Лэ Иеговаса манди най состар тэ дарав!

СЫТЮВАВ ТЭ ПАТЯВ ЛЭ ИЕГОВАСТИ

Мэ арақаделэм андо 1948 бэрш, андо гаворо по юӷо-западо андэ Нигерия. Андэ кодэя время, мэрно како Мустафа́, саво цыкнэдэр ԥрал мэрнэ дадэсти, и о Ваха́би, ек анда барэдэр мэрнэ ԥрала, ашэлэ лэ Иеговастирэ свидетеля. Манди сас 9 бэрш, кала муля о дад. Мэ хасардэм о смысло андэ жызня, но о Вахаби росԥэндя манди, кай мэ упалэ диқава лэ дадэс, кала во рияпэ каринг и жызня. Кала мэ пала када уӷанглэм, мэ закамлэм тэ изучаю и Библия. Мэ болделэм андо 1963 бэрш. Прожыля найбут время и мэрнэ трин ԥрала тожэ ашэлэ лэ Иеговастирэ свидетеля.

Андо 1965 бэрш мэ авелэм каринг пэско барэдэр ԥрал Уи́лсоно, саво жувэл андо Ла́госо. Котэ андэ собрания «Игбо́би» мэ подружысайлэм лэ ԥралэнца и лэ ԥэянца, савэ служынас, сар общи пианероря. Мэ диқлэм, савэ вонэ дэ лошалэ и сар лэндэ ԥабол оди андэ служэния. Када пэрэдяпэ и манди. Важ када андо январё андо 1968 бэрш мэ тожэ ашэлэм пианеро.

О А́льберто Олубе́йби, саво служыяс андо Вефилё, стердя спецыально встреча важ и молодёж. Пэр латэ во росԥэндя, кай по северо андэ Нигерия фартэ трэбуй и спецыальни пианероря. Мэ идоси сэрав, сар во анда вся оди ԥэндя: «Тумэ тэрнэ, тумэндэ исин время и зор. Используйте лэн важ о Иегова. Тумэн аштярэл бут бути!» Мэ сымас ӷотово, сар о Исая тэ жав кордэ, каринг ман бишалэла о Дэл (Ис. 6:8). Важ када мэ заполнил и заявления пэ спецыально пианерско служэния.

Андо маё, андо 1968 бэрш, ман назначили тэ авав спецыально пианеро андо форо Ка́но, по северо андэ Нигерия. Андэ кодэя время жалас Биафрско война (1967—1970). Англа кода, сар и война тэ ужал по востоко андэ страна, по северо сас фартэ нэспокойно. Сэрав, сар ек ԥрал андэ собрания ԥэнэнас манди, кай мэ тэ на ладав интя. Мэ ԥэндэм: «Наис, кай ту пэрэжываеш пала мандэ. Но если о Иегова камэл, кай мэ тэ служысарав котэ, мэ патяв, кай во пала мандэ позаботияпэ».

ПАТЯВ ЛЭ ИЕГОВАСТИ, КАЛА ЖАЛ И ВОЙНА

Ситуацыя андо Кано ашэля инке май хужэ. И ӷражданско война шушардя кадэва баро форо. Дэкала андэ служэния амэ диқасас, сар пэ вулица пашлён мулэ мануша. Котэ андо Кано сас най ек собрания, бутэ ԥралэнди прижыляпэ тэ унашэн. Андо форо ашэляпэ май мало, чем 15 вазвещятеля. И всаворэ вонэ сас пэрэдарадэ и лэндэ дуқалас оди. Кадэла ԥрала и ԥэя фартэ обрадосайлэ, кала амэ авелям — шов спецыальни пианероря. Амэ поможысардям лэнди упалэ тэ проандярэн и собрании, тэ ԥирэн пэ служэния. Када лэн подритярдя и вонэ упалэ линэ тэ бишалэн о отчёто пала служэния андо филиало и линэ тэ заԥэнэн и литература.

