Кала ту сытёсас па Библия лэ Иеговастирэ свидетелёнэнца, ту уӷанглян о чачимос анда Библия. Через кода, со ту уӷанглян, тутэ вижыля тэ авэс лэ Дэвлэско друӷо и ту лян тэ аштярэс тэ жувэс андо раё пэ ԥув, кала правия лэско Царство. Ту лян май фартэ тэ патяс кодэлэсти, со пистромэ андэ Библия. И блаӷодаря кодэлэсти, кай бут проандярэс время лэ манушэнца анда собрания, ту ужэ акана диқэс бут блаӷословении пэр пэстэ. Ту диқэс, сар о Иегова заботийпэ важ пэско народо андэ амарэ деса (Зах. 8:23).

Важ кода кай ту камэс тэ болдёс, и старейшыноря дэна дума туса пала ӷлавни гиндоря анда Библия и када анэна тути бут лашимос (Евр. 6:1—3). Мэк о Иегова блаӷословий тут, кай ту стос бут зор тэ уӷанэс лэс и дэл тути лашимос, пала саво дя алав (Иоан. 17:3).

1. Васо ту камэс тэ болдёс?

2. Ко када о Иегова?

   • «О Иегова, када чачуно Дэл. По нэбо и пэ ԥув нинай авэр Дэвлэс» (Втор. 4:39).

   • «Кай и мануша тэ ӷанэн, кай ту, каско алав Иегова, ту ек Всевышнё па вся ԥув» (Пс. 83:18).

3. Васо ту трэбуй тэ ԥэнэс лэ Дэвлэско алав, Иегова?

   • «Важ када мангэнпэ кадя: „Амаро Дад по нэбо, мэк тиро алав авэл свынто“» (Матф. 6:9).

   • «Кажно, ко ақарэл лэ Иеговас па алавэстэ, спасыяпэ» (Рим. 10:13).

4. Со пала Иегова пистромэ андэ Библия?

   • «Поможый манди о Иегова, Кодэва, ко стердя о нэбо и ԥув» (Пс. 121:2).

   • «Амаро Дад по нэбо» (Матф. 6:9).

   • «О Дэл исин любовь» (1 Иоан. 4:8).

5. Со ту можэш тэ дэс лэ Иеговасти?

   • «Любисар пэстирэ Дэвлэс лэ Иеговас всаворэ одеса, всаворя жызняса, всаворя годяса и всаворэ зорэса» (Мар. 12:30).

   • «Тэлю тирэ Дэвлэсти лэ Иеговасти и служысар кати лэсти» (Луки 4:8).

6. Васо ту камэс вся и время тэ кандэс кати лэ Иеговас?

   • «Ав годявэрно, мэрно шаво, и радосар мэрно ди, кай мандэ тэ авэл, со тэ ԥэнав кодэлэсти, ко найдраго дэл дума пала мандэ» (Прит. 27:11).

7. Касти ту мангэспэ и через кастэ?

   • «Чачимос, чачимос ԥэнав тумэнди, пала со тумэ тэ на манглоп лэ Дадэстар через мэрно алав, во дэла тумэнди» (Иоан. 16:23).

8. Пала со можно тэ мангаспэ?

   • «Важ када мангэнпэ кадя: „Амаро Дад по нэбо, мэк тиро алав авэл свынто. Мэк авэл тиро царство. Мэк тири воля авэла и пэ ԥув, сар по нэбо. Дэ амэнди адес марно, саво трэбуй пэ кадэва дес и простисар амэнди амарэ ӷрехоря, кадя сар и амэ простисардям лэн аврэнди. И на домэк, кай амэ тэ терас кода, со камас, но нащи, ай фэрисар лэ Найлашэстар“» (Матф. 6:9—13).

   • «И акэ андэр со амэ патяс, со бы амэ тэ на мангас лэ Дэвлэстар, во ашунэл амэн, если мангас кода, со сжалпэ лэстиря времяса» (1 Иоан. 5:14).

9. Васо о Иегова на ашунэл, кала дэсавэ мануша мангэнпэ?

   • «Андэ кодэя время во тумэнди на поможыя, важ кода кай тумари дила найлащи» (Мих. 3:4).

   • «Лэ Иеговастирэ яқа диқэн пэ кодэла, савэ жувэн па лэско законо и лэстирэ кан ашунэн, кала вонэ мангэнпэ ясвэнца. Но лэ Иеговаско муй против кодэла, ко терэн найлашимос» (1 Пет. 3:12).

10. Ко када о Иисус Христос?

