ВОПРОСО 2
Сар май бут тэ уӷанэс пала Дэл?
«Мэк и алава анда книӷа важ о законо вся и время авэна андэ тири дума. Адиносар ла полокэс о дес и рят, кай точно тэ терэс вся, со андэр латэ пистромэ. Тоди ту авэса бахтало пэ тиро дром и лэса тэ терэс годявэрнэс»
(Иисус Навин 1:8).
«Вонэ вслух адинонас о законо, саво дя о чачуно Дэл, и росԥэнэнас, сар трэбуй лэс тэ полэн. Кадя вонэ поможынас лэ мирости тэ полэн кода, со адиносардэ»
(Неемия 8:8).
«Бахтало кодэва, ко на терэл кадя, сар потԥэнэн и найлашэ мануша... ай радуийпэ лэ Иеговастирэ законости, и во лэс адиной и гиндой пала лэстэ дес и рят. [...] Вся, со во терэл, лэстэ вижал»
(Псалом 1:1—3).
«О Фили́по потпрастая каринг о вурдон, ашундя, кай во адиной кода, со пистросардя лэ Дэвлэско особо мануш о Иса́я, и пушля: „Ту полэс, со адинос?“ Кодэва мануш ԥэндя лэсти: „Сар жэ мэ полава, если нико манди на росԥэнэна?“ — и мангля лэ Филипос тэ бэшэл лэса андо вурдон»
«Кодэла времятар, сар появисайля и люма, драго дицол, саво кай о Дэл характеро, и амэндэ вижала тэ уӷанас лэс, если амэ шас сама пэ кода, со во стердя. Вся када сыкавэл, пэскати во дэ зорало, и доԥэнэн, кай во сыно Дэл. Кочай, ко на шол сама пэ када, лэн о Дэл на простия»
(Римо 1:20).
«Гиндосар пала када, жув кадэлэса, кай всаворэнди тэ дицол, со ту домарделян андэ лэ Дэвлэстири время»
«Ласа тэ шас сама ек еқэс, кай май фартэ тэ любисарас и тэ терас май бут лащи дила. На ласа тэ парашас тэ стидаспэ вместе, сар дэсавэ присытелэ каринг када, но ласа тэ подритярас ек еқэс. И пристаса инке май бут зор андэ када, кала диқас, кай пашол кадэва дес»
«Если варикасти андар тумэндэ трэбуй тэ ашэл май годявэр, мэк мангэл када лэ Дэвлэстар, саво дэл всаворэнди анда ди и никас пала када на лажаварэл, и кацавэ манушэсти авэла дино»
(Иаково 1:5).