Взвисав каринг и старейшыноря

1. Сар о Иегова заботийпэ пала пэско народо?

О ИЕГОВА любий всаворэн, ко лэс кандэл, и заботийпэ пала лэндэ кадя жэ, сар о лашо пастухо заботийпэ пала пэстирэ бакрорэ. О Дэл витиндя лэн лэ Иисусостирэ ратэса и приԥэндя лэ старейшынонэнди тэ диқэн пала лэндэ (Дила 20:28). О Иегова камэл, кай кадэла ԥрала драго тэ обжанпэ лэстирэ народоса. О Иисусо Христос сытярэл лэ старейшынонэн, кай вонэ тэ поможын лэ ԥралэнди и лэ ԥэянди тэ на дурён лэ Иеговастар (Ис. 32:1, 2).

2. Сар ԥэнэнпэ андо Иезекииль 34:15, 16, касти о Иегова особено камэл тэ поможый?

² О Иегова заботийпэ пала всаворэ пэстирэ мануша, но особено лэстэ дуқал оди пала кодэла, ко попэля андэ бида. Дэсавэ мучинпэ через пэстирэ ошыбки, и о Дэл камэл лэнди тэ поможый. (Проадинон Иезекииль 34:15, 16.) Но, кай амэнди тэ поможын, трэбуй тэ мангас пала када. Важ када трэбуй най кати тэ мангаспэ лэ Иеговасти, но и тэ взвисавас пала помощь каринг и ԥрала, «савэ диқэн пала лэ Дэвлэско народо» (Эф. 4:11, 12).

3. Васо амэ всаворэ трэбуй тэ ӷанас, сар о Иегова поможый пэстирэ манушэнди через и старейшыноря?

³ Андэ кадэя статья амэ роздиқаса, сар о Иегова через и старейшыноря поможый кодэлэнди, ко лэстар дуреля. Амэ уӷанаса: кала амэ трэбуй тэ мангас помощь кай и старейшыноря? Васо амэнди трэбуй када тэ терас? И сар вонэ амэнди поможын? Дажэ если пока амэндэ нинай нисаво ԥаримос, кадэя статья поможыя амэнди инке май фартэ тэ цэнисарас, сар о Иегова заботийпэ пала амэндэ через кадэла ԥрала. И если варикала амэнди трэбуй авэла помощь лэ старейшынонэндар, амэ ласа тэ ӷанас, со тэ терас.

КАЛА АМЭНДИ ТРЭБУЙ ТЭ МАНГАС ПОМОЩЬ КАЙ И СТАРЕЙШЫНОРЯ?

4. Катар амэ ӷанас, кай андо Иаково 5:14—16, 19, 20 ԥэнэнпэ пала мануш, савэстэ римосайля и дружба лэ Иеговаса? (Кадяжэ диқэн и картинки.)

⁴ Анда лэ Иаковоско письмо амэ уӷанас, сар о Иегова поможый амэнди через и старейшыноря. Котэ ԥэнэнпэ: «Варико андар тумэндэ занасвайля? Мэк ақарэл лэ барэдэрэ ԥралэн анда ӷурто». (Проадинон Иаково 5:14—16, 19, 20.) О Иаково катэ ԥэнэн най пала кода, кала кай о мануш римойпэ о зор, ай кала римойпэ лэстири дружба лэ Иеговаса. Кацаво мануш трэбуй тэ ақарэл най лэ врачос, ай лэ старейшынонэн, и кай во тэ ашэл зорало, о Дэл трэбуй тэ простий лэс. Погиндосараса, со амэ терас, кала ашэл вэрыто о зор. Амэ жас каринг о врачо, росԥэнас, со амэндэ дуқал, и лечисавас кадя, сар во амэнди ԥэнэн. Точно кадя, кала амэ дурелям лэ Иеговастар, амэ трэбуй тэ жас кай и старейшыноря, тэ росԥэнас пала пэско ԥаримос и потом тэ терас кадя, сар вонэ потԥэнэн амэнди па Библия.

5. Со сыкавэл, кай амари дружба лэ Иеговаса римойпэ?

