Амэ лэ Иеговастирэ

1. Васо вся со исин лэ Иеговаско? (Диқэн и картинка англа статья.)

ВСЯ, со исин, лэ Иеговаско «нэбо, дажэ кода, со пала нэбо, и ԥув и вся, со пэр латэ» (Второзаконие 10:14; Откровение 4:11). Важ кода кай лэ манушэн создал во, всаворэ вонэ кадяжэ лэстирэ (Псалом 100:3). Но анда вся миро, саво варикала жувэлас, о Дэл витидя дэсавэн, савэ важ лэстэ само кучутнэ.

2. Ко важ о Иегова само кучутнэ?

² Андо Псалом 135 пистромэ пала израильтяноря, савэ на парашэнас тэ кандэн лэ Дэвлэс, кай вонэ «само кучутнэ» (Псалом 135:4). Андэ книӷа Осия дэлмут сас запистромэ алава, савэ инке трэбуй сас тэ авэн, кай дэсавэ найизраильтяноря кадяжэ авэна лэ Иеговастирэ (Осия 2:23). Алава, савэ Осия пистросардя дэлмут и инке трэбуй сас тэ авэн, стердэпэ, кала о Иегова ля тэ витидэл лэ манушэн анда авэр миро, кай вонэ англэ тэ правин лэ Христоса (Деяния 10:45; Римлянам 9:23 жы кай 26). Пэ кадэва миро ԥэнэн «свынто миро», «само кучутно» важ о Иегова (1 Петра 2:9, 10). О Иегова дя лэнди свынто духо и вонэ жувэна по нэбо. Инке исин христианоря, лэн май бут и вонэ кадяжэ на парашэн тэ кандэн лэ Иеговас. Но вонэ аштярэн тэ жувэн андо раё пэ ԥув. Со ԥэнаса пала лэндэ? О Иегова кадяжэ ԥэнэн пэр лэндэ, кай вонэ «мэрно миро» и кай «мэ лэн витидэм» (Исаия 65:22).

3. а) Ко андэ амарэ деса куч важ о Иегова? б) Пала со амэ подаса дума андэ кадэя статья?

³ Андэ амарэ деса исин «найбаро стадо», савэ аштярэн тэ жувэн по нэбо. Кадяжэ исин «авэр бакрорэ», савэ аштярэн тэ жувэн андо раё пэ ԥув. Вонэ тэлён лэ Иеговасти, сар «ек стадо» (Луки 12:32; Иоанна 10:16). Важ о Иегова када ек миро. Амэ фартэ блаӷодарни лэ Иеговасти, кай амэ важ лэстэ куч! Андэ кадэя статья амэ подаса дума, сар амэ тэ сыкавас пэстири блаӷодарность амарэ Дэвлэсти.

ОТДАС ПЭСТИРИ ЖЫЗНЯ ЛЭ ИЕГОВАСТИ

4. Сар амэ сыкавас пэстири блаӷодарность лэ Иеговасти, кай амэ лэстирэ? Сар о Иисусо сыкадя, кай камэл тэ терэл кода, со камэл о Иегова?

⁴ Амэ сыкавас пэстири блаӷодарность лэ Иеговасти кодэлэса, кала сыкавас, кай анда вся оди отдас лэсти пэстири жызня. Амэ болдювас андо паи. Кадя амэ англа всаворэ сыкавас, кай прижанас, кай о Иегова пар мэндэ хулай и амэ камас лэс тэ кандас (Евреям 12:9). Кода, кай о Иисусо болделя, ԥэнэнас пала када жэ. Во арақаделяпэ андо миро, саво ужэ сас лэ Иеговаско. Но кала о Иисусо болделя, во сыкадя, кай камэл тэ терэл лэ Дэвлэстири воля. Ԥэнаса, во ԥэндя лэ Иеговасти: «Мэ лошало, кала терав кода, со ту камэс» (Псалом 40:7, 8).

5, 6. а) Со сас андо ди кай о Иегова, кала болделя о Иисусо? б) Росԥэнэн пала бэята, кай амэ тэ полас, со кай о Иегова андо ди, кала амэ отдас лэсти пэстири жызня?