    • «О Симоно Пётро ԥэндя: „Ту о Христос, Шаво лэ жундэ Дэвлэско“» (Матф. 16:16).

11. Васо о Иисусо авеля пэ ԥув?

    • «Важ кода кай и о Шаво манушыкано авеля най, кай лэсти тэ служын, ай кай тэ служый и тэ отдэл пэстири жызня, кай тэ витинэл бутэн» (Матф. 20:28).

    • «Мэ трэбуй тэ росԥэнав и лащи весть пала лэ Дэвлэско царство и андэ авэр фороря, важ кода кай ман пала када и бишалдэ» (Луки 4:43).

12. Сар ту можэш тэ сыкавэс, кай блаӷодарно лэ Иисусости, кай во отдя пэстири жызня важ и мануша?

    • «И во муля пала всаворэ, кай кодэла, ко жувэн, тэ жувэн най важ пэстэ, ай важ кодэва, ко муля пала лэндэ и рисайля каринг и жызня» (2 Кор. 5:15).

13. Сави власть исин кай о Иисусо?

    • «Ман о Дэл стодя хуласа па вся нэбо и па вся ԥув» (Матф. 28:18).

    • «Важ када о Дэл инке май фартэ вазгля лэс и дя лэсти о алав, саво май ашунгло и май лашо любонэ алавэстар» (Флп. 2:9).

14. Ту патяс, кай о Руководящё совето лэ Иеговастирэ свидетелёнэнго, када «годявэрно и кандино рабо», савэс стодя о Иисусо?

    • «Ко о годявэрно и кандино рабо, савэс о ӷосподино стодя тэ диқэл пала кодэла, ко андэ лэско цэр, кай тэ дэл лэнди о хамос, кала када трэбуй?» (Матф. 24:45).

15. Со када свынто духо?

    • «О анӷело ԥэндя лати пэ латирэ алава: „Пэр тутэ сжала о свынто духо, и о зор лэ Всевышнёнэско сжала пэр тутэ, сар тень. Важ када кодэлэс, кас ту арақавэса, приақарэна свынто, лэ Дэвлэско Шаво“» (Луки 1:35).

    • «Вижал, если тумэ ӷрешни ӷанэн, сар тэ терэн тумарэ бэятонэнди лашэ подаркоря, хэба, о небесно Дад о Иегова на дэла о свынто духо кодэлэнди, ко мангэл лэс!» (Луки 11:13).

16. Со о Иегова терэл лэ свынтонэ духоса?

    • «Лэ Иеговастирэ алавэса стердэ и небесоря, и лэстирэ свынтонэ духоса вся, со андэр лэндэ» (Пс. 33:6).

    • «Но тумэндэ авэла зор, кала пэр тумэндэ сжала о свынто духо, и тумэ авэна мэрнэ свидетеля... жы кай само дурутнэ ҭана пэ ԥув» (Деян. 1:8).

    • «Тумэ ужэ ӷанэн, кай ни ек пророчество андэ Писания на сас ԥэндо па варикаско гиндо, важ кода кай о пророчество никала на лэласпэ лэ манушэстар, но лэ манушэн андярэлас о свынто духо и вонэ дэнас дума лэ Дэвлэстар» (2 Пет. 1:20, 21).

17. Со када лэ Дэвлэско Царство?

    • «И андэ деса, кала правина кодэла царёря, о Дэл, саво по нэбо, стола царство, саво никала на авэла розмардо. Кадэва царство на авэла пэрэдино аврэ народости. Во розмарэла всаворэ кадэла царстворя и стерэла кадя, кай лэн будэр на авэла, ай екжэно авэла тэ тердёл вечно» (Дан. 2:44).

18. Со стерэла важ тутэ лэ Дэвлэско Царство?

    • «Тоди во виқосэла всаворэ ясва па лэндирэ яқа, и смэрть будэр на авэла, нисави бида, ни дук будэр на авэла. Кода, со сас, прожыля» (Отк. 21:4).

19. Катар ту ӷанэс, кай о лашимос, саво анэна лэ Дэвлэско Царство, ужэ пашэ?

    • «Кала во бэшэлас по Маслично плай, и ученикоря поджылэ лэстэ екжэнэ и пушлэ: „Ԥэн амэнди, кала када авэла и со сыкавэла, кай ту паша амэндэ, и кай пашол о часо, кала кадэя время будэр на авэла?“ О Иисусо ԥэндя лэнди: „Диқэн, кай нико тумэн тэ на обдилярэл. Народо жала пэ авэр народо, и царство пэ авэр царство, андэ ек ҭан и андэ авэр ҭана лэла тэ тинойпэ и ԥув и авэла боқалимос. Кадэя лащи весть пала Царство росԥэнэна па вся и ԥув, кай тэ уӷанэн всаворэ народоря, и тоди авэла конец“» (Матф. 24:3, 4, 7, 14).

