17. Со мэкля о Иегова тэ терэн и израильтяноря лэ ратэса?

¹⁷ Андэ лэ Дэвлэско законо, саво во дя лэ Моисеёсти, пистромэ: «И жызня кай кажно жундо, када лэско рат, и мэ витидэм лэс важ о жэртвеннико, кай лэ ратэса тэ витинэн пэстири жызня [тэ мангэн прощения], важ кода кай кати о рат витинэл» (Левит 17:11). Кала и израильтяноря терэнас бэзэх, вонэ анэнас андэ жэртва жывотнонэс и мангэнас лэ рашас тэ вишол набут рат кодэлэ жывотнонэско по жэртвеннико андо храмо. Кадя вонэ мангэнас, кай о Иегова тэ простий лэнго бэзэх. О Иегова мэкля кати кадя тэ терэн варисо лэ ратэса.

1, 2. Васо можно тэ ԥэнэс, кай о Иегова камэл, кай и еря тэ авэн бахталэ?

ПЭРВО ери создал о Иегова. Андэ Библия пистромэ, кай о Иегова создал ла жувля и андя ла каринг о мурш, каринг о Адамо. Кала о Адамо ла додиқля, во зарадосайля и ԥэндя: «Када кокали мэрнэ кокалендар и тила мэрня тилатар» (Бытие 2:22, 23). Во сас фартэ лошало. Када сыкавэл, кай о Иегова камэл, кай и еря тэ авэн бахталэ.

² Но най всаворэ вибарелэ андэ бахталэ еря. Кода, со пистромэ андэ Библия, поможыя, кай кажно андо ери тэ авэл бахтало и лошало (Луки 11:28).

САР ТЭ АВЭС ЛАШО ХУЛАЙ АНДО ЕРИ?

3, 4. а) Сар о хулай трэбуй тэ полэл пэстиря хулая? б) Васо лэ хуласти и ла хулаяти трэбуй тэ простин ек аврэс?

³ Андэ Библия пистромэ, кай о хулай трэбуй тэ любий и тэ стол патив пэ пэстири хулаи. Мангав тут, адиносар Эфесянам 5:25—29. Лашо хулай вся и время стол патив пэ пэсти хулаи. Во фэрий ла и заботийпэ пала латэ. Во на лэла тэ ԥэнэн пэр латэ алава, савэндар авэла найдраго по ди, и кадяжэ на марэла ла.

⁴ Дэкала и хулаи можэт тэ стерэл варисо, со на чалёл лэ хуласти. Со тоди трэбуй тэ терэл о хулай? Акэ, со ԥэнэн и Библия: «Хула́я, на парашэн тэ любин пэстирэ хулая́н и на авэн лэнца ӷруби» (Колоссянам 3:19). Хулай, на бистэр, кай ту кадяжэ можэш тэ шылиспэ. И если ту камэс, кай о Дэл тут тэ простий, ту трэбуй тэ простис пэстиря хулая (Матфея 6:12, 14, 15). Кала о хулай и хулаи простин ек аврэс, тоди лэнго ери авэла май бахтало.

5. Васо о хулай трэбуй тэ стол патив пэ пэстири хулаи?

⁵ О Иегова камэл, кай о хулай тэ стол патив пэ пэстири хулаи. О хулай трэбуй тэ гиндой, кай латэ тэ авэл, со тэ хал и со тэ лэл пэр пэстэ. Кадяжэ во трэбуй тэ витидэл время, кай тэ подэл дума ласа и тэ полэл, со латэ по ди. Када фартэ важно. Кала о хулай найдраго обжалпэ пэстиря хулаяса, о Иегова можэт тэ на ашунэл лэстирэ молитвы (1 Петра 3:7). Важ о Иегова и мурша най май куч, чем и жувля. Во любий всаворэн, ко лэс любий.

6. Со када тэ авэн «ек тила»?

⁶ О Иисусо росԥэндя, кай посли кода, сар о мурш и жувли жэнинпэ, «вонэ ужэ най дуй, ай ек тила», вонэ ашэн фартэ пашэ ек еқэсти (Матфея 19:6). О хулай и хулаи трэбуй тэ на мэкэн ек еқэс и никала тэ на изменяют ек еқэсти (Притчи 5:15—21; Евреям 13:4). О хулай и хулаи трэбуй драго тэ полэн, со трэбуй ек аврэсти. Ай инке май фартэ, кала и дума жал пала кода, со трэбуй тэ авэл кати машкар хулай и хулаи, и тэ на гиндон андэ када кати ек важ пэстэ (1 Коринфянам 7:3—5). Андэ Библия пистромэ, о хулай трэбуй тэ сэрэл: «Нико на вэрыцый пэстири тила, но праварэл ла и жалуий ла». Када сыкавэл, кай о хулай трэбуй най кати тэ любий пэстиря хулая, ай инке анда оди тэ заботийпэ пала латэ. Ай и хулаи фартэ камэл, кай о хулай тэ любий ла и тэ жалуий (Эфесянам 5:29). Кала и христианоря жэнинпэ, вонэ трэбуй тэ стон патив по законо андэ страна, андэ сави вонэ жувэн и тэ роспистронпэ, кай о ери тэ авэл бахтало и драго тэ сытярэн лэ бэятонэн (Луки 2:1, 4, 5).

САР ТЭ АВЭС ЛАЩИ ХУЛАИ АНДО ЕРИ?

7. Васо андо ери трэбуй тэ авэл хулай?

⁷ Кай тэ авэл лашо ери, трэбуй тэ авэл лашо хулай, саво драго сытярэл лэ ерес. Андэ Библия пистромэ: «Кажнонэ муршэсти хулай о Христос, ла жувляти хулай о мурш, ай лэ Христости хулай о Дэл» (1 Коринфянам 11:3).

8. Сар и хулаи можэт тэ сыкавэл, кай стол патив по хулай?

⁸ О хулай кадяжэ можэт тэ шылийпэ. Но кала и хулаи терэла кадя, сар камэл о хулай и подритярэла лэс, кодэлэстар всаворэ́ ерести авэла драго (1 Петра 3:1—6). Андэ Библия пистромэ, кай «ла хулаяти трэбуй тэ стол бари патив по хулай» (Эфесянам 5:33). Ай сар и хулаи трэбуй тэ обжалпэ лэ хуласа, кала во на патял андо Дэл чи лэстэ авэр вера? Тэ стол бари патив пэр лэстэ. Андэ Библия пистромэ: «Кадяжэ тумэ, жувля, кандэн пэстирэ хулан, кай кодэла, ко на терэн па лэ Дэвлэско алав, би алавэнго тэ патян андэр лэстэ, через кода, кай тумэ драго андярэн пэс и стон бари патив пэр лэндэ» (1 Петра 3:1, 2). Кала и жувли андярэл пэс пативалэс, через када о хулай можэт тэ закамэл тэ уӷанэн май бут пала латири вера и тэ стол патив пэ кода, андэр со вой патял.

9. а) Со трэбуй тэ терэл и хулаи, кала лати на чалёл, со терэл лако хулай? б) Саво совето запистромэ важ и хулая́ андэ Титу 2:4, 5?

⁹ Если ла хулаяти на чалёл кода, со терэл о хулай, вой можэт тэ подԥэнэн лэсти. Но тэ дэл дума трэбуй пативалэс. Еқвар и Сарра ԥэндя лэ Авраамости пэско гиндо. Лэсти када на чалеля. Но о Иегова ԥэндя: «Кандэ, со вой ԥэндя» (Бытие 21:9—12). Кала о хулай христианино варисо ришает, со на жал против и Библия, лэстири хулаи трэбуй тэ подритярэл лэс (Деяния 5:29; Эфесянам 5:24). Лащи хулаи и лащи дэй заботийпэ пала пэско ери. (Адиносар Титу 2:4, 5.) Кала о хулай и бэятцэ диқэн, кай вой бут со терэл важ лэндэ, вонэ инке май фартэ лэна ла тэ любин и тэ полэн (Притчи 31:10, 28).

10. Можно лэ хуласти чи ла хулаяти тэ жувэн отдельно чи тэ розвэдинпэ?

¹⁰ Дэкала о хулай и хулаи грабин май йто тэ розвэдинпэ чи тэ жувэн отдельно ек аврэстар. Но андэ Библия пистромэ, кай «и хулаи на трэбуй тэ ужал лэ хуластар» и «о хулай на трэбуй тэ ашавэл ла хулая» (1 Коринфянам 7:10, 11). Андэ дэсавэ крайни случаёря о хулай и хулаи моӷут тэ витидэн, кай тэ жувэн отдельно ек аврэстар, но када фартэ серьёзно дила. Ай со андэ Библия пистромэ важ кода, кала можно тэ розвэдинпэ? Ек васо можно тэ розвэдинпэ, када кала варико андар лэндэ пэрэсовэл аврэ муршэса чи авря жувляса, ай кадяжэ терэн авэр билажавардимос (Матфея 19:9).

САР ТЭ АВЭС ЛАШО ДАД ЧИ ЛАЩИ ДЭЙ?

11. Со лэ бэятонэнди май фартэ трэбуй?

¹¹ Дада и дэя, трэбуй май часто тэ дэн дума пэстирэ бэятонэнца. Тумэ лэ бэятонэнди трэбуй. Со май бут тумэ можэте тэ стерэн важ лэндэ, када тэ росԥэнэн лэнди важ о Иегова (Второзаконие 6:4—9).

12. Со трэбуй тэ терэн и дада и дэя, кай тэ фэрин пэстирэ бэятонэн?

¹² Андэ люма, савяса правий о Сатана, дес десэстар ашэл май бут найлашимос. И дэсавэ мануша моӷут тэ терэн варисо вэрыто тумарэ бэятонэнди. Кардэ кадяжэ ужал, кала терэн нахально билажавардимос лэ бэятонэнца. Дэсавэ дадэнди и дэянди найвушэро тэ дэн дума пала када лэ бэятонэнца. Но вонэ всаек трэбуй тэ фэрин лэ бэятонэн кацавэндар и тэ сытярэн, сар вонэ пэс тэ андярэн кацавэ манушэнца. Дада и дэя, тумэ трэбуй тэ фэрин пэстирэ бэятонэнa (1 Петра 5:8).

