СТАТЬЯ, КАЙ ТЭ СЫТЮВАС 38
«Авэн каринг мандэ... и мэ стерава, кай тумэнди авэла май вушэро по ди»
«Авэн каринг мандэ всаворэ, ко терэн дила и касти ԥарэс, и мэ стерава, кай тумэнди авэла май вушэро по ди» (МАТФЕЯ 11:28).
ДИЛИ 17 Желаю!
ПАЛА СО УӶАНАСА АНДА СТАТЬЯ?a
1. Саво алав дя о Иисусо, сар пистромэ андэ Матфея 11:28—30?
АКЭ, саво алав дя о Иисусо лэ манушэнди, савэ стидэнаспэ тэ ашунэн лэс: «Авэн каринг мандэ... и мэ стерава, кай тумэнди авэла май вушэро по ди». (Адиносар Матфея 11:28—30b.) Када сас най йвутнэ алава. Погиндосарам пала кода, со во стердя важ и манушни, савятэ сас ԥаро насвалимос.
2. Со о Иисусо стердя важ и манушни, савятэ сас ԥаро насвалимос?
2 Кадэла манушняти сас фартэ ԥарэс и вой ужэ камля тэ умэкэл и вас. Кай тэ виличийпэ вой сас кай бут врачоря. Прожыля 12 бэрш, ай вой всаек сас насвали. Па Законо кадэя манушни сас найвужи (Левит 15:25). И акэ вой ашунэл, кай о Иисусо исцэлий лэ насвалэн, и важ када вой жал каринг лэстэ. Кала кадэя манушни виарақля лэ Иисусос, вой ляпэ каринг упруни йда кай и бахрома и сразу ашэля здорово! Но о Иисусо най кати исцэлисардя ла. Во лати поможысардя, кай вой упалэ тэ стол пэр пэстэ патив. Андэ дума ласа о Иисусо анда оди и пативалэс ԥэндя пэр латэ «мэрни щей». Лэстирэ алава динэ лати зор (Луки 8:43—48).
3. Пэ савэ вопросоря амэ виарақаса атветоря андэ кадэя статья?
3 Шон сама, кай кадэя манушни екжэни пашэля каринг о Иисусо. Важ када лати сас трэбуй тэ стол зор. Кадяжэ амэнди адес трэбуй тэ стас зор, кай тэ авас каринг о Иисусо. Андэ амари время о Иисусо на исцэлий о насвалимос через и чуда кодэлэн, ко авэл каринг лэстэ. Но во всаек ақарэл: «Авэн каринг мандэ... и мэ стерава тумэнди май вушэро по ди». Андэ кадэя статья амэ виарақаса атветоря пэ панч вопросоря. Сар тэ авас каринг о Иисусо? Со о Иисусо гиндояс, кала ԥэндя: «Лэн пэр пэстэ мэрно ӷамо»? Сости амэ можэм лэстар тэ сытювас? Васо ла дилатар, сави амэнди дя о Иисусо, ашэл май вушэро по ди? Со амэнди трэбуй тэ терас, кай и май дур тэ лас зор, кай тэ авэл май вушэро по ди, кала терас и дила тала лэ Христоско ӷамо?
«АВЭН КАРИНГ МАНДЭ»
4, 5. Сар амэ можэм тэ авас каринг о Иисусо?
4 Сар тэ авас каринг о Иисусо? Када драго тэ сытювас кодэлэсти, сости во сытярэлас и сар во пэс андярэлас (Луки 1:1—4). Важ амэндэ када нико на стерэла, када кати амэ трэбуй тэ стерас. Амэ кадяжэ авас каринг о Иисусо, кала болдювас и ашас лэстирэ ученикоря.
5 Инке, сар амэ можэм тэ авас каринг о Иисусо, када тэ мангас помощь кай и старейшыноря. О Иисусо заботийпэ пала пэстирэ бакрорэ через кадэла мануша, савэ сар подаркоря (Эфесянам 4:7, 8, 11; Иоанна 21:16; 1 Петра 5:1—3). Амэнди екжэнэнди трэбуй тэ мангас помощь, важ кода кай и старейшыноря нэ моӷут тэ диқэн амарэ гиндоря и тэ ӷанэн, со амэнди трэбуй. Акэ, со росԥэнэн ек ԥрал, савэс ақарэн Джулиано: «Через кода, кай мэ занасвайлэм, манди прижыляпэ тэ ашавав вефильско служэния. И ек мэрно друӷо подԥэндя, кай мэ тэ мангав пастырско посещения. Спэрва мэ гиндосаравас, кай пастырско манди на трэбуй. Но прожыля время, и мэ всаек манглэм лэ старейшынонэн тэ подэн дума манца. Мэ гиндосарав, кай када со май лашо подарко андэ мэрни жызня». И старейшыноря, савэ на парашэн тэ кандэн лэ Дэвлэс, например, сар кодэла, ко авеля каринг о Джулиано, поможын и амэнди, кай амэ тэ «гиндосарас, сар о Христос» (1 Коринфянам 2:16; 1 Петра 2:21). Пастырско посещения па чачимастэ со май лашо подарко, саво моӷут тэ стерэн и старейшыноря.
