«Поможысар манди всаворэ одеса тэ дарав тутар»

1. Сар када тэ дарас лэ Дэвлэстар и васо кадэя дар трэбуй кодэлэнди, ко лэс любий?

И ХРИСТИАНОРЯ любин лэ Дэвлэс и кадяжэ даран лэстар. Варико можэт тэ ԥэнэн, сар када тэ любис лэ Дэвлэс и тэ авэл дар англа лэстэ? Андэ кадэя статья амэ подаса дума, васо трэбуй тэ дарас лэ Дэвлэстар. Сар када тэ авэл дар англа Дэл? И мануша, савэ даран лэ Иеговастар, анда оди стон патив пэр лэстэ. Вонэ на камэн тэ холярэн пэстирэ небеснонэ Дадэс, важ кода кай даран тэ хасарэн и дружба лэса (Псалом 111:10; Притчи 8:13).

2. Пала савэ дуй маменторя амэ подаса дума андэ кадэя статья, савэ дицон анда Псалом 86:11?

² Адиносар Псалом 86:11b. Анда лэ царёстирэ лэ Давидостирэ алава дицол, кай во полэлас, сар дэ важно, кай тэ авэл дар англа Дэл. Погиндосарам, сости амэн моӷут тэ сытярэн лэ Давидостирэ алава. Пэрво, уӷанаса, васо амэ трэбуй тэ дарас лэ Дэвлэстар. Дуйто, амэ подаса дума, сар кажно дес амэнди тэ сыкавас, кай стас бари патив по Дэл.

ВАСО АМЭНДЭ ТРЭБУЙ ТЭ АВЭЛ ДАР АНГЛА ДЭЛ?

3. Со, файма, поможыяс лэ Моисеёсти тэ на парашэл тэ дарал лэ Дэвлэстар?

³ Кати представь, со сас кай о Моисеё по ди, кала во сас по плай Хориво, кай о Иегова сыкадя лэсти андэ видения пэстири слава. Андэ инцыклапедия «Понимание Писания» пистромэ: «Лэ Моисеёсти випэля бари бах тэ диқэл и видения. И во латар во пэрэдарайля. Жы кай о Иисусо кацави видения нико на диқля». Во ашундя алава, савэ здэлпэ ԥэндя о анӷело: «Иегова, Иегова, Дэл, саво жалуий анда вся оди и никала на ашавэл, кала ԥарэс. Во на грабийпэ тэ холявэл, терэл бут лашимос и чачимос, фэрий пэстири любовь каринг и тысячи и на ашавэл лэн. Во простий и ӷрехоря и кода, со терэн най кадя» (Исход 33:17—23; 34:5—7). О Моисеё сгиндояс пала кода, кала ԥэнэнас лэ Дэвлэско алав Иегова. Важ када амэ полас, васо во май интя ԥэндя лэ Дэвлэстирэ народости лэ Израилёсти, кай вонэ «тэ даран лэ Иеговастар, саво ашунгло и савэстар лэл и дар» (Второзаконие 28:58).

4. Со поможыя амэнди инке май фартэ тэ стас патив по Иегова?

⁴ Кала амэ гиндосарас пала лэ Дэвлэско алав, авелоп драго тэ погиндосарас пала лэско зор, мудрость, справедливость и любовь. Кала амэ гиндосарас пала кадэла и пала авэр качестворя, амэндэ андо ди ашэл май бари патив кай о Иегова (Псалом 77:11—15).

5, 6. а) Со сыкавэл лэ Иеговаско алав? б) Сар о Иегова терэл кода, со загиндосардя, сар пала када пистромэ андэ Исход 3:13, 14 и Исаия 64:8?

⁵ Со амэ ӷанас пала лэ Дэвлэско алав? Бут учони ԥэнэн, кай лэ Дэвлэско алав Иегова сыкавэл, кай «Во дэл тэ ашэл». Када дэл тэ сэрас амэнди, кай о Иегова вся и время терэл кода, со загиндосардя. Сар во када терэл?

