Ту можэш тэ домардёс пэстирэ дэвликонэ цэли

1. Сави трудность исин бутэндэ?

САС тутэ кацаво, кай ту стодян англа пэстэ дэвликони цэльb, но тэ домардёс ла на вижалас? Кацаво сас бутэндэ. Например, о Филипо стодя цэль тэ мангэлпэ май часто. Ай инке во камэлас тэ сытёл тэ росԥэнэн андэ молитва кода, со по ди. Но лэсти сас ԥарэс тэ виарақэл время, кай тэ помангэлпэ. И Э́рика стодя цэль тэ на опаздывает пэ встречи важ и служэния. Но вой всаек почти кажно разо варикай заритярдёлас. О То́машо най еқвар старыияспэ тэ проадиной вся и Библия. Во ԥэнэн: «Манди на чалёлас ла тэ адиносарав. Мэ тривар ставас зор пэ када, но кажно разо дожавас кати каринг и книжка Левит».

2. Васо трэбуй тэ на умэкас и вас, если амэндэ исин дэвликони цэль, сави амэ пока нэ можэм тэ домардювас?

² Если тутэ исин цэль, сави ту нисар нэ можэш тэ домардёс, када на сыкавэл, кай тутэ никала на вижала када тэ стерэс. Дажэ пэ найбари цэль часто трэбуй время и зор. Кода, кай ту камэс тэ домардёс пэстирэ цэли, ужэ сыкавэл, кай важ тутэ куч и дружба лэ Иеговаса и ту камэс тэ отдэс лэсти вся со май лашо. О Иегова цэнуий, кай ту старыиспэ, но во на аштярэл, кай ту лэса тэ терэс кода, со нэ можэш (Пс. 103:14; Мих. 6:8). Важ када тири цэль трэбуй тэ авэл па тиро зор. Если тутэ исин кацави цэль, со поможыя тути ла тэ домардёс? Давай роздиқаса дэсавэ советоря.

СТАРЫСАВ, КАЙ ТЭ АВЭЛ ЖЭЛАНИЯ ТЭ ДОМАРДЁС И ЦЭЛИ

3. Васо важно тэ авэл и жэлания тэ домардёс пэстири цэль?

³ Кай тэ домардёс и дэвликони цэль, фартэ важно, кай тутэ тэ авэл бари жэлания када тэ стерэс. Если кай о мануш ԥабол оди, кай варисо тэ стерэл, во пристола вся пэско зор каринг када. Кацави жэлания можно тэ сыстос ла балваляса. Кала вой ԥурдэл, и лодка, пэ сави исин парусо, можэт тэ ладэл англэ. Если и балвал ԥурдэл вся и время, тоди о мануш доплывия кордэ, каринг лэсти трэбуй. Ай если и балвал инке бари, во авэла интя инке май ӥто. Пала жэлания можно тэ ԥэнэс кадяжэ. Со май фартэ амэ камас тэ домардювас пэстири цэль, со май вушэро амэнди авэла када тэ стерас. О Давидо анда Сальвадоро ԥэнэн: «Кала ӷанэс, васо камэс варисо тэ стерэс, тоди старыиспэ май фартэ и нисо нэ можэт тэ тердярэл тут». Со поможыя тути, кай тэ авэл и жэлания тэ домардёс пэстири цэль?

4. Пала со можно тэ мангаспэ? (Филиппийцам 2:13). (Диқэн кадяжэ и картинка.)

⁴ Мангпэ, кай тутэ тэ авэл май бари жэлания тэ домардёс и цэль. Через пэско свынто духо о Иегова можэт тэ поможый тути тэ закамэс тэ домардёс пэстири цэль. (Проадинон Филиппийцам 2:13.) Дэкала амэ жас каринг пэстири цэль кати важ кода, кай ӷанас, кай када правильно. Кацавэ манушэс можно тэ похвалис. Но со, если амэндэ на ԥабол оди каринг кадэя цэль? Кацаво сас кай и Нори́на анда Уганда. Латэ сас цэль тэ проандярэл изучения Библии, но и жэлания пэ када на сас. Вой гиндояс, кай на ӷанэн допутя тэ проандярэл изучения Библии. Со лати поможысардя? И Норина ԥэнэн: «Мэ лэм кажно дес тэ мангавпэ лэ Иеговасти, кай во тэ дэл манди май бари жэлания. Но мэ най кати мангаваспэ, но и приставас о зор тэ авав май лашо учителё. Через дэсавэ шона мэ па чачимастэ закамлэм тэ виарақав изучения Библии. Прожыля май набут, чем бэрш, и мандэ ужэ сас дуй изучении».

