Лашимос кодэлэнди, ко кандэл лэ Дэвлэс

О пророко Моисеё ԥэндя, кай о Дэл дэл лашимос кодэлэнди, ко лэс кандэл (Второзаконие 10:13; 11:27). Но амэ трэбуй тэ кандас лэс най важ кода, кай во можэт тэ спушэл амэндар. О Создателё камэл, кай амэ тэ додиқас, саво во сыно, и тэ полюбисарас лэс. Во камэл, кай именно через и любовь каринг лэстэ амэ тэ кандас лэс и тэ на терас кода, со лэсти на чалёл. Андэ Свынто Писания пистромэ: «Любовь каринг о Дэл дицол андэ кода, кай амэ ритярас лэско законо» (1 Иоанна 5:3).

Но саво лашимос о Создателё дэл кодэлэнди, ко лэс кандэл? Давай диқаса.

1. КАЛА АМЭ КАНДАС ЛЭ СОЗДАТЕЛЁС, АМЭ АШАС МАЙ ГОДЯВЭРНЭ

«Мэ, о Иегова, тиро Дэл, саво сытярэл тут кодэлэсти, со важ тутэ авэла драго, саво андярэл тут па дром, па саво тути трэбуй тэ жас» (ИСАИЯ 48:17).

Амаро Создателё, о Иегова, драго полэл амэн и ӷанэн, со важ амэндэ фэдэр. Если амэ камас годявэрнэс тэ прилас и ришэнии, амэнди трэбуй тэ уӷанас, сости сытярэл и Свынто Писания, и тоди тэ старысавас тэ жувас кадя, сар котэ пистромэ.

2. КАЛА АМЭ КАНДАС ЛЭ СОЗДАТЕЛЁС, АМЭ ЖУВАС МАЙ БАХТАЛЭС

«Бахталэ кодэла, ко ашунэл лэ Дэвлэско алав и терэл кадя!» (ЛУКИ 11:28).

Адес милионоря мануша, савэ приашундён каринг лэ Дэвлэстирэ алава, па чачимастэ жувэн бахталэс. Акэ ек примеро анда Испания. Ек мануш йто вижалас андар пэстэ и ӷрубо обжаласпэ пэстиря хулаяса и аврэ манушэнца. Еқвар во проандиносардя андэ книӷа, сави пистросардя о пророко Моисеё, пала ек тэрно мануш Иосифо, лэ Иаковоско шаво. Лэ Иосифос битиндэ андо рабство и нивасо бэшардэ андо баруно. Но во на ля тэ ритярэл и холи андо ди, тэ рий пала пэстэ и простисардя кодэлэн, ко лэса найдраго обжыляпэ (Бытие, ӷлавы 37—45). Кадэва мануш анда Испания ԥэндя: «Лэ Иосифоско примеро дя манди зор тэ парудював, тэ ашав добро и тэ ритярав пэс андэ вас. Акана мэ пэ бутэстэ май бахтало!»

Андэ Свынто Писания исин и авэр примероря и советоря, савэ поможын тэ дружысарас аврэ манушэнца. Май бут пала када росԥэнэнпэ андэ авэр статья.