⁶ Пэрво, о Иегова ашэл кодэлэса, каса трэбуй, кай тэ стерэл кода, со загиндосардя. (Адиносар Исход 3:13, 14c.) И андэ амари литература часто ԥэнэнпэ, кай амэ тэ погиндосарас пала када. Дуйто, о Иегова поможый пэстирэ найсовершэнонэ служытелёнэнди тэ ашэн кодэлэнца, каса трэбуй, кай тэ стерэн кода, со во камэл. (Адиносар Исаия 64:8d.) Вижал, нисо нэ можэт тэ на дэл лэ Иеговасти, кай тэ авэл кода, со во загиндосардя (Исаия 46:10, 11).

7. Со поможыя амэнди тэ авас инке май блаӷодарни лэ небеснонэ Дадэсти?

⁷ Кала амэ ласа тэ гиндосарас пала лэстири дила и пала кода, со амэ стердям лэстирэ зорэса, амари блаӷодарность авэла инке май бари каринг амаро небесно Дад. Кала амэ гиндосарас, сар дэ драго о Иегова вся стердя, амэн када фартэ лэл лэ одестар (Псалом 8:3, 4). Ай кала амэ гиндосарас, сар амэндэ лэстирэ зорэса вижыля тэ стерас, со во камэл, тоди амэндэ ашэл инке май бари патив каринг лэстэ. Чаче, амэндэ исин и дар лэ Дэвлэстар и бари патив! Лэ Дэвлэско алав Иегова сыкавэл, савэ лашэ качестворя лэстэ, и вся, со во ужэ стердя и стерэла май англэ (Псалом 89:7, 8).

«МЭ ЛАВА ТЭ РОСԤЭНАВ ВАЖ ЛЭ ИЕГОВАСКО АЛАВ»

8. Сар амэнди трэбуй тэ полас лэ Дэвлэско алав Иегова, сар пистромэ андэ Второзаконие 32:2, 3?

⁸ Англа кода, сар тэ зажан андэ Обетованно ԥув, о Иегова сытярдя лэ Моисеёс тэ дилабэл ек дили (Второзаконие 31:19). Ай о Моисеё пэрэдя кодэя дили всаворэ народости. И алава анда кадэя дили можно тэ проадиносарас андэ 32 ӷлава андэ книӷа Второзаконие. (Адиносар Второзаконие 32:2, 3e.) Анда 2 и 3 стихо дицол, сар о Иегова камэл тэ полэн лэско алав. Во на камэл, кай лэско алав тэ гаравэн и на камэл, кай пала лэско алав тэ гиндон, кай лэс нащи тэ ԥэнэн, важ кода кай во черезчур свынто. Во камэл, кай лэско алав тэ ӷанэн всаворэ! Израильтяноря фартэ лошавэнас, кай о Моисеё андэ кадэя дили ԥэрнадя о чачимос пала о Иегова и пала лэско алав. Лэ Моисеёстирэ алава сас важ лэндэ, сар найбаро брышындоро, саво поможый, кай вся тэ барёл. Кадяжэ и лэстирэ алава дэнас лэнди зор и поможысардэ лэнди май фартэ тэ патян. Ай сар амэ тэ полас, кай амарэ алава придэн зор кодэлэнди, касти амэ росԥэнас пала Дэл и сытярас па Библия?

9. Сар амэ можэм тэ злас о хохаимос, саво ԥэнэн по Дэл Иегова?