5. Пала со амэ можэм тэ гиндосарас, кай тэ авэл май бари жэлания тэ домардювас и дэвликони цэль?

⁵ Гиндосар пала кода, со о Иегова терэл важ тутэ (Пс. 143:5). О апостало Павло гиндояс, кай о Иегова дя лэсти лашымос, саво во на затердя. И через када во анда вся ди терэлас дила важ лэстэ (1 Кор. 15:9, 10; 1 Тим. 1:12—14). Со май бут ту лэса тэ гиндос пала кода, со о Иегова терэл важ тутэ, со май фартэ закамэса тэ домардёс пэстири цэль (Пс. 116:12). Кай ек ԥэй анда Гондурасо сас цэль тэ ашэл общё пианеро. Акэ со вой росԥэнэн: «Мэ бут гиндосаравас пала кода, сар дэ фартэ о Иегова любий ман. Во ақардя ман андо ери кай пэстирэ служытеля. Во заботийпэ пала мандэ и фэрий. Мандэ ашэля инке май бари любовь каринг о Иегова, и мэ инке май фартэ закамлэм тэ ашав общё пианеро».

6. Со инке поможыя, кай май фартэ тэ камас тэ домардювас и цэль?

⁶ Шув сама по лашымос, саво анэна, кала ту домардёса пэстири цэль. Дик, со поможысардя ла Эрикати, пала сави амэ ужэ ԥэндям май данглал. Вой ԥэнэн: «Мэ полэм, кай бут со умэкав, кала опаздываю пэ встреча важ и служэния. Тэ авелоп мэ май раньшэ, мандэ авелоп возможность тэ подав дума лэ ԥралэнца и лэ ԥэянца. Кадяжэ мэ ашундоп лашэ советоря, савэ поможысардоп манди май драго тэ росԥэнав пала Дэл и тэ служысарав радостяса». И Эрика поля, саво лашымос лати анэна, если вой вовремя авэла пэ встречи важ и служэния, и тоди вой смоӷла тэ домардёл пэстири цэль. Ай саво лашымос анэна тири цэль? Например, ту камэс тэ адинос и Библия или тэ мангэспэ. Погиндосар, сар через када састёла тири дружба лэ Иеговаса (Пс. 145:18, 19). Ай если тири цэль — тэ парувэс дэсо андэ пэско характеро, погиндосар, сар дэ фартэ ту лэса тэ ладис аврэнца (Кол. 3:14). Запистросар, саво лашымос анэна тути, кала ту домардёса пэстири цэль. Время времятар продик кадэла записи. О Томашо, пала саво амэ ужэ дям дума, ԥэнэн: «Кала мэ диқав, саво лашымос анэна мэрни цэль, тоди мэ анда вся оди камав када тэ терав».

7. Со поможысардя еқэ ерести тэ домардёл пэстири цэль?

⁷ Проандяр и время кодэлэнца, ко тут подритярэла (Прит. 13:20). О ԥрал Ху́лио и лэстири хулаи росԥэнэн, со лэнди поможысардя тэ домардён пэстири цэль андэ служэния. Во вспоминает: «Амэ дружысарасас кодэлэнца, каса моӷли тэ дас дума пала пэстири цэль. Вонэ побудинас амэн, кай амэ тэ жас каринг латэ. Бут андар лэндэ ужэ домарделэ пэстирэ цэли, савэ шонаспэ пэ амари. Важ када вонэ моӷли тэ дэн амэнди лашэ советоря. Вонэ пушэнас амэндар, со амэндэ ужэ вижыля тэ стерас, и подритярэнас амэн».