13. Пала со трэбуй тэ сэрэн и дада и дэя, кала сытярэн пэстирэ бэятонэн?

¹³ Дада и дэя, тумэ трэбуй тэ сытярэн пэстирэ бэятонэн, сар вонэ пэс тэ андярэн. Сар и дада и дэя када моӷут тэ терэн? Лэ бэятонэн трэбуй вся и время тэ сытярэн, но тэ на авэн лэнца ӷруби и жэстоки (Иеремия 30:11). Никала на сытярэн лэ бэятос, кала тумэ холинатирэ, кай во андярдя пэс най кадя. Тумарэ алавэндар лэ бэятости авэла фартэ дуқанэс, сар ԥэнэса, лэс шынэн шуряса (Притчи 12:18). Фэдэр поможын лэ бэятонэнди тэ полэн, васо вонэ трэбуй тумэн тэ кандэн (Эфесянам 6:4; Евреям 12:9—11; дик и ссылка 30.)

САР ТРЭБУЙ ТЭ АНДЯРЭН ПЭС И БЭЯТЦЭ?

14, 15. Васо и бэятцэ трэбуй тэ кандэн лэ дадэс и ла да?

¹⁴ О Иисусо вся и время кандэлас пэстирэ небеснонэ Дадэс, дажэ кала када сас найвушэро (Луки 22:42; Иоанна 8:28, 29). О Иегова камэл, кай и бэятцэ кадяжэ тэ кандэн лэ дадэс и ла да (Эфесянам 6:1—3).

¹⁵ Бэятцэ, кала тумэнди найвушэро тэ кандэн лэ дадэс и ла да и тумэ всаек кандэн, ӷанэн, кодэлэстар лошавэн най кати вонэ, но и о Иеговаb (Притчи 1:8; 6:20; 23:22—25).

16. а) Сар о Сатана можэт тэ змарэл лэ тэрнэн манушэн тэ терэн варисо най кадя? б) Васо фартэ трэбуй тэ дружыс кодэлэнца, ко любий лэ Иеговас?

¹⁶ Сар о Сатана можэт тэ змарэл тумэн тэ стерэн варисо най кадя? Када во можэт тэ стерэл через тумарэ друӷоря или кас тумэ драго ӷанэн. О Сатана ӷанэн, сар фартэ ԥарэс тумэнди тэ на терэн кадя, сар вонэ камэн. Сэрэн, со стердя и Дина, лэ Иаковости щей? Вой дружыяс лэ манушэнца, савэ на любинас лэ Иеговас, и када андя бида лати и латирэ ерести (Бытие 34:1, 2). Кала тумэндэ исин друӷоря, савэ на любин лэ Иеговас, вонэ могут тэ змарэн тумэн, кай тумэ тэ стерэн варисо кацаво, со вэрыцый о Иегова. Када анэна ԥаримос тумэнди, тумарэ ерести и лэ Дэвлэсти (Притчи 17:21, 25). Важ када фартэ трэбуй тэ дружыс кодэлэнца, ко любий лэ Иеговас (1 Коринфянам 15:33).

ТИРО ЕРИ МОЖЭТ ТЭ АВЭЛ ИНКЕ МАЙ БАХТАЛО

17. Со о Дэл аштярэл кажнонэстар андо ери?

¹⁷ Если кажно андо ери лэла тэ терэл кадя, сар камэл о Дэл, када фэрия лэ ерес бутэ ԥаримастар. Хулай, любисар пэстиря хулая и обжапэ ласа драго. Хулаи, сто патив пэ пэско хулай и кандэ лэс. Старысав тэ шоспэ пэ кодэя хулаи, пала сави пистромэ андэ Притчи 31:10—31. Дада и дэя, сытярэн пэстирэ бэятонэн тэ любин лэ Дэвлэс (Притчи 22:6). Дада, старыинпэ драго тэ диқэн «пала пэско ери» (1 Тимофею 3:4, 5; 5:8). Бэятцэ, кандэн лэ дадэс и ла да (Колоссянам 3:20). Трэбуй тэ сэрэн, кай кажно андо ери можэт тэ стерэл варисо най кадя. Важ када уступин ек аврэсти и мангэн прощения ек еқэстар. Амэ диқлям, кай андэ Библия исин мудри советоря важ кажно анда ери.

1. Ко можэт тэ ԥэнэн, сар трэбуй тэ тэлювас лэ Дэвлэсти?

АНДЭ бут веры ԥэнэн, кай вонэ росԥэнэн о чачимос важ о Дэл. Но на вижал, кай тэ авэл о чачимос андэ всаворэ веры. Васо? Важ кода кай вонэ сытярэн по разному. Тоди, кай можно тэ уӷанас о чачимос важ о Дэл и сар трэбуй лэсти тэ тэлювас? Пала када можно тэ уӷанас кати кай о Дэл Иегова.

2. Катар амэ можэм тэ уӷанас, сар трэбуй тэ тэлювас лэ Дэвлэсти?

² Кай амэ тэ уӷанас, сар трэбуй тэ тэлювас лэ Иеговасти, во дя амэнди Библия. Важ када на парашам тэ сытювас пар латэ. Тоди о Дэл поможыя амэнди тэ полас, сости сытярэл и Библия. Васо? Важ кода кай во любий амэн и камэл, кай амари жызня тэ ашэл май лащи (Исаия 48:17).

3. Со амэндар аштярэл о Дэл?

³ Дэсавэ мануша ԥэнэн, кай всаворэ веры лэ Дэвлэстар. Но о Иисус Христос кадя на гиндояс. Акэ со во ԥэндя: «Най кажно, ко ԥэнэн манди: „Ӷосподо, Ӷосподо“, зажала андо царство, саво по нэбо, ай кати кодэва, ко терэл, со камэл мэрно Дад, саво по нэбо». Важ када трэбуй тэ уӷанас, со камэл о Дэл и тэ терас кадя. Када фартэ важно вопросо. Кодэла, ко на терэн кадя, сар камэл о Дэл, пэр лэндэ о Иисусо ԥэндя, кай вонэ мануша, савэ терэн «о найлашимос», вонэ преступникоря (Матфея 7:21—23).

4. Со о Иисусо ԥэндя важ кодэла, ко камэл тэ терэл кадя, сар камэл о Дэл?

⁴ О Иисусо ԥэндя, кай тэ терас кадя, сар камэл о Дэл, най вся и время авэла вушэро. Во ԥэндя: «Зажан через и вуськи вороты, важ кода кай баро и буӷло дром андярэл каринг и смэрть и бут жан кадэлэ дромэса. Важ кода кай и вуськи вороты и о тисно дром андярэл каринг и жызня и лэс най всаворэ виарақэн» (Матфея 7:13, 14). О тисно дром, када дром, саво андярэл каринг кода, сар трэбуй тэ тэлёс лэ Дэвлэсти и анэн каринг и вечно жызня. Ай о буӷло дром, андярэл каринг кода, кай най кадя тэ тэлён лэ Дэвлэсти и анэн каринг и смэрть. Но о Иегова на камэл, кай варико андар мэндэ тэ хасарэл и жызня. И важ када во дэл кажнонэсти тэ уӷанэн важ лэстэ (2 Петра 3:9).

СО КАМЭЛ О ДЭЛ ПЭСТИРЭ СЛУЖЫТЕЛЁНЭНДАР?

5. Сар можно тэ ӷатярас кодэлэн, кастэ чачуни вера?

⁵ О Иисусо росԥэндя, сар амэ можэм тэ полас, сави чачуни вера. Када дицола па лэ манушэндири дила и па кода, андэр со вонэ патян. Во ԥэндя: «Тумэ уӷанэна лэн па лэндирэ плодоря [дилы]». И инке ԥэндя: «Любо лащи витка анэн лашэ плодоря» (Матфея 7:16, 17). Када на сыкавэл, кай кодэла, ко тэлён лэ Дэвлэсти, никала на шылинапэ. Но вонэ старыинпэ тэ терэн кадя, сар камэл о Дэл. Давай диқаса, пар со можно тэ ӷатярас кодэлэн, кастэ чачуни вера.

6, 7. Васо тэ тэлювас лэ Дэвлэсти трэбуй кадя, сар пистромэ андэ Библия? Со амэ терас, сар о Иисусо?

⁶ Лэ Дэвлэстирэ чачунэ служытеля сытён кати па Библия. Важ кода кай андэ Библия пистромэ: «Всаворэ алава андэ Писания лэ Дэвлэстар и вонэ лашэ, кай тэ сытярэн, тэ сыкавэн, со най кадя, тэ парувэн и жызня, и тэ сытярэн, сар тэ ритярэн лэ Дэвлэско законо. Кай лэ Дэвлэско мануш вся тэ полэл и андэ вся тэ ӷанэн тэ терэл лашимос» (2 Тимофею 3:16, 17). О апостоло Павло пистросардя лэ христианонэнди: «Кала ашундэ лэ Дэвлэско алав, ашундэ лэс амэндар, и прилинэ лэс най сар о алав лэ манушэстар, но кадя, саво во и исин па чачимастэ, сар лэ Дэвлэско алав» (1 Фессалоникийцам 2:13). Тэ тэлён лэ Дэвлэсти трэбуй най па традицыи чи кадя, сар гиндон и мануша, чи па аврятэ варисар. Ай трэбуй тэ тэлён кати кадя, сар пистромэ андэ Библия.

⁷ Вся, сости сытярэлас о Иисусо, сас анда лэ Дэвлэско Алав. (Адиносар Иоанна 17:17.) Кала во сытярэлас, во ԥэнэнас и гиндоря анда Свынто Писания (Матфея 4:4, 7, 10). Чачунэ лэ Дэвлэстирэ служытеля терэн, сар о Иисусо. Вонэ сытярэн кати па кода, со пистромэ андэ Библия.

8. Со о Иисусо ԥэндя пала кода, сар тэ тэлён лэ Дэвлэсти?

