«Ко пэ Иеговастири риг?»

1, 2. а) Васо амэнди трэбуй тэ на парашас тэ кандас лэ Иеговас? б) Пала со амэ подаса дума андэ кадэя статья?

ВАСО амэнди трэбуй тэ на парашас тэ кандас лэ Иеговас? Када годявэрнэс, важ кода кай будэр никастэ нинай скати зор, мудрость и любовь. Ко андар мэндэ на камлоп тэ авэл пэр лэстири риг? (Псалом 96:4 жы кай 6). Но дэсавэ лэ Иеговастирэ мануша всаек отжылэ лэстар.

² Андэ кадэя статья амэ подаса дума акэ пала со. Слинэ кодэла, ко ԥэнэнас, кай тердён пэ Иеговастири риг, но андэ кадэя жэ время терэнас кода, со на чалёл лэ Дэвлэсти. Кала ласа тэ гиндосарас пала када, амэндэ вижала тэ на парашас анда вся оди тэ кандас лэ Иеговас.

О ИЕГОВА СТОЛ ЗОР, КАЙ ТЭ ПОЛЭЛ, СО АНДО ДИ

3. Со о Иегова ԥэндя лэ Каиности и васо?

³ Подам дума пала Каино. Во на тэлёлас лэ хохавнэ дэвлэнди, во тэлёлас кати лэ Иеговасти. Но о Иегова на прилэлас кода, сар во лэсти тэлёлас. Васо? О Иегова диқэлас, кай лэ Каиноско ди камэлас тэ терэл вэрыто (1 Иоанна 3:12). О Иегова ԥэндя лэ Каиности: «Сар терэс лашимос, хэба на ваздэна тут? Ай сар на терэс лашимос, тоди кай и вудара аштярэл о бэзэх. И во камэл тэ захутилэл тут. Но авэса ту важ лэстэ хулай чи най?» (Бытие 4:6, 7). Аврэ алавэнца, о Иегова ԥэндя лэсти: «Сар ту каисапэ и закамэса тэ тердёс пэ мэрни риг, тоди и мэ тердювава пэ тири риг».

4. Со тердя о Каино, кала лэстэ инке сас время тэ авэл пэ Иеговастири риг?

⁴ Тэ парудоп о Каино пэстирэ гиндоря, о Иегова прилиноп кода, сар во лэсти тэлёл. Но о Каино на приашунделя каринг лэ Дэвлэстирэ алава. Во подяпэ пэстирэ вэрытонэ гиндонэнди, кодэлэсти, со камэлас тэ терэл кати важ пэстэ, и стердя о бэзэх (Иакова 1:14, 15). Кала о Каино сас тэрно, лэстэ, файма, на сас и андо шэро, кай во варикала жала против о Иегова. Но, кала прожылэ бэрша, во стердя баро бэзэх, во звазгляпэ против о Дэл и умардя чаче ԥралэс!

5. Через со амэ дэкала парашас тэ чалювас лэ Иеговасти?

⁵ Андэ амарэ деса дэкала и христианоря кадя жэ, сар о Каино ԥэнэн, кай тэлён лэ Иеговасти и андэ кодэя жэ время терэн кода, со вэрыцый о Иегова (Иуды 11). Вонэ бут росԥэнэн важ о Дэл и на промэкэн и собрания. Но андэ кадэя жэ время домэкэн тэ гиндон пала билажавардимос, тэ гиндон пала вся, со лэнди камэлпэ и тэ вэрыцын аврэ христианонэн (1 Иоанна 2:15 жы кай 17; 3:15). Кацавэ гиндоря анэна каринг о бэзэх. Нико, файма, и на ӷанэн, пала со о христианино гиндой, со терэл, но кати най о Иегова. О Дэл диқэл вся и ӷанэн, андэ вся амэ лэс кандас чи най. (Адиносар Иеремия 17:9, 10a).

6. Сар о Иегова поможый, кай амэ тэ авас хулая пэ кода, со амэнди камэлпэ, но на чалёл лэсти?