КАЛА НИНАЙ ЖЭЛАНИЯ

8. Со можэт тэ авэл, если амэ жас каринг и цэль кати тоди, кала исин бари жэлания? (Диқэн кадяжэ и картинка.)

⁸ Но ԥэнаса сар исин. Дэкала амэ можэм тэ хасарас и жэлания тэ жас каринг пэстири цэль. Сыкавэл када, кай амэ нэ сможэм ла тэ домардювас? Най. Рисаваса каринг амаро примеро. Если и балвал бари, и парусно лодка ӥто ладэл англэ. Но дэкала и балвал слабо, ай андэ дэсавэ деса ла вобще нинай. Сыкавэл када, кай о мануш нэ сможэт тэ ладэл кордэ каринг трэбуй? Канешно, най. Например, пэ дэсавэ лодки исин моторо и вёсла. Блаӷодаря лэнди о мануш можэт тэ на парашэл тэ ладэл. Амари жэлания можно тэ сыстос балваляса. Дэкала амари жэлания бари, ай дэкала най. Ай исин кацавэ деса, кала камэлпэ вобще анда шэро тэ вишас пэстири цэль. Важ када, если амэ ласа тэ жас каринг латэ кати тоди, кала амэндэ исин жэлания, амэ никала нэ сможэм тэ домардювас ла. Но сар и о мануш, саво ладэл пэ лодка, амэ можэм тэ стерас варисо авэр, кай тэ жас англэ, дажэ кала и жэлания нинай. Хоть када авэла найвушэро тэ стерас, амэ аваса бахталэ, кай смоӷли тэ домардювас пэстири цэль. Англа кода, сар тэ подас дума, со амэ можэм тэ терас, спэрва давайте атветим пэ ек вопросо.

9. Трэбуй амэ тэ застависарас пэс тэ жас каринг и дэвликони цэль? Росԥэнэн.

⁹ О Иегова камэл, кай амэ тэ служысарас лэсти радостяса и анда вся оди (Пс. 100:2; 2 Кор. 9:7). Но со, если амэндэ нинай жэлания тэ жас каринг и дэвликони цэль, тоди можэт амэ на трэбуй када тэ терас? Роздиқаса примеро, саво сыкадя о апостало Павло. Во ԥэндя: «[Мэ] марав екжэно пэс и ритярав пэс андэ вас» (1 Кор. 9:25—27). О Павло заставияс пэс тэ терэл кода, со правильно, дажэ кала во камэлас тэ терэл па аврятэ. Чалёлас лэ Иеговасти лэ Павлостири служэния? Канешно! Кай во стодя бут зор пэ када, о Дэл лэс блаӷословил (2 Тим. 4:7, 8).

10. Васо трэбуй тэ домардювас пэстири цэль, дажэ если амэндэ нинай жэлания?

¹⁰ Сар сыкавэл лэ Павлоско примеро, о Иегова радуийпэ, кала амэ пристас о зор, кай тэ жас каринг пэстири цэль дажэ тоди, кала амэндэ нинай жэлания. Лэсти чалёл тэ диқэл, кай амаро ди цырдэлпэ най каринг кода, со амэ терас, ай каринг лэстэ. О Иегова блаӷословияс лэ Павлос и во кадяжэ блаӷословия амаро трудо (Пс. 126:5). И кала амэ додиқаса кадэла блаӷословении андэ пэстири жызня, када поможыя амэнди инке май фартэ тэ камас тэ домардювас пэстири цэль. И Люци́на анда Польша росԥэнэн: «Дэкала манди на камэлпэ тэ жав андэ служэния, особено кала мэ цыелэм. Но если мэ жав, мэ потом фартэ лошали!» Ай акана давайте роздиқаса, со амэ можэм тэ терас, если амэнди на дохутилэл и жэлания тэ жас каринг пэстири цэль.

11. Сар о Иегова можэт тэ поможый тэ зритярас пэс андэ вас?