⁸ Вонэ тэлён еқэ чачунэ Дэвлэсти лэ Иеговасти. Андо Псалом 83:18 пистромэ: «Ту, каско алав Иегова, ту ек Всевышнё па вся и ԥув» (Псалом 83:18). О Иисус Христос камэлас, кай и мануша тэ ӷанэн, ко чачуно Дэл и росԥэндя лэнди важ лэско алав. (Адиносар Иоанна 17:6.) О Иисусо ԥэндя: «Тэлю тирэ Дэвлэсти лэ Иеговасти и служысар кати лэсти» (Матфея 4:10). Лэ Дэвлэстирэ служытеля терэн кадя жэ, сар о Иисусо. Вонэ тэлён кати лэ Иеговасти и взвинпэ каринг лэстэ па алавэстэ. Вонэ росԥэнэн пала лэско алав аврэнди и шон лэндири сама пэ кода, со о Дэл англэ стерэла важ и мануша.

9, 10. Сар дицол, кай лэ Дэвлэстирэ служытеля любин ек аврэс?

⁹ Вонэ па чачимастэ любин ек аврэс. О Иисусо сытярдя пэстирэ учениконэн тэ любин ек аврэс. И лэ Дэвлэстирэ чачунэ служытеля кадя и терэн. (Адиносар Иоанна 13:35.) Вонэ на диқэн пэ кода, барвалэ вонэ или чорорэ, андэ сави культура вибарелэ, кай вонэ арақаделэпэ. Вонэ любин ек еқэс сар ԥрала и ԥэя (Колоссянам 3:14). Важ када вонэ на жан пэ война и никас на умарэн. Андэ Библия пистромэ: «Лэ Дэвлэстирэ бэятонэн и лэ Найвужэстирэ бэятонэн, можно тэ ӷатярэс кадя. Кодэва, ко на ритярэл лэ Дэвлэско законо, най лэ Дэвлэстар, сар и кодэва, ко на любий пэстирэ ԥралэс». И инке котэ пистромэ: «Амэ трэбуй тэ любисарас ек аврэс. Амэ на трэбуй тэ авас кацавэ, сар о Каино, саво сас лэ Найлашэстар и умардя пэстирэ ԥралэс» (1 Иоанна 3:10—12; 4:20, 21).

¹⁰ Лэ Дэвлэстирэ чачунэ служытеля стон пэско зор и тратин и ловэ, кай тэ поможын ек аврэсти (Евреям 10:24, 25). Вонэ терэн лашимос всаворэ манушэнди (Галатам 6:10).

11. Васо трэбуй тэ патяс, кай кати о Иисусо спысая амэн?

¹¹ Вонэ кандэн лэ Иисусос Христос, важ кода кай кати во можэт тэ спасый. Андэ Библия пистромэ: «И нико авэр на спасый, важ кода кай никастэ пэ ԥув нинай авэр алав, саво динэ лэ манушэнди, через саво амэ можэм тэ спасысавас» (Деяния 4:12). Анда панчто ӷлава андэ кадэя книжка амэ уӷанглям, кай о Иегова бишалдя лэ Иисусос пэ ԥув, кай во тэ отдэл пэстири жызня и тэ витинэл лэ манушэн, савэ кандэн лэ Дэвлэс (Матфея 20:28). Ай инке, о Иегова стодя лэ Иисусос тэ правий ла ԥувьяса. Важ када андэ Библия пистромэ, кала амэ камас тэ жувас вечно, тоди амэ трэбуй тэ кандас лэ Иисусос. (Адиносар Иоанна 3:36.)

12. Васо лэ Дэвлэстирэ служытеля на ӷулен андэ политика?

¹² Вонэ на ӷулен андэ политика. О Иисус Христос на ӷулелас андэ политика. По сындо, кай о римско правителё Пилато, во ԥэндя: «Мэрно Царство най анда кадэва миро». (Адиносар Иоанна 18:36.) Лэ Дэвлэстирэ служытеля, сар и о Христос, на парашэн тэ подритярэн дила, сави терэл лэ Дэвлэско Царство. Важ када, кай бы вонэ тэ на жувэн, вонэ на ӷулен андэ политика. Но вонэ жувэн па законо андэ пэстири страна, важ кода кай андэ Библия пистромэ, кай трэбуй тэ кандэн лэ «манушэн, кастэ исин бари власть», када о правительство (Римлянам 13:1). Но кала варисаво законо жал против лэ Дэвлэско законо, лэ Дэвлэстирэ служытеля терэн кадя, сар и апостолоря, савэ варикала ԥэндэ: «Амэ трэбуй тэ кандас лэ Дэвлэс, сар правителёс, ай най лэ манушэн» (Деяния 5:29; Марка 12:17).

13. Пала со росԥэнэн лэ Дэвлэстирэ чачунэ служытеля?

¹³ Вонэ патян, кай кати лэ Дэвлэско Царство улэла лэ манушэндар вся о ԥаримос. О Иисусо ԥэндя, кай па вся и ԥув росԥэнэна: «Кадэя лащи весть пала царство». (Адиносар Матфея 24:14.) Ни кай ек правительство на вижала тэ дэл амэнди кода, со дэла лэ Дэвлэско Царство (Псалом 146:3). О Иисусо приԥэндя, кай амэ тэ мангаспэ, кай тэ авэл кадэва Царство: «Мэк авэл тиро царство. Мэк тири воля авэла и пэ ԥув, сар по нэбо» (Матфея 6:10). Андэ Библия сас ԥэндо, кай лэ Дэвлэско Царство улэла всаворэ правительства, ай екжэно «авэла тэ тердёл вечно» (Даниил 2:44).

14. Ко, па тумарятэ, тэлёл лэ Дэвлэсти кадя, сар во камэл?

¹⁴ Акана ԥэнэн, ко па тумарятэ, терэл кадя? Ко сытярэл па Библия? Ко росԥэнэн лэ манушэнди пала лэ Дэвлэско алав? Пала кастэ можно тэ ԥэнэс, кай вонэ па чачимастэ любин ек аврэс? Ко патял, кай кати через о Иисус Христос можэт тэ авэл спасения? Ко на ӷулел андэ политика? Ко росԥэнэн, кай кати лэ Дэвлэско Царство улэла вся о ԥаримос лэ манушэндар? Када лэ Иеговастирэ свидетеля (Исаия 43:10—12).

СО ТУ ТЕРЭСА?

15. Со тэ терэс, кай тэ тэлёс лэ Дэвлэсти кадя, сар во камэл?

¹⁵ На хутилэл просто тэ патяс, кай о Дэл исин. И найвужэ кадяжэ патян, кай о Дэл исин, но вонэ на кандэн лэс (Иакова 2:19). Кай тэ тэлёс лэ Дэвлэсти кадя, сар во камэл, када най просто тэ патяс, кай во исин, ай тэ кандэс лэс.

16. Васо тутэ на трэбуй нисо тэ авэл кода, со исин андэ хохавнэ веры?

¹⁶ Кай лэ Дэвлэсти тэ авэл уӷодно, сар ту тэлёс лэсти, тутэ на трэбуй тэ авэл нисо, со исин андэ хохавнэ веры. О пророко Исаия пистросардя: «Вижан котар... кай тэ авэн вужэ» (Исаия 52:11; 2 Коринфянам 6:17). Акэ, васо амэ трэбуй тэ отԥэндювас всаворэстар, со исин андэ хохавнэ веры.

17, 18. Со када «Вавилоно Велико» и васо трэбуй со май йто тэ вижас андар лэстэ?

¹⁷ Пэ сави вера можно тэ ԥэнэс, кай вой хохавни? Пэ кодэя, сави сытярэл тэ тэлён лэ Дэвлэсти най па Библия. И Библия ԥэнэн пэ всаворэ хохавнэ веры «Вавилоно Велико» (Откровение 17:5). Васо? Посли кода сар сас о потопо, андо форо Вавилоно линэ фартэ бут тэ сытярэн лэ хохаимасти и када розжыляпэ па вся и ԥув и кодэлэстар ашэлэ хохавнэ веры. Например, и мануша андо Вавилоно патянас тринэ дэвлэнди. Адес кадяжэ и мануша андэ бут веры патян, кай о Дэл када Троица. Но андэ Библия драго пистромэ, кай исин кати ек Дэл, када о Иегова, ай о Иисус Христос, када лэско Шаво (Иоанна 17:3). Ай инке и мануша, савэ жувэнас андо Вавилоно, патянас, кай кала о мануш мэрэл, лэско духо варикай жувэл и можэт тэ мучийпэ андо адо. Но када хохаимос. (Дик и ссылка 14, 17 и 18.)

¹⁸ О Дэл дя алав, кай йто всаворэ хохавнэ веры во улэла (Откровение 18:8). Важ када трэбуй со май йто тэ вижан анда хохавнэ веры. О Иегова камэл, кай тумэ тэ стерэн када, пока исин время (Откровение 18:4).

19. Сар о Иегова лэла тэ заботийпэ пала тутэ, если ту витидэса тэ служыс лэсти?

¹⁹ Кала ту закамэса тэ вижас анда хохавни вера и лэса тэ тэлёс лэ Иеговасти, со можэт тэ авэл? Варико анда тиро родо чи друӷоря моӷут тэ на полэн, васо ту када витидян и тэ жан против тутэ, тэ лажаварэн тут и на камэна туса тэ диқэнпэ. Но о Иегова тут на ашавэла. Кала ту залэса тэ служыс лэ Дэвлэсти, ту авэса андэ лэско ери, андэ саво милионоря ԥрала и ԥэя анда разни нацыи любин ек аврэс. Кадяжэ ту можэш тэ аштярэс о лашимос, саво авэла англэ и тэ жувэс вечно андо раё пэ ԥув, пала саво о Дэл дя алав (Марка 10:28—30). И можэт варико анда тиро родо, ко май англал сас против кода, кай ту витидян тэ служыс лэ Иеговасти, закамэла кадяжэ тэ сытёл па Библия.

20. Васо фартэ трэбуй тэ залэс тэ служыс лэ Иеговасти ужэ адес?

²⁰ Йто о Дэл улэла па ԥув вся о найлашимос и лэско Царство лэла тэ правий (2 Петра 3:9, 13). Амэ фартэ аштярас кадэя время, и тоди всаворэ мануша лэна тэ тэлён лэ Иеговасти кадя, сар во камэл. Ужэ адес залэн тэ служын лэ Иеговасти.

1, 2. Со трэбуй тэ пушэс пэстар и васо?

