Васо амэ на жас пэ война, хоть андэ дэлмутни время и израильтяноря воевали?
КАЛА сас и Дуйто мирово война, ек нацыстско офицэро ля тэ цыпий пэ лэ Иеговастирэ свидетеля: «Если хоть ек андар тумэндэ отԥэндёла тэ жал против и Франция или Англия, тумэ всаворэ помэрэна!» И хоть паша лэндэ тердёнас вооружёни солдаторя, нико анда ԥрала на стердя кадя, сар лэнди ԥэндэ. Савэ вонэ дэ смили! Кадэва примеро драго сыкавэл, сар лэ Иеговастирэ свидетеля диқэн пэ войны, савэ андярэн и мануша: амэ отԥэндювас андэр лэндэ тэ участвуем. Дажэ кала амэнди ԥэнэн, кай важ када моӷут тэ умарэн, амэ никала на ласа тэ залас никастири риг андэ кадэва миро.
Но най всаворэ христианоря кадя гиндон. Бут ко ԥэнэн, кай о верущё мануш можэт и дажэ обязано, тэ фэрий пэстири родина. Вонэ моӷут тэ гиндон: «Дэлмут и евреёря сас лэ Дэвлэско народо, и вонэ андярэнас войны. Васо лэ христианонэнди адес када нащи тэ терэн? Со тумэ пэ када ԥэндоп? Можэте тэ ԥэнэн кацавэ манушэнди, кай и время, андэ сави жувэнас и израильтяноря, фартэ на шолпэ пэ адесутни время, андэ сави жувэл лэ Дэвлэско народо. Роздиқам панч маменторя.
1. ВСАВОРЭ ЛЭ ДЭВЛЭСТИРЭ СЛУЖЫТЕЛЯ САС АНДА ЕК НАРОДО
Андэ дэлмутни время о Иегова стидя пэстирэ служытелёнэн андэ ек народо — Израилё. Во ԥэндя пэ израильтяноря: «тумэ ашэна мэрно особо народо машкар всаворэ народоря» (Исх. 19:5). Кадяжэ о Дэл дя лэнди определёно тиритория. Важ када, кала о Иегова ԥэндя лэнди тэ жан пэ война против авэр народо, вонэ нэ воевали против пэстирэ ԥрала и ԥэя и на умарэнас лэнa.
Адес андэ лэ Дэвлэско народо исин мануша «анда всаворэ нацыи, народоря, и шыба» (Отк. 7:9). Если лэ Иеговастирэ служытеля жана пэ война, лэнди прижалапэ тэ воюют пэстирэ ԥралэнца, савэнца вонэ патян андэ ек Дэл и тэ умарэн ек еқэс. Кадэлэ гиндостар дажэ шол андэ дар!
2. ТЭ ЖАН ПЭ ВОЙНА ЛЭ ИЗРАИЛЬТЯНОНЭНДИ ԤЭНЭНАС О ИЕГОВА
Андэ дэлмутни время имено о Иегова ришал, кала и васо лэ израильтянонэнди трэбуй тэ жан пэ война. Например, о Дэл виандярдя сындо лэ народонэнди анда Ханаано. Вонэ сас найлашэ мануша, важ кода кай тэлёнас лэ бэнгэнди, терэнас билажавардимос и анэнас лэ бэятонэн андэ жэртва. О Иегова приԥэндя лэ израильтянонэнди тэ улэн кадэлэ манушэн па ԥув, сави во обещял тэ дэл лэнди (Лев. 18:24, 25). Ай посли кода, сар лэ Дэвлэстирэ служытеля линэ тэ жувэн пэ Обетовано ԥув, о Дэл домэкэлас, кай дэкала вонэ тэ защитин о Израилё лэ вороӷонэндар (2 Сам. 5:17—25). Но о Иегова никала на домэкэлас, кай и израильтяноря екжэнэ тэ ришают тэ жан пэ война или най. Кала вонэ корко пэстар жанас пэ война, када вся и время анэнас каринг и бида (Чис. 14:41—45; 2 Лет. 35:20—24).
Адес о Иегова на ԥэнэн лэ манушэнди тэ жан пэ война. И народоря воюют машкар пэстэ, важ кода кай вонэ кадя камэн, ай най важ кода кай кадя камэл о Дэл. Часто вонэ терэн войны, кай тэ захутилэн и нэвэ тиритории. Ай инке вонэ моӷут тэ воюют, важ кода кай лэнди выӷодно через и экономика или политика. Исин и кодэла, ко ԥэнэн, кай жан пэ война важ о Дэл. Вонэ ԥэнэн, кай умарэн лэстирэ вороӷонэн, и гиндон, кай кадя фэрин пэстири вера. Но о Иегова екжэно уничтожыт пэстирэ вороӷонэн и фэрия пэстирэ чачунэ служытелёнэн. Када авэла андэ война, сави авэла англэ — андо Армагеддоно (Отк. 16:14, 16). Андэ кадэя лэ Дэвлэстири война лэна тэ воюют кати и небесни создании, ай най и мануша (Отк. 19:11—15).
3. И ИЗРАИЛЬТЯНОРЯ НА УМАРЭНАС КОДЭЛЭН, КО ПАТЯЛАС АНДО ИЕГОВА
Воюет адес о Иегова пала варисаво народо, сар варикала во када терэлас важ и израильтяноря андо Иерихоно?
Андэ дэлмутни время и израильтяноря умарэнас кати кодэлэн, пала кастэ ԥэнэнас о Иегова, ай кодэлэн, ко патялас андо Дэл, вонэ ашавэнас. Акэ дуй примероря. Хоть о Иегова ԥэндя тэ умарэн лэ манушэн андо Иерихоно, и израильтяноря фэрисардэ ла манушня, савя ақарэнас Раав и латирэ чачен, важ кода кай вой сыкадя, кай патял андо Дэл (Иис. Н. 2:9—16; 6:16, 17). Потом и мануша анда Гаваоно ашэлэпэ жундэ, важ кода кай сыкадэ патив каринг о Дэл (Иис. Н. 9:3—9, 17—19).
