэ мануша, савэ на ашэнапэ жундэ андо дес, кала авэла и бида».
Кадя сас и лэ фараоноса, савэсти о Иегова через о Моисеё и о Аароно ԥэндя тэ одмэкэл лэ израильтянонэн анда рабство. О Дэл на стердя, кай кадэва египецко правителё тэ авэл найлашо. Но во на умардя лэ фараонос, и стердя кадя, кай кадэва правителё тэ сыкавэл пэско найлашимос и тэ дицол, кай во затердя тэ мэрэл. Пала кода, васо о Иегова кадя стердя, пистромэ андэ Исход 9:16: «Мэ на умардэм тут, кай тэ сыкавав тути мэрно зор и кай па вся и ԥув тэ уӷанэн мэрно алав».
Дэш биды, савэ слинэ андо Египто, и о сындо по фараоно и лэско войско, кала вонэ потасылэ андэ Лоли моря, сыкавэл, саво дэ баро зор кай о Иегова (Исход 7:14—12:30; Псалом 78:43—51; 136:15). Прожылэ бэрша, и народоря, савэ жувэнас паша Израилё, инке дэнас дума пала када, и кадя ашундёлас лэ Дэвлэско алав (Иисус Навин 2:10, 11; 1 Самуила 4:8). Если бы о Иегова тэ умардоп лэ фараонос сразу, тоди о Дэл на сыкадоп пэско баро зор, через саво во ашэлоп ашунгло и тэ освободий пэстирэ народос на вижылоп.
Виарақас сомнак анда Библия
(Исход 8:21) Ай сар ту на одмэкэса мэрнэ народос, тоди мэ бишалава пэр тутэ, пэ тирэ слуӷоря, пэ тиро народо и андэ тирэ цэра оводонэн. И цэра андо Египто ԥэрдёна оводонэнца и вонэ ушаравэна вся и ԥув.
it «Овод», абз. 2
Оводо
Дэсавэ оводоря, кала вонэ сар личинки, барён андэ тила кай и жывотни или кай и мануша. И оводоря, савэ моӷут тэ умарэн лэ манушэн, исин май бут котэ, кай фартэ жарко климато. Анда када амэ можэм тэ полас, кай кала сас и штарто бида, и оводоря андэ́ бут ԥаримос лэ египтянонэнди и лэндирэ скотости, ай дэкала дажэ и смэрть.
(Исход 8:25—27) И акэ о фараоно ақардя лэ Моисеёс и лэ Ааронос и ԥэндя: «Жан, анэн и жэртва тумарэ Дэвлэсти пэ кадэя ԥув». 26 Но о Моисеё ԥэндя: «Амэ нэ можэм када тэ стерас, важ кода кай и жэртва, сави амэ анаса амарэ Дэвлэсти лэ Иеговасти, гряца важ и египтяноря. Ай если амэ англа лэндэ анаса и жэртва, савятар вонэ гряцан, вонэ помарэна амэн барэнца! 27 Амэ жаса андэ пустыня пэ трин дес и котэ анаса и жэртва амарэ Дэвлэсти лэ Иеговасти, сар во и ԥэндя амэнди».
w04 15/3 25, абз. 9
Интересни гиндоря анда книӷа Исход
8:26, 27. Васо о Моисеё ԥэндя, кай лэ израильтянонэндири жэртва авэла «гряца важ и египтяноря»? Андо Египто тэлёнас бутэ разнонэ жывотнонэнди. Кода, кай о Моисеё ԥэндя пала жэртвы, сыкадя лэ фараоности, кай лэ Моисеёстэ сас васо тэ ԥэнэн лэсти тэ одмэкэл лэ израильтянонэн, кай вонэ тэ анэн жэртвы лэ Иеговасти.
20—26 ИЮЛЯ
СОМНАК АНДА БИБЛИЯ | ИСХОД 10, 11
«О Моисеё и о Аароно андярэн пэс фартэ смило»
(Исход 10:3—6) О Моисеё и о Аароно жылэ кай о фараоно и ԥэндэ лэсти: «Кадя ԥэнэн о Иегова, лэ евреёнэнго Дэл: „Скати ту инке лэса тэ тердёс пэ пэско? Одмэк мэрнэ народос, кай во тэ служый манди. 4 Ай если ту упалэ на одмэкэса мэрнэ народос, тоди тэся мэ бишалава пэ тири ԥув и саранча. 5 Вой ушаравэла вся и ԥув, и ԥув на авэла тэ дицол. Вой схала вся, со инке ашэляпэ, со ашэляпэ тумэндэ посли ӷрадо, и обхала всаворэ витки андэ мал. 6 Вой ԥэрэла тирэ цэра, тирэ слуӷонэндирэ цэра и всаворэ цэра андо Египто. Кадя дэ бут саранча инке ни кала на диқлэ ни тирэ папоря, ни тирэ ԥурэ“». Посли кадэла алава во банделя и жылятар лэ фараоностар.