ИСИН бут мануша, савэ ԥэнэн пэр пэстэ, кай патян андо Дэл, ай екжэнэ на сытярэн и на терэн кадя, кай тэ уӷодин лэ Дэвлэсти. И кала ту лян тэ сытёс па Библия, ту полян када (2 Коринфянам 6:17). О Иегова ԥэнэн амэнди, кай трэбуй тэ вижас анда хохавнэ веры, пэ савэ ԥэнэн «Вавилоно Велико» (Откровение 18:2, 4). Со терэса ту? Кажно андар мэндэ трэбуй тэ пушэл пэстар: «Сар мэ камав тэ тэлював лэ Дэвлэсти, кадя, сар во камэл, чи кадя, сар мэ присытелэм?»

² Если ту ужэ вижылян анда хохавни вера, када драго. Но, файма, тутэ всаек варикай андо ди инке исин кода, со чалёл анда абычаёря, савэ исин андэ хохавнэ веры. Подам дума пала кодэла абычаёря, савэ всаворэ терэн. Кадяжэ уӷанаса, васо пэр лэндэ трэбуй тэ диқэс кадя, сар пэр лэндэ диқэл о Дэл.

КАЛА МАНГЭНПЭ ПЭ КОДА, СО РИСУИН И ЛЭ МУЛЭНДИ

3. а) Васо варикасти можэт тэ авэл ԥарэс тэ мангэлпэ лэ Дэвлэсти би кодэлэско, со рисуин чи инке через варисо авэр? б) Со пала када пистромэ андэ Библия?

³ Дэсавэ мануша бут бэрша мангэнпэ лэ Дэвлэсти через кода, со рисуин, через и статуи чи инке через варисо авэр. Ай кадяжэ кай и мануша андо цэр исин свынто вуӷло. Можэт ту кадя и присытелян тэ тэлёс лэ Дэвлэсти. Би кадэлэско тути здэлпэ тэ тэлёс лэ Дэвлэсти чудно и нэправильно. Но на бистэр, кай ек о Дэл ришает, сар трэбуй лэсти тэ тэлён. Андэ Библия драго пистромэ, кай о Иегова на камэл, кай амэ тэ мангаспэ лэсти через и масхаря, статуи чи инке через варисо. (Адиносар Исход 20:4, 5; Псалом 115:4—8; Исаия 42:8; 1 Иоанна 5:21.)

4. а) Васо на трэбуй тэ мангаспэ лэ мулэнди? б) Васо о Иегова приԥэндя лэ израильтянонэнди тэ на дэн дума лэ мулэнца?

⁴ Дэсавэ мануша отдэн бут зор, время и тратин бут ловэ пэ кода, кай тэ уӷодин пэстирэ чаченди, савэ мулинэ. Файма, вонэ дажэ лэнди мангэнпэ. Но, сар амэ ужэ уӷанглям, и мулэ нэ моӷут ни тэ поможын, ни тэ терэн амэнди варисо вэрыто. Вонэ будэр никай на жувэн. Трэбуй тэ фэриспэ, кай тэ на дэс дума лэ мулэнца, важ кода кай любо «дума» лэнца, сави здэлпэ жал лэндар, па чачимастэ жал лэ найвужэндар. Акэ васо о Иегова приԥэндя лэ израильтянонэнди тэ на терэн нисо, кай тэ дэн дума лэ мулэнца. Вонэ трэбуй сас тэ обжан вся, андэр со исин бэнгалимос (Второзаконие 18:10—12; Дик и ссылка 26 и 31.)

5. Со поможыя тути тэ на мангэспэ лэ Дэвлэсти через кода, со рисуин чи инке через варисо авэр и тэ на мангэспэ лэ мулэнди?

⁵ Тоди тэ мангэспэ лэ Дэвлэсти через кода, со рисуин, и кадяжэ тэ мангэспэ лэ мулэнди, када нэправильно. Но сар тэ парашэс када тэ терэс? Адиносар и Библия и гиндосар, сар о Иегова диқэл пэ кода, кала мангэнпэ кадя. Важ лэстэ када гряца (Второзаконие 27:15). Кажно дес мангпэ лэ Иеговасти, кай во тэ поможый тути тэ диқэс лэстирэ яқэнца, сар ту мангэспэ. Манг, кай во тэ поможый тути тэ служыс лэсти кадя, сар во када камэл (Исаия 55:9). Патя, о Иегова дэла тути зор тэ отшос вся, со исин андэ хохавнэ веры.

ТРЭБУЙ ЧИ НАЙ АМЭ ТЭ ТЕРАС О РОЖДЕСТВО?

6. Васо о дес, кала арақаделяпэ о Иисусо, линэ тэ стон 25 декабря?

⁶ Само ашунгло празнико машкар и мануша, када Рождество. И мануша андэ кадэва дес стон празнико, кай арақаделяпэ о Иисус Христос. Тумэ ӷанэн, кай о празнико Рождество жал анда хохавнэ веры? Андэ ек инцыклапедия росԥэнэнпэ, кай 25 декабря и мануша, савэ жувэнас андо Римо и на сас христианоря, стонас о празнико, кай арақаделяпэ о қам. И рашая камэнас, кай и мануша, савэ найхристианоря, тэ авэн христианоря. Важ када, вонэ стердэ кадэва дес, сар дес, андэ саво арақаделяпэ о Иисусо. Но па чачимастэ о Иисусо най андэ кадэва дес арақаделяпэa (Луки 2:8—12). Лэ Иисусостирэ ученикоря на стонас о празнико, кала арақаделяпэ о Иисусо. Андэ ек книжка пистромэ, кай посли кода, сар арақаделяпэ о Иисусо, инке 200 бэрш «нико на шолас сама и нико на ӷанэнас, кала во арақаделяпэ» (Sacred Origins of Profound Things). О Рождество линэ тэ терэн, кала прожылэ най еқвар по сто бэрша посли кода, сар муля о Иисусо.

7. Васо и чачунэ христианоря на терэн о Рождество?

⁷ Бут мануша ӷанэн, кай и абычаёря, савэ исин по Рождество, када, кала дарин и подаркоря чи стон и мисяйля, вся када жыля лэ манушэндар, савэ найхристианоряb. Важ када варикала андэ Англия и андэ авэр ҭана андэ Америка, на мэкэнас тэ терэн о Рождество. Пэ кодэла, ко лэс терэлас, стонас штрафо. Но прожыля время и мануша упалэ линэ тэ терэн кадэва празнико. И чачунэ христианоря на терэн о Рождество, важ кода кай камэн тэ кандэн лэ Дэвлэс.

ТРЭБУЙ ЧИ НАЙ АМЭ ТЭ ТЕРАС ДЕНЬ РОЖДЕНИЯ?

8, 9. Васо и пэрви христианоря на терэнас день рождения?

⁸ Исин инке ек празнико, саво чалёл всаворэнди, када день рождения. Можно лэ христианонэнди тэ терэн кадэва празнико чи най? Андэ Библия пистромэ пала дэсавэ мануша, савэ терэнас день рождения. Но вонэ на сас лэ Дэвлэстирэ служытеля (Бытие 40:20; Марка 6:21). Пэ кацавэ празникоря и мануша прославинас лэ хохавнэ дэвлэн. Важ када, сар пистромэ андэ ек инцыклапедия, и пэрви христианоря «полэнас, кай любо день рождения, када о абычаё, саво терэнас и мануша, савэ на сас христианоря» (The World Book Encyclopedia).

⁹ И найхристианоря андэ дэлмутни время гиндонас, кай кажно мануш арақадёлпэ андо дес варисавэ еқэ дэвлэско. Вонэ патянас, кай о мануш трэбуй тэ стол пэско день рождения, кай лэско дэл тэ фэрий лэс вся лэстири жызня.

10. Васо и христианоря на трэбуй тэ терэн и день рождения?

¹⁰ Сар о Иегова диқэл пэ празникоря, савэ жан анда хохавнэ веры? (Исаия 65:11, 12). Вонэ лэсти на чалён. Важ када амэ на терас нисавэ день рождении, ни авэр празникоря анда хохавнэ веры.

ФАРТЭ КАДА ВАЖНО?

11. Васо лэ манушэнди чалёл тэ терэн празникоря? Со трэбуй важ амэндэ тэ авэл май важно?

¹¹ Дэсавэ мануша ӷанэн, кай о Рождество и авэр празникоря жылэ анда хохавнэ веры. Но вонэ всаек лэн терэн. Вонэ гиндон, кай пэ кадэла празникоря стидэлпэ вся о ери, кай драго тэ проандярэн и время. Ай со гиндос ту? Канешно, тэ проандярэс и время лэ ереса, када фартэ трэбуй. О Иегова, саво создал о ери, камэл, кай и еря тэ авэн дружни (Эфесянам 3:14, 15). Канешно, если амэ жаса кай о родо по празнико, саво жал анда хохавнэ веры, када лэнди чалёла. Но май важно важ амэндэ тэ фэрисарас и дружба лэ Иеговаса. О апостоло Павло ԥэндя: «Вся и время уӷан май драго кода, со чалёл лэ Дэвлэсти» (Эфесянам 5:10).

12. Савэ празникоря най уӷодни лэ Иеговасти?

¹² Бутэ манушэнди всаек катар жылэ празникоря. Но о Иегова кадя на гиндой. Лэсти най уӷодни и празникоря, савэ жан анда хохавнэ веры, или савэ прославин варикас анда мануша или празникоря, савэ исин андэ страна. Акэ ек примеро. Кай и египтяноря сас бут празникоря важ и хохавнэ дэвла. Кала и израильтяноря вижылэ анда Египто, вонэ линэ тэ терэн ек анда лэндирэ празникоря. И хоть вонэ ԥэндэ пэр лэстэ «празнико важ о Иегова», о Иегова наказал лэн важ када (Исход 32:2—10). Андэ Библия пистромэ важ амэндэ: «На лэнпэ каринг кода, со найвужо». (Адиносар Исаия 52:11.)

ГИНДОН, СО ПО ДИ АВРЭНДЭ

13. Савэ вопросоря моӷут тутэ тэ авэн, если ту витидэс тэ на терэс и празникоря?

