Мэк о Иегова авэл ашунгло кодэлэстар, кай тумаро свето светий
«Тумаро свето мэк светий англа мануша, кай вонэ тэ терэн кадя, кай тумаро дад тэ авэл ашунгло» (МАТФ. 5:16).
1. Васо амэ лошалэ?
АМЭ фартэ ради, кай лэ Иеговаско народо анда вся оди росԥэнэн важ лэстэ. Кадя лэ Иеговаско свето дожал жы кай само дурутнэ ҭана па вся ԥув. Андэ кодэва бэрш амэ сытярасас па Библия май бут чем десять миллионоря манушэн. Инке, миллионоря мануша авелэ по Вэчэро, кай вспоминают лэ Иисусостири смэрть. Котэ вонэ уӷанглэ, кай о Дэл, саво потиндя важ амэндэ, любий амэн (1 Иоан. 4:9).
2, 3. а) Со на тердярэл амэн, кай амэндар тэ жал о свето, сар кодэлэстар, состар ашэл май светло б) Пала со амэ подаса дума андэ кадэя статья?
2 Лэ Иеговастирэ служителя дэн дума пэ разни шыба. Но када на тердярэл амэн тэ терас, сар ек ери кадя, кай о Иегова тэ авэл ашунгло (Отк. 7:9). И всаек, пэ сави шыб амэ дас дума и кай жувас, амэндэ вижала, кай амэндар тэ жал о свето, сар кодэлэстар, состар андо миро ашэл май светло (Флп. 2:15).
3 О Иегова ашэл май ашунгло кодэлэстар, кай лэско народо ашэл май бут, кай амэ ек пала еқэстэ и вся время терас, со во камэл. Андэ кадэя статья амэ подаса дума, со амэ тэ терас пэстиря ригатар, кай лэ Иеговаско алав тэ авэл ашунгло андэ вся када. (Адиносар Матфея 5:14—16a).
ПОМОЖЫН АВРЭНДИ ТЭ АШЭН ЛЭ ИЕГОВАСТИРЭ СЛУЖИТЕЛЯ
4, 5. а) Амэ росԥэнас важ о Дэл. Со инке тэ терас, кай амаро свето тэ светий? б) Со авэла кодэлэстар, кай амэ на холявас и андярас пэс ковлэс? (Диқэн и картинка англа статья.)
4 Андэ статья «Свет, сияющий во тьме», сави пистромэ андэ «Сторожево башня» лэ пэрвонэ июнёстар 1925 бэршэстар ԥэнэнпэ: «На вижала тэ на парашэн тэ кандэн лэ Дэвлэс андэ кадэла послидни деса...сар тумэ на дэн, кай тэ жал тумэндар о свето. Ай, кай кадя тэ терэн, трэбуй тэ росԥэнэн всаворэ народонэнди па вся ԥув лащи весть и тэ жувэн кадя, кай тэ ԥирэн светлонэ дромэса». Амаро свето светий англа мануша, кала росԥэнас лащи весть и сытярас лэ манушэн, кай вонэ тэ авэн ученикоря (Матф. 28:19, 20). Инке о Иегова ашэл ашунгло кодэлэстар, сар амэ пэс андярас. И мануша, савэн амэ диқас пэ вулица и котэ, кай росԥэнас важ о Дэл, диқэн сар амэ пэс андярас. Кала амэ сыкавас, кай лошалэ лэн тэ диқас и ԥэнас лэнди анда оди «дорови», вонэ лэн тэ гиндон драго пала амэндэ и пала амаро Дэл.
5 О Иисусо ԥэндя пэстирэ учениконэнди: «Кала зажан андо цэр, ԥэнэн «дорови» кодэлэнди, ко андо цэр» (Матф. 10:12). Андэ кодэла ҭана, кай жувэнас и апостолоря терэласпэ кадя, кай пэстэ цэрэ прилэнас манушэс, савэс на ӷанэн. Но андэ амари время най всаворэ кадя терэн. Бут мануша холявэн, кала додиқэн паша пэстирэ вудара лэ манушэн, савэн на ӷанэн. Драго, кала амэ пэ када на холявас, андярас пэс ковлэс и росԥэнас, васо авелям. Тоди и мануша парашэна тэ холявэн пар мэндэ и закамэна тэ виашунэн амэн. Кала амэ сыкавас, кай лошалэ лэн тэ диқас, кадэлэстар может тэ залэлпэ и дума. Кала амэ пэс кадя андярас андэ ҭана, кай тердювас лэ стендонэнца, кай исин бут мануша, кадэлэстар вижала лашимос. Тумэ диқлэ, кай сар тумэ лошалэ тэ диқэн аврэ манушэн и доровкыинпэ лэнца, лэнди май вушэро тэ поджан тумэндэ, тэ лэн и литература и тэ задэн дума тумэнца.