⁹ Кала амэ росԥэнас пала Дэл па цэра чи котэ, кай прожан чи стидэнпэ бут мануша, амэ можэм тэ сыкавас лэ манушэнди лэ Дэвлэско алав Иегова ворта андэ Библия. Амэ можэм тэ дас лэнди и литература, андэ сави исин картинки, тэ сыкавас интересни видео и тэ росԥэнас, со исин лашо пэ амаро сайто. Кадэлэстар лэ Дэвлэско алав ашэл инке май ашунгло. Амэндэ можэт тэ вижал тэ росԥэнас пала амаро лашо Дэл и пала лэстирэ лашэ качестворя пэ бути, андэ школа и кала отцыювас. Файма, кала о мануш ашунэла амэндар, со о Иегова загиндосардя важ и ԥув и важ и мануша, кати тоди во полэла, сар дэ фартэ амэн любий о Дэл. Кала амэ росԥэнас лэ манушэнди о чачимос пала амаро любящё Дад, амэ злас о хохаимос, саво ԥэнэн пэр лэстэ. Амэ поможысарас лэ манушэнди, кай вонэ тэ полэн, кай лэн сытярдэ хохаимасти пала Дэл. Ай кода, сости амэ сытярас лэ манушэн анда Библия, када со май лашо, со вонэ моӷут тэ полэн пала Дэл (Исаия 65:13, 14).

10. Васо на хутилэла тэ росԥэнас лэ манушэсти, савэс сытярас па Библия, пала лэ Дэвлэстирэ лашэ законоря?

¹⁰ Кала амэ сытярас лэ манушэс па Библия, амэ камас, кай во тэ уӷанэн лэ Дэвлэско алав и тэ ԥэнэн лэс. Ай кадяжэ амэ камас, кай во тэ полэл, саво во сыно, аврэ алавэнца, май драго тэ уӷанэн лэ Иеговас. Вижала амэндэ када, если амэ просто росԥэнаса лэ манушэсти, со чалёл лэ Дэвлэсти, ай со най? Кас амэ сытярас па Библия, во можэт тэ ӷанэн лэ Дэвлэстирэ законоря и вонэ дажэ моӷут фартэ тэ чалён лэсти. Но диқас амэ, кай во камэл тэ жувэл па лэ Дэвлэско законо, важ кода кай любий лэ Иеговас? Сгиндосарам пала Ева. Вой ӷанэнас лэ Дэвлэско законо, но латэ на сас чачуни любовь каринг кодэва, ко дя кадэва законо. Кадя жэ можно тэ ԥэнас и пала Адамо (Бытие 3:1—6). Тоди вижал, на хутилэл тэ росԥэнас лэ манушэсти, савэс сытярас па Библия, пала лашо лэ Дэвлэско законо.

11. Сар тэ поможысарас лэ манушэнди, савэн сытярас па Библия, тэ полюбин най кати лэ Дэвлэстирэ законоря, но и лэ Дэвлэс?

¹¹ Всаворэ лэ Иеговастирэ законоря анэн амэнди лашимос (Псалом 119:97, 111, 112). Но када най сразу моӷут тэ полэн кодэла, кас амэ сытярас па Библия. Вонэ трэбуй тэ полэн, кай о Иегова дя кадэла законоря, важ кода кай любий амэн. Кала сытярас па Библия, амэ можэм тэ пушас лэ манушэстар: «Сар ту гиндос, васо о Дэл мангэл амэн дэсо тэ терас, ай дэсо тэ на терас? Со амэнди када сыкавэл пала Дэл?» Если амэ сытяраса кодэлэн, ко сытёл па Библия тэ гиндон пала Иегова и поможысараса лэнди па чачимастэ тэ полюбин лэ Дэвлэс лэ Иеговас, тоди вонэ закамэна тэ прилэн о чачимос анда вся оди. Кадэла, кас амэ сытярас па Библия, лэна тэ любин най кати лэ Дэвлэстирэ законоря, но и лэ Дэвлэс (Псалом 119:68). Вонэ лэна май фартэ тэ патян и када поможыя лэнди тэ виритярэн дажэ само баро ԥаримос (1 Коринфянам 3:12—15).

«АМЭ КАНДАСА ЛЭ ИЕГОВАС, АМАРЭ ДЭВЛЭС ВСЯ И ВЕЧНОСТЬ»

12. Сар кай о Давидо на вижыля тэ авэл лэ Иеговаса всаворэ одеса и каринг со када андя?