¹³ Если тумэ витидэ тэ на терэн и празникоря, можэт тумэ всаек пэрэжываете и пушэн пэстар: «Со мэ ԥэнава кодэлэнди, каса пэ бутятэ, если вонэ пушэна мандар, васо мэ на терав лэнца и празникоря? Тэ лав и подаркоря, савэ дарин по празнико чи най? Со тэ терав, если о хулай чи и хулаи мангэл, кай мэ лэ ереса тэ терав о празнико? Ай со тэ терав, кай лэ бэятонэнди тэ на авэл обидно, важ кода кай на терав и день рождения или авэр празникоря?»

14, 15. Со тэ терэс, если тут поздравин лэ празникоса чи варисо дарин?

¹⁴ Исин разни маменторя. Важ када кажно разо трэбуй драго тэ погиндос пала кода, со тэ ԥэнэс и со тэ терэс. Например, если варико поздравий тут лэ празникоса, ту можэш тэ поблаӷодарис кодэлэ манушэс. Но если во чи вой камэл тэ уӷанэн, васо ту на терэс кадэва празнико, можно тэ росԥэнэс, васо ту лэс на терэс. Дэ дума вся и время ковлэс и полэ, со лэ манушэстэ по ди. Андэ Библия пистромэ: «Сар о хамос вкусно лонэса, мэк и дума тумари вся и время авэла приятно, кай тумэ тэ ӷанэн, сар тэ дэн дума кажнонэса» (Колоссянам 4:6). Например, можно тэ ԥэнэс, кай тути чалёл тэ проандярэс и время лэ друӷонэнца, тэ побэшэс лэнца и варисо тэ подарис, но тути на камэлпэ тэ терэс када по празнико.

¹⁵ Ай со тэ терэс, кала тути варисо дарин по празнико? Андэ Библия пала када най пистромэ. Но андэр латэ пистромэ, кай амари совесть трэбуй тэ авэл вужи (1 Тимофею 1:18, 19). Можэт о мануш, саво дарий о подарко, на ӷанэн, кай ту на терэс и празникоря. Или ӷанэн и всаек ԥэнэн: «Хоть ту на терэс кадэва празнико, мэ камав тути тэ дав кадэва подарко». Андэ лэдуй маменторя тэ лэс кода, со дарин чи най, тэ витидэс прижалапэ тути. Ӷлавно, кай тири совесть тэ авэл вужи англа Дэл. Амэ на камлоп тэ терас кода, со можэт тэ римой амари дружба лэ Иеговаса.

И ПРАЗНИКОРЯ И О ЕРИ

16. Со тэ терэс, кала тиро ери камэл, кай ту лэнца тэ авэс пэ варисаво празнико?

¹⁶ Со тэ терэс, если тиро ери, камэл тэ стол варисаво празнико? На трэбуй тэ спориспэ. На бистэр, кай кажно можэт тэ витидэл важ пэстэ, со тэ терэл. На доԥэн пэско, ай сто патив пэ кода, со витидэла о ери, важ кода кай и ту камэс, кай тэ стон патив пэ кода, со ту витидэс. (Адиносар Матфея 7:12.) Ай со если о ери камэл, кай ту лэнца тэ авэс по празнико? Со май пэрво, мангпэ каринг о Иегова. Манг лэс тэ поможый тути тэ витидэс, сар тэ терэс правильно. Старысав тэ уӷанэс май бут пала кадэва празнико и пала кода, сар во лэла тэ прожал. Кала витидэса, со тэ терэс, на бистэр, кай ӷлавно трэбуй тэ уӷодис лэ Иеговасти.

17. Со можно тэ стерэс, кай тирэ бэятонэнди тэ на авэл обидно, важ кода кай на терэс и празникоря?

¹⁷ Со можно тэ стерэс, кай тирэ бэятонэнди тэ на авэл обидно, важ кода кай на терэс и празникоря, сар терэн авэр? Время времятар ту можэш тэ стидэс лэ бэятонэн и тэ стерэс важ лэндэ варисо, кай лэнди тэ авэл интересно. Ту можэш тэ стерэс лэнди подаркоря, кала вонэ лэн на мангэн. Со май лашо ту можэш тэ дэс пэстирэ бэятонэнди, када тири любовь и внимания.

ТЭЛЮ ЛЭ ДЭВЛЭСТИ КАДЯ, САР ЛЭСТИ УӶОДНО

18. Васо важно тэ ԥирэс пэ собрании?

¹⁸ Кай тэ радуис лэ Иеговас, трэбуй тэ вижас анда хохавнэ веры. И тэ парашэс тэ ритярэс и абычаёря и празникоря, савэ жан анда хохавнэ веры. Но када на хутилэла! Трэбуй тэ тэлёс лэ Дэвлэсти кадя, сар лэсти уӷодно. Сар? Например, тэ на промэкэс и собрании. (Адиносар Евреям 10:24, 25.) Кала тэлёс лэ Дэвлэсти, фартэ важно тэ авэс пэ собрании (Псалом 22:22; 122:1). Ай инке пэ собрании и мануша подритярэн ек еқэс (Римлянам 1:12).

19. Васо трэбуй тэ росԥэнэс аврэнди, со ту уӷанглян анда Библия?

¹⁹ Кадяжэ трэбуй тэ росԥэнэс аврэнди кода, со ту уӷанэс анда Библия. Бут мануша фартэ пэрэжывают, кай андэ люма бут найлашимос. Файма, кацаво жэ по ди варикастэ, кас ту ӷанэс. Росԥэн лэнди пала лашимос, саво авэла англэ. Ԥир пэ христиански собрании и росԥэн аврэнди кода, со ту уӷанэс анда Библия. Прожала время и ту полэса, кай будэр на камэс нисо, со исин андэ хохавнэ веры. Патя, если ту лэса тэ тэлёс лэ Иеговасти кадя, сар лэсти уӷодно, тутэ авэла бут радость и лашимос лэ Иеговастар! (Малахия 3:10).

1, 2. а) Сар ту гиндос, васо и молитва, када особенно подарко? б) Васо трэбуй тэ ӷанэс, со андэ Библия пистромэ пала молитва?

КАЛА сыстос и черӷая и ԥув, тоди и ԥув на против и черӷая фартэ цынёни, ай и мануша инке май цынёне. Андэ Библия пистромэ, кай важ о Иегова и народоря, сар ек цынёни капелька (Псалом 115:15; Исаия 40:15). Но андо 145 Псалмо андо 18 и 19 стихо пистромэ: «О Иегова пашэ каринг всаворэ, ко ақарэл лэс, ко ақарэл лэс анда вся оди. Во стерэла кода, со камэн и мануша, савэ даран лэстар. Во ашунэла, кала и мануша цыпина важ и помощь, и фэрия лэн». Тути чалёл, кай о Дэл домэкэл тут тэ мангэспэ каринг лэстэ! О Иегова, саво создал вся и люма, камэл тэ авэл паша тутэ. Во камэл тэ ашунэл тирэ молитвы. И молитва, када лэско особенно подарко, саво во подарисардя кажнонэсти андэр мэндэ.

² Но о Иегова лэла тэ ашунэл тут кати тоди, кала ту мангэсапэ лэсти кадя, сар во камэл. Важ када уӷанам, со андэ Библия пистромэ пала молитва.

ВАСО ТРЭБУЙ ТЭ МАНГЭСПЭ ЛЭ ИЕГОВАСТИ?

3. Васо трэбуй тэ мангэспэ лэ Иеговасти?

³ О Иегова камэл, кай ту тэ дэс дума лэса. Катар ту када ӷанэс? Мангав тут, адиносар Филиппийцам 4:6, 7. Кати погиндосар, кодэва, ко Хулай пэ вся люма, фартэ камэл тэ ӷанэн важ тутэ и камэл, кай ту тэ росԥэнэс лэсти кода, со тутэ по ди и пала пэско ԥаримос.

4. Сар па кода, кай ту на парашэс тэ мангэспэ лэ Иеговасти, дицол тири дружба?

⁴ И молитва поможый тути тэ авэс лашо друӷо лэ Иеговаса. И друӷоря вся и время дэн дума ек аврэса и росԥэнэн ек аврэсти пэстирэ гиндоря, и со кажнонэстэ по ди и пала со пэрэжывают. Кала и друӷоря кадя терэн, вонэ лэн инке май драго тэ полэн ек аврэс. О Иегова через и Библия росԥэндя тути пэстирэ гиндоря, со лэстэ андо ди и со камэл тэ стерэл англэ. Ту кадяжэ можэш вся и время тэ росԥэнэс лэсти вся, со тутэ по ди. Тоди тири дружба лэ Иеговаса авэла инке май лащи (Иакова 4:8).

СО ТРЭБУЙ ТЭ ТЕРЭС, КАЙ О ДЭЛ ТЭ АШУНЭЛ ТУТ?

5. Катар ту ӷанэс, кай о Иегова на ашунэл всаворэ молитвы?

⁵ О Иегова ашунэл чи най всаворэ молитвы? Най. Андэ кодэя время, кала жувэлас о пророко Исаия, о Иегова ԥэндя лэ израильтянонэнди: «Хоть тумэ бут мангэнпэ, мэ на ашунав. Тумарэ вас андэ ратэстэ» (Исаия 1:15). Ту на трэбуй тэ терэс кода, со вэрыцый о Иегова и со отдурярэла тут лэстар. Тоди во можэт тэ парашэл тэ ашунэл тирэ молитвы.

6. а) Васо трэбуй фартэ тэ патяс? б) Сар тэ сыкавэс, кай ту патяс?

⁶ Если ту камэс, кай о Дэл тэ ашунэл тирэ молитвы, ту трэбуй тэ патяс андэр лэстэ (Марка 11:24). О апостоло Павло росԥэндя: «Ай ко на патял, нэ сможэт тэ уӷодий лэ Дэвлэсти, важ кода кай кодэва, ко пашол каринг о Дэл, трэбуй тэ патял, кай во исин и кай во дэл бут лашимос кодэлэнди, ко фартэ родэл лэс» (Евреям 11:6). На хутилэла просто тэ ԥэнэс: «Патяв». Трэбуй пэ дила тэ сыкавэс, кай патяс. Сар? Тэ кандэс лэ Дэвлэс андэ вся. (Адиносар Иакова 2:26.)