«ЛЭН ПЭР ПЭСТЭ МЭРНО ӶАМО»
6. Со о Иисусо гиндояс, кала ԥэндя «лэн пэр пэстэ мэрно ӷамо»?
6 И алава «лэн пэр пэстэ мэрно ӷамо», файма, сыкавэн «Кандэн ман». О Иисусо кадяжэ моӷ тэ гиндой: «Тердён тала мэрно ӷамо манца, и амэ вмести ласа тэ терас лэ Иеговастири дила». Саво бы тэ на авэл гиндо андэ кадэла алава, о алав ӷамо сыкавэл, кай трэбуй тэ терас и дила.
7. Сави дила амэнди динэ, сар пистромэ андэ Матфея 28:18—20, и васо амэ можэм тэ патяс, кай стераса ла?
7 Амэ авас кай о Иисусо, кала дас алав тэ жувас важ лэстэ и болдювас. Кадэя приглашэния важ всаворэ, важ кода кай о Иисусо никала на отԥэндёлапэ кодэлэндар, ко па чачимастэ камэл тэ служый лэ Дэвлэсти (Иоанна 6:37, 38). Важ кажно христианино, саво терэл и дила, сави дя о Иегова лэ Иисусости, када бари патив. Амэ можэм тэ патяс, кай о Христос вся и время авэла амэнца, кай тэ поможый амэнди тэ стерас кадэя дила. (Адиносар Матфея 28:18—20c.)
«СЫТЁН МАНДАР»
Паша Иисусо лэ манушэнди сас вушэро по ди. Сытён лэстар. (Диқэн и абзацоря 8—11.)e
8, 9. Васо и мануша,савэ на заваздэнас о шэро, цырдэнаспэ каринг о Иисусо? Пала со трэбуй тэ пушэс пэстар?
8 Мануша, савэ на заваздэнас о шэро, цырдэнаспэ каринг о Иисусо (Матфея 19:13, 14; Луки 7:37, 38). Васо? Машкар о Иисусо и фарисеёря сас фартэ бари разница. И барэ мануша анда вера на любинас лэ манушэн и сас ӷорди (Матфея 12:9—14). Ай о Иисусо драго обжаласпэ и на заваздэлас о шэро. И фарисеёря любинас, кай тэ ашундён и путёнас, кай лэндэ бари власть. Ай о Иисусо ԥэнэнас, кай када найдраго, тэ путён пэстиря властяса и сытярэлас пэстирэ учениконэн тэ служын аврэнди най завазглэ шэрэса (Матфея 23:2, 6—11). И фарисеёря обжанаспэ лэ манушэнца кадя, кай вонэ тэ даран и тэ кандэн лэн (Иоанна 9:13, 22). Ай о Иисусо подритярэлас лэ манушэн лашэ алавэнца и диласа.
9 Сости тумэн сытярэл лэ Иисусоско примеро? Пушэн пэстар: «Пала мандэ гиндон, кай мандэ ковло ди и кай мэ на заваздав о шэро? Анда вся оди мэ служысарав аврэнди и терав и бути, сави на дицол и сави найпочотно? Драго мэ обжавпэ аврэнца?»
10. Со терэлас о Иисусо важ пэстирэ ученикоря?
10 О Иисусо ӷанэнас тэ терэл кадя, кай лэ манушэнди, савэ сас пашэ лэстэ, тэ авэл драго по ди и во анда оди лэн сытярэлас (Луки 10:1, 19—21). О Иисусо пушэлас лэндар, со вонэ гиндон. Во камэлас тэ уӷанэн, со вонэ гиндон (Матфея 16:13—16). И ученикоря росцветинас, сар и цветочкоря андэ теплица. Вонэ прилэнас вся, сости сытярэлас лэн о Иисусо, и анэнас и плодоря, када лэндири лащи дила.
Тэ авэл паша тумэндэ вушэро и драго обжанпэ аврэнца
Май бут расԥэнэн пала Иегова
На заваздэн о шэро и стон зор, кай тэ терэн дилаf
11. Пала со трэбуй тэ пушэн пэстар?