⁵ Со сас андо ди кай о Иегова, кала болделя о Иисусо? Андэ Библия пистромэ: «Кала о Иисусо болделя, во йто вазгляпэ анда паи. Тоди ԥэрнаделяпэ о нэбо, и о Иоанно додиқля лэ Дэвлэско духо, саво шоласпэ по ӷолубо и змэкэласпэ по Иисусо. И о ӷолосо па нэбо ԥэндя: „Када мэрно любимо шаво, саво терэл кода, со манди чалёл“» (Матфея 3:16, 17). О Иисусо и кадя сас шаво небеснонэ дадэско, лэ Иеговаско. Но лэ Иеговасти всаек сас драго по ди кодэлэстар, кай лэско шаво камэл тэ служый кати лэсти. О Иегова кадяжэ лошавэл, кала амэ отдас лэсти пэстири жызня. Важ када во амэнди дэл лашимос (Псалом 149:4).

⁶ Погиндон пала дад, саво затерэл ловэ. Лэстири бэята анда кадэла ловэ набут лэл и тинэл лэсти подарко. Но кадэла ловэ латирэ дадэстирэ. Сар када авэла подарко, сар и ловэ и кадя латирэ дадэстирэ? Лэ дадэсти, саво любий пэстиря бэята, кацаво гиндо дажэ на авэла андо шэро. Во лошаса прилэла кадэва подарко, важ кода кай кадэлэса и бэята сыкадя, кай любий лэс. Кадэва подарко авэла лэсти само куч анда всаворэ. О Иегова кадяжэ лошавэл, кала диқэл, сар амэ камас тэ отдас пэстири жызня лэсти, кай тэ служысарас лэсти еқэсти (Исход 34:14).

7. Со па лэ Малахеёстирэ алава кай о Иегова андо ди каринг кодэла, ко анда вся оди служый лэсти?

⁷ Адиносар Малахия 3:16a. Сар ту инке на дян алав лэ Иеговасти тэ жувэс важ лэстэ и на болделян, погиндосар, васо када фартэ трэбуй. Кала и дэй заԥирдя лэ бэятоса, лэ бэятостири жызня, сар и жызня всаворэ манушэнди лэ Иеговастири. Но кати погиндосар, сар о Иегова авэла лошало, кала ту сыкавэса, кай прижанэс, кай во хулай пэр тутэ и ту отдэс лэсти пэстири жызня! (Притчи 23:15). О Иегова ӷанэн кодэлэн, ко служый лэсти анда вся оди. Во запистрой лэн андэ пэстири «книӷа, кай тэ сэрэл».

8, 9. Со о Иегова аштярэл кодэлэндар, кастирэ алава запистромэ андэ «книӷа, кай тэ сэрэл»?

⁸ Сар амэ камас, кай амаро алав тэ ашэлпэ андэ «книӷа, кай тэ сэрэл» исин кода, со трэбуй тэ терас. О Малахия ԥэндя, кай амэ трэбуй тэ дарас лэ Дэвлэстар и тэ гиндосарас пала лэско алав. Амаро алав андэ «книӷа, кай тэ сэрэл» можэт и тэ на ашэлпэ. Кала? Кала амэ ласа тэ тэлювас варикасти чи варисости инке (Исход 32:33; Псалом 69:28).

⁹ На хутилэл тэ дэс алав лэ Иеговасти, кай жувэса важ лэстэ, и тэ болдёс. Када ту терэс еқвар андэ жызня. Ай служэния лэ Иеговасти, када о дром пэ вся жызня. Амэнди трэбуй кажно дес тэ доԥэнас, кай кандас лэ Иеговас (1 Петра 4:1, 2).

ОТШАС КОДА, СО КАМЭЛПЭ АНДЭ КАДЭВА МИРО

10. Андэр со на шонпэ кодэла, ко кандэн лэ Иеговас и ко на кандэн?

¹⁰ Андэ статья, сави сас май англал, амэ росԥэндям пала Каино, Соломоно и пала израильтяноря, савэ жувэнас дэлмут. Вонэ всаворэ гиндонас, кай тэлён лэ Иеговасти, но вонэ тэлёнас най кати лэсти. Па лэндири жызня дицол, кай кодэла, ко па чачимастэ лэ Иеговаско, трэбуй тэ любин лэ Иеговастирэ законоря и тэ отшон любо найлашимос (Римлянам 12:9). Диқэн, кала о Малахия ԥэндя пала «книӷа, кай тэ сэрэл», во инке запистросардя кацавэ лэ Иеговастирэ алава: «И тумэ упалэ додиқэна, андэр со на шонпэ кодэла, ко кандэн лэ Дэвлэс и ко на кандэн» (Малахия 3:18).

11. Васо ригатар трэбуй тэ дицол, кай амэ тэлювас кати лэ Иеговасти?