6. Сар андэ Англия еқэ ерестэ, саво андэ бэршэндэ, вижыля май бут тэ росԥэнэн важ о Дэл?
6 Андэ Англия еқэ ерестэ, саво андэ бэршэндэ, найфартэ лашо зор и лэнди ԥарэс тэ росԥэнэн важ о Дэл па цэра. Важ када вонэ линэ тэ росԥэнэн важ о Дэл паша пэско цэр. Вонэ жувэн паша школа и кала и родителя авэн тэ залэн пэстирэ бэятонэн, кадэва ери ростол по скамин амари литература. Бут, ко шутэ сама пэ книжка «Ответы на твои вопросы» и пэ дэсавэ брошюры. Май англэ, ек тэрни пионерка анда лэндири собрания, ля кадэлэ ереса тэ росԥэнэн важ о Дэл. И родителя шутэ сама, кай кадэя ԥэй пионерка сас лошали тэ диқэл лэн и кай о ери, саво андэ бэршэндэ стол кацаво зор. Дэко анда родителя ля тэ сытёл па Библия.
7. Сар тумэ тэ поможын лэ манушэнди, савэ пэрэладэн анда авэр страны?
7 Андэ послидни бэрша бут мануша линэ тэ пэрэладэн андэ авэр страны. Со тэ терас, кай тэ поможысарас лэнди тэ уӷанэн важ о Иегова и кода, пала со во дя алав, кай стерэла? Спэрва авелоп драго тэ висытён тэ доровкыинпэ лэнца пэ лэндири шыб. Андэ када тумэнди поможыя и приложения, кай тэ сытён тэ дэн дума пэ авэр шыб. Инке авелоп драго тэ сытён тэ ԥэнэн набут алава пэ лэндири шыб, кай вонэ тэ закамэн тэ ашунэн. Тоди тумэндэ вижала тэ сыкавэн лэнди, сар тэ виарақэн андо интернето библейско литература и видео пэ лэндири шыб (Втор. 10:19).
8, 9. а) Саво лашимос анэн и собрания, сави прожал андо машкар курко? б) Сар и дада и дэя тэ поможын пэстирэ бэятонэнди тэ ԥэнэн алава пэ собрания, пала савэ и бэятцэ погиндосардэ инке цэрэ?
8 Амэ блаӷодарисарас лэ Иеговас пала собрания «Амаро христианско дром и служения». Вой прожал, кай амэ май драго тэ ӷанас тэ росԥэнас важ о Дэл. Кода, сости котэ сытювас, поможый амэнди тэ на дарас тэ авас лэ манушэндэ пэ авэр разо и тэ сытярас лэн па Библия.
9 Бутэ манушэнди, ко авэл пэрво разо пэ амарэ собрании, чалёл акэ со. Кай амарэ бэятцэ ваздэн о вас, кай тэ ԥэнэн алава, пала савэ вонэ погиндосардэ инке цэрэ. Дада и дэя, сытярэн пэстирэ бэятонэн, кай вонэ пэ собрания тэ ԥэнэн пэстирэ алавэнца кода, пала со погиндосардэ инке цэрэ. Кадя лэнго свето лэла тэ светий англа мануша. Кала дэсавэ мануша ашундэ лэ бэятонэндирэ прости и анда оди алава, полинэ, кай виарақлэ о чачимос (1 Кор. 14:25).
ТЕРЭН ВСЯ, КАЙ ТЭ АВЭН ИНКЕ МАЙ ФАРТЭ ЕК ПАЛА ЕҚЭСТЭ
10. Со амэ тэ терас, кай тэ авас инке май фартэ ек пала еқэстэ андо ери?
