Лэ Дэвлэсти всаек, сави тумэндэ вера? Всаворэ веры чалён лэсти?

Со ԥэнэнпэ андэ Библия?

Най. Най всаворэ веры еқэндар. Андэ Библия пистромэ пала бут веры, савэ на чалён лэ Дэвлэсти. Лэн можэм тэ розделисарас пэ дуй категории.

Пэрво катеӷория, када кала и мануша тэлён лэ хохавнэ дэвлэнди

Кала андэ Библия росԥэнэнпэ пала кода, сар тэлён лэ хохавнэ дэвлэнди, котэ запистромэ кацавэ алава: «шушимос» (Иеремия 10:3—5, Синодально переводо), «суета и кода, андэр со нинай нисаво лашимос» (Иеремия 16:19, 20). Андэ дэлмутни время о Дэл Иеговаa ԥэндя лэ израильтянонэнди: «Тутэ на трэбуй тэ авэн авэр дэвла, ай кати мэ» (Исход 20:3, 23; 23:24). Кала и израильтяноря тэлёнас аврэ дэвлэнди, о Иегова холявэлас по пэско народо (Числа 25:3; Левит 20:2; Судей 2:13, 14).

О чачуно Дэл на парудя пэстири мнения пала кодэла, пэр кастэ ԥэнэн дэвла (1 Коринфянам 8:5, 6; Галатам 4:8). Кодэлэнди, ко камэн лэсти тэ тэлён, во ԥэнэн, кай вонэ тэ парашэн тэ стидэнпэ кодэлэнца, ко тэлён лэ хохавнэ дэвлэнди. Во ԥэнэн: «Вижан лэндар и сыкавэн, кай тумэ най лэнца» (2 Коринфянам 6:14—17). Если всаворэ веры лашэ и сар ек андярэн каринг о Дэл, тоди васо во када приԥэндя?

Дуйто катеӷория, када кала и мануша тэлён лэ чачунэ Дэвлэсти кадя, сар лэсти на чалёл

Сас кацаво, кай и израильтяноря тэлёнас лэ Дэвлэсти кадя, сар тэлёнас авэр народоря лэ хохавнэ дэвлэнди па лэндирэ обычаи. Но кода, кай заӷаминас и чачуни вера ла хохавняса, кала тэлёнас лэ Иеговасти, во када на прилэлас (Исход 32:8; Второзаконие 12:2—4). Андо пэрво вико о Иисусо сындояс лэ рашан, важ кода сар вонэ тэлёнас лэ Дэвлэсти. Па видо вонэ сас верующи мануша, но вонэ кати терэнас муй, ай па законо вонэ на терэнас кода, со сас май важно, када тэ авэн справедливи, тэ жалуин анда вся оди и тэ кандэн лэ Дэвлэс (Матфея 23:23).

Андэ амарэ деса нисо на паруделя. Каринг о Дэл тэ пашарэл можэт кати кодэя вера, сави сытярэл лэ чачимасти. Кадэва чачимос исин андэ Библия (Иоанна 4:24; 17:17; 2 Тимофею 3:16, 17). Веры, савэ на сытярэн кодэлэсти, со ԥэнэнпэ андэ Библия, дурярэн лэ манушэн лэ Дэвлэстар. Бут анда кода, сости сытярэн и мануша и гиндон, кай када анда Библия, например, када Троица, кай о мануш посли смэрть варикай жувэл или, кай во вечно мучийпэ, пэрэлинэ лэ манушэндар, савэ тэлёнас лэ хохавнэ дэвлэнди. Если о мануш патял андэ вся када, тоди кода, кай во тэлёл лэ Дэвлэсти, вся евья, важ кода кай во парувэл лэ Дэвлэско законо пэ традицыи, савэ исин кай и мануша (Марка 7:7, 8).

О Дэл нэнавидит, кала и мануша анда веры притерэнпэ, кай терэн лашимос (Титу 1:16). Кай и мануша тэ пашон каринг о Дэл, и вера трэбуй тэ влияет пэ лэндири жызня, ай най кати тэ сытярэл, сар тэ проандярэн па традицыи варисавэ празникоря. Кадя андэ Библия и ԥэнэнпэ: «Если варико гиндой, кай тэлёл лэ Дэвлэсти правильно, но на зритярэл пэстири шыб, во хохавэл пэско ди и кода, кай во тэлёл на ашэл нисо. Тэлён тумарэ Дэвлэсти и Дадэсти найзамэлярдэс и вужэс англа лэстирэ яқа. Андэ када ужал, кай тэ поможын кодэлэнди, кастэ нинай дад и лэ ԥивлянди андэ лэнго ԥаримос и тэ фэринпэ, кай тэ на замэлярдён кодэлэстар, со терэлпэ андэ люма» (Иакова 1:26, 27). Андэ кадэла жэ стихоря андэ Елизаветинско Библия ԥэнэнпэ, кай кацави: «вера... вужи и най маӷрисарди».