⁵ Амэ можэм тэ взвисавас каринг и старейшыноря андо любо маменто, кала полас, кай лас тэ дурювас лэ Дэвлэстар. Важно тэ мангас лэндар помощь инке англа кода, сар амари дружба лэ Иеговаса можэт тэ римойпэ. Амэнди трэбуй тэ на хохавас корко пэс и тэ фэрисавас, важ кода кай амэ можэм тэ гиндосарас, кай уӷодисарас лэ Иеговасти, но па чачимастэ када можэт тэ авэл най кадя (Иак. 1:22). Кацаво сас кай дэсавэ христианоря анда Сарды. Вонэ гиндонас, кай терэн правильно англа Дэл, но о Иисусо ԥэндя, кай када совсем най кадя (Тайна 3:1, 2). Ай сар тэ полас, дурелям амэ лэ Дэвлэстар чи най? Например, ту можэш тэ сыстос кода, со тутэ сас андо ди каринг о Иегова, кала ту кати болделян, и со тутэ андо ди каринг лэстэ акана (Тайна 2:4, 5). Можно тэ пушэс пэстар: «Идоси манди чалёл тэ адиносарав и Библия и тэ гиндосарав важ кода, со мэ проадиносардэм? На лэм мэ дэкала тэ промэкав и собрании и ужэ най кажно разо тэ ӷотовлюсь каринг лэндэ? Идоси манди чалёл тэ терав лэ Дэвлэстири дила или манди ашэля май интересно тэ терав варисо авэр? На лэм мэ май часто тэ гиндосарав важ и ловэ и важ кода, со мэ моӷу пэр лэндэ тэ тинав?» Можэт, посли кадэла вопросоря ту полэса, кай лян набут тэ дурёс лэ Иеговастар. Если тэ ашавэс када кадя, вся можэт тэ ашэл инке май вэрыто. Если ту полэс, кай пэстирэ зорэса тутэ на вижала када тэ вицырдэс или ту ужэ стердян кода, со неправильно англа Дэл, манг помощь кай и старейшыноря.

6. Со трэбуй тэ стерэл кодэва, ко стердя баро бэзэх?

⁶ Исин бэзэха, через савэ лэ манушэс моӷут тэ дурярэн ла собраниятар (1 Кр. 5:11—13). Если амэ стердям кацаво бэзэх, амэнди обязательно трэбуй тэ подас дума варикаса анда старейшыноря. Би лэнго амэндэ на вижала тэ поладисарас лэ Иеговаса. О Дэл простия амэн кати тоди, если амэ каисавас анда ди и сыкавас када пэ дила (Дила 26:20). И ек анда кацави дила — када тэ росԥэнас лэ старейшынонэнди важ амаро бэзэх.

7. Кала инке амэ можэм тэ взвисавас каринг и старейшыноря?

⁷ И старейшыноря поможын най кати кодэлэнди, ко стердя баро бэзэх, но и кодэлэнди, ко старыийпэ тэ на подэлпэ лэ бэзэхэсти (Дила 20:35). Можэт, тут фартэ цырдэл каринг кода, со неправильно, и ту дарас, кай варикала на виритярэса и подэсапэ. Када можэт тэ авэл фартэ ԥарэс, особено важ кодэла, ко варикала халас драба, диқэлас билажавардимос или андярэлас роспутно жызня. Но ту най екжэно. На дар тэ мангэс помощь. Можно тэ подэс дума лэ старейшынаса, паша саво тути спокойно по ди, и ту ӷанэс, кай во внимательно тут виашунэла. Во потԥэнэна тути, со тэ терэс, и поможыя инке май фартэ тэ патяс, кай о Иегова диқэл, скати зор ту пристос, и абурой туса, важ кода кай ту на здэспэ (Эккл. 4:12). Но если тутэ нисар на вижал тэ вишос анда шэро и найлашэ гиндоря, тоди тиро ди можэт тэ дошалярэл тут. Андэ кацави ситуацыя о старейшына поможыя тути тэ на дошалярэс корко пэс и тэ полэс: о Иегова фартэ радо, кай ту взвисайлян пала помощь. Када сыкавэл, кай ту на гиндос пала пэстэ фартэ бут и на надеиспэ пэ корко пэстэ. Ай инке кода, кай ту на парашэс тэ бориспэ лэ бэзэхэса, сыкавэл, кай тути куч и дружба лэ Иеговаса (1 Кр. 10:12).

8. Трэбуй тэ росԥэнас лэ ԥралэнди пала вся, со амэ терас най кадя?