10 Амаро свето светий англа мануша и тоди, кала амэ терас вся, кай тэ авас инке май фартэ ек пала еқэстэ андо ери и андэ собрания. Важ када и дада и дэя трэбуй тэ на промэкэн тэ сытярэн о ери па Библия. Бутэнди чалёл, кала тидэнпэ тэ сытён лэ ереса па Библия, тэ диқэн кажно шон проӷрамма пэ амари телевидения. После када вонэ гиндон и дэн дума важ кода, со диқлэ и сар када тэ прилэн каринг пэстэ. И дада и дэя, на бистрэн, кай кода, со трэбуй лэ цыкнорэ бэятонэнди най вся время поджал каринг и май барэ бэятцэ. Важ када трэбуй тэ витидас кадя тэ сытярас пэстирэ бэятонэн, кай када тэ поджал всаворэ бэятонэнди (Пс. 148:12, 13).
Кала тумэ шон сама лэ ԥралэн и лэ ԥэян, савэ андэ бэршэндэ, тумэ лэна зор (Диқэн о абзацо 11.)
11—13. Со тэ терас, кай и ԥрала и ԥэя андэ собрания тэ авэн инке май фартэ ек пала еқэстэ?
11 Тэрнэ христианоря, со тумэнди тэ терэн, кай май фартэ тэ авэн ек пала еқэстэ андэ собрания? Инке, со тэ терэн, кай авэр тэ полэн, кай вонэ трэбуй андэ собрания? Шон сама лэ ԥурэ ԥралэн и ԥэян. Авелоп драго тэ пушас лэндар, со дя лэнди зор бут бэрша тэ на парашэн тэ служин лэ Иеговасти. Када дэла зор тумэнди и лэнди тэ терэн, кай о Иегова тэ авэл ашунгло. Кадяжэ авелоп драго, кай кажно амэндар драго тэ прилэл всаворэн, но май фартэ кодэлэн, ко пэрво разо авэл андо зало, кай тидэнпэ лэ Иеговастирэ свидетеля. Сыкавэн лэнди, кай тумэ анда вся оди лошалэ лэн тэ диқэн. Поможын лэнди тэ виарақэн ҭан, кай тэ бэшэн и кай вонэ тэ уӷанэн аврэн ԥралэн и ԥэян. Мэк лэндэ авэла по ди кадя, кабута вонэ цэрэ.
12 Исин ԥрала, савэнди динэ тэ сытярэн андэ пэстирэ ӷруппы аврэн, сар тэ росԥэнэн важ о Дэл. Авелоп драго, кай кадэла ԥрала тэ поможын тэ росԥэнэн важ о Дэл кодэлэнди, ко андэ бэршэндэ. Исин лэндэ каринг тэ жан тэ росԥэнэн важ о Дэл чи най? Дэкала трэбуй, кай кадэлэ ԥралэнца и ԥэянца тэ жан и тэрнэ ԥрала и ԥэя, савэ лэнди поможысардоп тэ дожан интя, кай авэна тэ росԥэнэн важ о Дэл и палпалэ. И ԥурэ ԥрала и ԥэя, савэндэ ԥарэс лэ зорэса, дэкала гиндон, кай лэндэ на вижала, тэ росԥэнэн важ о Дэл кадя, сар вонэ када терэнас май англал. Лэнди авэла май драго по ди, кала вонэ диқэн, кай пала лэндэ гиндон и полэн, сар лэнди ԥарэс. Кала амэ терас лэнди лашимос, вонэ на закамэна тэ парашэн и май дур анда вся оди тэ росԥэнэн важ о Дэл. И вонэ на авэна тэ шон сама пэ кода, кай вонэ ԥурэ и бут бэрша уже служин лэ Иеговасти (Лев. 19:32).