w09 15/7 20, абз. 6
Ав сар о Иисусо и смило росԥэн важ о Дэл
6 Погиндосарам кадяжэ пала смилость, сави сыкадя о Моисеё, кала во дэлас дума лэ фараоноса. Важ и мануша кадэва правителё сас най просто лэ дэвлэнго прецтавителё, но кай во екжэно сас дэвлэса, шаво лэ қамэстирэ дэвлэско, пэ саво ԥэнэнас Ра. Можэт, во, сар и авэр фараоноря, тэлёлас корко пэсти. Лэ фараоноско алав сас законо, лэстири власть сас фартэ бари. Зорало, ӷордо и найкандино фараоно на присытеля, кай лэсти варико тэ ԥэнэн, со и сар тэ терэл. Акэ каринг саво мануш най еқвар авэлас о пастухо Моисеё, савэстэ сас ковло ди. Лэс нико на ақарэлас каринг пэстэ, и андэ града кай о фараоно лэсти нико на сас радо. Ай со ԥэнэнас о Моисеё? Во ԥэнэнас, кай англэ авэна биды, савэндар нисо на ашэлапэ. Со во камэлас? Кай о фараоно тэ одмэкэл, пэстирэ рабонэн, савэн сас най ек милионо! Хэба на трэбуй сас о Моисеё тэ авэл смило?! (Числа 12:3; Евреям 11:27).
(Исход 10:24—26) Посли када о фараоно ақардя лэ Моисеёс и ԥэндя: «Жан, служын лэ Иеговасти. Кати мэк ашэнпэ тумарэ бакрэ и о баро ското. Ай тумарэ бэяцэ мэк жан тумэнца». 25 Но о Моисеё ԥэндя: «Ту дэса амэнди кадяжэ лэ жывотнонэн важ и жэртвы, важ кода кай амэ трэбуй тэ анас лэн амарэ Дэвлэсти лэ Иеговасти. 26 Амаро ското тожэ жала амэнца. На ашэлапэ ни ек жывотно, важ кода кай дэсавэн анда ското амэ анаса андэ жэртва, кала аваса тэ тэлювас амарэ Дэвлэсти лэ Иеговасти. Ай пока амэ на аваса кордэ, амэ на ӷанас, со анаса андэ жэртва лэ Иеговасти».
(Исход 10:28) О фараоно ԥэндя лэ Моисеёсти: «Ужа мандар! Будэр на сыкадю манди пэ яқа, важ кода кай андэ кодэва дес, кала ту ман диқэса, ту мэрэса».
(Исход 11:4—8) О Моисеё ԥэндя лэ фараоности: «Кадя ԥэнэн о Иегова: „Варикай андэ епаш рят мэ прожава па Египто, 5 и андо Египто андэ кажно ери мэрэла барэдэр шаво, лэ фараоностирэ ерестар, саво бэшэл по престоло, жы кай ла служанкако ери, сави мэлий пэ ручно мельница. И мэрэла о пэрво приплодо кай и жывотни. 6 Па вся Египто лэна фартэ тэ ровэн, кацаво инке никала на сас и будэр на авэла. 7 Но пэ израильтяноря и пэ лэнго ското дажэ ни ек риконо на заӷавкыия, кай тумэ тэ ӷанэн, кай о Иегова можэт тэ стерэл разница машкар египтяноря и израильтяноря“. 8 И всаворэ тирэ слуӷоря авэна каринг мандэ, пэрэна англа мандэ пэ чанга, тэлёна жы кай ԥув и ԥэнэна: „Ужатар ту и вся тиро народо“. И посли када мэ ужаватар». Посли кадэла алава во фартэ холинако вижыля лэ фараоностар.