¹¹ Мангпэ, кай тэ ритярэс пэс андэ вас. Важно тэ зритярэс пэстирэ гиндоря и кода, со терэс. Када поможыя тэ дурёс лэ найлашымастар. Но када инке най вся. Тэ ритярэс пэс андэ вас, када инке тэ терэс лашымос, особено тоди, кала найвушэро или на камэлпэ. Сэр, кай тэ зритярэс пэс андэ вас — када ужал андэ лэ свынтонэ духоско плодо. Важ када мангпэ лэ Иеговасти пала свынто духо (Луки 11:13; Гал. 5:22, 23). О Давидо, пала саво амэ ԥэндям раньшэ, росԥэндя, сар лэсти поможысардя и молитва. Во камэлас, кай лэстири лично изучения тэ прожал най тоди, кала прижалпэ. Со во тердя? «Мэ манглэм лэ Иеговас, кай во тэ поможый тэ сытював тэ зритярав пэс андэ вас. И во дя манди зор. Акана мандэ розлащи лично изучения. И мэ на промэкав ла тэ проандярав».

12. Сар о принцыпо анда Экклезиаст 11:4 пашол каринг и дэвликонэ цэли?

¹² На аштяр, кай вся авэла идиально. Андэ кадэя люма када просто нэ можэт тэ авэл. Если ту лэса тэ надеиспэ пэ када, тоди никала на домардёса пэстири цэль. (Проадинон Экклезиаст 11:4.) О Дэ́ниело ԥэнэн: «Вся идиально нэ можэт тэ авэл. Но кала ту лэс тэ терэс варисо пэстиря ригатар, тоди и ашэл май фэдэр». Ай о ԥрал Поло анда Уганда ԥэнэн пала инке ек причина, васо на трэбуй тэ отстос и дила. Во ԥэнэн: «Кала амэ ласпэ тэ терас варисави дила, хоть и исин ԥаримос, амэ дас лэ Иеговасти кода, со во можэт тэ блаӷословий».

13. Васо авелоп драго спэрва тэ стос найбарэ цэли?

¹³ Спэрва лэпэ тэ терэс варисо по набут. Амэндэ можэт тэ на авэл жэлания тэ домардювас и цэль, если здэлпэ, кай вой фартэ бари. Если и тутэ кадя, тоди можэш тэ розмарэс пэстири ӷлавно цэль пэ дэсавэ найбарэ. Если ту камэс тэ парувэс варисо андэ пэско характеро, можэш ту спэрва тэ терэс када андэ варисо найбаро? Ай если ту камэс тэ проадинос вся и Библия, можэш ту спэрва тэ адинос по набут? Кай о Томашо, пала саво амэ ужэ дям дума, нисар на вижалас тэ проадиной вся и Библия пала ек бэрш. Во ԥэнэн: «Мэ полэм, кай важ мандэ када фартэ ӥто. Важ када мэ лэм тэ адиносарав упалэ. Но пэ када разо адиносаравас кажно дес, кати набут стихоря, и гиндосаравас пала лэндэ. И чтения ля манди тэ чалёл». Полокорэс о Томашо ля тэ адиной май бут и май бут. И лэстэ вижыля тэ проадиной вся и Библия.c

НА ПОМЭКЭНПЭ, КАЛА ВАРИСО НА ВИЖАЛ

14. Савэ трудности амэндэ моӷут тэ авэн?

¹⁴ Жалко, но дажэ если амэндэ сас бари жэлания и амэ застависарасас пэс, всаек амэнди можэт тэ авэл ԥарэс тэ жас каринг пэстири цэль. Например, через и нэожыдани трудности амэндэ можэт тэ на авэл время, кай тэ домардювас пэстири цэль (Эккл. 9:11). Или через авэр ԥаримос амэ можэм тэ умэкас и вас и амэндэ на авэла зор (Прит. 24:10). Ай через о нэсовершэнство амэ можэм тэ шылисавас и када на дэл амэнди тэ пашувас каринг пэстири цэль (Рим. 7:23). Кадяжэ амэ можэм просто тэ цыювас (Матф. 26:43). Со поможыя амэнди тэ на помэкаспэ, кала кацаво терэлпэ?