    • «Но ӷан, кай андэ послидни деса авэла фартэ ԥари время. И мануша любина кати корко пэс, любина и ловэ, лэна тэ патян кати андэр пэстэ, гиндона, кай май лашэ аврэндар, лэна тэ ԥэнэн найлашэ алава по Дэл, на лэна тэ кандэн лэ родителёнэн, авэна найблаӷодарни, на лэна тэ зритярэн пэстирэ алава, на полэна лэ родос, на лэна тэ ладин, лэна тэ андярэн хохавни дума, на лэна тэ ритярэн пэс андэ вас, авэна жэстоки, на любина тэ терэн лашимос, лэна тэ придэн, лэна тэ терэн кати па пэстирятэ, авэна ӷорди, любина тэ терэн кати кода, со лэнди чалёл, но на любина лэ Дэвлэс, притерэнапэ, кай кандэн лэ Дэвлэс, но пэ дила када на дицола» (2 Тим. 3:1—5).

20. Сар ту можэш тэ сыкавэс, кай о Царство фартэ куч тути?

    • «На парашэн тэ родэн спэрва о Царство и лэ Дэвлэско законо» (Матф. 6:33).

    • «О Иисусо ԥэндя пэстирэ учениконэнди: „Сар варико закамэла тэ жал пала мандэ, мэк отԥэндёлапэ пэстар, лэла пэско ԥаримос и вся время жала пала мандэ“» (Матф. 16:24).

21. Ко када о Сатана и бэнга?

    • «Тумаро дад, о Сатана... Во май англал сас кодэва, ко умардя» (Иоан. 8:44).

    • «О баро драконо, о пурано сап, пэ саво ԥэнэн Сатана и Найвужо, саво обхохавэл всаворэ́н, ко жувэл пэ ԥув, сас сшуто пэ ԥув, и лэса слинэ сшутэ лэстирэ анӷелоря» (Отк. 12:9).

22. Андэр со дошалярдя о Сатана лэ Иеговас и всаворэн лэстирэ служытелёнэн?

    • «Пэ када и жувли ԥэндя лэ сапэсти: „И плодоря па витки андо садо амэнди можно тэ хас. Но пала плодоря па витка, сави машкар садо, о Дэл ԥэндя: ,На хан пар латэ, на лэнпэ каринг латэ, кай тумэ тэ на мэрэн‘. Тоди о сап ԥэндя ла жувляти: ,Най, тумэ на мэрэна. Ай инке о Дэл ӷанэн, кай андэ кодэва дес, кала тумэ хана пар латэ, тумарэ яқа ԥэрнадёнапэ и тумэ ашэна сар о Дэл, и лэна тэ ӷанэн, со лашимос, ай со найлашимос‘“» (Быт. 3:2—5).

    • «О Сатана жэ ԥэндя лэ Иеговасти пэ лэстирэ алава: „Мурцы пала мурцы! Важ пэстири жызня о мануш отдэла вся, со лэстэ исин“» (Иов 2:4).

23. Сар ту можэш вся и время тэ доԥэнэс, кай кода, андэр со дошалярэл о Сатана, када хохаимос?

    • «Служысар лэсти [лэ Дэвлэсти] всаворэ тирэ одеса» (1 Лет. 28:9).

    • «Пока мэ на мэрава, ашавапэ вужо англа Дэл!» (Иов 27:5).

24. Васо и мануша мэрэн?

    • «Важ кода кай через о ек мануш о бэзэх авеля андо миро, ай через о бэзэх авеля и смэрть, и кадя и смэрть пэрэжыля пэ всаворэ мануша, важ кода кай всаворэ стердэ бэзэх» (Рим. 5:12).

25. Со терэлпэ мануша, кала во мэрэл?

    • «И жундэ ӷанэн, кай вонэ мэрэна. Ай кодэла, ко муля, нисо на ӷанэн» (Эккл. 9:5).

26. Лэна упалэ тэ жувэн кодэла, ко муля?

    • «Ринапэ каринг и жызня кодэла, ко муля, праведни и нэправедни» (Деян. 24:15).

27. Скати мануша жундёна, кай тэ жувэн по нэбо и тэ правин лэ Иисусоса?

    • «По плай Сионо тердёл о Бакроро и лэса сто сорок четыре тысячи, савэндэ по чикат пистромэ лэско алав и о алав лэстирэ Дадэско» (Отк. 14:1).