13 Израильтяноря слинэ лошалэ тэ стидэнпэ еқэҭанэ, кай тэ тэлён лэ Иеговасти. Кодэва, ко пистросардя о Псалом, ԥэндя: «Саво лашимос и сар дэ драго по ди кодэлэстар, кала и ԥрала жувэн еқэҭанэ и драго полэн ек еқэс!» (Адиносар Псалом 133:1, 2b). Во ԥэндя, кай кода, кай вонэ слинэ ек пала еқэстэ, када сас, сар вулей, саво драго қандэлас и савэстар драго пэ тила. Амэ камас, кай кала амэ проандярас и время лэ ԥралэнца и лэ ԥэянца, кадэлэстар тэ авэл лэнди драго по ди и вонэ тэ авэн лошалэ. Камэн тумэ тэ уӷанэн май драго лэ ԥралэн и лэ ԥэян, савэ анда собрания? (2 Кор. 6:11—13). Камас тэ похвалисарас тумэн, кай тумэ кадя и терэн. Через када и ԥрала и ԥэя андэ собрания авэна инке май фартэ ек пала еқэстэ.
14. Сар тэ поможысарас лэ сосидонэнди тэ уӷанэн пала Иегова?
14 Ай сар тэ поможысарас лэ сосидонэнди тэ уӷанэн пала Иегова? Пэстирэ лашэ алавэнца и лащя диласа. Пушэн пэстар: «Со гиндон пала мандэ мэрнэ сосидоря? Ритярав мэ о цэр и града андо вужимос и терав мэ кадя, кай тэ авэл май драго пала града? Ԥэнав мэ лэ сосидонэнди, кай тэ поможысарав лэнди андэ варисостэ?» Пушэн кай ԥрала и ԥэя, сар через кода, кай вонэ терэн лашимос и кай вонэ драго андярэн пэс, парудэ и гиндоря пала лэндэ, лэнго родо, лэндирэ сосидоря, кодэла, каса вонэ терэн бути чи сытён андэ школа (Эф. 5:9).
ВСЯ ВРЕМЯ ТЕРЭН КОДА, СО КАМЭЛ О ДЭЛ
15. Васо трэбуй вся время тэ терэн кода, со камэл о Дэл?
15 Амэ камас, кай амаро свето тэ светий май фартэ, важ када амэнди трэбуй тэ сэрас, андэ сави время амэ жувас. О Иисусо най еқвар ԥэнэнас пэстирэ учениконэнди: «Вся время терэн кода, со камэл о Дэл» (Матф. 24:42; 25:13; 26:41). Кала амэ гиндосарас, кай «фартэ бари бида, сави инке никала на сас» авэла най йто, най англа мэндэ, тоди амэ ласа тэ росԥэнас важ о Дэл кати дэкала (Матф. 24:21). Важ када амаро свето на лэла кадя тэ светий и, файма, мудардёла.
16, 17. Сар и май дур вся время тэ терас кода, со камэл о Дэл?
16 Андо миро ашэл инке май ԥарэс, важ када трэбуй вся время тэ терас кода, со камэл о Дэл. Амэ патяс, кай о Иегова лэла тэ улэл кадэва найлашо миро андэ время, сави во стодя (Матф. 24:42—44). Дэкин кадэя время на авеля, на парашэн тэ аштярэн и тэ сэрэн пала кода, со трэбуй тэ авэл англэ. Кажно дес адинон лэ Дэвлэско алав и на парашэн тэ мангэнпэ (1 Пет. 4:7). Сытён кай и христианоря, савэ бут бэрша андэ лошатэ служинас лэ Иеговасти. Пала ек андар лэндэ росԥэнэнпэ андэ статья «Решение, о котором он ни разу не пожалел», андэ брошюра «Видите ли вы руку Бога в своей жизни?» пэ страницы 14—17.
17 На парашэн анда вся оди тэ служин лэ Иеговасти. Поможын аврэ ԥралэнди и ԥэянди, проандярэн лэнца и время. Кадэлэстар тумэ авэна фартэ лошалэ, и время прожала на диқэна кала (Эф. 5:16). Шэл бэрш палпалэ амарэ ԥрала анда вся оди служинас и кадэлэстар бут со стердэ. Адес амэндэ инке май бут дилы. Но лэ Иеговаса амэндэ исин зор када тэ стерас. Амаро свето светий кадя, сар амэ и на гиндосарасас!
Кода, кай амэндэ авэн и старейшиноря, поможый май драго тэ полас лэ Дэвлэско алав (Диқэн и абзацоря 18, 19.)
18, 19. Сар и старейшиноря дэн зор, кай амэ анда вся оди тэ служисарас лэ Иеговасти? Росԥэнэн пала ери.