Амэ лям тэ сытювас и катутни шыб — ха́уса. Кала и мануша диқэнас, кай амэ дас дума пэ лэндири шыб, вонэ инке май драго ашунэнас и лащи новость пала Царство. Но кода, со амэ росԥэнасас, на чалеля лэ манушэнди, савэ ԥирэнас андэ катутни қандири. Важ када амэ самас осторожни. Еқвар пала мандэ и пала мэрно напарнико ля тэ нашэл мурш ла шуряса. Но наис лэ Дэвлэсти, амэ нашасас май ӥто и во амэн на доӷонисардя. Хоть сас опасни ситуацыи, амэ самас уверени, кай о Иегова амэн фэрий (Пс. 4:8). Полокорэс, котэ ашэлас май бут лэ Иеговастирэ свидетеля. Адес андо Кано 11 собрании, андэ савэ служын май бут, чем 500 вазвещятеля.

ПРЕСЛЕДОВАНИЯ АНДО НИГЕРО

Андо Кано мэ служысаравас дэсавэ шона. Андо августо 1968 бэрш, ман и аврэн, ко служыяс сар спецыальни пианероря, назначили андо Ниаме́ё, када столица андэ Республика Ни́геро. Йто амэ полям, кай када ек анда само жарко ҭан пэ ԥув. Но и жара сас най ек трудность. Амэнди прижыляпэ тэ сытювас и французко шыб, пэ сави дэнас дума андэ страна. Хоть сас найвушэро, амэ патясас лэ Иеговасти и лям тэ проповедуем андэ столица лэ катутнэ ԥралэнца и ԥэянца, савэн сас набут. Почти кажно мануш андэ Ниамеё, саво сытёлас тэ адиной, получияс и книжка «Истина, ведущая к вечной жизни». И мануша дажэ родэнас амэн, кай тэ получин кадэя книжка!

И власти сыкадэ, кай вонэ най ради амэнди — лэ Иеговастирэ свидетелёнэнди. Андо июлё 1969 бэрш амэ стидямпэ пэ само пэрво раёно канӷрэсо андэ страна. Амэн сас примерно 20 человек. Амэ фартэ аштярасас, кала лэна тэ болдён дуй нэвэ ԥрала. Андо пэрво дес по канӷрэсо авелэ и рая, тердярдэ и проӷрама. Вонэ залинэ андо участко спецыальнонэ пианеронэн, ай кадяжэ лэ ԥралэс, саво служыяс сар раёно барэдэр ԥрал. Амэн допушэнас и приԥэнэнас, кай амэ упалэ тэ авас пэ авэр дес. Амэ поласас, кай и власти моӷут тэ анэн амэнди проблемы, важ када амэ ришыли, кай и речь важ кодэла, ко болдёл, тэ прожал андо цэр. И тоди чоралэс болдям лэн андэ лэн.

Через дэсавэ курте министерство иностранных дел приԥэндя, кай мэ и авэр панч спецыальни пианероря тэ ашавас и страна. Амэнди динэ 48 часов, кай тэ стидаспэ. И ловэ по дром амэ трэбуй самас екжэнэ тэ дас. Амэ канглям и лаглям андо филиало андэ Нигерия, кай получисардям и нэви назначения.

Ман назначили андо гаворо Орисунба́ре андэ Нигерия. Котэ сас найбари група ԥрала и ԥэя. И служэния сас фартэ лащи. Но через пол ӷода о филиало мангля ман тэ рисавав андо Нигеро. Мэ фартэ удивисайлэм и запэрэжывал. Но манди фартэ камэласпэ упалэ тэ диқавпэ котэ лэ ԥралэнца.

Мэ рисайлэм андэ Ниамеё. Пэ авэр дес ек бизнэсмэно анда Нигерия уӷангля, кай мэ лэ Иеговаско свидетелё и ля тэ пушэл мандар пала Библия. Мэ лэм лэса тэ изучаю. Прожыля время и во мэкля тэ цырдэл, парашэля фартэ тэ пэл и болделя. Важ и бэрша, савэ мэ проандярдэм андо Нигеро, мандэ вижыля тэ послужысарав котэ андэ разни ҭана. Сас приятно тэ диқэс, хоть и понабут, но андэ собрания авэнас нэвэ мануша. Кала мэ пэрво разо авелэм, андэ вся и страна сас 31 Свидетеля. Ай кала мэ уладавастар, лэн сас 69.

