Ӷанэс ли ту варикас анда лэ Иеговастирэ свидетеля? Можэт, када кодэла, ко жувэн паша тутэ, каса ту терэс бути или каса ту ԥирэс андэ школа. Или када кодэла, каса ту сытёс па Библия. Ко када лэ Иеговастирэ свидетеля? Васо вонэ дэн дума аврэнца пала пэстири вера?

Амэ обычни мануша. Лэ Иеговастирэ свидетеля, када мануша анда разни нацыи и анда разни еря. Дэко андар мэндэ ужылэтар анда авэр веры, ай варико дажэ никала на патялас андо Дэл. Но англа кода, сар тэ ашас лэ Иеговастирэ свидетеля, амэ всаворэ драго уӷанглям, сости сытярэл и Библия (Деяния 17:11). Амэ патяям андэ кода, со уӷанглям, и екжэнэ витидям тэ жувас важ о Дэл Иегова.

Амэ цэнисарас кода, со уӷанас анда Библия. Сар кай и всаворэ мануша, амэндэ кадяжэ исин ԥаримос и амэ можэм тэ терас варисо най кадя. Но кала амэ лям тэ жувас кадя, сар пистромэ андэ Библия, амари жызня ашэля май фэдэр и амэ ашэлям май бахталэ (Псалом 128:1, 2). Важ када амэ камас тэ росԥэнас аврэнди пала кода, со уӷанглям анда Библия.

Амэ жувас па лэ Дэвлэско законо. Кадэва законо запистромэ андэ Библия. Во поможый амэнди драго тэ жувас, сытярэл тэ стас патив пэ авэр, ай кадяжэ тэ терас лашимос и тэ на хохавас. Во поможый амэнди тэ авас май лашэ, дэл помощь, кай о ери тэ авэл бахтало и тэ авас вужэ англа Дэл. О Дэл на шол сама, сави кай о мануш нацыя, важ када лэ Иеговастирэ свидетеля, сар ек ери, саво жувэл па вся и ԥув и кандэл лэс. Амэ кацавэ жэ мануша, сар и всаворэ, но кацаво народо сар амэ, будэр нинай (Деяния 4:13; 10:34, 35).

• Васо можно тэ ԥэнас, кай лэ Иеговастирэ свидетеля, када обычни мануша?

• Сар через и Библия паруделя и жызня кай лэ Иеговастирэ свидетеля?

Бут мануша гиндон, кай лэ Иеговастирэ свидетеля, када варисави нэви вера. Но инке май бут чем 2 700 бэрш палпалэ, и мануша, савэ тэлёнас еқэ чачунэ Дэвлэсти, ԥэнэнас, кай вонэ лэстирэ «свидетеля» (Исаия 43:10—12). Жы кай 1931 бэрш пар мэндэ ԥэнэнас ла Библиятирэ исследователя. Васо амэ лям тэ ԥэнас пэр пэстэ лэ Иеговастирэ свидетеля?

Када драго сыкавэл, ко амаро Дэл. Па пуранэ тексторя, лэ Дэвлэско алав, Иегова, запистромэ андэ Библия варикай 7 000 раз. Андэ бут переводоря кадэва алав парудэ и стодэ Ӷосподо и Дэл. Но о чачуно Дэл ԥэндя лэ Моисеёсти, кай лэс ақарэн Иегова. Во ворта ԥэндя: «Када мэрно алав пэ вечность» (Исход 3:15). Када сыкадя, кай во най сар всаворэ хохавнэ дэвла. И важ амэндэ бари честь, кай пар мэндэ ԥэнэн кадя, сар ақарэн лэ свынтонэ Дэвлэс.

Када сыкавэл, соса амэ заласпэ. Кодэла времятар, кала жувэлас о Авелё, фартэ бут лэ Дэвлэстирэ служытеля сыкавэнас, кай вонэ патян лэ Иеговасти. Андэ разни викоря о Ноё, о Авраамо, и Сарра, о Моисеё, о Давидо и авэр мурша и жувля, савэ кандэнас лэ Дэвлэс, слинэ «машкар фартэ бут свидетеля» (Евреям 11:4—12:1). Сар о свидетелё по сындо дэл дума важ о мануш, саво найдошало, кадя и амэ на дарас тэ росԥэнас о чачимос пала амаро Дэл.

Амэ терас кадя, сар о Иисусо. Андэ Библия ԥэнэнпэ, кай во «надёжно и чачуно свидетелё» (Откровение 3:14). Во росԥэндя лэ манушэнди пала лэ Дэвлэско алав и авеля тэ росԥэнэн о чачимос важ пэско Дад (Иоанна 17:26; 18:37). Важ када лэ Христостирэ ученикоря трэбуй тэ ԥэнэн пэр пэстэ кадя, сар ақарэн лэ Дэвлэс, и тэ росԥэнэн пала кадэва алав аврэнди. Кадя и терэн лэ Иеговастирэ свидетеля.

• Васо ла Библиятирэ исследователя линэ тэ ԥэнэн пэр пэстэ лэ Иеговастирэ свидетеля?

• Кала кай о Иегова ашэлэ и свидетеля пэ ԥув?

• Пэр кастэ можно тэ ԥэнэс, кай во со май ашунгло лэ Иеговаско свидетелё?