⁶ Кала амэ терас най кадя, о Иегова на грабийпэ тэ отбандёл амэндар. Кала авас по найлашо дром, о Иегова ԥэнэн амэнди: «Ринпэ каринг мандэ, и мэ рисавава каринг тумэндэ» (Малахия 3:7). О Иегова полэл, кай амэнди дэкала камэлпэ кода, со вэрыто, но амэ стас зор, кай када тэ на стерас. О Иегова камэл, кай амэ тэ авас састэ и тэ на домэкас о бэзэх (Исаия 55:7). Тоди о Иегова авэла пэ амари риг и дэла амэнди зор, кай амэ тэ авас хулая пэ кода, со амэнди камэлпэ, но на чалёл лэсти (Бытие 4:7).

НА ДОМЭКЭН, КАЙ ТУМЭН ТЭ ХОХАВЭН

7. Сар о Соломоно хасардя пэстири дружба лэ Иеговаса?

⁷ Амэ бут сости сытюваса, кала ласа тэ гиндосарас пала царё Соломоно. Кала во сас тэрно лэстэ сас лащи дружба лэ Дэвлэса. О Иегова дя лэсти бари мудрость и дя лэсти тэ стерэл фартэ шукарно храмо андо Иерусалимо. Но прожылэ бэрша и о Соломоно хасардя и дружба лэ Иеговаса (1 Царей 3:12; 11:1, 2). Лэ Дэвлэско законо на мэкэлас лэ царёсти, «кай лэстэ тэ авэл май бут и май бут хулая́, кай лэско ди тэ на римойпэ» (Второзаконие 17:17). О Соломоно катэ на кангля лэ Иеговас и лэстэ ашэлэ 700 хулая. Ай инке лэстэ сас лэстирэ 300 манушня, савэнца во совэлас (1 Царей 11:3). Бут андар лэстирэ хулая на слинэ израильтянки и тэлёнас хохавнэ дэвлэнди. Кадя во ԥагля инке ек лэ Дэвлэско законо, кай нащи тэ лэн пала пэстэ манушнян анда авэр народо (Второзаконие 7:3, 4).

8. Савэ бэзэха тердя о Соломоно?

⁸ Кай о Соломоно ужэ на сас любовь каринг лэ Дэвлэстирэ законоря. И важ када во тердя най ек баро бэзэх. Во стердя жэртвеннико ла Астартати и лэ Хамосости, савэ слинэ лэстирэ хулаяндирэ дэвла. Сар и лэстирэ хулая о Соломоно ля тэ тэлёл хохавнэ дэвлэнди. Во стердя кадэла жэртвенникоря най варикай, ай по плай, саво сас паша Иерусалимо котэ, кай во стердя лэ Иеговаско храмо! (1 Царей 11:5 жы кай 8; 2 Царей 23:13). О Соломоно хохавэлас пэс. Файма, во гиндояс, кай дэкин анэн и жэртвы андо храмо, о Иегова на шола сама пэ кода, кай во лэс на кандэл.

9. Каринг со андя, кай о Соломоно на кангля лэ Дэвлэс?

⁹ Но о Иегова никала на ԥандавэл и яқа по бэзэх. Андэ Библия пистромэ: «О Иегова холяйля по Соломоно, важ кода кай лэско ди дуреля лэ Иеговастар... савэс во дуварэс диқля. О Иегова приԥэндя лэсти тэ на тэлёл аврэ дэвлэнди. Но о Соломоно на терэлас кода, со лэсти приԥэнэнас о Иегова». О Соломоно будэр на чалёлас лэ Иеговасти и во парашэля лэсти тэ поможый. Прожыля время и о израильско царство розделисайля. Кодэла, ко жылэ лэ Соломоностар, сас хула́я кати пэ дуй царства и андэ жызня лэндэ сас бут биды (1 Царей 11:9 жы кай 13).

10. Через со амэ хасардоп пэстири лащи дружба лэ Иеговаса?