7. а) Васо тэ мангэспэ трэбуй пативаса? б) Со када тэ мангэспэ анда оди?

⁷ Тэ мангэспэ трэбуй пативаса. Важ кода кай лэ царёса чи лэ презедентоса, если прижалапэ, ту кадя и дэса дума. О Иегова Всемоӷущё Дэл и во ашэл, кай пэр лэстэ тэ стос инке май бари патив (Бытие 17:1; Псалом 138:6). Ай инке фартэ важно, кай и молитва тэ авэл пэстирэ алавэнца и анда оди. И кала мангэспэ, на ԥэн ек и ек алава и на адиносар па бумажка (Матфея 6:7, 8).

8. Если ту пала варисо мангэс лэ Дэвлэс, со ту трэбуй тэ терэс пэстиря ригатар?

⁸ Если ту пала варисо мангэс лэ Дэвлэс, ту кадяжэ трэбуй пэстиря ригатар варисо тэ терэс. О Дэл аштярэл тутар, кай ту лэса тэ старыиспэ тэ терэс кадя, пала со манглян лэ Дэвлэс. Например, кала ту манглян лэ Иеговастар, со тути трэбуй пэ кажно дес, на трэбуй тэ гиндос, кай во стерэла вся би тиро. Тути трэбуй екжэнэсти тэ стос бут зор и тэ терэс любо дила (Матфея 6:11; 2 Фессалоникийцам 3:10). Ԥэнаса, ту мангэс лэ Иеговас тэ поможый, кай тэ парашэс тэ терэс варисо, со лэсти на чалёл. Тоди ту трэбуй тэ ритярдёс май дур кодэлэстар, со можэт тут тэ змарэл па правильно дром (Колоссянам 3:5). Акана виарақам атветоря пэ дэсавэ вопросоря важ и молитва.

ДЭСАВЭ ВОПРОСОРЯ ВАЖ И МОЛИТВА

9. а) Касти амэ трэбуй тэ мангаспэ? б) Через кастэ амэ трэбуй тэ мангаспэ, сар пистромэ андэ Иоанна 14:6?

⁹ Касти трэбуй тэ мангаспэ? О Иисус Христос сытярэлас пэстирэ учениконэн тэ мангэнпэ кадя: «Амаро Дад по нэбо» (Матфея 6:9). Кадяжэ во ԥэндя: «Мэ, дром, чачимос и жызня. Нико на авэл каринг о Дад па аврятэ, сар кати через мандэ» (Иоанна 14:6). Анда када амэ полас, кай тэ мангаспэ трэбуй кати лэ Иеговасти и через о Иисус Христос. Васо трэбуй тэ мангаспэ через о Иисус Христос? Трэбуй тэ полас, кай лэ Иисусостэ сас фартэ важно дила андэ кода, со загиндосардя о Дэл. Во авеля пэ ԥув, кай тэ спасый лэ манушэн лэ бэзэхэстар и ла смэртятар (Иоанна 3:16; Римлянам 5:12). Ай инке о Дэл стодя лэс, кай тэ авэл Пэрвосвященико и сындомари (Иоанна 5:22; Евреям 6:20).

10. Сар трэбуй тэ мангаспэ?

¹⁰ Сар трэбуй тэ мангаспэ? Андэ Библия най пистромэ, кай трэбуй тэ мангаспэ пэ чангэндэ, тэ бэшас чи тэ тердювас. Само ӷлавно, кай тэ мангаспэ трэбуй пативалэс (1 Летопись 17:16; Неемия 8:6; Даниил 6:10; Марка 11:25). Важ о Иегова со май ӷлавно, кода, со тутэ андо ди. Тэ мангэспэ можно андо любо ҭан и андэ любо время. О Иегова ашунэл тут, дажэ кала ту мангэспэ андо гиндо (Неемия 2:1—6).

11. Пала со можно тэ мангаспэ?

¹¹ Пала со можно тэ мангаспэ? Тэ мангаспэ можно пала вся, со на жал против кода, со камэл о Дэл. Андэ Библия пистромэ: «Сар амэ мангас кода, со сжалпэ кодэлэса, со о Дэл камэл, во ашунэл амэн» (1 Иоанна 5:14). Ай можно тэ мангэс кай о Дэл варисо важ пэстэ? Да. О Иегова камэл, кай ту тэ росԥэнэс лэсти вся, сар друӷости. Андэ молитва можно тэ на лажас тэ росԥэнэс пэстирэ гиндоря и кода, со тутэ по ди (Псалом 62:8). Кай тэ терэс вся сар трэбуй, трэбуй тэ мангэс кай о Дэл свынто духо (Луки 11:13). Кай тэ полэс, сар тэ терэс май драго, трэбуй тэ мангэс кай о Дэл мудрость. Ай, кай тэ пэрэандярэс о ԥаримос, трэбуй тэ мангэс зор кай о Дэл (Иакова 1:5). Кадяжэ фартэ важно тэ мангэс лэ Иеговас, кай во тэ простий тирэ ӷрехоря (Эфесянам 1:3, 7). Ай инке, трэбуй тэ мангэспэ пала аврэндэ, када пала тиро ери чи пала ԥрала и ԥэя анда собрания (Деяния 12:5; Колоссянам 4:12).

12. Пала со трэбуй тэ мангэспэ со май пэрво?

¹² Пала со трэбуй тэ мангаспэ со май пэрво? Када пала Иегова и кай тэ авэл кадя, сар во камэл. Блаӷодарисар лэс пала вся, со во важ тутэ терэл (1 Летопись 29:10—13). Кала о Иисусо сас пэ ԥув, во сытярэлас пэстирэ учениконэн тэ мангэнпэ кадяжэ. (Адиносар Матфея 6:9—13.) Во ԥэндя, пэрво пала со вонэ трэбуй тэ мангэнпэ, када, кай тэ авэл свынто лэ Дэвлэско алав. Дуйто, кай тэ авэл лэ Дэвлэско Царство и кода, со камэл о Иегова, тэ авэл па вся и ԥув. Тоди можно тэ мангэс кай о Дэл кода, со тути трэбуй. Если ту мангэспэ май англал пала Иегова, када сыкавэл, кай важ тутэ ӷлавно тэ авэл лэса лащи дружба.

13. Лунги чи най трэбуй тэ авэн молитвы?

¹³ Лунги чи най трэбуй тэ авэн и молитвы? Андэ Библия пала када най пистромэ. Када можно тэ полэс, кала мангэспэ. Файма, англа кода, сар тэ бэшэс тэ хас, мангэспэ найдолӷо. Ай, кала ту пала варисо блаӷодарис лэ Иеговас чи росԥэнэс лэсти, со тутэ по ди, тоди и молитва можэт тэ авэл май лунго (1 Самуила 1:12, 15). На трэбуй тэ мангэспэ фартэ долӷо, кати важ кода, кай пэр тутэ тэ шон сама авэр, сар терэнас дэсавэ мануша, кала сас о Иисусо (Луки 20:46, 47). На трэбуй тэ гиндос, кай о Иегова шола сама пэ кацавэ молитвы. Важ лэстэ со май ӷлавно, кай и молитва тэ авэл анда оди.

14. Часто чи най трэбуй тэ мангэспэ и васо?

¹⁴ Часто чи най трэбуй тэ мангаспэ? О Иегова камэл, кай ту часто лэса тэ дэс дума. Андэ Библия пистромэ: «На парашэн тэ мангэнпэ», и инке еқвар «На парашэн тэ мангэнпэ» (Матфея 26:41; Римлянам 12:12; 1 Фессалоникийцам 5:17). Васо? Важ кода кай о Иегова вся и время тут ашунэл. Ту кажно дес можэш лэс тэ блаӷодарис, кай во тут любий и бут со тути дэл. И кадяжэ тэ мангэс лэс, кай тэ сытярэл тут, сар тэ жувэс, тэ подритярэл и тэ дэл зор. Если тути па чачимастэ куч кода, кай ту можэш тэ мангэспэ лэ Иеговасти, тоди ту виарақэса время тэ дэс дума лэса.

15. Васо, кала ту доманглянпэ, ԥэнэс «аминь»?

¹⁵ Васо, кала доманглямпэ, ԥэнас «аминь»? О алав «аминь» сыкавэл «чаче» чи «мэк кадя». Кала доманглянпэ, ту ԥэнэс «аминь», кадэлэса ту сыкавэс, кай тирэ алава анда оди (Псалом 41:13). Кала варико мангэлпэ и ту ԥэнэс аминь, када сыкавэл, кай ту соӷласно лэстирэ алавэнца. Кадэва алав можно тэ ԥэнэс андо гиндо чи кай всаворэ тэ ашунэн (1 Летопись 16:36; 1 Коринфянам 14:16).

САР О ДЭЛ АШУНЭЛ ТИРЭ МОЛИТВЫ?

16. Васо о Иегова дэл атвето пэ тирэ молитвы?

¹⁶ Васо о Иегова дэл атвето пэ тирэ молитвы? Важ кода кай андэ Библия пистромэ, кай во «Кодэва, ко ашунэл и молитвы» (Псалом 65:2). О Иегова ашунэл и молитвы милиононэ манушэндар, савэ мангэнпэ анда оди и дэл атвето пэр лэндэ.

17. Со о Иегова терэл, кала ашунэл тирэ молитвы? Росԥэн.

¹⁷ Кала о Иегова ашунэл и молитвы, во бишалэл пэстирэ анӷелонэн чи варикас анда пэстирэ служытеля, кай тэ поможын (Евреям 1:13, 14). Бутиварэс сас кадя. Кала о мануш камэлас тэ полэл и Библия и мангэласпэ важ када каринг о Дэл, катэ жэ каринг лэстэ авэнас лэ Иеговастирэ свидетеля. Па када можно тэ полас, кай и анӷелоря терэн бут дила, кай и мануша тэ уӷанэн о «чачимос» па вся и ԥув. (Адиносар Откровение 14:6.) Инке о Иегова ашунэл тирэ молитвы, кала терэл кадя, кай и ԥрала и ԥэя тэ авэн тутэ и тэ поможын, кала тути када фартэ трэбуй (Притчи 12:25; Иакова 2:16).

18. Сар инке о Иегова дэл атвето пэ тирэ молитвы?