Адес и халавдэ на жалуин никас, дажэ кодэлэн, ко патял андо Дэл. И часто андэ война мэрэн прости мануша, савэ на жан пэ война.
4. И ИЗРАИЛЬТЯНОРЯ ВОЕВАЛИ КАДЯ, САР ԤЭНЭНАС О ИЕГОВА
Андэ дэлмутни время о Иегова дэлас пэстирэ народости и указании, сар тэ андярэн и война. Например, дэкала англа кода, сар тэ захутилэн о форо, вонэ трэбуй сас тэ ԥэнэн лэ манушэнди андэр лэстэ, со вонэ моӷут тэ стерэн, кай тэ авэл мирно (Втор. 20:10). Кадяжэ о Иегова аштярэлас, кай и израильтяноря тэ следин пала вужымос и тэ дурён лэ билажавардимастар (Втор. 23:9—14). Кала авэр народоря захутилэнас о форо, вонэ терэнас нахально билажавардимос лэ жувлянца, савэ котэ жувэнас, но о Иегова запретисардя пэстирэ народости кадя пэс тэ андярэн. Если о израильтянино лэлас ла жувля андо плено, во моӷ тэ жэнийпэ пэр латэ кати через шонэстэ (Втор. 21:10—13).
Адес бут страны подпистросардэ о международно доӷоворо пала кода, сар тэ андярэн и война. Вонэ стердэ кадэва доӷоворо, кай тэ фэрин лэ манушэн, но пэр лэстэ часто на шон сама.
5. О ДЭЛ ЕКЖЭНО ВОЕВАЛ ПАЛА ПЭСКО НАРОДО
Жалуин адес и воиноря лэ Иеговастирэ свидетелёнэн, сар о Иегова жалуисардя ла Раава и латирэ ерес, кала сас и война андо Иерихоно?
Андэ дэлмутни время о Иегова воевал пала израильтяноря и дэкала терэлас чудеса, кай вонэ тэ вицэлэн. Например, во поможысардя пэстирэ народости тэ захутилэн о Иерихоно (Иис. Н. 6:20). О Иегова ԥэндя, кай и воиноря ӷромко тэ зацыпин — и тоди и стина андо форо пэля. Блаӷодаря кадэлэсти, вонэ вушэро захутилдэ о форо. Ай сар и израильтяноря победисардэ лэ амореёнэн? «О Иегова...шолас пэр лэндэ па нэбо баро ӷрадо, и вонэ мэрэнас. И лэ ӷрадостар мулинэ май бут мануша, чем лэ израильтянонэндар» (Иис. Н. 10:6—11).
Адес о Иегова нэ воюет пала варисаво народо. Лэско Царство, андэ саво правий о Иисусо, «най анда кадэва миро» (Иоан. 18:36). Андэ люма пэ всаворэ манушыканэ правительства хулаий о Сатана. Важ када и мануша пэ война андярэн пэс кадя жэ жэстоко, сар и во (Луки 4:5, 6; 1 Иоан. 5:19).
И ЧАЧУНЭ ХРИСТИАНОРЯ ТЕРЭН ВСЯ, КАЙ ТЭ АВЭЛ МИРНО
Сар амэ диқлям, адес амари жызня совсем на шолпэ пэ жызня, сави сас кай и израильтяноря. Но най кати важ када амэ на жас пэ война, исин и авэр причины. Например, о Дэл ԥэндя, кай андэ послидни деса лэстирэ последователя будэр «на лэна тэ сытён тэ марэнпэ, кай тэ жан пэ война» (Ис. 2:2—4). Кадяжэ о Иисусо ԥэндя пэстирэ учениконэнди: «Тумэ най сар всаворэ миро» (Иоан. 15:19). Важ када вонэ на залэн никастири риг, кала и мануша вороӷуин машкар пэстэ.
Кадяжэ о Иисусо ԥэнэнас пэстирэ учениконэнди, кай вонэ тэ на обижаюца, тэ на холявэн и тэ на вэрыцын ек еқэс (Матф. 5:21, 22). Вонэ трэбуй сас тэ терэн вся, кай тэ авэл мирно и тэ любин пэстирэ вороӷонэн (Матф. 5:9, 44).
Сар амэ можэм кадя тэ терас? Нико андар мэндэ на закамэла тэ жал пэ война. Но можэт амэндэ андо ди тэ авэл вэрыцыя каринг варикастэ андэ собрания? Терам вся, кай тэ улас анда ди кацавэ чуства (Иак. 4:1, 11).
Амэ на подритярас лэ манушэн, кала вонэ воюют машкар пэстэ, но терас вся, кай андэ собрании тэ авэл мирно и кай и ԥрала и ԥэя тэ любин ек еқэс (Иоан. 13:34, 35). Давайте тэ пристас вся о зор, кай тэ на залас никастири риг андэ политика, пока о Иегова на стерэла кадя, кай и мануша будэр никала тэ на воюют (Пс. 46:9).
a Дэкала и мануша анда израильски племена воевали ек еқэса, но кадэла войны фартэ на чалёнас лэ Иеговасти (1 Цар. 12:24). Но дэкала о Дэл домэкэлас кацавэ войны, важ кода кай дэсавэ племена парашэнас тэ авэн верни лэ Иеговасти и терэнас баро бэзэх (Суд. 20:3—35; 2 Лет. 13:3—18; 25:14—22; 28:1—8).