¹⁰ Кала амэ витидас друӷонэн, савэ на полэн амарэ Дэвлэс и на цэнин лэ Дэвлэстирэ законоря, вонэ римона амари дружба лэса. Када моӷут тэ авэн амарэ ԥрала анда собрания, савэндэ нинай лащи дружба лэ Иеговаса. Чи када моӷут тэ авэн амаро родо, сосидоря, кодэла, каса терас бути чи каса сытювас андэ школа, савэ на тэлён лэ Иеговасти. Сар амэ проандярас бут время лэ манушэнца, савэ на жувэн па лэ Иеговастирэ законоря, амэ пэрэласа лэндар кода, через со хасараса пэстири дружба лэ Иеговаса.

11. Сар тэ полас, кала трэбуй тэ парашас варикаса тэ проандярас и время?

¹¹ Адиносар 1 Коринфянам 15:33b. Бут мануша, савэ найсведетеля, андярэн пэс драго и на терэн нисаво лажаимос. Файма, тумэ ӷанэн кацавэ манушэн. Но авэна вонэ амэнди лашэ друӷоря чи най? Пуш пэстар: «Сар кода, кай мэ лэнца проандярав и время, сыкавэла, сави мандэ дружба лэ Иеговаса? Ашава мэ май пашэ каринг о Иегова чи най? Со кадэлэ манушэндэ андо ди? Пала со вонэ дэн дума? Пала ловэ, йда, телефоноря, планшэторя, компьютеры или техника, через сави вижан андо интэрнэто, чи пала кода, сар тэ проандярэн и время? Ԥэнэн вонэ найлашэ ԥэряса чи най? Приасанпэ вонэ андэ пэстири дума аврэндар и ԥэнэн алава, савэ пусавэн оди чи най?» О Иисусо най евья ԥэндя: «Соса ԥэрдо оди, ԥэнэн и вуш» (Матфея 12:34). Кала ту полэс, кай тири дружба кацавэ манушэнца римоя тири дружба лэ Иеговаса, на аштяр. Май набут проандяр лэнца и время, ай сар када трэбуй, параш када тэ терэс (Притчи 13:20).

О ИЕГОВА ПРИԤЭНЭН ТЭ ТЭЛЮВАС КАТИ ЛЭСТИ

12. а) Со ԥэндя о Иегова лэ израильтянонэнди, сар прожыля набут время, кала вонэ вижылэ анда Египто? б) Со стердэ израильтяноря, кала ашундэ, кай о Иегова аштярэл тэ тэлён вонэ кати лэсти?

¹² Ай акана подам дума, со йто стердяпэ, сар и израильтяноря вижылэ анда Египто. Вонэ стидэпэ паша плай Синай и о Иегова сыкадя пэс кадя, кай и мануша пэрэдарайлэ. И израильтяноря додиқлэ кали туча, молния, ҭув и ашундэ о ӷромо, ай инке варисо кацаво, со шолпэ по звуко анда роӷо, саво на парашэлас (Исход 19:16 жы кай 19). Тоди о Иегова ԥэндя, кай во Дэл, саво «приԥэнэн тэ тэлён кати лэсти». Во ԥэндя лэ израильтянонэнди, сар вонэ любина и кандэна лэс, тоди во на ашавэла лэн, важ кода кай любий. (Адиносар Исход 20:1 жы кай 6c). Ԥэнэса о Иегова ԥэндя пэстирэ народости: «Сар тумэ авэна пэ мэрни риг, тоди мэ авава пэ тумари». Со тумэ стердоп, сар ашундоп кацавэ алава, савэ ԥэндя екжэно о Иегова? Тумэ стердоп кадя, сар стердэ израильтяноря. Андэ Библия пистромэ: «Вся о народо ԥэндя, сар ек „Амэ стераса вся, со ԥэндя о Иегова“» (Исход 24:3). Но йто дицэля, сар вонэ на парашэн тэ кандэн лэ Иеговас.

13. Через со дицэля, кандэн и израильтяноря лэ Иеговас чи най?