15. Васо на трэбуй тэ сдэспэ, кала тутэ варисо на вижыля тэ стерэс? Росԥэнэн (Псалом 145:14).

¹⁵ Сэр, если тутэ варисо на вижыля, када на сыкавэл, кай ту када никала на стерэса. Андэ Библия ԥэнэнпэ, кай кала амэ жас каринг пэстирэ цэли, амэндэ авэна трудности. Но андэр латэ кадяжэ ԥэнэнпэ, кай лэ Иеговастирэ зорэса амэндэ вижала лэн тэ пэрэандярас. (Проадинон Псалом 145:14.) О Филипо, пала саво амэ дям дума, смоӷ тэ домардёл дэсавэ пэстирэ цэли. Акэ со во росԥэнэн: «Мэ май бут шав сама най пэ кода, скати мэ змардювавас па дром, ай скати рисававас пэр лэстэ, кай тэ жав англэ». О Давидо, пала саво амэ кадяжэ дям дума, росԥэнэн: «Кажно разо, кала мандэ варисо на вижал тэ стерав, мэ диқав андэ када най и бида, ай возможность тэ сыкавав лэ Иеговасти, пэскати дэ фартэ мэ лэс любисарав». Чаче, кала амэ жас каринг пэстири цэль, хоть и исин ԥаримос, амэ сыкавас лэ Иеговасти, кай камас тэ радосарас лэс. Сар жэ лошавэл о Иегова, кала диқэл, кай ту на парашэс тэ домардёс пэстири цэль!

16. Сости амэ можэм тэ сытювас, кала амэндэ варисо на вижал тэ стерас?

¹⁶ Кала тутэ варисо на вижал тэ стерэс, дик пэ када, сар пэ возможность варисости тэ сытёс. Погиндосар, васо тутэ на вижыля када тэ стерэс и пуш пэстар: «Моӷу мэ варисо тэ парував, кай англэ мандэ тэ на авэл кадэя проблема?» (Прит. 27:12). Но кала амэндэ варисо на вижал тэ стерас, дэкала када сыкавэл, кай и цэль, сави амэ стодям, най па амаро зор. Если ту гиндос, кай и тутэ кадяжэ, инке еқвар драго погиндосар пала пэстири цэль. Када поможыя тути тэ полэс, чаче авелоп годявэрнэс тэ стос ла англа пэстэ чи найd. О Иегова на лэла тэ любий тут май набут, если ту на домардёса и цэль, сави най па тиро зор (2 Кор. 8:12).

17. Васо амэнди трэбуй тэ сэрас кода, со амэ ужэ домарделям?

¹⁷ Сэр, со тутэ ужэ вижыля тэ стерэс. Андэ Библия ԥэнэнпэ: «О Дэл най нэправедно, кай тэ бистрэл тумари дила» (Евр. 6:10). Када сыкавэл, кай и тути на трэбуй тэ бистрэс, со ту ужэ домарделян по христианско дром. Например, ту лян тэ дружыс лэ Иеговаса, ту росԥэнэс пала лэстэ аврэнди или болделян. Кадяжэ, сар и варикала, ту цырдэсаспэ каринг и дэвликонэ цэли, и домарделян лэн, на параш када тэ терэс и акана (Флп. 3:16).

18. Пала со важно тэ сэрас, кала жас каринг пэстири цэль? (Диқэн кадяжэ и картинка.)

¹⁸ Лэ Иеговастирэ зорэса ту сможэш тэ домардёс пэстирэ дэвликонэ цэли. Када точно кадя жэ, сар о мануш, саво блаӷополучно доладэл пэ лодка интя каринг лэсти трэбуй. Но на бистэр, о дром, саво андярэл каринг и цэль, кадяжэ интересно. Важ када, кала ту жас каринг пэстири дэвликони цэль, шув сама, сар о Иегова подритярэл и блаӷословий тут. Када поможыя тути радостяса тэ домардёс ла (2 Кор. 4:7). Ай если ту на сдэсапэ, о Иегова дэла тути инке май бут блаӷословении (Гал. 6:9).