11 Исин тумэндэ власть пэ варикастэ? Если да, пушэн пэстар. Сар мэ андярав пэс пэ бути чи цэрэ? Старысавав мэ тэ на парашав тэ ладисарав аврэнца? Вушэро мандар пала варисо тэ пушэн? Анда оди мэ варикас виашунав? Давайте на аваса, сар и фарисеёря, савэ холявэнас, кала лэндар варисо пушэнас, и савэ терэнас ԥарэс лэ манушэнди, савэ гиндонас па аврятэ (Марка 3:1—6; Иоанна 9:29—34).
«МЭ СТЕРАВА ТУМЭНДИ МАЙ ВУШЭРО ПО ДИ»
12—14. Васо через и дила, сави амэнди дя о Иисусо, ашэл май вушэро по ди?
12 Васо через и дила, сави амэнди дя о Иисусо, ашэл май вушэро по ди? Бут васо. Акэ дэсо.
13 Амэндэ со май лашэ надзиратели. Кай о Иегова само бари власть. Но во никала на андярэл пэс ӷрубо и найблаӷодарно. Во цэний кода, со амэ терас (Евреям 6:10). И во дэл амэнди зор скати трэбуй, кай амэ тэ стерас и дила, сави амэнди динэ (2 Коринфянам 4:7; Галатам 6:5). Амаро царё о Иисусо лашо примеро, сар амэ тэ андярас пэс аврэнца (Иоанна 13:15). Ай старейшыноря терэн сар о Иисусо, саво «само баро пастырё» (Евреям 13:20; 1 Петра 5:2). Кала вонэ сытярэн амэн, вонэ терэн вся, кай драго тэ обжанпэ амэнца, кай тэ дэн зор и кай амэ тэ авас смили.
14 Амэндэ со май лашэ друӷоря. Будэр никастэ нинай кацаво андо ди, сар амэндэ, кай любисарас ек аврэс и терас ек дила. Кати погиндон, амэ терас дила лэ манушэнца, савэ жувэн по законо, но вонэ на гиндон, кай май лашэ аврэндар. Вонэ ӷанэн бут со драго тэ терэн. Но вонэ всаек андярэн пэс сэжо и на гиндон, кай вонэ май лашэ аврэндар. Амэ важ лэндэ найпросто мануша, савэнца терэн и дила, ай чачунэ друӷоря. И амари дружба лэнца фартэ састи, кай вонэ ӷотови тэ отдэн пэстири жызня важ амэндэ!
15. Со амэндэ по ди, кала амэ терас и дила, сави амэнди динэ?
15 Амэндэ со май лащи дила. Амэ сытярас лэ манушэн лэ чачимасти пала о Иегова и росԥэнас пала хохаимос, саво розындярэл о Бэнг (Иоанна 8:44). О Сатана терэл кадя, кай лэ манушэнди тэ авэл фартэ ԥарэс. Например, во камэл, кай амэ тэ патяс, кабута о Иегова никала амэн на простия и на полюбия. Када фартэ ԥаро ӷамо и баро хохаимос! Но па чачимастэ, кала амэ авас каринг о Христос, амарэ ӷрехоря простинпэ. Ай о чачимос андэ кода, кай о Иегова кажнонэс андар мэндэ фартэ любий (Римлянам 8:32, 38, 39). Сар дэ драго тэ сытярас лэ манушэн тэ патян лэ Иеговасти! Ай сави дэ бари бах тэ диқас, кай лэндири жызня парудёлпэ андэ лащи риг!
СО И МАЙ ДУР ТЭ ТЕРАС, КАЙ ТЭ АВЭЛ МАЙ ВУШЭРО ПО ДИ?
16. Соса о ԥаримос, саво мангля о Иисусо, кай амэ тэ андярас, на шолпэ ни пэ нисаво авэр ԥаримос?
16 О ԥаримос, саво мангля о Иисусо тэ андярас, на шолпэ ни пэ нисаво авэр ԥаримос. Например, посли кода, сар цыло дес тердэ бути, бутэндэ нинай зор и найлошалэ нисости. Ай кала ԥирас пэ служэния и росԥэнас пала Иегова и пала Иисусо, амэ фартэ бахталэ и лошалэ. Дэкала амэ кадя цыювас па бути, кай вэчэром прижалпэ через о зор тэ жас пэ собрания. Но май часто, кала амэ авас цэрэ посли собрания, амэнди ашэл май вушэро по ди и амэ полас, кай лям нэво зор. Кадяжэ и посли кода, сар жылям тэ росԥэнас важ о Дэл, и кала сытювас екжэнэ па Библия. Кала амэ стас зор кай тэ стерас када, амэ полас, кай ашас май зоралэ и май бахталэ.
