Кандас амэ адес, кала ашунас ла трубако звуко?

Амэ всаворэ патяс, кай андэ кадэла «послидни деса», о Иегова сытярэл амэн и дэл кода, со трэбуй, кай амэндэ тэ авэл лащи дружба лэса (2 Тимофею 3:1). Но канешно, кажнонэсти андар мэндэ трэбуй лэс тэ кандас. Амэндэ акана кадяжэ, сар кай и израильтяноря андэ пустыня. Кала вонэ ашунэнас ла трубако звуко, вонэ трэбуй сас варисо тэ терэн.

О Иегова ԥэндя лэ Моисеёсти тэ стерэл дуй тру́бы, савэ сас рупунэ и ковани (када вимардэ чуканэса) и ԥэндя: «Вонэ важ кода, кай тэ ақарас лэ мирос и кай всаворэ тэ стидэнпэ тэ жан» (Числа 10:2). Через и разни звукоря анда тру́ба, и рашая ԥэнэнас, со трэбуй сас тэ терэн и мануша (Числа 10:3—8). Адес о Дэл кадяжэ ԥэнэн пэстирэ народости, со трэбуй тэ терэн. Во када терэл, кала амэн ақарэн пэ барэ собрании, кала сытярэн лэ старейшынонэн пэ особи школы, ай кадяжэ, кала андэ собрании ԥэнэн, кай варисо андэ арӷанизацыя паруделя. Диқаса, соса када шолпэ кодэлэса, сар терэнас андо Израилё андэ дэлмутни время.

КАЙ ТЭ СТИДАСПЭ ПЭ БАРЭ СОБРАНИИ

Кала о Иегова камэлас, кай всаворэ израильтяноря тэ стидэнпэ пэ восточно риг ла свынтона баря катунаса, тоди рашая дилабэнас андэ дуй тру́бы (Числа 10:3). Кадэва звуко ашунэлас вся о израильско народо. О народо сас поделимэ пэ штар лаӷерёря и тердёнас круӷом свынто бари катуна. Кодэла племена, савэ сас май пашэ каринг о входо андэ кадэя катуна, моӷли тэ авэн кордэ фартэ йто. Ай кодэлэнди, савэ сас май дур лэ входостар андэ катуна, трэбуй сас май бут время и зор. Но о Иегова камэлас, кай всаворэ израильтяноря тэ стидэнпэ и тэ виашунэн, со во лэнди ԥэнэна.

Адес амэ на стидаспэ паша свынто бари катуна, но амэн кадяжэ ақарэн пэ собрания важ лэ Дэвлэско народо. Када региональни канӷрэсоря и авэр особи собрании, пэ савэ амэ ашунас важни гиндоря и кода, со трэбуй тэ терас. Анда всаворэ страны пэ кадэла собрании ашунэн ек. Всаворэ, ко авэн пэр лэндэ, фартэ лошалэ тэ авэн вмести лэ бахталэ лэ Иеговастирэ народоса. Кай тэ авэн пэ кацавэ собрании, дэсавэнди прижалпэ тэ ладэн пэ бутэстэ май дур, чем аврэнди. И всаек кодэла, ко авэн пэр лэндэ, патян, кай о зор, саво вонэ стодэ, ашэл када.

Ай со можно тэ ԥэнас пала цынёне ӷруппы, савэ дур лэ ҭанэстар, кай прожан барэ собрании? Бут кацавэ ӷруппы моӷут тэ диқэн кода, со жал пэ кацавэ барэ собрании и дажэ кабута тэ авэн пэр лэндэ. Сар? Важ кода кай адес исин интэрнэто. Кадя сас, кала андо Бени́но авеля мануш, савэс бишалдэ анда ӷлавно управления. Катутно филиало сыкавэлас и проӷрамма манушэнди, савэ андо шахтёрско форо Арли́, андо Ни́геро, андэ пустыня Сахара. Кадэя проӷрамма диқлэ 21 мануша. Када 5 амарэ ԥрала и ԥэя и 16 мануша, савэ кати камэн тэ уӷанэн о чачимос пала Дэл. Хоть вонэ сас фартэ дур, вонэ кабута сас котэ вмести всаворэнца. Пэ кодэя собрания сас 44 131 мануш. Акэ со пистросардя ек ԥрал: «Зор тумэнди пала кода, кай амэ моӷли тэ диқас и собрания вмести всаворэнца! Амэ инке еқвар всаворэ одеса полям, кай куч тумэнди».

КАЙ И СТАРЕЙШЫНОРЯ ТЭ СЫТЁН

Кала ашундёлас еқа трубако звуко, каринг о свынто бари катуна трэбуй сас тэ поджан кати «и барэдэра, савэ диқэн пала тысячи» (Числа 10:4). Котэ о Моисеё дэлас дума лэнца и сытярэлас лэн. Када поможыяс лэнди тэ терэн кода, со вонэ трэбуй сас тэ терэн. Если ту авелоп ек анда кодэла барэдэра мануша, хэба на стодоп ту вся пэско зор, кай тэ авэс пэ кодэя собрания и драго тэ ашунэс кода, со ԥэнэн о Моисеё?