⁸ Но най кажно разо, кала амэ стердям варисо най кадя, амэнди трэбуй тэ жас каринг и старейшыноря. Например, амэ пусадям андэ дума лэ ԥралэс или ла ԥья и можэт дажэ стердям када холяса. Андэ кацави ситуацыя трэбуй тэ жас най каринг и ԥрала, ай каринг кодэва, кас амэ холярдям, и тэ мангас лэстар прощения. Кадя амэ сыкаваса, кай приашундювас каринг лэ Иисусоско совето анда Матфеё 5:23, 24. Инке амэ можэм май драго тэ розуӷанас андэ амари литература кацавэ темы: сар мэ тэ обжавпэ аврэнца май ковлэс, сар мэ тэ на грабисавав тэ холявав пэ авэр и сар мэ тэ ритярав пэс андэ вас. Но если амэ стердям вся, со па амаро зор, ай тэ поладисарас на вижал, то амэ можэм тэ мангас помощь кай и старейшыноря. Кала и Эводия и Синтихия не моӷли екжэнэ тэ поладин, о Павло мангля еқэ ԥралэс анда лэндири собрания тэ поможый лэнди. Точно кадя жэ и старейшыноря андэ амари собрания моӷут тэ поможын и амэнди (Флп. 4:2, 3).

ВАСО АМЭНДИ ТРЭБУЙ ТЭ МАНГАС ПОМОЩЬ КАЙ И СТАРЕЙШЫНОРЯ?

9. Васо амэнди трэбуй тэ мангас помощь кай и старейшыноря, дажэ если амэнди лажаво? (Притчи 28:13).

⁹ Дэкала, кай тэ мангас помощь, амэнди трэбуй тэ патяс лэ Дэвлэсти и тэ авас смили. Амэнди можэт тэ авэл ԥарэс тэ прижандювас лэ старейшынонэнди, если амэ стердям баро бэзэх или полас, кай амэнди ԥарэс тэ жас против амаро бэзэхэско ди. Но тэ стерас када всаек трэбуй. Васо? Важ кода кай именно лэнди о Иегова приԥэндя тэ поможын амэнди тэ ашаспэ састэ па лэ Дэвлэстири время. Вижал, если амэ мангас лэ старейшынонэндар помощь, када сыкавэл, кай амэ патяс лэ Дэвлэсти и кандас лэс. Амэ патяс, кай о Иегова поможыя амэнди тэ на подаспэ амарэ бэзэхэстирэ одести (Пс. 94:18). И амэ точно ӷанас, кай если амэ стердям бэзэх, но росԥэндям важ лэстэ лэ старейшынонэнди и старысавас будэр кадя тэ на терас, о Иегова простия амэн. (Проадинон Притчи 28:13.)

10. Со можэт тэ авэл, если амэ закамаса тэ гаравас пэско бэзэх?

¹⁰ Со, если амэ на росԥэнаса пала пэско бэзэх, ай ласа тэ гаравас лэс? Кадя амэ стераса кати вэрыто корко пэсти. Погиндосарам пала царё Давидо. Дэсави время во на росԥэнэнас пала бэзэха, савэ стердя. Но о Давидо полэлас, кай во дуреля лэ Иеговастар и важ кода, кай лэс халас и дош, лэсти сас фартэ ԥарэс по ди и лэстэ дажэ римосайля о зор (Пс. 32:3—5). Например, если амэ занасвайлям или ԥаглям пэсти варисо, но нисо на терас, кадэлэстар амэнди авэла кати май вэрыто. Кода жэ можно тэ ԥэнас и пала амари дружба лэ Дэвлэса. Со май долӷо амэ цырдас и время, кай тэ поджас каринг и ԥрала, со май фартэ амэ дурювас лэ Иеговастар. Амаро небесно Дад на камэл, кай кадя тэ авэл, важ када во мангэл амэн тэ взвисавас пала помощь каринг и старейшыноря. Кати кадя амэ можэм упалэ тэ ашас май пашэ каринг лэстэ (Ис. 1:5, 6, 18).

11. Со инке можэт тэ терэлпэ, если амэ на росԥэнаса лэ старейшынонэнди важ о баро бэзэх?