17. Со амэ трэбуй тэ прижанас и со тэ полас?
17 Амэ трэбуй тэ прижанас, кай амаро зор на хутилэла пэ вся. Важ када трэбуй тэ полас, пэр со ужал амаро зор. Например, амэ можэм тэ стас амаро зор евья, кала ӷонисавас пала барвалимос. Сэрэн лэ Иисусостири дума лэ тэрнэ манушэса, саво сас барвало, и саво пушля кай о Иисусо: «Со манди тэ терав, кай тэ авэл вечно жызня?» Кадэва мануш ужэ ритярэлас о Законо. Во сас лашо мануш, важ кода кай андэ Евангелия лэ Маркостар пистромэ, кай о Иисусо лэс любияс. Тоди о Иисусо ԥэндя лэсти: «Жа, битин вся, со тутэ исин... ай тоди ав и жа манца». Кодэва тэрно начальнико камля тэ ашэл лэ Иисусоско ученико, но лэстэ на вижыля тэ ашавэл пэско «барвалимос» (Марка 10:17—22). Важ када во отԥэнделя тэ лэл пэр пэстэ о ӷамо, саво дэлас лэсти о Иисусо, и ашэляпэ лэ барвалимаско рабо (Матфея 6:24). Ай сар тумэ тердоп?
18. Со амэнди дэкала трэбуй тэ терас и васо?
18 Авелоп драго дэкала тэ полас, со важ амэндэ май ӷлавно андэ жызня. Васо? Кай тэ полас, кай амэ най евья стас пэско зор. Акэ со росԥэнэн ек тэрно ԥрал, савэс ақарэн Марко: «Бут бэрша мэ гиндосаравас, кай андярав просто жызня. Мэ сымас пианеро, но вся и время гиндосаравас, сар тэ затерав ловэ, кай тэ жував май драго. Мэ нисар нащи полавас, васо манди на хутилэл радость. Потом мэ полэм, кай мэ жувавас кати важ пэстэ и пэ када отдавас вся пэско зор и время, ай лэ Иеговасти отдавас кода, со ашэласпэ». О Марко парудя пэстирэ гиндоря и ля тэ жувэл па аврятэ, важ кода кай май бут ля тэ терэл дила андэ служэния лэ Иеговасти. Во ԥэнэн: «Дэкала мэ пэрэжываю пала ловэ, но о Иегова и о Иисусо поможын манди тэ гиндосарав, кай важ мандэ тэ авэл ӷлавно, када и служэния».
19. Васо трэбуй правильно тэ диқас пэ служэния?
19 Кай и май дур тэ авэл май вушэро по ди, кала амэ тала лэ Иисусоско ӷамо, трэбуй тэ терас кадя, сар ԥэнэнпэ андэ кадэла трин советоря. Пэрво, када правильно тэ диқас пэ служэния. Амэ терас лэ Иеговастири дила, и важ када трэбуй ла тэ терас кадя, сар во камэл. О Иегова амаро Ӷосподино и амэ лэса терас ек дила (Луки 17:10). Если амэ камас тэ терас лэстири дила па пэстирятэ, кадэлэстар амари жызня авэла май ԥари. Тоди амэ шасапэ по гурув, саво тала ӷамо и камэл тэ жал най интя каринг даравэл лэс о хулай, ай андэ авэр риг. Канч, кай во зорало, кацаво гурув йто вимардёла анда зор и порандэла пэс. Кала амэ кандас лэ Иеговас, амэндэ вижала тэ стерас кода, со дажэ най па амаро зор, и тэ пэрэандярас любо ԥаримос. На бистрэн, кай ни кастэ нинай кацаво зор, кай тэ терэл кадя, кай амэ тэ на терас кода, со камэл о Дэл (Римлянам 8:31; 1 Иоанна 4:4).
20. Васо амэ трэбуй тэ лас пэр пэстэ лэ Христоско ӷамо?
20 Дуйто, служын, важ кода кай любин. Амаро гиндо, када тэ прославляем амарэ любящёнэ Дадэс, лэ Иеговас. Андэ пэрво вико сас кодэла, ко авэнас каринг о Иисусо. Вонэ камэнас кати варисо лэстар тэ лэн и сас жадни, но йто умэклэ и вас, и отԥэнделэ тэ лэн пэр пэстэ лэ Христоско ӷамо (Иоанна 6:25—27, 51, 60, 66; Филиппийцам 3:18, 19). Ай кодэла, кастэ сас чачуни любовь каринг о Дэл и каринг и пашутнэ мануша, сас лошалэ тэ терэн дила тала кадэва ӷамо вся пэстири жызня пэ ԥув и надеинаспэ май дур тэ служын по нэбо. Кала амэ служысарас, важ кода кай любисарас, амэ кадяжэ аваса лошалэ тэ служысарас тала лэ Христоско ӷамо.