Андэ Библия ԥэнэнаспэ, кай посли лэ Христостири смэрть машкар пэрви христианоря авэна хохавнэ пророкоря, савэ пэрэбандярэна о чачимос анда Библия (Деяния 20:29, 30). Кадя и вижыля. Кадэла мануша стидэ андэ ек, кода, сости сытярэлас о Иисусо, и кода, сости сытярэнас и хохавнэ религии. Кадя жылэ и хохавнэ христианоря (2 Тимофею 4:3, 4). Сар жэ тэ уӷанас, кай амэ правильно полас, сости па чачимастэ сытярэл и Библия?

Поджыля и время, кай о Иегова тэ росԥэнэн о чачимос. О Дэл ԥэндя, кай андэ послидни деса бут мануша май драго уӷанэна о чачимос (Даниил 12:4). Андо 1870 бэрш набут мануша, савэ родэнас о чачимос, полинэ, кай андэ қандири на сытярэн па Библия. Важ када вонэ линэ драго тэ уӷанэн и Библия, кай тэ полэн, сости вой сытярэл, ай сости най. О Иегова лэн блаӷословисардя и дя лэнди тэ полэн о чачимос анда Библия.

И мануша, савэндэ лашо ди, драго сытёнас па Библия. Кадэла мануша сытёнас па Библия кадяжэ, сар амэ сытювас идоси. Вонэ роздиқэнас и Библия па темы. Кала лэнди сас варисо ԥарэс тэ полэн, вонэ родэнас авэр библейски стихоря, савэ поможысардоп май драго када тэ полэн. Кала вонэ полэнас, кай када сжалпэ кодэлэса, со ԥэнэнпэ андэ вся Библия, вонэ када запистронас. Кадя вонэ домэкэнас, кай и Библия екжэни тэ росԥэнэн, со андэр латэ запистромэ. Тоди вонэ полинэ о чачимос пала кода, сар ақарэн лэ Дэвлэс, пала Царство, со камэл о Дэл важ и мануша и важ и ԥув, со терэлпэ кодэлэнца, ко муля и кай о Дэл рия лэ мулэн каринг и жызня. Через када вонэ парашэлэ тэ патян андэ кода, сости сытярэнас и хохавнэ веры и парашэлэ тэ андярэн пэс найдраго (Иоанна 8:31, 32).

Андо 1879 бэрш ла Библиятирэ исследователя полинэ, кай поджыля и время тэ уӷанэн о чачимос всаворэ манушэнди. Вонэ линэ тэ вимэкэн журнало, саво вижал и акана. Када о журнало «Сторожэво башня». Адес амэ росԥэнас лэ манушэнди о чачимос анда Библия андэ 240 страны и май бут чем пэ 900 шыба. Инке никала и мануша кадя дэ бут на уӷанэнас о чачимос!

• Со тердяпэ посли лэ Христостири смэрть?

• Сар упалэ линэ тэ уӷанэн о чачимос анда лэ Дэвлэско Алав?

Бут бэрша лэ Иеговастирэ свидетеля адинонас, вимэкэнас и роздэнас разни библейски переводоря. Но прожыля время и амэ полям, кай трэбуй нэво переводо, саво поможыя лэ манушэнди «май драго тэ уӷанэн о чачимос». Именно када и камэл о Дэл (1 Тимофею 2:3, 4). Кадя ужэ андо 1950 бэрш пэ английско шыб вижыля пэрво часть «Нэвэ мироско переводо», саво май вушэро тэ полэн. Адес кадэва переводо, саво точно и саво вушэро тэ полас, исин май бут чем пэ 170 шыба.

Трэбуй Библия, сави май вушэро тэ полас. Прожал время и всаворэ шыба парудён. Важ када и переводоря, андэ савэ исин пуранэ алава, савэ ԥарэс тэ полас, трэбуй тэ парувэн. Кадяжэ виарақлэ пуранэ тексторя, савэ фартэ пашэ каринг о оригинало. Када поможысардя инке май драго тэ полас дэсавэ части анда Библия, савэ пистросардэ пэ древнееврейско, пэ арамейско и пэ древнеӷреческо шыб.

Трэбуй переводо, саво точно пэрэдэл лэ Дэвлэстирэ алава. И переводчикоря нащи тэ парувэн варисо андэ Библия. Вонэ трэбуй тэ пэрэандярэн кадя, сар сас запистромэ спэрва. Но анда бут переводоря улинэ лэ Дэвлэско алав, Иегова.

Трэбуй Библия, сави прославляет кодэлэс, кастар вой (2 Самуила 23:2). Андэ «Нэвэ мироско переводо» лэ Дэвлэско алав тердёл котэ, кай сас запистромэ спэрва, ай када варикай 7 000 раз (Псалом 83:18). Ек кацаво тексто дицол тэлэ пэ картинка. И акэ, важ кода кай и мануша най ек бэрш драго уӷанэнас и Библия, вимэклэ переводо, саво вушэро тэ полас и саво точно пэрэдэл лэ Дэвлэстирэ гиндоря. Тэ адинос кацави Библия райканэс! Исин пэ тири шыб «Нэвэ мироско переводо» чи нинай, амэ камас, кай ту тэ адинос и Библия кажно дес (Иисус Навин 1:8; Псалом 1:2, 3).

• Васо лэ Иеговастирэ свидетеля закамлэ тэ стерэн нэво библейско переводо?

• Сави привычка трэбуй тэ авэл всаворэндэ, ко камэл тэ уӷанэн лэ Дэвлэс?