«АМЭ НА ӶАНАС, САР ЖАЛ ЛЭ ДЭВЛЭСТИРИ ДИЛА АНДЭ ГВИНЕЯ»

Андо декабрё 1977 бэрш мэ рисайлэм андэ Нигерия, кай тэ прожав трин курте спецыально обучения. Посли латэ о кординаторо анда камитето филиало о Ма́лком Ва́йго дя манди тэ проадиносарав письмо анда филиало анда Сье́рра-Лео́не. И ԥрала родэнас кодэлэс, ко моӷ бы тэ служый сар раёно барэдэр ԥрал андэ Гвинея. Лэнди трэбуй сас нэжынато пианеро, савэстэ лашо зор, саво дэл дума пэ английско и пэ француско шыб. О ԥрал Вайго ԥэндя манди, кай ман сытярэнас как раз важ кадэя задания. Во шутя мэрни сама, кай кадэя задания найвушэро. Важ када во ԥэндя: «Драго погиндосар». Но мэ сразу жэ ԥэндэм: «Если о Иегова ман бишалэл, мэ соӷласно».

Мэ авелэм андэ Сьерра-Леоне и диқлэмпэ лэ ԥралэнца анда лэ филиалоско камитето. Ек андар лэндэ ԥэндя манди: «Амэ на ӷанас, сар жал лэ Дэвлэстири дила андэ Гвинея». О филиало андэ Сьерра-Леоне диқэлас пала служэния андэ Гвинея, но важ кода кай сас ԥари ситуацыя андэ страна через и политика, лэстэ на сас связь лэ ԥралэнца анда собрании. И ԥрала ужэ най еқвар камэнас тэ бишалэн интя варикас, но лэндэ на вижалас. Важ када ман манглэ тэ ладав андэ столица Гвинеи, Конакри́, кай тэ лав лил важ и разрешения тэ жував котэ.

Кала мэ авелэм андэ Конакри мэ жылэм андэ нигерийско посольство и диқлэмпэ лэ манушэса, саво терэл котэ бути. Мэ ԥэндэм лэсти, кай камав тэ росԥэнав важ о Дэл андэ Гвинея. Но во ля одӷоваривать ман и ԥэндя, кай ман моӷут тэ бэшарэн или тэ стерэн варисо инке май вэрыто. Во ԥэндя манди: «Рисав андэ Нигерия и росԥэн важ о Дэл котэ». Пэ када мэ лэсти ԥэндэм: «Мэ камав тэ ашавпэ». Во пистросардя письмо лэ манушэсти, саво сас министро андэ Гвинея и мангля тэ поможый манди. О министро драго ман приля.

Ӥто посли кода сар мэ рисайлэм андо филиало андэ Сьерра-Леоне, мэ росԥэндэм лэ ԥралэнди пала ришэния, сави приля о катутно правительство. Кала и ԥрала уӷанглэ, сар о Иегова блаӷословисардя ман, вонэ обрадосайлэ! Манди динэ разрешения, кай тэ жував андэ Гвинея.

Лэ 1978 бэршэстар жы каринг о 1989 бэрш мэ сымас раёно барэдэр ԥрал андэ Гвинея и Сьера-Леоне, ай кадяжэ заместителё раёно барэдэр ԥрал андэ Либерия. Спэрва мэ часто занасвававас. И дэкала када терэласпэ андэ дурутнэ гава. Но и ԥрала терэнас вся, со па лэнго зор, кай тэ доандярэн ман андэ больница.