Кала ту сытёсас па Библия, ту уӷанглян, со о Иегова аштярэл тутар, и со тэ терэс, кай тэ жувэс па лэстирэ законоря. Ту ужэ бут со уӷанглян и важ када паруделян. Акана ту камэс вся и жызня тэ жувэс па лэ Дэвлэско законо и тэ авэс лэско служытелё.

Кода, со пистромэ май тэлэ, поможыя тути тэ на бистрэс лэ Иеговастирэ законоря и тэ сгиндос пала кода, со ту можэш тэ терэс, кай тэ ашэс лэско служытелё. Через кода, со катэ пистромэ, ту инке май драго полэса, кай тутэ трэбуй всегда тэ авэл вужи совесть, ай кадяжэ инке еқвар диқэса, пэ скати дэ важно, кай тэ прославляеш лэ Иеговас (2 Кор. 1:12; 1 Тим. 1:19; 1 Пет. 3:16, 21).

Канешно, ту анда вся оди кандэс лэ Иеговас и камэс тэ авэс андэ лэстири арӷанизацыя. Вопросоря и библейски стихоря, савэ пистромэ тэлэ, поможына тути тэ уӷанэс, драго ту полэс чи най, сар када тэ жувэс па порядко, саво о Иегова стодя андэ собрания, андо ери, ай кадяжэ, сар тэ андярэс пэс лэ барэ манушэнца, савэ акана правин. Тутэ авэла инке май бари блаӷодарность лэ Иеговасти пала кода, сар во сытярэл и дэл зор пэстирэ народости. Кадяжэ авэла блаӷодарность важ и собрании, пэ савэ тути чалёл тэ ԥирэс, пэ савэ дэс каминтарии, лэс задании и терэс авэр дила.

Инке андэ кадэя часть пистромэ, кай важно всегда тэ росԥэнэс важ о Царство, кай тэ поможыс лэ манушэнди тэ уӷанэн, ко када о Иегова и со во терэл важ и мануша (Матф. 24:14; 28:19, 20). Ту инке май драго полэса, пэ скати важно тэ дэс алав лэ Иеговасти, кай жувэса важ лэстэ и тэ болдёс. Патя, кай ту фартэ куч лэ Иеговасти, кай ту камэс лэсти тэ служыс, важ кода кай диқэс, сар дэ фартэ во тут любий.

1. Саво исин законо важ о брако? Кати кала о ром чи и ромни моӷут тэ розвэдинпэ?

   • «Во ԥэндя: „Хэба тумэ на адинонас, кай Кодэва, ко лэн создал, спэрва создал лэ муршэс и ла жувля и ԥэндя: ,Важ када о мурш ашавэла пэстирэ дадэс и пэстиря да и прилипияпэ каринг пэстири хулаи и вонэ ашэна, сар ек тила‘? Важ када лэн ужэ най дуй, ай вонэ ек тила. Вижал, кода, со о Дэл стидя, кай тэ авэл ек, о мануш нащи тэ роздилий. ...Ко розвэдийпэ пэстиря хулаяса най важ кода, кай вой стердя билажавардо бэзэх и жэнийпэ пэ авэр, кодэва терэл билажавардо бэзэх“» (Матф. 19:4—6, 9).

2. Васо о ром и ромни трэбуй тэ терэн реӷистрацыя? Если ту жэнато или миростэ исин тутэ реӷистрацыя?

   • «Най еқвар ԥэн лэнди тэ ашунэн и тэ кандэн и правительства и власти» (Титу 3:1).

   • «Тэ авэл тумэнди куч тумаро брако и мэк нисаво билажавардимос на авэла пэ тумаро ҭан, важ кода кай о Дэл лэла тэ сындой кодэлэн, ко терэл билажавардимос, жэнати вонэ чи най» (Евр. 13:4).

3. Со трэбуй тэ терэл о хулай и хулаи, и бэяцэ андо ери?

   • «Ашун, мэрно шаво, сости сытярэл тут тиро дад и прилэ кода, сости сытярэл тут тири дэй» (Прит. 1:8).

   • «О мурш хулай ла жувляти, сар и о Христос хулай ла собранияти... Хула́я, на парашэн тэ любин пэстирэ хулаян, сар и о Христос полюбисардя и собрания» (Эф. 5:23, 25).

   • «Дада, на холярэн пэстирэ бэятонэн, но сар барярэн лэн, сытярэн и дэн лэнди годи кадя, сар ԥэнэн о Иегова» (Эф. 6:4).