¹⁸ Сар инке о Иегова дэл атвето пэ тирэ молитвы? Кала тути трэбуй варисо тэ полэс чи трэбуй зор, кай тэ улэс варисаво ԥаримос, о Иегова дэла тути свынто духо (2 Коринфянам 4:7). Кала тути трэбуй варисо тэ терэс, о Иегова поможыя тути тэ виарақэс лашэ гиндоря андэ Библия. Сар? Ту можэш тэ шос сама пэ варисавэ гиндоря, кала екжэно сытёс па Библия. Или о Иегова можэт тэ подԥэнэн через варикастирэ каминтарии пэ собрании. А можэт варисаво старейшына росԥэнэна лашо гиндо анда Библия, саво кадяжэ поможыя тути (Галатам 6:1).

19. Пала со трэбуй тэ на бистрэс, кала здэлпэ, кай о Иегова на ашунэл тирэ молитвы?

¹⁹ Дэкала тути можэт тэ здэлпэ, кай о Иегова на ашунэл тири молитва. Но на бистэр, о Иегова ӷанэн, со тути трэбуй и сар када фэдэр тэ стерэл. Дэкала трэбуй тэ мангэспэ най еқварэс. Кадя о Иегова диқэла, кай кода, пала со ту мангэс, тути фартэ трэбуй. Кала ту мангэс най еқварэс, када сыкавэл, кай ту патяс, кай во поможыя (Луки 11:5—10). Дэкала атвето пэ молитва най кацаво, сар ту аштярэсас. Например, ту манглян, кай о Иегова тэ улэл варисаво ԥаримос анда тири жызня, ай во дя зор тэ пэрэандярэс лэс. (Адиносар Филиппийцам 4:13.)

20. Васо трэбуй часто тэ мангэспэ?

²⁰ Сар дэ драго, кай амэ можэм тэ мангаспэ лэ Иеговасти! Патя, о Иегова ашунэл тут (Псалом 145:18). Со май часто ту мангэспэ лэ Иеговасти, со май лащи дружба тутэ авэла лэса.

1. Со ту камэс тэ пушэс?

КАЛА ту залян тэ сытёс па кадэя книжка, ту бут со уӷанглян анда Библия. Например, пала вечно жызня, со терэлпэ лэ мулэнца и пала кода, кай, ко муля, ринапэ каринг и жызня (Экклезиаст 9:5; Луки 23:43; Иоанна 5:28, 29; Откровение 21:3, 4). Можэт ту ужэ ԥирэс пэ собрании кай лэ Иеговастирэ свидетеля и полян, кай вонэ полэн лэ Дэвлэс, сар трэбуй (Иоанна 13:35). Файма, тутэ ужэ исин дружба лэ Иеговаса и ту ужэ камэс лэсти тэ служыс. Тоди ту камэс тэ пушэс: «Со мэ акана трэбуй тэ терав?»

2. Васо о эфиопо закамля тэ болдёл?

² Пала када пушлясас ек эфиопо, саво жувэлас андэ лэ Иисусостири время. Во ԥэндя: «Акэ о паи, со ритярэл ман тэ на болдював?» (Деяния 8:26—36). Васо во закамля тэ болдёл? Кала ек анда лэ Иисусостирэ ученикоря, о Филиппо, росԥэндя лэсти, кай о Иисусо, када Христос, када ля лэс лэ одестар и во закамля тэ болдёл.

3. а) Со о Иисусо приԥэндя пэстирэ учениконэнди? б) Сар трэбуй тэ болдён?

³ Андэ Библия драго пистромэ, кала о мануш камэл тэ служый лэ Иеговасти, во трэбуй тэ болдёл. О Иисус Христос приԥэндя пэстирэ учениконэнди: «Жан кай всаворэ народоря, сытярэн лэ манушэн, кай вонэ тэ авэн ученикоря. Болэн лэн» (Матфея 28:19). О Иисусо кадяжэ болделя, и най просто шутя по шэро паи, ай вся и тила сас тала паи (Матфея 3:16). Кадя жэ и акана, и христианоря, кала болдён, трэбуй вся и тила тэ авэл тала паи.

4. Со сыкавэл, кала мануш болдёл?

⁴ Кала мануш болдёл, кадэлэса во сыкавэл, кай камэл тэ авэл лэ Дэвлэско друӷо и тэ служый лэсти (Псалом 40:7, 8). Со трэбуй тэ терэс англа кода, сар тэ болдёс?

ТРЭБУЙ ТЭ ӶАНЭС И ТЭ ПАТЯС

5. а) Если ту камэс тэ болдёс, со трэбуй тэ терэс? б) Васо трэбуй тэ ԥирэс пэ собрании?

⁵ Англа кода, сар тэ болдёс, трэбуй тэ уӷанэс пала Иегова и пала Иисус Христос. И ту ужэ лян кадя тэ терэс, кала залян тэ сытёс па Библия. (Адиносар Иоанна 17:3.) Но када кати пэрво, со трэбуй тэ стерэс. И Библия сытярэл, кай трэбуй «бут и драго тэ ӷанэн», со камэл о Дэл (Колоссянам 1:9). Андэ када тути поможына и собрании, савэ исин кай лэ Иеговастирэ свидетеля. Кала ту на промэкэса и собрании, тоди тутэ авэла лащи дружба лэ Дэвлэса (Евреям 10:24, 25).

6. Вся и Библия чи най трэбуй тэ ӷанэс, кай тэ болдёс?

⁶ О Иегова на аштярэл, кай ту жы каринг кода, кай тэ болдёс, ужэ ӷанэса вся и Библия. Во кадяжэ на аштярэлас када и лэ эфиопостар, саво закамля тэ болдёл (Деяния 8:30, 31). Амэ ласа тэ уӷанас пала Дэл вся и вечность (Экклезиаст 3:11). Кай тэ болдёс, трэбуй драго тэ ӷанэс ӷлавно гиндо анда Библия, и тэ авэс кодэлэса соӷласно (Евреям 5:12).

7. Со через кода, со уӷанглян анда Библия, ту лян тэ терэс?

⁷ Андэ Библия пистромэ: «Ай ко на патял, нэ сможэт тэ уӷодий лэ Дэвлэсти» (Евреям 11:6). Важ када жы каринг кода, кай тэ болдёл, о мануш трэбуй тэ патял лэ Иеговасти. Андэ Библия пистромэ, кай дэсавэ мануша, савэ варикала жувэнас андо Коринфо, ашундэ, со росԥэнэнас лэ Иисусостири ученикоря, «патяе и болделэ» (Деяния 18:8). Кадя и ту уӷанглян анда Библия и патяян андэ кода, пала со о Дэл дэл алав, и инке патяян, кай о Иисусо отдя пэстири жызня, кай тэ витинэл лэ манушэн лэ бэзэхэстар и ла смэртятар (Иисус Навин 23:14; Деяния 4:12; 2 Тимофею 3:16, 17).

РОСԤЭН АВРЭНДИ ПАЛА ЧАЧИМОС АНДА БИБЛИЯ

8. Васо ту закамэса тэ росԥэнэс аврэнди пала кода, со ту уӷанэс?

⁸ Ту лэса тэ уӷанэс чачимос анда Библия и диқэса, сар во поможый тути андэ жызня. Тоди ту инке май фартэ лэса тэ патяс лэ Иеговасти. Кадэлэстар ту закамэса тэ росԥэнэс инке варикасти пала кода, со ту уӷанглян (Иеремия 20:9; 2 Коринфянам 4:13).

9, 10. а) Каса можэш тэ дэс дума пала кода, со уӷанглян? б) Со трэбуй тэ стерэс, кай тэ жас ла собранияса тэ росԥэнэс важ о Дэл?

⁹ Файма, ту закамэса тэ росԥэнэс пала кода, со уӷанглян нэво, лэ ерести, лэ друӷонэнди, лэ сосидонэнди чи кодэлэнди, каса ездис пэ бутятэ чи терэс пэ бути. Дэ дума ковлэс и анда оди. Прожала время и тути камэлапэ тэ жас тэ росԥэнэс важ о Дэл еқэҭанэ ла собранияса. Кала ту закамэса када тэ терэс, ԥэн пала када кодэлэсти, ко сытярэл тут па Библия. Во диқэла, если ту камэс тэ жас тэ росԥэнэс важ о Дэл и ужэ жувэс па лэ Дэвлэстирэ законоря, тоди тумэ доԥэнэнапэ тэ диқэнпэ дуе старейшынонэнца анда собрания.

¹⁰ Васо и старейшыноря камэн тэ подэн дума туса? Важ кода, кай тэ полэн, драго ту полэс о ӷлавно гиндо, пала со сытярэл и Библия и патяс ту андэ кода. Инке трэбуй тэ полэн, жувэс ту кадя, сар пистромэ андэ Библия, и камэс ту тэ ашэс лэ Иеговаско свидетелё чи най. На трэбуй тэ дарас кадэла думатар, важ кода кай и старейшыноря фартэ заботинпэ пала мануша анда собрания (Деяния 20:28; 1 Петра 5:2, 3). Посли кадэя дума и старейшыноря ԥэнэна тумэнди, можэш ту чи най тэ росԥэнэс важ о Дэл еқэҭанэ ла собранияса.

11. Васо англа кода, сар тэ жас ла собранияса тэ росԥэнэс важ о Дэл, трэбуй тэ парувэс пэстири жызня?

¹¹ Можэт и старейшыноря ԥэнэна, кай англа кода, сар тэ жас тэ росԥэнэс важ о Дэл, тути трэбуй инке дэсо тэ парувэс андэ пэстири жызня. Васо када трэбуй тэ стерэс? Кала ту росԥэнэс лэ манушэнди важ о Дэл, ту дэс дума лэ Дэвлэстирэ алавэстар, и важ када тути трэбуй тэ андярэс достойно жызня, кай тэ ԥэнэн, кай ту чаче лэ Дэвлэско служытелё (1 Коринфянам 6:9, 10; Галатам 5:19—21).

КАИСАВ И ПАРУВ ПЭСТИРИ ЖЫЗНЯ

12. Васо тэ каинпэ трэбуй всаворэ мануша?