Сас время, кала мэ фартэ занасвайлэмас. Мандэ сас малерия, тай инке и ӷлисторя. Кала мандар отжыля, мэ уӷанглэм, кай и ԥрала ужэ дэнас дума, кай тэ гаравэн ман. Хоть сас кадя опасно, мандэ андо гиндо на сас тэ ашавав мэрни назначения. Ман подритярэлас о гиндо, кай о Иегова манца и манди най состар тэ дарав, дажэ ла смэртятар. Важ кода кай мэ полавас, кай во сможэт ман тэ рий каринг и жызня.

ПАТЯС ЛЭ ИЕГОВАСТИ ВМЕСТИ ЛА ХУЛАЯСА

Андо 1988 бэрш мэ встретил ԥья, савя акарэнас До́ркас. Вой сас найӷордо и латэ сас састи вера. Кадяжэ вой служыяс сар пианеро. Амэ ласа пожынисайлям и мэ продолжыл пэстири раёно служэния вмести ласа. И Доркас фартэ сас любящё и гиндояс май бут пала авэр. Дэкала, кай тэ авас пэ собрании, амэнди прижаласпэ тэ жас пишком 25 километров. Тай инке андярасас пэстирэ сумки. Ай кай тэ доладас андэ май дурутнэ собрании, амэ самас ӷотови тэ ладас пэ любо, со амэн доандярдоп интя. О дром сас чикало и найровно.

Мэ вся и время удивисававас, сави смилость исин кай и Доркас. Например па амаро дром попэрдёнаспэ лэна, андэ савэ сас бут кракадилоря. Кала амэ самас ужэ панч дес андо дром, амэнди трэбуй сас тэ пэрэжас и лэн через о каштуно мосто, саво сас ԥаго. И важ када амэнди прижыляпэ тэ пэрэплывисарас пэ лодка. Кала и Доркас вижалас анда лодка, вой пэля андо паи. Ни мэ, ни вой на ӷанасас тэ плывисарас. Ай андэ кодэя лэн сас розбут кракадилоря. Пэ амари бах, котэ сас тэрнэ мануша, савэ хуклэ андэ лэн и вицырдэ мэрня хулая по бэрэӷо. Посли када амэнди рятянца снинаспэ страшни сунэ. Но амэ всаек на парашасас тэ служысарас.

Сар залэласпэ о 1992 бэрш, амэн аштярэлас сюрпризо. Амэ уӷанглям, кай амэндэ авэла бэято. Нэужэли амари спецыально служэния закончица? Амэ гиндосарасас кадя: «О Иегова стердя важ амэндэ подарко!» Важ када амэ приақардям амаря бэята Джа́гифт, (со означает «подарко лэ Иеговастар»). Через штар бэрш, кай и Джагифт появисайляпэ ԥралоро, савэс ақарэн Эрико. Кадэла подаркоря лэ Иеговастар на парашэн амэн тэ радуин. И Джагифт дэсави время служыяс андо удалёно перевочиско офисо андэ Конакри, ай о Эрико — помошнико андэ собрания.

Ӷэт май интя мэрня хулаяти прижыляпэ тэ ашавэл пэстри спецыально полновремено служэния. Но вой служыяс сар общё пианеро, пока и бэяцэ сас цынёне. Ай мэ сымас спецпионеро. Кала амарэ бэяцэ вибарелэ, и Доркас упалэ ля тэ служый сар спецыально пианеро. Акана амэ миссионероря андэ Конакри.

О ИЕГОВА НАДЁЖНО ФЭРИЙ

Мэ вся и время жавас кордэ, каринг ман бишалэлас о Иегова. Амэ ла хулаяса бут разоря пэр пэстэ диқлям, кай во амэн фэрий, дэл амэнди зор и подритярэл. Кода, кай амэ патясас лэ Иеговасти, фэрияс амэн бутэ ԥаримастар, саво исин кодэлэндэ, ко попэрэл андэ материально ловушка. Мэ и Доркас пар пэстэ полям, кай па чачимастэ фэрий кати о Иегова — Дэл, саво спасый (1 Лет. 16:35). Мэ патяв, кай о Иегова надёжно и фэрий и жызня кажнонэсти, ко надейпэ пэр лэстэ (1 Сам. 25:29).