¹¹ Сар амэ инке тэ сыкавас, кай блаӷодарни лэ Иеговасти, важ кода кай амэ лэстирэ? Всаворэнди трэбуй драго тэ дицол, кай амэ пэр лэстири риг (Матфея 5:16; 1 Тимофею 4:15). Тоди пуш пэстар: «Дицол ригатар, кай мэ андэ вся кандав лэ Иеговас? Лажаво манди чи най тэ ԥэнав аврэнди, кай мэ лэ Иеговаско свидетелё?» Погиндон, сар лэ Иеговасти ашэлоп ԥарэс по ди, кала во додиқлоп, кай амэнди лажаво тэ ԥэнас аврэнди, кай амэ лэстирэ (Псалом 119:46; адиносар Марка 8:38b).

12, 13. Васо дэсавэн на ӷатярэса, кай вонэ лэ Иеговастирэ мануша?

¹² Ԥарэс тэ ԥэнас важ када, но дажэ дэсавэ свидетеля пэрэлэн, сар гиндон и терэн и мануша андэ кадэва найлашо миро. Тоди и мануша, савэ найсвидетеля, най йто полэн, кай када лэ Иеговастирэ мануша (1 Коринфянам 2:12). Через кода, сар гиндон и терэн и мануша андэ кадэва найлашо миро, авэр камэн тэ терэн кати кода, со лэнди камэлпэ (Эфесянам 2:3). Подаса дума акэ пала со. Хоть бут дэлпэ дума, кай и йда трэбуй тэ авэл сэжо, исин кодэла, ко всаек витидэл авэр. Вонэ витидэн обцырди йда, йда андэ сави дицол бут тила. И андэ кацави йда вонэ дажэ авэн пэ собрания. Ай дэсавэ кадя подшынэн и бал и терэн кацавэ причоски, савэ важ бутэндэ найшукарнэ (1 Тимофею 2:9, 10). Кала диқэс пэ кацавэ мануша, ԥарэс тэ полэс, лэ Иеговаско во чи во «друӷо кадэлэ найлашэ мирости» (Иакова 4:4).

¹³ Исин и авэр, через со на полэса, лэ Иеговастирэ када мануша чи най. Кала вонэ тидэнпэ тэ побэшэн, вонэ цэлэн и андярэн пэс кадя, кай на ԥэнэса пэр лэндэ, кай вонэ христианоря. Па карточки, савэ вонэ вистон андо интэрнэто и па кода, со вонэ пистрон андо интэрнэто, на ԥэнэса, кай вонэ лэ Дэвлэстирэ мануша. Дэко андар лэндэ и на терэл баро бэзэх, пала саво спушэн андэ собрания. Но када всаек найдраго, важ кода кай дэкала и ԥрала и ԥэя андэ собрания пэрэлэн лэндар када, и тоди на полэс, вонэ свидетеля чи най. (Адиносар 1 Петра 2:11, 12c).

14. Со амэ трэбуй тэ терас, кала камас тэ ашаспэ куч лэ Иеговасти?

¹⁴ И мануша андэ кадэва найлашо миро терэн кадя, кай авэр кадяжэ тэ закамэн тэ терэн кода, со камэл и тила, со камэн и яқа, и тэ путён кодэлэса, со лэндэ исин (1 Иоанна 2:16). Но амэ лэ Иеговастирэ, важ када амэнди трэбуй «тэ отԥэндюваспэ лэ найлашимастар и кодэлэстар, со камэлпэ андэ кадэва миро и тэ жувас годяса, тэ ритярас лэ Дэвлэско законо, тэ на ашавас, важ кода кай любисарас, кала жувас андэ кадэва найлашо миро» (Титу 2:12). Кода, пала со дас дума, о хамос и о пимос, амари йда, сар затерас и ловэ, вся со амэ терас андэ жызня, трэбуй тэ сыкавэл, кай амэ тэлювас кати лэ Иеговасти. (Адиносар 1 Коринфянам 10:31, 32d).

АНДА ВСЯ ОДИ ЛЮБИСАРАС ЕК АВРЭС

15. Васо амэ трэбуй тэ любисарас и тэ обжаспэ драго лэ ԥралэнца и лэ ԥэянца анда собрания?