¹² Жы каринг кода, сар тэ болдёс, трэбуй тэ стерэс инке ек важно шаго. О апостоло Павло ԥэндя: «Каинпэ и парувэн пэстири жызня, кай тэ простийпэ тумаро бэзэх» (Деяния 3:19). Сар када тэ каиспэ? Када, кала тути по ди ԥарэс, кай варикала стердян найлашэ дилы. Например, тэ каиспэ трэбуй, если ту андярэсас найлащи, билажаварди жызня. Тэ каинпэ трэбуй дажэ кодэла, ко вся и жызня старыияспэ тэ андярэл пэс драго. Васо? Важ кода кай всаворэ мануша ӷрешни и трэбуй, кай о Дэл лэн тэ простий (Римлянам 3:23; 5:12).

13. Со сыкавэл о алав тэ «парудёс»?

¹³ Хутилэла просто тэ жалуисарас пала кода, со терасас най кадя? Най. О апостоло Пётро ԥэндя, кай трэбуй инке тэ парудёс, када тэ парашэс тэ андярэс и найлащи жызня, и тэ залэс тэ жувэс па аврятэ. Ԥэнаса, ту пэрво разо авелян андэ варисаво форо. И андэ ек маменто полэс, кай ладэс най андэ кодэя риг. Со ту терэса? Канешно, ту сшоса и скорость. Ту тердёса, ай потом розбандёса (аврэ алавэса, парувэса о дром) и лэса тэ ладэс андэ авэр риг, андэ сави трэбуй. Кадя жэ и кала сытёс па Библия, ту можэш тэ полэс, кай трэбуй варисо тэ парувэс андэ пэстири жызня. Тутэ вижала тэ стерэс када, ԥэнаса, тэ розбандёс и тэ залэс тэ жувэс правильно?

ДЭС АЛАВ ТЭ ЖУВЭС ВАЖ О ИЕГОВА

14. Со сыкавэла, кай дэс алав лэ Иеговасти?

¹⁴ Инке ек важно шаго, саво трэбуй тэ стерэс англа кода, сар тэ болдёс, када тэ дэс алав лэ Иеговасти тэ жувэс важ лэстэ. Када ту трэбуй тэ стерэс андэ молитва. Ту дэс алав лэ Иеговасти, кай лэса тэ служыс кати ек лэсти и пэ пэрво ҭан тутэ авэла кода, со камэл о Дэл (Второзаконие 6:15).

15, 16. Васо о мануш можэт тэ закамэл тэ дэл алав лэ Дэвлэсти тэ жувэл важ лэстэ?

¹⁵ Кала дэс алав тэ служыс ек лэ Иеговасти, када можно тэ сыстос кодэлэса, кала дэс алав манушэсти, савэса камэс тэ прожувэс вся и жызня. Роздиқам ек примеро. Тэрнэ манушэсти чалёл тэрни манушни. Во старыийпэ тэ уӷанэн ла со май драго. Прожал время и во полэл, кай вой лэсти фартэ чалёл и камэл тэ жэнийпэ пэр латэ. Во полэл, кай када фартэ бари дила. Но во всаек камэл тэ жэнийпэ, важ кода кай любий ла.

¹⁶ Кала ту уӷанэса лэ Иеговас со май драго, тоди ту полэса, кай любис лэс и камэс тэ служыс лэсти анда вся оди. Ту закамэса андэ молитва тэ дэс алав лэ Дэвлэсти, кай служыса лэсти. Андэ Библия пистромэ, кай кажно, ко камэл тэ жал па лэ Иисусоско дром, трэбуй тэ отԥэндёл пэстар (Марка 8:34). Со када сыкавэл? Када сыкавэл, кай трэбуй андэ вся тэ кандэс лэ Дэвлэс. Важ кода кай, со камэл о Дэл май куч, чем кода, со фартэ камэлпэ и кода, со камэс тэ домардёс. (Адиносар 1 Петра 4:2.)

НА ДАР, КАЙ НА ЗРИТЯРЭСА

17. Васо дэко дарал тэ дэл алав лэ Иеговасти?

¹⁷ Дэко, файма, дарал тэ дэл алав лэ Иеговасти, кай тэ служый лэсти, важ кода кай на зритярэла пэско алав. Кацаво мануш дарал, кай на уӷодия лэ Иеговасти. Ай варико гиндой, если на дя алав лэ Дэвлэсти, тоди о Дэл на спушэла лэстар пала кода, со во терэл.

18. Со поможыя тути тэ на дарас, кай на зритярэса о алав?

¹⁸ И любовь каринг о Дэл поможыя тути тэ на дарас кодэлэстар, кай на зритярэса о алав. Если ту любис лэс, тоди ту стерэса вся, кай тэ зритярэс пэско алав (Экклезиаст 5:4; Колоссянам 1:10). Ту на лэса тэ гиндос, кай тэ кандэс лэ Дэвлэс, када фартэ ԥарэс. О апостоло Иоанно пистросардя: «Любовь каринг о Дэл дицол андэ кода, кай амэ ритярас лэско законо и лэско законо найԥаро» (1 Иоанна 5:3).

19. Васо трэбуй тэ на дарас тэ дэс алав лэ Дэвлэсти?

¹⁹ О Иегова на аштярэл амэндар, кай если амэ даса лэсти алав, амэ на ласа ни андэр со тэ шылисавас. Во на аштярэл амэндар май бут, чем кода, со амэ можэм лэсти тэ дас (Псалом 103:14). О Иегова дэл алав, кай поможыя амэнди тэ терас, сар май драго (Исаия 41:10). Андэ Библия пистромэ: «Патя лэ Иеговасти всаворэ тирэ одеса... ...И во стерэла тиро дром ворта» (Притчи 3:5, 6).

ТЭ БОЛДЁС

20. Со трэбуй тэ стерэс посли кода, сар дян алав лэ Иеговасти?

²⁰ Если ту ужэ дян алав лэ Иеговасти, тоди вижал, ту можэш тэ терэс инке ек шаго, када тэ болдёс.

21, 22. Сар ту можэш англа всаворэ тэ сыкавэс, кай камэс тэ служыс лэ Дэвлэсти?

²¹ Трэбуй тэ ԥэнэс лэ старейшынасти, саво координаторо андо совето старейшын андэ пэстири собрания, кай ту ужэ дян алав лэ Иеговасти и камэс тэ болдёс. Во мангэла варикас анда старейшыноря тэ подэн дума туса пала ӷлавни гиндоря анда Библия. Если вонэ диқэна, кай ту ӷанэс, со трэбуй, вонэ ԥэнэна тути тэ болдёс по само пашутно канӷрэсо кай лэ Иеговастирэ свидетеля. По канӷрэсо авэла речь, андэ сави драго росԥэнэна, со сыкавэл кода, кала о мануш болдёл. Посли када, кодэва, ко росԥэнэна и речь, ԥэнэна кодэлэнди, ко камэл тэ болдёл, тэ дэн атвето пэ дуй важни вопросоря. Кала ту англа всаворэ ԥэнэса «да», ту сыкавэса, кай камэс тэ служыс лэ Дэвлэсти (Римлянам 10:10).

²² Акана ту ӷотово тэ болдёс. Тут болэна полностью андо паи. Кода, кай ту болделян, сыкавэла всаворэнди, кай ту дян алав лэ Иеговасти тэ жувэс важ лэстэ и ашэлян лэ Иеговаско свидетелё.

СО СЫКАВЭЛ КОДА, КАЛА БОЛДЁН?

23. Со сыкавэн и алава, кай трэбуй тэ болдёс «через о алав лэ Дадэско, лэ Шавэско и лэ свынтонэ духоско»?

²³ О Иисусо ԥэндя, кай лэстирэ ученикоря трэбуй тэ болдён «через о алав лэ Дадэско, лэ Шавэско и лэ свынтонэ духоско». (Адиносар Матфея 28:19.) Када сыкавэл, кай амэ прижанас лэ Иеговастири власть, и полас, со стердя о Иисусо андэ кода, со загиндосардя о Дэл. Кадяжэ полас, кай, со о Иегова камэл тэ стерэл, пэ кода лэстэ исин о свынто духо. (Псалом 83:18; Матфея 28:18; Галатам 5:22, 23; 2 Петра 1:21).

24, 25. а) Со сыкавэл кода, кай болделян? б) Пала со подаса дума андэ послиднё ӷлава.

²⁴ Кала о мануш болдёл, када во, ԥэнэса, мэрэл кодэла жызнятар, сави лэстэ сас, ай кала ваздэлпэ анда паи, во залэл тэ жувэл нэвя жызняса, сар лэ Дэвлэско служытелё. На бистэр, кай ту дян алав най варисавэ манушэсти чи варисавя арӷанизацыяти чи варисавя дилати. Ту отдян пэстири жызня лэ Иеговасти.

²⁵ Кала ту дян алав и болделян, патя, кай кадэлэстар тутэ авэла май лащи дружба лэ Иеговаса (Псалом 25:14). Кай ту болделян, када инке на сыкавэл, кай ту ужэ спасысапэ. О апостоло Павло ԥэндя: «Дараса и баря пативаса андо ди .... [домардён] пэстири спасения» (Филиппийцам 2:12). На бистэр, кода, кай ту болделян, када кати пэрво шаго каринг кода, кай тэ спасыспэ. Со трэбуй тэ терэс, кай тэ на хасарэс и тири дружба лэ Иеговаса? Пала кадэва вопросо подаса дума андэ послиднё ӷлава.

17. Васо тэ росԥэнас важ о Дэл, када нащи тэ отстас?

¹⁷ Амэ трэбуй тэ росԥэнас важ о Дэл и тэ на отстас када (2 Тимофею 4:2). Лэ манушэнди трэбуй со май йто тэ ашунэн и весть пала лэ Дэвлэско Царство. Андэ Библия пистромэ: «Лэ Иеговаско дес пашэ. Во пашэ и фартэ йто авэла» и во «авэла андэ время, сави стодя о Дэл» (Софония 1:14; Аввакум 2:3). Фартэ йто о Иегова розмарэла и люма, савяса правий о Сатана. Амэ трэбуй тэ ԥэнас лэ манушэнди пала када, кай вонэ тэ витидэн важ пэстэ тэ служын лэ Иеговасти.