it «Моисей», абз. 14
Моисеё
Смилость и вера дицэля англа фараоно. О Моисеё и о Аароно моӷли тэ стерэн лэ Иеговастири дила кати через о свынто духо. Прецтавь, саво дэ шукарно и дэ баро сас о цэр кай о фараоно, кай о правителё, савэстэ сас само бари власть андэ кодэя время. По троно бэшэл о ӷордо фараоно, савэс полэн, сар дэвлэс. Паша лэстэ советникоря, военачальникоря, телохранителя и слуӷоря. Кадяжэ котэ исин барэ мануша анда вера, жрецоря, савэ калдуин, вонэ ӷлавни лэ Моисеёстирэ противникоря. Посли фараоно кай кадэла мануша со май бари власть. Вся када дицол фартэ путярдэс, и трэбуй важ кода, кай о фараоно и и дэвла андо Египто тэ авэн ашунглэ. Но када инке най вся. О Моисеё и о Аароно трэбуй най еқвар тэ авэн кай о мануш, савэстэ оди ашэл инке май жэстоко, важ кода кай во на камэл тэ одмэкэл лэ рабонэн, савэ терэн важ лэстэ бари бути. Посли кода сар о Моисеё и о Аароно ԥэнэн пала восьмо бида лэн видаравэн, посли девято бида лэнди ԥэнэн, кай если вонэ инке еқвар авэна кай о фараоно, лэн умарэна (Исход 10:11, 28).
Виарақас сомнак анда Библия
(Исход 10:1, 2) Тоди о Иегова ԥэндя лэ Моисеёсти: «Жа кай о фараоно, важ кода кай мэ домэклэм, кай во и лэстирэ слуӷоря тэ тердён пэ пэско. Мэ домэклэм када, кай тэ стерав англа лэстэ кадэла чудеса 2 и кай ту моӷ тэ росԥэнэс лэ шавэнди и лэ внуконэнди пала кода, сар мэ строӷо обжылэмпэ лэ египтянонэнца и савэ чудеса стердэм англа лэндэ. И тумэ уӷанэна, кай мэ о Иегова».
w95 1/9 11, абз. 11
Кодэла, ко дэнас дума против хохавнэ дэвла
11 Кала и израильтяноря слинэ инке андо Египто, о Иегова бишалдя лэ Моисеёс: «Жа кай о фараоно, важ кода кай мэ домэклэм, кай во и лэстирэ слуӷоря тэ тердён пэ пэско. Мэ домэклэм када, кай тэ стерав англа лэстэ кадэла чудеса и кай ту моӷ тэ росԥэнэс лэ шавэнди и лэ внуконэнди пала кода, сар мэ строӷо обжылэмпэ лэ египтянонэнца и савэ чудеса стердэм англа лэндэ. И тумэ уӷанэна, кай мэ о Иегова» (Исход 10:1, 2). И кандинэ израильтяноря росԥэнэнас пэстирэ бэятонэнди пала лэ Иеговастирэ чудеса. Ай лэндирэ бэяцэ росԥэнэнас пэстирэ бэятонэнди, и кадя терэнас всаворэ поколении. Кадя вонэ сэрэнас пала лэ Иеговастирэ чудеса. Андэ амарэ деса и родителя кадяжэ трэбуй тэ росԥэнэн пэстирэ бэятонэнди пала лэ Иеговастири дила (Второзаконие 6:4—7; Притчи 22:6).
(Исход 11:7) Но пэ израильтяноря и пэ лэнго ското дажэ ни ек риконо на заӷавкыия, кай тумэ тэ ӷанэн, кай о Иегова можэт тэ стерэл разница машкар египтяноря и израильтяноря“.
it «Исход из Египта», абз. 52
Вижан анда Египто
Кала о Иегова нэобычно сыкадя пэско зор, во прославил пэско алав и освободил лэ израильтянонэн. Кала и израильтяноря слинэ по восточно бэрэӷо, лэнди ужэ нико нэ моӷ тэ стерэл вэрыто. Тоди о Моисеё и всаворэ мурш линэ тэ дилабэн дили. Лэ Моисеёстири ԥэй, и пророчица Мариам, ля андо вас бубно, и всаворэ жувля вижылэ пала латэ лэ бубнонэнца. Вонэ линэ тэ цэлэн, ай и Мариам ля тэ дилабэл лэ муршэнди (Исход 15:1, 20, 21). Кай о Израилё будэр на слинэ враӷоря. Кала и израильтяноря вижанас анда Египто, ни ек мануш и ни ек зверё нэ моӷ тэ стерэл лэнди вэрыто. Пэр лэндэ на рычисырдя и на ӷавкыисардя ни ек риконо (Исход 11:7). Андэ книӷа Исход най пистромэ, кай вмести лэ войскоса муля и о фараоно. Но андо Псалом 136:15 точно ԥэнэнпэ, кай о Иегова шутя андэ Лоли моря лэ фараонос и лэско войско.