¹³ Израильтяноря фартэ пэрэдарайлэ, кала додиқлэ кали туча, молния и авэр, соса о Иегова сыкадя пэско баро зор. Важ када вонэ манглэ лэ Моисеёс екжэно тэ дэл дума лэ Иеговаса, саво сас по плай Синай (Исход 20:18 жы кай 21). О Моисеё бут время на змэкэласпэ па плай. Лэнди здяпэ, кай вонэ андэ пустыня ашэлэпэ екжэнэ. Здяпэ, кай пала лэндэ нико на диқэл. Вонэ патянас, дэкин паша лэндэ сас о Моисеё. Вонэ линэ тэ даран и приԥэндэ лэ Аароности: «Стер важ амэндэ Дэвлэс, саво жала англа амэндэ, важ кода кай амэ на ӷанас, со тердяпэ кадэлэ Моисеёса, манушэса, саво виандярдя амэн анда Египетско ԥув» (Исход 32:1, 2).

14. Сар израильтяноря хохавэнас корко пэс и со о Иегова пэ када стердя?

¹⁴ Израильтяноря ӷанэнас, кай на трэбуй тэ тэлён хохавнэ дэвлэнди (Исход 20:3 жы кай 5). Но вонэ всаек линэ тэ тэлён сомнаконэ гуруворэсти! Вонэ ԥаглэ лэ Дэвлэско законо, и хохавэнас корко пэс кодэлэса, кай вонэ идоси пэ Иеговастири риг. О Аароно пэ кода, кай вонэ тэлёнас лэ сомнаконэ гуруворэсти, ԥэндя, кай када «празднико, саво важ о Иегова»! Со сас по ди кай о Иегова? Андо ди лэстэ сас, кай лэс придинэ. О Иегова ԥэндя лэ Моисеёсти: «Кода, со терэл о народо гряца. Сар йто вонэ дурелэ лэ дромэстар, па саво мэ приԥэндэм лэнди тэ жан!» О Иегова кадя фартэ холяйля, кай дажэ закамля, кай кадэва народо тэ на авэл (Исход 32:5 жы кай 10).

15, 16. Сар о Моисеё и Аароно сыкадэ, кай вонэ пэ Иеговастири риг? (Диқэн и картинка англа статья).

¹⁵ Но о Иегова, када Дэл, саво жалуий анда вся оди. Во на закамля лэн тэ улэл. Васо? Кай лэстирэ манушэндэ тэ авэл время тэ залэн лэстири риг (Исход 32:14). О Моисеё додиқля, кай и мануша фартэ цыпин, цэлэн и дилабэн англа сомнаконо гуруворо. Важ када во сԥабардя лэс и рострисардя андо порошко. После када во зацыписайля: «Ко пэ Иеговастири риг? Мандэ!» Тоди «паша лэстэ стидэпэ всаворэ лэ Левиёстирэ шавэ» (Исход 32:17 жы кай 20, 26).

¹⁶ Хоть о Аароно тердя хохавнэ дэвлэс, во каисайля и еқэҭанэ аврэ левитонэнца терделя пэ Иеговастири риг. Кадэла мануша, савэ на парашэлэ тэ кандэн лэ Иеговас, най кати залинэ лэстири риг, но и отжылэ кодэлэндар, ко тэлёлас хохавнэ дэвлэсти. Кода, кай вонэ отжылэтар, сас годявэрнэс. Андэ кадэва дес помулинэ варикай трин тысячи израильтяноря, савэ тэлёнас лэ хохавнэ дэвлэсти. Кодэлэнди, ко на ашадя лэ Иеговас, важ кода кай любий, о Иегова дя алав, кай дэла лашимос (Исход 32:27 жы кай 29).

17. Сости амэ сытювас анда кода, со пистросардя о Павло пала сомнаконо гуруворо?