¹⁵ Кала амэ блаӷодарни лэ Иеговасти, кай куч лэсти, тоди када дицола, сар амэ обжаспэ лэ ԥралэнца и ԥэянца анда собрания. Вонэ кадяжэ лэ Иеговастирэ. Кала амэ пала када сэрас, амэ любисарас лэн и обжаспэ лэнца драго (1 Фессалоникийцам 5:15). О Иисусо ԥэндя кодэлэнди, ко жалас пала лэстэ: «И кала машкар тумэндэ исин любовь, всаворэ ӷатярэна, кай тумэ мэрнэ ученикоря» (Иоанна 13:35).

16. Сар анда лэ Моисеёско законо дицол, кай важ о Иегова куч лэстирэ мануша?

¹⁶ Подаса дума пала кода, сар амэ трэбуй тэ обжаспэ кодэлэнца, каса амэ патяс андо ек Дэл. Андэ лэ Иеговаско храмо сас посуда, сави лэнас кати важ кода, кай тэ служын лэ Дэвлэсти. Андэ лэ Моисеёско законо фартэ драго росԥэнэнаспэ, сар и со и левиторя трэбуй сас тэ терэн кадэла посудаса. Кодэлэн, ко терэнас па пэстирятэ, умарэнас (Числа 1:50, 51). О Иегова фартэ шолас сама, сар и со терэнас ла посудаса, сави сас важ и служэния. Но во инке май бут шол сама, сар обжанпэ лэстирэ манушэнца, савэ на парашэн лэс тэ кандэн! Акэ, со еқвар о Иегова ԥэндя пэстирэ манушэнди: «Ко лэлпэ тумэндэ, кодэва лэлпэ каринг мэрни як кай о зрачко» (Захария 2:8).

17. Со о Иегова ашунэл и пэр со шол сама?

¹⁷ Андэ книӷа Малахия пистромэ, кай «О Иегова драго ашунэлас», сар лэстирэ мануша дэнас дума и обжанаспэ ек аврэса (Малахия 3:16). Да, «о Иегова ӷанэн кодэлэн, ко лэско» (2 Тимофею 2:19). Во фартэ драго ӷанэн вся, со амэ дас дума и со терас (Евреям 4:13). Кала амэ дэкала обжаспэ амарэ ԥралэнца и ԥэянца анда собрания холяса, о Иегова шол сама пэ када. Ай кала амэ драго прилас лэн пэстэ, найчорымастирэ, терас лэнди лашимос и простисарас, кала вонэ терэн най кадя, о Иегова кадяжэ и пэ када шол сама (Евреям 13:16; 1 Петра 4:8, 9).

«О ИЕГОВА НА АШАВЭЛА ПЭСТИРЭ МИРОС»

18. Сар амэ сыкавас, кай блаӷодарни лэ Иеговасти, кай амэ лэстирэ мануша?

¹⁸ Амэ фартэ блаӷодарни лэ Иеговасти, кай амэ лэстирэ мануша. Кала отдас амэ пэстири жызня лэ Иеговасти, амэ терас кода, со само годявэрно. Хоть амэ жувас машкар найлашо и вэрыто миро, амэндэ вижала тэ авас найхытри и вужэ англа Дэл, кай тэ свитисарас кадя, сар свитий кода, состар андо миро ашэл май свитло (Филиппийцам 2:15). Важ када амэ стас зор, кай тэ на терас кода, со о Иегова вэрыцый (Иакова 4:7). Кадяжэ амэ любисарас амарэ ԥралэн и ԥэян и стас пэр лэндэ патив. Васо? Важ кода кай полас, вонэ кадяжэ лэ Иеговастирэ (Римлянам 12:10).

19. Саво лашимос о Иегова дэл кодэлэнди, ко лэско?

¹⁹ Андэ Библия пистромэ, кай «О Иегова на ашавэла пэстирэ мирос» (Псалом 94:14). О Иегова дэл пэско састо алав, кай со бы тэ на авэл, во вся время авэла амэнца. Дажэ, кала о мануш мэрэл, о Иегова на парашэл лэс тэ любий (Римлянам 8:38, 39). Андэ Римлянам 14:8 пистромэ: «Кала жувас, жувас важ о Иегова, ай кала мэрас, мэрас важ о Иегова. И важ када, жувас амэ чи мэрас, амэ лэ Иеговастирэ». Амэ фартэ аштярас кодэя время, кала о Иегова рия каринг и жызня пэстирэ друӷонэн, савэ на парашэнас лэс тэ кандэн (Матфея 22:32). И акана кадяжэ амэндэ исин бут лашимос. Андо Псалом 33:12 пистромэ: «Бахтало миро, каско Дэл, Иегова, о миро, савэс во витидя и тиндя важ пэстэ».