   • «Бэяцэ, кандэн пэстирэ родителёнэн андэ вся, важ кода кай када чалёл лэ Дэвлэсти» (Кол. 3:20).

   • «Жувля, кандэн пэстирэ хулан» (1 Пет. 3:1).

4. Васо амэ трэбуй пэ жызня тэ диқас лэ Иеговастирэ яқэнца?

   • «[О Дэл] дэл всаворэнди и жызня, дэл, кай тэ ԥурдэн, и вся со трэбуй. Через лэстэ амэ жувас, ԥирас и ԥурдас» (Деян. 17:25, 28).

5. Васо нащи тэ умарэн лэ бэятос, саво инке на арақаделяпэ?

   • «Если и мурша марэнпэ и дэндап ла жувля, сави аштярэл бэятос и... ...если варико мэрэла, тоди трэбуй тэ отдэн и жызня важ и жызня» (Исх. 21:22, 23).

   • «Тирэ яқа диқэнас, кала мэрни жызня кати ашэля андо ӥло кай мэрни дэй и андэ тири книжка сас запистромэ, со трэбуй, кай тэ авэл о мануш и дажэ и деса, андэ савэ во трэбуй тэ появийпэ андо ӥло, хотя во инке и на сас» (Пс. 139:16).

   • «Вэрыцый о Иегова... кала о мануш терэл, кай тэ жал о рат кодэлэндар, ко найдошало» (Прит. 6:16, 17).

6. Саво законо о Иегова дя важ о рат?

   • «Тэ ритярдён май дур... лэ ратэстар и тэ на хан о мас лэ жывотнонэско, саво тасаделя» (Деян. 15:29).

7. Васо амэ трэбуй тэ любисарас лэ ԥралэн и лэ ԥэян анда собрания?

   • «Мэ дав тумэнди нэво законо, любин ек еқэс. Сар мэ любисарав тумэн, кадя и тумэ любин ек еқэс. И кала машкар тумэндэ исин любовь, всаворэ ӷатярэна, кай тумэ мэрнэ ученикоря» (Иоан. 13:34, 35).

8. Нащи, кай тутар тэ розжалпэ о ԥаро насвалимос или о насвалимос, савэстар моӷут авэр мануша тэ мэрэн. а) Васо, кала о мануш кадэлэса насвало, на трэбуй никас тэ облэл и тэ чуминдэл? б) Васо кацаво мануш на трэбуй тэ холявэл, кала лэс на ақарэн пэстэ цэрэ? в) Васо манушэсти, савэсти моӷ тэ пэрэжал кацаво насвалимос, трэбуй спэрва тэ здэл о рат, ай кати тоди варикаса тэ встречаеца? г) Васо манушэсти, кастэ кацаво насвалимос, англа кода, кай тэ болдёл, трэбуй пала пэско насвалимос тэ росԥэнэн координатору совета старейшын?

   • «Никасти нисо на авэн вужылэ, кроме, кай тэ любин ек еқэс... Важ кода кай всаворэ вонэ жан каринг ек „Любисар манушэн, сар корко пэс“. И любовь на терэл лэ манушэсти вэрыто» (Рим. 13:8—10).

   • «Терэн драго най кати важ пэстэ, ай и важ авэр» (Флп. 2:4).

9. Васо о Иегова камэл, кай амэ тэ простисарас ек еқэс?

   • «На холявэн ек пэ ек и анда вся оди простин ек еқэс, если варикастэ исин васо тэ холявэл пэ авэр. Сар о Иегова анда вся оди простисардя тумэн, кадяжэ простин и тумэ» (Кол. 3:13).

10. Со тэ терэс, кала тиро ԥрал хохадя пэр тутэ или кала тутэ проблемы кодэлэстар, кай во дилярдя тут?

    • «Если тиро ԥрал стерэла ӷрехо против тутэ, тоди жа и подэ дума лэса екжэнэса, со во стердя най кадя. Если во тут кандэла, тоди тиро ԥрал рияпэ каринг кода, со правильно. Ай если во на ашунэла, тоди лэ пэса инке еқэс или дуен манушэн, кай вся со сас ԥэндо тэ подтвердин дуй или трин мануша. Мэк во авэла важ тутэ, сар о мануш анда авэр народо и сар кодэва, ко стидэл и налоӷоря» (Матф. 18:15—17).

11. Сар о Иегова диқэл...

    • ▪ по билажавардимос?

    • ▪ кала полэн масхаря?

    • ▪ кала о мурш терэл билажавардимос аврэ муршэса?

    • ▪ пэ кода, кала чорэн?