¹⁷ Сости амэ анда када сытювас? О апостоло Павло ԥэндя: «Кадэлэстар амэ трэбуй тэ сытювас, кай тэ на закамас о найлашимос, сар закамлэ вонэ. И тэ на тэлювас хохавнэ дэвлэнди, сар тердэ дэсавэ андар лэндэ... Ай вся када... сас запистромэ, кай тэ фэрий амэн, англа савэ парашэл тэ авэл найлашо миро. И важ кода, ко гиндой, кай во тердёл, мэк диқэл, кай тэ на пэрэл» (1 Коринфянам 10:6, 7, 11, 12). Сар ԥэндя о апостоло Павло, дажэ лэ Иеговастирэ мануша, савэ на парашэн лэс тэ кандэн, дэкала терэн о бэзэх. Дэсавэнди анда кодэла, ко тердя о бэзэх, здэлпэ, кай вонэ идоси чалён лэ Иеговасти. Но кай тэ чалёс лэ Иеговасти, на хутилэл тэ ԥэнэс, кай ту на ашавэса лэс, важ кода кай любис и камэс тэ авэс лэско друӷо (1 Коринфянам 10:1 жы кай 5).

18. Через со амэ дэкала дурювас лэ Иеговастар и каринг со када анэна?

¹⁸ Израильтяноря аштярэнас, кай о Моисеё йто змэкэлапэ па плай. Но жанас деса, ай о Моисеё на змэкэласпэ, важ када израильтяноря фартэ загиндосайлэ. Кадя жэ и дэсавэ христианоря адес фартэ загиндонпэ, кай лэ Иеговаско сындо заритярдёлпэ и кай о нэво миро на авэла йто. Варико гиндой, кай када терэлапэ через бари время англэ. Ай дэкасти здэлпэ, кай када фартэ драго, кай тэ авэл чачимос. Кала амэ гиндосарас кати пала када, тоди авэла бида. Сави? Кода, со амэ камас, отстола по дуйто ҭан, со камэл о Иегова. Времяса амэ дурюваса лэ Иеговастар и ласа тэ терас кода, пала со май англал и на гиндосарасас.

19. Пала со амэнди никала нащи тэ бистрас и васо?

¹⁹ Никала на бистрэн, о Иегова аштярэл, кай амэ андэ вся кандаса лэс и тэлюваса кати лэсти (Исход 20:5). Кала амэ на кандас лэ Дэвлэс, амэ кандас лэ Сатанас и варикала када анэна каринг и бида. Акэ, васо о Павло пистросардя: «На вижал тэ пэн анда лэ Иеговастири чаша и анда лэ бэнгэндири, на вижал тэ хан „лэ Иеговастирэ скаминдэстар“ и лэ скаминдэстар кай и бэнга» (1 Коринфянам 10:21).

НА ПАРАШЭН ТЭ КАНДЭН ЛЭ ИЕГОВАС

20. Сар о Иегова поможый амэнди, кала терас бэзэх?

²⁰ Кай о Каино, о Соломоно и кай израильтяноря, савэ стидэпэ паша плай Синай, сас время тэ каинпэ (Деяния 3:19). Дицол, кай о Иегова на грабийпэ тэ отбандёл кодэлэндар, ко стердя о бэзэх. Во простисардя лэ Ааронос пала лэско бэзэх. Адес о Дэл фэрий амэн через и Библия, библейско литература и через кода, кай подԥэнэн и ԥрала и ԥэя андэ собрания. Кала амэ шас сама пэ кода, соса амэн о Дэл фэрий, тоди о Иегова жалуия амэн анда вся оди.

21. Со амэнди трэбуй тэ терас, кала трэбуй тэ сыкавас, кай тэлювас кати лэ Иеговасти?

²¹ О Иегова терэл важ амэндэ лашимос, саво на затердям, най просто кадя (2 Коринфянам 6:1). О Дэл дэл амэнди тэ витидас «тэ отԥэндюваспэ лэ найлашимастар и кодэлэстар, со камэлпэ андэ кадэва миро». (Адиносар Титу 2:11 жы кай 14d). Дэкин амэ жувас андэ кадэва найлашо миро, амэ попэрас андо ԥаримос, кай амэнди трэбуй авэла тэ сыкавас, кай тэлювас кати лэ Иеговасти. Лам тэ терас вся, кай тэ залас лэ Иеговастири риг и тэ терас кадя, сар во ԥэндя: «Дар тирэ Дэвлэстар лэ Иеговастар, служысар кати лэсти, на параш тэ кандэс лэс»! (Второзаконие 10:20).