27 ИЮЛЯ — 2 АВГУСТА
СОМНАК АНДА БИБЛИЯ | ИСХОД 12
«И Патради фартэ важно важ и христианоря»
(Исход 12:5—7) Кай о бакроро на трэбуй тэ авэл дефекто. Тумэ можэте тэ лэн жывотнонэс анда тэрнэ бакрэ или бузнэ. 6 Ритярэн лэс пэстэ жы кай о 14 дес андэ кадэва шон и мэк кажно ери андэ Израильско собрания зашынэн лэс, кала лэл тэ тэмной. 7 Мэк вонэ лэн лэско рат и мақэн лэс пэ дуй косякоря и пэ перекладина кай и двэри андэ кодэла цэра, кай лэс лэна тэ хан.
w07 1/1 20, абз. 4
«Тумэ лэна тэ радуинпэ»
4 О Иисусо муля 14 нисана андо 33 бэрш. Андо Израилё сас радосно дес, кала справинас и патради. Кажно бэрш андэ кадэва дес и израильски еря ханас лэ тэрнорэ бакрорэс, андэ саво на сас дефекто. Кадя вонэ вспоминали пала кода, сар через лэ бакрорэско рат о Дэл фэрисардя андэ кажно израильско ери лэ барэдэрэ шавэс. Када сас 14 нисана андо 1513 бэрш жы кай И. Х., кала о анӷело умардя андо Египто андэ кажно ери барэдэрэ шавэс (Исход 12:1—14). Ла патрадяко бакроро сыкавэлас по Иисусо, пала саво о апостоло Павло ԥэндя: «О Христос, кала отдя пэстири жызня андэ жэртва, ашэля амаро ла патрадяко бакроро» (1 Коринфянам 5:7). Лэ Христоско рат, кадя жэ сар и ла патрадятирэ бакрорэско рат, дэл возможность бутэнди тэ спасынпэ (Иоанна 3:16, 36).
(Исход 12:12, 13) Андэ кодэя рят мэ прожава па Египто и умарава андэ кажно ери барэдэрэ шавэс и пэрво приплодо кай и жывотни. И мэ стерава сындо пэ всаворэ дэвла андо Египто. Мэ о Иегова. 13 Знако пэ тумарэ цэра авэла о рат. Мэ додиқава лэс и прожава мимо, и кадэя бида на авэла тумэндэ, кала мэ сындосарава о Египто.
it «Пасха», абз. 22
Патради
Дэсо анда кода, сар справинас и Патради, слинэ пророчества по Иисусо. Например, андо Египто, о рат пэ цэра кай и израильтяноря фэрисардя лэ анӷелостар, саво умардя андэ кажно ери лэ барэдэрэ шавэс. О Павло ԥэнэнас, кай и помазани христианоря, када и собрания анда барэдэр шавэ (Евреям 12:23) и кай о Христос освободисардя лэн через пэско рат (1 Фессалоникийцам 1:10; Эфесянам 1:7). Ла патрадятирэ бакрорэсти нащи сас тэ ԥагэн и кокаля. Сас ԥэндо, кай ни ек лэ Иисусоско кокали на авэла ԥаго и кадя и вижыля, кала во мэрэлас по столбо (Псалом 34:20; Иоанна 19:36). Важ када и Патради, сави бут викоря стонас и иудеёря, ужалас андо Законо, саво сыкавэлас по лашимос англэ и андярэлас каринг о Иисусо, каринг «лэ Дэвлэско Бакроро» (Иоанна 1:29; Евреям 10:1).
(Исход 12:24—27) Ритярэн када сар законо пэ викоря важ тумэндэ и важ тумарэ бэяцэ. 25 Тумэ трэбуй тэ справин лэс, кала авэна пэ ԥув, пала сави о Иегова дя алав тумэнди. 26 И кала тумарэ шавэ пушэна тумэндар: „Васо тумэ када терэн?“, 27 ԥэнэн: „Када жэртва пэ Патради важ о Иегова, саво прожыля мимо лэ израильтянонэндирэ цэра андо Египто. Во умардя лэ египтянонэн, но фэрисардя амарэ еря“». Тоди о народо пэля пэ чанга и тэлеля жы кай и ԥув.
w13 15/12 20, абз. 13, 14
Кадэва дес авэла важ тумэндэ, кай тэ сэрэн
13 Жалас и время и андэ кажно ери о дад росԥэнэнас лэ шавэсти, сости и израильтяноря моӷут тэ сытён анда Патради. Например, кода, кай о Иегова можэт тэ фэрий кодэлэн, ко тэлёл лэсти. Кадя лэ бэятонэнди авелоп вушэро тэ уӷанэн лэ чачунэ жундэ Дэвлэс, саво любий пэстирэ народос и саво ӷотово тэ фэрий лэн. Во када доԥэндя, кала фэрисардя лэ барэдэрэ шавэн и ашадя лэн жундэн, кала умардя лэ египтянонэн.