18 Амэ найсовершенни, но всаек амэндэ вижала тэ терас кадя, кай о Иегова тэ авэл лошало. Амэ када ӷанас и кадэлэстар амари вера ашэл май састи. Кай о Иегова тэ поможый амэнди, во дя лэ манушэн, савэ, сар подаркоря, када и старейшиноря. (Адиносар Эфесянам 4:8c, 11, 12d). Кала тумэндэ пэ авэр разо авэна и старейшиноря, приашундёнпэ каринг кода, со вонэ тумэнди подԥэнэн и тумэ авэна бахталэ.
19 Акэ, со сас еқэ ереса андэ Англия. Каринг кадэва ери авелэ дуй старейшиноря. Кай кадэва ери дэсо на вижалас. И хулаи ԥэнэнас, кай лако хулай на сытярэлас о ери кадя, сар ԥэнэн о Иегова. Ай о хулай кадяжэ ԥэнэнас, кай лэстэ на вижал драго када тэ терэл и во дэкала промэкэл тэ сытярэл о ери па Библия. И старейшиноря шутэ сама по Иисусо, сар во диқэлас пала пэстирэ ученикоря. И ԥрала ԥэндэ, кай о хулай тэ сытёл кай о Иисусо, ай и хулаи тэ аштярэл и тэ на холявэл. Кадяжэ и старейшиноря подԥэндэ лэнди, со тэ терэн, кай май драго тэ сытярэн пэстирэ дуе бэятонэн (Эф. 5:21—29). Май англэ и старейшиноря похвалисардэ лэ хулас, кай во стодя зор тэ терэл кода, со вонэ подԥэндэ. И старейшиноря ԥэндэ лэсти, кай во и май дур кадя тэ терэл и тэ патял, кай о свынто духо поможыя лэсти тэ ашэл май лашэ хуласа андо ери. Кода, кай и старейшиноря любин и терэн лашимос, дя зор кадэлэ ерести.
20. Со авэла кодэлэстар, кай амаро свето авэла тэ светий англа мануша?
20 Кодэва, ко пистросардя о Псалом, ԥэндя: «Бахтало кажно, ко дарал лэ Иеговастар и ко ԥирэл лэстирэ дромэса» (Пс. 128:1). Сар тумаро свето светий англа мануша, тумэ авэна бахталэ. Важ када росԥэнэн аврэнди пала Иегова. Терэн вся пэстиря ригатар, кай андэ тумаро ери и андэ собрания, всаворэ тэ авэн ек пала еқэстэ. Кала и мануша диқэн тумарэ лашэ дилы, вонэ кадяжэ закамэна тэ терэн ашунглэса амарэ небеснонэ дадэс (Матф. 5:16).
a Матфея 5:14—16: «Тумэ свето андо миро. О форо, саво тердёл по плай, лэс на гаравэса. Кала дэн яг и лампа, ла стон най тала корзина, ай пэ подставка, и вой светий андэ вся цэр. Кадя и тумаро свето мэк светий англа мануша, кай вонэ тэ диқэн тумарэ лашэ делоря и тэ терэн кадя, кай тумаро дад, саво жувэл по нэбо, тэ авэл ашунгло».
b Псалом 133:1, 2: «Саво лашимос и сар дэ драго по ди кодэлэстар, кала и ԥрала жувэн еқэҭанэ и драго полэн ек еқэс. Када сар само лашо оливково вулей по шэро, саво спитял пэ шор, пэ Аароностири шор, саво спитял по ко́мири лэстиря йдати».
c Эфесянам 4:8: «Важ када во ԥэнэн: „Вазгляпэ вучес, одындярдя кодэлэн, ко сас андо плено, дя лэ манушэн, савэ сар подаркоря“».
d Эфесянам 4:11, 12: «И во дя дэсавэн сар апостолонэн, аврэн сар пророконэн, аврэн сар кодэлэн, ко росԥэнэн лащи весть, аврэн сар кодэлэн, ко диқэл пала собрании и ко сытярэл, кай тэ сытярэн и тэ подԥэнэн свынтонэ манушэнди важ и служения, кай лэ Христостири тила тэ авэл май састи».