¹¹ Если амэ ласа тэ гаравас, кай тердям баро бэзэх, кадэлэстар можэт тэ авэл найдраго и аврэнди. О Иегова, можэт, парашэла тэ дэл ла собранияти скати жэ свынто зор, скати во дэлас раньшэ. И через када машкар ԥрала и ԥэя можэт тэ римойпэ о ладо (Эф. 4:30). Ай со, если амэ уӷанглям, кай андэ собрания варико стердя баро бэзэх? Если амэ ласа тэ ашас мулком, то амэ тожэ ашаса дошалэ англа Иегова (Лев. 5:1). Важ када амэнди трэбуй тэ ԥэнас кодэлэсти, ко стердя бэзэх, кай во тэ жал каринг и ԥрала и вся тэ росԥэнэн. Но если во када на стерэла или лэла тэ цырдэл и время, амэнди прижалапэ екжэнэнди тэ поджас каринг и ԥрала — кадя амэ сыкаваса, кай любисарас лэ Иеговас и анда вся ди кандас лэс. Тоди амэ фэрисараса лэ ԥралэн и лэ ԥэян и поможысараса кодэлэсти, ко стердя бэзэх, тэ бандёл каринг о Иегова.

САР ПОМОЖЫН И СТАРЕЙШЫНОРЯ?

12. Сар и старейшыноря поможын кодэлэнди, ко дуреля лэ Дэвлэстар?

¹² Андэ Библия ԥэнэнпэ, кай и старейшыноря поможын кодэлэнди, ко дуреля лэ Дэвлэстар (1 Фес. 5:14). Если ту стердян бэзэх, и старейшыноря моӷут дэсо тэ пушэн тутар, кай май драго тут тэ полэн (Прит. 20:5). Можэт, через тиро характеро или через кода, сар ту барелян, тути авэла ԥарэс или дажэ лажаво тэ дэс дума лэ старейшынонэнца. Но если ту росԥэнэса вся, со тутэ по ди, лэнди авэла май вушэро тэ дэн тути помощь. Не пережывай, кай ԥэнэса варисо най кадя (Иов 6:3). И старейшыноря на лэна сразу тут тэ сындон. Вонэ внимательно тут виашунэна, вся драго розуӷанэна и кати потом дэна совето (Прит. 18:13). И старейшыноря ӷанэн: трэбуй время, кай тэ поможын лэ ԥралэсти или ла ԥьяти. Ай если и ситуацыя найвушэро, вонэ полэн, кай можэт прижалапэ тэ диқэнпэ най еқвар.

13. Сар амэнди поможый, кала и старейшыноря мангэнпэ пала амэндэ и дэн амэнди советоря па Библия? (Кадяжэ диқэн и картинки.)

¹³ И старейшыноря на камэн, кай посли лэндирэ алава тут инке май фартэ тэ хал и дош. Вонэ вместе туса мангэнапэ важ тутэ. И ту дажэ удивисапэ, саво дэ «баро зор» исин кай лэндири молитва. О Иаково пистрой, кай, кала и старейшыноря поможын лэ манушэсти, вонэ «мақэн лэсти по шэро о вулей важ лэ Иеговаско алав» (Иак. 5:14—16). «О вулей» — када о чачимос, саво запистромэ андэ Библия. Вижал, и старейшыноря сыкавэна тути и стихоря анда Библия, савэ дэна тути покоё по ди и поможына тути тэ ашэс май пашэ каринг о Иегова (Ис. 57:18). И советоря, савэ вонэ дэна па Библия, поможына тути тэ терэс правильно. Ту ԥэнэса ашунэса лэ Иеговаско ӷолосо: «Акэ дром, жан пар лэстэ» (Ис. 30:21).

14. Сар и старейшыноря поможын кодэлэсти, ко «змарделя» па правильно дром? (Галатия 6:1; кадяжэ диқэн и картинки).

¹⁴ Проадинон Галатия 6:1. О христианино, саво «змардёл» па правильно дром, одбандёл лэ Дэвлэстирэ законостар. Во можэт тэ прилэл неправильно решэния или тэ стерэл баро бэзэх. И старейшыноря старыинапэ тэ рин по правильно дром кодэлэс, ко шылисайля, важ кода кай любин лэс. И вонэ терэн када «ковлэс и спокойно». О ӷреческо алав, саво катэ пэрэандярдо сар «тэ рин по правильно дром», кадяжэ ԥэнэнас, кала о врачо столас лэ манушэсти по ҭан о ԥаго кокали. Када трэбуй сас тэ стерэн, кай тэ на ашэл инке май вэрыто. И о лашо врачо старыияпэ тэ стерэл када май локэс, кай лэ манушэсти тэ на авэл фартэ дуқанэс. Точно кадя жэ терэн и старейшыноря, кала поможын кодэлэсти, ко дуреля лэ Дэвлэстар. Инке андэ Галатия 6:1 ԥэнэнпэ, кай и старейшыноря трэбуй тэ авэн осторожни. Кала вонэ поможын лэ манушэсти тэ рийпэ по правильно дром, вонэ сэрэн, кай вонэ тожэ най идеальни и моӷут тэ шылинпэ. Важ када и старейшыноря на сындон кацавэ манушэс и на гиндон, кай вонэ варисоса май лашэ лэстар. Вонэ старыинпэ тэ полэн и тэ жалуин (1 Пёт. 3:8).