    • ▪ кала цэлэн андэ азартни иӷры?

    • ▪ пэ кода, кала матён?

    • «Хэба тумэ на ӷанэн, кай и найлашэ мануша на попэрэна андэ лэ Дэвлэско Царство? На хохавэн екжэнэ пэс. Ни кодэва, ко андярэл роспутно жызня, ни кодэва, ко тэлёл хохавнэ дэвлэнди, ни кодэва, ко измений пэстиря хулаяти, ни кодэя, ко измений пэстирэ хуласти, ни мурш, саво терэл билажавардимос аврэ муршэса, ни кодэва, ко чорэл, ни жадно, ни матимари, ни кодэва, ко вэрыто дэл дума пэ авэр, ни кодэва, ко дилярэл пэ ловэ, на попэрэла андэ лэ Дэвлэско Царство» (1 Кор. 6:9, 10).

12. Сар ту диқэс по билажавардимос, ай кадяжэ пэ кода, кала о билажавардимос терэн най андо брако?

    • «Нашэнтар лэ билажавардимастар» (1 Кор. 6:18).

13. Васо амэ на трэбуй тэ прилас нисавэ драба, савэндар можэт тэ авэл зависимость или савэ действуют пэ сознания, если кати када на ԥэндя о врачо?

    • «Ԥрала, фартэ мангав тумэн, через кода кай о Дэл полэл и жалуий, отдэн пэстири тила, кай тэ служын лэсти. Отдэн, сар и жертва, сави важ о Дэл и чалёл лэсти, сави, сар жунди и отдэн ла годяса. Ԥрала, важ кода кай лэ Дэвлэстэ лашо ди, мэ мангав тумэн, отдэн пэстири тила и жызня лэ Дэвлэсти, кабута тумэ анэн свынто жэртва, сави прилэла о Дэл. Кадя тумэ терэн свынто служэния лэ Дэвлэсти всаворя́ годяса. Парашэн тэ гиндон и тэ терэн, сар и мануша андэ кадэя люма. Парудёнпэ и гиндон па аврятэ, кай тумэ драго тэ полэн лэ Дэвлэстири воля, сави чалёл, лащи, и совершэно» (Рим. 12:1, 2).

14. О мануш терэл бэзэх, если залэлпэ бэнгалимаса. Со ужал андо бэнгалимос?

    • «Нико тутэ на трэбуй тэ проандярэл лэ шавэс чи ла щя через и яг, на трэбуй тэ драбатярэл, тэ залэлпэ кадэла диласа, тэ видиқэл и приметы, тэ калдуий, тэ подтерэл аврэнди, тэ виақарэл лэ найвужэн, тэ ԥэнэн, со авэла англэ и тэ пушэл варисо лэ мулэндар» (Втор. 18:10, 11).

15. Со ӥто трэбуй тэ стерэл кодэва, ко тердя бэзэх, но камэл, кай о Иегова лэс тэ простий?

    • «Мэ росԥэндэм тути пала пэско бэзэх, и на гарадэм кода, со стердэм. Мэ ԥэндэм: „Росԥэнава лэ Иеговасти пала всаворэ мэрнэ ӷрехоря“» (Пс. 32:5).

    • «Варико насвало андар тумэндэ? Мэк ақарэл лэ старейшынонэн анда собрания и мэк вонэ мангэнпэ лэса и мақэн лэс вулееса, лэ Иеговастирэ алавэса. И кала мангэнпэ с верой, када виличия лэ насвалэс и о Иегова лэс ваздэла, и если во тердя ӷрехоря, простинапэ лэсти» (Иак. 5:14, 15).

16. Со трэбуй тэ стерэс, если ту уӷанглян, кай авэр христианино тердя баро бэзэх?

    • «Если варико ашундя, кай трэбуй тэ росԥэнэн кода, со сас, но на росԥэндя, со диқля или уӷангля, лэстар трэбуй тэ спушэн пала лэско бэзэх» (Лев. 5:1).

17. Сар трэбуй тэ андярэс пэс манушэса, пала саво пэ собрания сас ԥэндо, кай во будэр най лэ Иеговаско свидетелё?

    • «Но акана мэ пистросарав тумэнди, кай тумэ будэр тэ на дэн дума ни каса, ко ԥэнэн, кай во ԥрал, но ашэлпэ роспутно, или жадно, или тэлёл лэ хохавнэ дэвлэнди, или дэл дума важ авэр вэрыто, или матимари, или одлэл аврэндар, и дажэ тэ на хан кацавэ манушэса» (1 Кор. 5:11).