21. Со амэ можэм тэ аштярас, сар пистромэ андэ Матфея 6:31—33?
21 Трито, тэ аштярас кода, со правильно. Амэ витидям тэ жувас най важ пэстэ, ай анда оди тэ служысарас лэ Дэвлэсти. О Иисусо ԥэндясас, кай амэн лэна тэ ӷонин. Но амэ можэм тэ патяс, кай о Иегова дэла амэнди зор тэ виритярас любо ԥаримос. Со май бут ԥаримос амэ виритярас, со май састэ ашас (Иакова 1:2—4). Амэ кадяжэ можэм тэ аштярас, кай о Иегова дэла амэнди вся со трэбуй, и о Иисусо авэла амаро пастырё, и и ԥрала и ԥэя на ашавэна амэн андэ бида. (Адиносар Матфея 6:31—33d; Иоанна 10:14; 1 Фессалоникийцам 5:11.) Амэндэ чаче исин вся, кай тэ виритярас!
22. Васо амэ блаӷодарни?
22 Ла манушняти, савя исцэлисардя о Иисусо, сразу ашэла о зор май лашо. Ай кай лати вся и время тэ авэл вушэро по ди, тоди вой сас трэбуй тэ ашэл лэ Христостири ученица. Погиндон, кодэя манушни закамля тэ лэл пэр пэстэ лэ Христоско ӷамо, и акана вой служый по нэбо! Вой па чачимастэ ашэля лэ Христостири ученица, сави на парашэлас лэс тэ кандэл. Любо ԥаримос, саво вой пэрэандярдя, на ашэл нисо против и наӷрада, сави латэ исин. Саво бы амэ тэ на аштярас лашимос, тэ жувас вечно по нэбо чи пэ ԥув, амэ блаӷодарни, кай прилям лэ Иисусостири приӷлашэния: «Авэн каринг мандэ».
ДИЛИ 13 Христос — наш пример
a О Иисусо ақарэл амэн тэ авас каринг лэстэ. Со трэбуй тэ терас, кай тэ авас каринг лэстэ? Атвето амэ виарақаса андэ кадэя статья. Кадяжэ амэ инке еқварэс уӷанаса андэ статья, сар амэнди можэт тэ авэл май вушэро по ди, кала терас ек дила лэ Христоса.
b Матфея 11:28—30: «Авэн каринг мандэ всаворэ, ко терэн дила и касти ԥарэс, и мэ стерава, кай тумэнди авэла май вушэро по ди. Лэн пэр пэстэ мэрно ӷамо и сытён мандар, важ кода кай мэ на заваздав о шэро и мандэ ковло ди, и тумэнди авэла май вушэро по ди. Важ кода кай мэрно ӷамо вушэро и мэрно ԥаримос найԥаро».
c Матфея 28:18—20: «О Иисусо пашэля каринг лэндэ и ԥэндя: „Ман о Дэл стодя хуласа па вся нэбо и па вся и ԥув. Жан кай всаворэ народоря, сытярэн лэ манушэн, кай вонэ тэ авэн ученикоря. Болэн лэн через о алав лэ Дэвлэско, лэ Шавэско и свынтонэ духоско. И сытярэн лэн тэ терэн вся, со мэ тумэнди приԥэндэм. И мэ авава тумэнца андэ всаворэ деса, пока кадэлэсти, со андэ люма, на авэла конец“».
d Матфея 6:31—33: «Важ када никала нэ пэрэжывайте и на ԥэнэн: „Со амэнди тэ хас?“, или „Со тэ пас?“, или „Со тэ лас пэр пэстэ?“ Важ вся када кати и гиндон авэр народоря. Тумаро небесно Дад ӷанэн, кай тумэнди вся када трэбуй. И акэ, на парашэн тэ родэн спэрва лэ Дэвлэско царство и лэ Дэвлэско чачимос и вся када во дэла тумэнди».
e Пэ картинка. О Иисусо подритярэл лэ манушэн лэ алавэнца и ла диласа.
f Пэ картинка. Кадяжэ о ԥрал, сар о Иисусо, терэл кадя, кай аврэнди тэ авэл май вушэро по ди.