Пэ старейшыноря андэ собрания нащи тэ ԥэнас, кай вонэ хулая. Вонэ на хулаин лэ Дэвлэстирэ народоса (1 Петра 5:1—3). Ай стон вся пэско зор, кай тэ диқэн пала лэ Иеговастирэ бакрорэ. Важ када вонэ лошаса жан тэ сытён андэ школы. Ек андар лэндэ, када Школа священого служэния. Котэ и старейшыноря сытён, сар май драго тэ диқэн пала собрания. Када поможый, кай всаворэндэ тэ авэл май лащи дружба лэ Иеговаса. Дажэ если амэ котэ на сытелям, када всаек анэна амэнди лашимос кодэлэндар, ко сас пэ кадэла школы.

КАЙ ТЭ ПРИЛАС КОДА, СО ПАРУДЕЛЯ АНДЭ ЛЭ ДЭВЛЭСТИРИ АРӶАНИЗАЦЫЯ

Кала понад и свынто бари катуна ваздэлас и туча, када сыкавэлас, кай о Иегова камэл, кай вся о народо тэ пэрэжал по нэво ҭан. Тоди и рашая андо Израилё ԥурдэнас андэ тру́ба скурти звукоря (Числа 10:5, 6). Кала вонэ пэрэжанас, вонэ жанас по порядко. Кажно израильтянино терэлас кода, со лэстар трэбуй, дажэ если варикасти када сас ԥарэс. Васо?

Файма, варико гиндояс, кай о звуко, саво сыкавэлас, кай трэбуй тэ пэрэжан по нэво ҭан, сас фартэ часто чи кала лэс совсем на аштярэнас. Андэ Библия ԥэнэнпэ, кай и израильтяноря тидэнаспэ андо дром, кала понад о свынто бари катуна ваздэлас и туча. Скати разоря када сас? «Дэкала и туча тердёлас котэ с вэчэра жы кай тэсара», ай дэкала «дуй дес, шон чи инке май бут деса» (Числа 9:21, 22). Ай скати разоря израильтяноря пэрэжанас пэ авэр ҭан? Андо 33 ӷлава андэ книӷа Числа ԥэнэнпэ, кай вонэ када терэнас варикай 40 разоря.

Израильтяноря родэнас андэ «бари пустыня, савятар дар» о ҭан, кай на марэл о қам, кай тэ стон котэ пэстири катуна. Кала варико андар лэндэ виарақэлас кацаво ҭан, вонэ лошавэнас (Второзаконие 1:19). И важ кода, кала лэнди трэбуй сас тэ пэрэжан по нэво ҭан, вонэ моӷли тэ гиндон, кай котэ авэла май ԥарэс.

Кала о миро ваздэласпэ тэ жал, файма, варикасти сас ԥарэс тэ доаштярдёл, кала вонэ тэ жан. Кала ашунэнас скурти звукоря, тэ жан моӷли най всаворэ. Пэрви звукоря сыкавэнас, кай трэбуй тэ жан лэ Иудастирэ, лэ Иссахаростирэ и лэ Завулоностирэ шавэ, савэ сас пэ восточно риг (Числа 2:3—7; 10:5, 6). Посли кода, сар вонэ ужылэ, и рашая дэнас дуйто разо скурти звукоря. Тоди моӷли тэ жан трин авэр племя, савэ тердёнас пэ южно риг. И рашая на парашэнас тэ дэн звуко важ кодэла, ко тердёнас пэ кажно риг, пока всаворэ на ужанастар.

Файма, ԥарэс тэ прилэс, кала андэ арӷанизацыя варисо парудёлпэ. Васо? Можэт тумэ гиндон, кай андэ арӷанизацыя и кадя бут со паруделя. Ай можэт тумэ гиндон, кай и кадя вся драго и нисо на трэбуй тэ парувас. Кала варисо парудёлпэ андэ жызня, када найвушэро, важ кода кай тэ присытёс каринг када трэбуй время. Но кала амэ када стераса, амэ додиқаса, кай кода, со паруделя, важ амэндэ май драго и лэ Иеговасти чалёл, кай амэ лэс кандас.

Кала жувэлас о Моисеё, о Иегова андярэлас через и пустыня милионоря манушэн, лэ муршэн, лэ жувлян и лэ бэятонэн. Если бы най о Иегова, саво заботияспэ и андярэлас лэн, вонэ на вижудоп. Ай адес о Иегова поможый амэнди тэ на парашас тэ патяс лэсти. Во поможый, кай амэндэ тэ авэл лащи дружба лэса! Давайте ласа вся и время тэ кандас лэ Иеговас и тэ сытювас лэ израильтянонэндар, савэ на парашэнас тэ кандэн лэ Иеговас, и савэ йто терэнас кода, со трэбуй сас, кала ашунэнас ла трубако звуко!