Ӷотово мэ?
Ӷотово мэ тэ росԥэнав важ о Дэл ла собранияса?
Ту можэш тэ ашэс некрещённо вазвещятелё, кала ужэ
изучаеш и Библия, мангэспэ и ԥирэс пэ собрания,
патяс и цэнис кода, со ту уӷанэс и камэс тэ росԥэнэс пала када аврэнди,
любис лэ Иеговас и витидэс, кай тутэ тэ авэн пашутнэ друӷоря кодэла, ко кадяжэ любий лэ Иеговас,
тут нинай ни андэ сави политическо арӷанизацыя и ни андэ сави хохавни вера,
андярэс лэ Иеговасти время и камэс тэ ашэс лэ Иеговаско свидетелё.
Если ту гиндос, кай ӷотово тэ росԥэнэс пала Дэл вмести ла собранияса, тоди кодэва, ко туса изучает и Библия, ԥэнэна лэ старейшынонэнди, кай туса тэ подэн дума. Посли када вонэ ԥэнэна, ӷотово ту тэ ашэс некрещённо вазвещятелё чи най.
Ӷотово мэ тэ болдював?
Ту авэса ӷотово тэ болдёс, кала
ту ужэ ашэлян некрещённо вазвещятелё,
кажно разо росԥэнэс пала Дэл и терэс када, скати тутэ пэ када исин зор,
кандэс, со ԥэнэн о «годявэрно и кандино рабо» и андэ вся подритярэс лэс (Матфея 24:45—47),
манглянпэ лэ Иеговасти и ԥэндян, кай камэс тэ служыс лэсти вся и вечность.
Если ту гиндос, кай ӷотово тэ болдёс, кодэва, ко туса изучает и Библия, ԥэнэна лэ старейшынонэнди, кай туса тэ подэн дума. Посли када вонэ ԥэнэна, ӷотово ту тэ болдёс чи най.