¹² Ӷлавно гиндо анда Псалом 86:11, када, кай «всаворэ одеса» о мануш тэ дарал лэ Дэвлэстар. Кадэла алава запистросардя о Давидо. Во драго ӷанэнас, сар оди можэт тэ камэл, кода, со на чалёл лэ Дэвлэсти. Еқвар, кала во сас андэ пэско цэр пэ крыша, во додиқля, сар наёл и Вирсавия, жувли, савятэ сас хулай. Сас о Давидо андэ кодэя время всаворэ одеса лэ Дэвлэса чи най? Во ӷанэнас лэ Иеговаско законо, саво ворта ԥэнэнас: «На кам чужона хулая» (Исход 20:17). Но во, файма, на парашэлас тэ диқэл пэр латэ. Лэско ди камэлас тэ авэл ла Вирсавияса и камэлас тэ уӷодий лэ Иеговасти. Хоть о Давидо бут бэрша любияс лэ Иеговас и даралас лэстар, но во всаек стердя бэзэх. Кадэлэса во стердя кадя, кай лэ Иеговас моӷли тэ дошалярэн и када андя бут ԥаримос лэстирэ ерести, ай кадяжэ лэ манушэнди, савэ ни андэр со на сас дошалэ (2 Самуила 11:1—5, 14—17; 12:7—12).

13. Катар амэ ӷанас, кай о Давидо упалэ всаворэ одеса сас лэ Иеговаса?

¹³ О Иегова поможысардя лэ Давидости тэ полэл, пэ скати дэ баро бэзэх сас, саво во стердя. Када поможысардя лэ Давидости тэ авэл лэстэ упалэ лащи дружба лэ Дэвлэса (2 Самуила 12:13; Псалом 51:2—4, 17). Во сэрэлас, саво найлашимос андя кода, кай во най всаворэ одеса сас лэ Иеговаса. Поможысардя о Иегова лэ Давидости, кай во упалэ всаворэ одеса тэ полэл лэс? Да, поможысардя, важ кода кай потом андэ Библия пистромэ, кай о Давидо сас всаворэ одеса пэстирэ Дэвлэса лэ Иеговаса (1 Царей 11:4; 15:3).

14. Со трэбуй тэ пушас пэстар и васо?

¹⁴ Амэ на камас тэ стерас кацаво жэ бэзэх, саво стердя о Давидо. Кода, со сас лэ Давидоса, дэл тэ погиндосарас пала када. Кадяжэ кода, кай во стердя баро бэзэх, фэрий амэн, лэ Дэвлэстирэ служытелёнэн, кай амэ кадя тэ на терас. Залям амэ тэ служысарас лэ Иеговасти дэлмут чи найдэлмут, амэнди трэбуй тэ пушас корко пэстар: «Терав мэ вся, кай тэ на парашав тэ авав всаворэ одеса лэ Иеговаса, хоть о Сатана бут со терэл, кай кадя тэ на авэл?»

15. Сар кода, кай амэндэ исин дар и патив каринг о Дэл, фэрий амэн, кала попэрдёлпэ варисаво билажавардимос?

¹⁵ Со тумэ терэн, кала дэзначай андо интэрнэто чи по телевизоро попэрдёлпэ пэ яқа кода, состар лэнпэ билажавардэ гиндоря? О мануш можэт тэ ԥэнэн пэсти, кай кода, со во диқэл, найворта билажавардимос. Ай со если о Сатана через када камэл, кай о мануш тэ парашэл тэ кандэл лэ Дэвлэс всаворэ одеса? (2 Коринфянам 2:11). Кала о товэр замарэн андо каш, кай во тэ росԥадёл, када можно тэ сыстосарас кодэлэса, кала о мануш диқэл кода, пэр со на ԥэнэса, кай када ворта билажавардимос. Кала лэ товэрэса дэсдап пэрво разо, о каш на росԥадёл. Но кала дэсдап до дуйто, до трито разо, о каш роспэрэлпэ. Кадяжэ, и кала о мануш диқэл кацавэ картинки. Лэсти можэт тэ здэлпэ, кай андэ када нинай нисо вэрыто. Но через када во всаек йто можэт тэ стерэл бэзэх. Тоди лэско ди парашэла тэ авэл лэ Иеговаса и во ашавэла лэс. Важ када на домэкэн, кай андэ тумаро ди тэ попэрэл варисаво билажавардимос! Мэк тумаро ди всегда авэла лэ Иеговаса, кай тэ на парашэн тэ даран лэстар и тэ стон патив пэр лэстэ!