14 И родителя христианоря нэобязани тэ росԥэнэн пэстирэ бэятонэнди кажно бэрш, со сыкавэлас кодэя Патради. Ай тумэ поможын пэстирэ бэятонэнди тэ полэн, кай о Дэл фэрий пэстирэ народос? Сыкавэн тумэ, кай фартэ патян, кай о Иегова кадяжэ фэрий пэстирэ народос? (Псалом 27:11; Исаия 12:2). И вижал тумэндэ най просто тэ пэрэдэн кадэва гиндо, ай тэ росԥэнэн лэс пэстирэ бэятонэнди анда вся оди? Поможын пэстирэ бэятонэнди тэ полэн кадэла гиндоря, кай лэндири дружба лэ Иеговаса тэ ашэл май лащи.
Виарақас сомнак анда Библия
(Исход 12:12) Андэ кодэя рят мэ прожава па Египто и умарава андэ кажно ери барэдэрэ шавэс и пэрво приплодо кай и жывотни. И мэ стерава сындо пэ всаворэ дэвла андо Египто. Мэ о Иегова.
it «Пасха», абз. 10
Патради
И дэш биды, савэ слинэ андо Египто, када сас сындо пэ лэндирэ дэвла особенно и десято бида, кала мулинэ и барэдэр шавэ андэ еря (Исход 12:12). И египтяноря полэнас лэ бакрэс, сар лэ дэвлэс Ра, кочай, кала и израильтяноря мақлэ лэ бакрорэско рат пэ косякоря кай и двэри, важ и египтяноря када сас маӷримос. Кадяжэ сар дэвлэс и египтяноря полэнас лэ гурувэс, важ када, кала муля о пэрво приплодо анда гурува, када сыкадя, кай лэнго дэл о Осирисо нико англа Иегова. Важ и египтяноря лэ фараоностирэ дадэса сас о дэл Ра. Важ када, кала муля о барэдэр шаво андэ лэ фараоноско ери, када сыкадя, кай о дэл Ра и о фараоно на ашэн нисо.
(Исход 12:14—16) Кадэва дес авэла важ тумэндэ, кай тэ сэрэн када. Справин лэс сар празнико важ о Иегова, андэ всаворэ поколении. Кадэва законо тумэ трэбуй тэ ритярэн вся и время. 15 Семь деса хан би дрожэнго марно. Андо пэрво дес улэн анда пэстирэ цэра и закваска, важ кода кай лэ манушэс, саво лэла тэ хал и закваска, трэбуй тэ умарэн андо Израилё. 16 Андэ пэрво дес тумэндэ авэла свынто собрания, и андэ седьмо дес авэла свынто собрания. Андэ кадэла деса нащи тэ терэн нисави бути. Можэте кати тэ терэн пэсти тэ хан.
it «Святое собрание», абз. 3
Свынто собрания
«И свынти собрании» отличались кодэлэса, кай, кала лэн проандярэнас, о народо на трэбуй сас тэ терэл нисави ԥари бути. Например, кала справинас лэ Би дрожэнго марнэско празнико, пала пэрво и седьмо дес, кала проандярэнас «и свынти собрании», о Иегова ԥэндя: «Андэ кадэла деса нащи тэ терэн нисави бути. Можэте кати тэ терэн пэсти тэ хан» (Исход 12:15, 16). Но кала прожанас «и свынти собрании», и рашая анэнас жэртвы лэ Иеговасти (Левит 23:37, 38), и кадэлэса вонэ на жанас против Законо, па саво нащи сас тэ терэн обычно бути андэ кадэя время. Када на сыкавэл, кай, кала проандярэнас «и свынти собрании», о народо нисо на терэлас. Наоборот, и израильтяноря андэ кадэя время моӷли тэ ашэн инке май пашэ каринг о Иегова. Кажно суббота и мануша стидэнаспэ, кай тэ тэлён лэ Дэвлэсти и тэ сытён. Пэ кацавэ собрании лэнди адинонас лэ Дэвлэско Алав и потом поможынас тэ полэн лэско законо (потом кадя терэнас и андэ синагоги) (Деяния 15:21). Кадя, андэ суббота и андэ авэр деса, кала прожанас «и свынти собрании», о народо на терэлас ԥари бути. Кадэя время отдэнас, кай тэ мангэнпэ и тэ погиндон пала Создателё и пала кода, со во загиндосардя. (Дик ВСТРЕЧА; СОБРАНИЕ, ОБЩЕСТВО.)