    • «На прилэн лэс андэ пэско цэр и на ԥэнэн лэсти доров, важ кода, кай кодэва, ко ԥэнэн лэсти доров, ашэл дошало андэ лэстири найлащи дила» (2 Иоан. 10).

18. Васо трэбуй тэ витидэс пэсти друӷонэн, савэ любин лэ Иеговас?

    • «Ко ԥирэл кодэлэнца, ко мудро, ашэла мудро, ай ко сԥандёлпэ найгодявэрнэнца, попэрэла андэ бида» (Прит. 13:20).

    • «На хохавэн корко пэс. И найлащи общения римой о лашимос, савэсти сытелэ» (1 Кор. 15:33).

19. Васо лэ Иеговастирэ свидетеля на залэн никастири риг андэ политика?

    • «Вонэ най кадэлэ миростар, сар и мэ най кадэлэ миростар» (Иоан. 17:16).

20. Васо трэбуй тэ кандэс и власти андэ страна?

    • «Мэк кажно мануш кандэл кодэлэн, кастэ исин власть, важ кода кай вся власть лэ Дэвлэстар. И барэ мануша, савэ исин адес, правин важ кода, кай кадя домэкля о Дэл» (Рим. 13:1).

21. Со ту стерэса, если о законо, андэ страна, кай ту жувэс, на сжалпэ лэ Дэвлэстирэ законоса?

    • «Амэ трэбуй тэ кандас лэ Дэвлэс, сар правителёс, ай най лэ манушэн» (Деян. 5:29).

22. Савэ стихоря анда Библия поможына тути тэ витидэс, пэ сави бути тэ терэс, кай тэ на стерэс бэзэх?

    • «И народоря на жана мечоса ек пэ ек и будэр на авэна тэ сытён тэ марэнпэ» (Мих. 4:3).

    • «Потом мэ ашундэм, сар авэр ӷолосо па нэбо ԥэндя: „Вижа андар латэ, мэрно народо, если ту на камэс тэ авэс андэ латирэ ӷрехоря и если ту на камэс лати бида тэ пэрэл пэр тутэ“» (Отк. 18:4).

23. Савэ развличении ту витидэса, ай савэ най?

    • «Во вэрыцый кодэлэн, ко любий и жэстокость» (Пс. 11:5).

    • «Мэк о найлашимос ашэл гряца тумэнди, ритярдёнпэ лэ лашимасти» (Рим. 12:9).

    • «Пала вся, со чачимос, со ашэл, кай тэ шон сама пэ када, со чачимос и лашимос, со вужо, со затерэл, кай тэ любин, пала со драго дэн дума, со лашо и со хвалин, пала када гиндон вся и время» (Флп. 4:8).

24. Васо лэ Иеговастирэ свидетеля на тэлён лэ Дэвлэсти вмести аврэ манушэнца, савэ полэн аврэ дэвлэс?

    • «На вижал тэ хан „лэ Иеговастирэ скаминдэстар“ и лэ скаминдэстар кай и найвужэ» (1 Кор. 10:21).

    • «„Важ када вижан лэндар и сыкавэн, кай тумэ най лэнца, ԥэнэн о Иегова, и будэр на лэнпэ каринг о найвужимос“, „и мэ прилава тумэн“» (2 Кор. 6:17).

25. Савэ принцыпоря поможына тути тэ витидэс, саво празнико ту лэса тэ стос, ай саво най, и пэ саво жаса кай о миро, ай пэ саво най?

    • «Но линэ тэ терэн сар авэр народоря, линэ тэ сытён лэндар. Вонэ тэлёнас лэндирэ хохавнэ дэвлэнди, и кодэла ашэлэ важ лэндэ, сар ловушка» (Пс. 106:35, 36).

    • «Кодэла, ко муля, нисо на ӷанэн» (Эккл. 9:5).

    • «Вонэ най кадэлэ миростар, сар и мэ най кадэлэ миростар» (Иоан. 17:16).

    • «На терэн будэр, сар тумэ терэнас варикала, сар о миро, саво на полэл лэ Дэвлэс, кала андярэнас пэс билажавардэс, камэнас кода, каринг со цырдэл о бэзэх, тидэнаспэ, кай тэ пэн, ай тоди терэнас варисо абисо, матёнас, ай кадяжэ тэлёнас хохавнэ дэвлэнди, савэндар гряца» (1 Пет. 4:3).

26. Савэ примероря анда Библия поможына тути тэ витидэс, лэса ту тэ терэс или тэ жас варикастэ пэ день рождения чи най?