16. Со трэбуй тэ пушас пэстар, кала камэлпэ кода, со нащи?

¹⁶ Инке кроме билажавардэ картинки, о Сатана подстол и авэр ловушки, кай амэ тэ стерас варисо найлашо. Сар амэ пэ када диқас? Чаче. Вушэро тэ лас тэ гиндосарас, кай када най кадя вэрыто. Амэ можэм тэ погиндосарас: «Ман жэ через када на исключина анда собрания. Вижал када най кадя и страшно». Кадя тэ гиндосарэс нэправильно. Фэдэр тэ пушас пэстар: «Можэт о Сатана через када терэл, кай мэ най всаворэ одеса тэ авав лэ Иеговаса? Если мэ стерава кода, со нащи, через када лажаварава мэ лэ Дэвлэс чи най? Ашава мэ май паша каринг о Иегова чи отжава лэстар?» Погиндон пала кадэла вопросоря. Мангэнпэ пала мудрость, кай ворта тэ дэн атветоря пэ кадэла вопросоря и тэ на обхохавэн пэс (Иакова 1:5). Када тумэн па чачимастэ фэрия и поможыя, кай тумэ тэ на терэн кода, со камэлпэ, но нащи. Кадя жэ стердя о Иисусо, кала ԥэндя: «Отжа, Сатана!» (Матфея 4:10).

17. Васо найдраго, кала амэ най всаворэ одеса лэ Дэвлэса? Росԥэнэн пала мануша, савэ цэлэн андо футболо.

¹⁷ Кала най всаворэ одеса лэ Дэвлэса, када найдраго. Представь лэ манушэн, савэ цэлэн андо футболо. Андэ лэндири команда исин мануша, савэ на ладин ек еқэса. Дэсавэ камэн слава кати пэсти, дэсавэ на камэн тэ цэлэн па правилам, ай дэсавэ на стон патив по тренеро. Кацави команда на вицэлэла. Ай кала и мануша драго полэн ек еқэс, тоди лэнди май вушэро тэ вицэлэн. Тэ служын лэ Иеговасти тумэндэ вижала, сар кай кадэя лащи команда, если тумарэ гиндоря, кода, со камэлпэ и кода, со по ди, авэна еқэндар. Сэрэн, кай о Сатана фартэ камэл, кай тумаро ди тэ на авэл лэ Иеговаса. Во камэл, кай тумарэ гиндоря, кода, со камэлпэ и кода, со по ди, тэ на сжалпэ лэ Иеговастирэ законоса. Тумэнди жэ трэбуй тэ служын лэ Иеговасти всаворэ одеса (Матфея 22:36—38). Никала на домэкэн, кай о Сатана тэ одындярэл тумэн лэ Иеговастар!

18. Со амэ закамлям тэ терас, сар диқлям и алава анда Михея 4:5?

¹⁸ Сар о Давидо, мангэнпэ лэ Иеговасти: «Поможысар манди всаворэ одеса тэ дарав тутар». Терэн вся, кай тэ жувэн кадя, сар ԥэнэнпэ андэ кадэя молитва. Мэк тумарэ ришэнии, важни и най фартэ важни, кажно дес сыкавэн, кай тумэ стон фартэ бари патив по Дэл Иегова. Кадя амэ лэ Иеговастирэ свидетеля терас, кай лэ Дэвлэско алав тэ авэл инке май ашунгло (Притчи 27:11). Кадя жэ, сар о пророко Михеё, амэ ԥэнаса: «Амэ кандаса лэ Иеговас, амарэ Дэвлэс вся и вечность» (Михей 4:5).