15. Со амэнди трэбуй тэ терас, кай и старейшыноря тэ дэн амэнди помощь?

¹⁵ Лэ старейшынонэнди можно тэ патяс, важ кода кай о Иегова сытярэл лэн, сар правильно тэ дэн помощь. Вонэ на дэн дума важ амарэ проблемы аврэнца и, кала дэн советоря, вонэ на дэн дума корко пэстар, ай ԥэнэн кода, со пистромэ андэ Библия. И инке вонэ на ашавэн амэн андэ амари ситуацыя и на парашэн тэ дэн амэнди помощь — скати када авэла трэбуй (Прит. 11:13; Гал. 6:2). Лэндэ разно возрасто и разни характероря, но важ пэстири проблема ту можэш тэ подэс дума любонэса андар лэндэ. Но важно тэ на бистрас, кай авелоп неправильно тэ поджас каринг и разни старейшыноря, пока на ашунаса кацаво совето, саво авэла амэнди па ди. Кадя амэ сыкадоп, кай родас кода, со чалёл амэнди, ай най кода, сости сытярэл о Иегова через и Библия (2 Тим. 4:3). Кала амэ взвисавас каринг о старейшына пала помощь, во можэт тэ пушэл амэндар, каринг кастэ анда авэр старейшыноря амэ ужэ поджылямас, и со во амэнди ԥэндясас. Ай инке во, можэт, спэрва закамэла тэ подэл дума аврэ старейшынаса — кадя во сыкавэла, кай на надеийпэ пэ корко пэстэ (Прит. 13:10).

СО О ДЭЛ АШТЯРЭЛ КАЖНОНЭСТАР

16. Со кажнонэстар андар мэндэ аштярэл о Дэл?

¹⁶ Хоть и старейшыноря заботинпэ пала амэндэ, вонэ никала на уԥэнэн амэнди, со тэ терас. Кажно андар мэндэ трэбуй екжэно пэстиря жызняса тэ сыкавэл лэ Иеговасти, кай во любий лэс и камэл анда вся ди тэ кандэл лэс. О Дэл спушэла кажнонэстар па кода, со во ԥэнэн и со во терэл (Римо 14:12). Лэ Иеговастирэ зорэса амэндэ вижала тэ на парашас всаворэ́ одеса тэ кандас лэс. Акэ васо и старейшыноря на камэн тэ витидэн важ амэндэ, со амэ тэ терас. Вонэ просто сыкавэн па Библия, со амэндар аштярэл о Дэл. Кала амэ приашундювас каринг лэндирэ советоря, амэ сытювас тэ гиндосарас сар о Иегова и амэндэ вижала тэ прилас правильни решэнии (Евр. 5:14).

17. Со амэнди трэбуй тэ терас, кай о Иегова тэ дэл амэнди помощь?

¹⁷ Сар жэ амэ цэнисарас, кай о Иегова анда вся ди заботийпэ пала пэстирэ бакрорэ! Во бишалдя лэ Иисусос, «лэ лашэ пастухос», саво отдя пэстири жызня, кай амэ тэ жувас вечно (Иоан. 10:11). О Иегова дя алав: «Мэ дава тумэнди пастухонэн, савэ лэна тэ кандэн ман. Вонэ поможына тумэнди тэ полэн и сытярэна тэ терэн кода, со правильно» (Иер. 3:15). О Дэл зритярдя пэско алав и подарисардя амэнди лэ старейшынонэн. Кала амэ полас, кай дурювас лэ Дэвлэстар, давайте на ласа тэ лажас тэ взвисавас каринг и старейшыноря пала помощь. Тоди амэ точно диқаса, сар о Иегова подритярэла амэн через лэндэ.