    • «По трито дес сас кай о фараоно день рождения. И во стодя бари мисяйля важ и всаворэ пэстирэ слуӷоря. Кала вонэ всаворэ бэшэнас, во ԥэндя, кай тэ анэн лэстэ анда баруно барэдэрэс пэ виночерпия и лэ барэдэрэс пэ кодэла, ко гитон о марно. Лэ барэдэрэс пэ виночерпия во рисардя тэ терэл упалэ пэстири бути... Ай лэ барэдэрэс пэ кодэла, ко гитон о марно, амбладя» (Быт. 40:20—22).

    • «Кала бэшэнас кай о Иродо пэ день рождения, ла Иродиадатири щей цэлэлас англа всаворэ, и лэ Иродости кадя фартэ чалёля, кай во солахадя, кай дэла лати вся, со бы вой тэ на манглоп. Тоди вой, сар и сытярдя ла лати дэй, ԥэндя: „Дэ манди по чаро о шэро лэ Иоанности Крестителёсти“. [О Иродо] и бишалдя лэ манушэн тэ отшынэн о шэро лэ Иоанности андо баруно» (Матф. 14:6—8, 10).

27. Васо ту анда оди кандэс лэ старейшынонэн?

    • «Кандэн кодэлэн, ко тумэндэ сытярэл, и кандэн дажэ, кала на камэн. Важ кода кай вонэ вся и время диқэн и фэрин тумэн сар кодэла, ко трэбуй тэ дэл отчото. Кай вонэ тэ терэн када лошаса, ай най кай тэ авэл лэнди ԥарэс, важ кода кай тумэнди када стердоп вэрыто» (Евр. 13:17).

28. Васо ту и тиро ери гиндон, кай трэбуй тэ на промэкэн тэ адинон и Библия и тэ сытён па Библия?

    • «[О мануш] радуийпэ лэ Иеговастирэ законости и полокэс адиной лэско законо о дес и рят. Во авэла, сар витка, сави барёл паша паи, сави анэн пэско плодо андэ пэсти время, и латирэ листоря на зашутён. Вся, со во терэл, лэстэ вижал» (Пс. 1:2, 3).

29. Васо тути чалёл тэ ԥирэс пэ собрании, тэ дэс каминтарии и тэ лэс задании?

    • «Мэ лава тэ росԥэнав пала тутэ мэрнэ ԥралэнди, андэ собрания лава тэ хвалисарав тут» (Пс. 22:22).

    • «Ай инке ласа тэ шас сама ек еқэс, кай через када авэр тэ закамэн тэ любин и тэ терэн лашимос. И тэ на промэкас и собрании, сар дэко ужэ присытеля каринг када, ай тэ подритярас ек еқэс. И тэ терас када инке май бут, важ кода кай диқас, кай пашол кодэва дес» (Евр. 10:24, 25).

30. Сави важно дила амэнди дя тэ терас о Иисус Христос?

    • «Жан кай всаворэ народоря, сытярэн лэ манушэн, кай вонэ тэ авэн ученикоря. Болэн лэн... И сытярэн лэн тэ терэн вся, со мэ тумэнди приԥэндэм» (Матф. 28:19, 20).

31. Со радуий лэ Иеговас, кала амэ терас пожэртвовании важ лэсти дила и кала поможысарас амарэ ԥралэнди?

    • «Дэ лэ Иеговасти кода, со тутэ исин и важ тутэ куч» (Прит. 3:9).

    • «Мэк кажно терэл кадя, сар камэл андэ пэско ди. Най кай трэбуй тэ дэл и най важ кода кай варико тасавэл. Ай важ кода кай о Дэл любий кодэлэс, ко лошало тэ дэл анда вся оди» (2 Кор. 9:7).

32. Саво ԥаримос можэт тэ авэл кай и христианоря?

    • «Бахталэ кодэла, кас ӷонин важ и праведность, важ кода кай о небесно Царство тумаро. Бахталэ тумэ, кала через мандэ пэр тумэндэ ԥэнэн найлашэ алава, ӷонин и хохаимаса андярэн пэр тумэндэ вся о найлашимос. Радуинпэ и лошавэн, важ кода кай тумэн аштярэл бари наӷрада по нэбо! Кадя жэ ӷонинас и лэ пророконэн, савэ сас май англал тумэндар» (Матф. 5:10—12).

33. Васо тэ болдёс и тэ авэс лэ Иеговаско свидетелё, када бари бах?

    • «Тирэ алавэстар мэрно ди лошавэл и фартэ радуийпэ, важ кода кай, о Иегова, ман приақардэ тирэ алавэса» (Иер. 15:16).