ASTAR TE DES DUMA
SICAIMOS 5
De duma șucar
So phenel i Biblia: „Tumare dumes te aven sea o timpo șucar”. (Col. 4:6)
So cărdea o Pavel
1. Dich o MATERIALO VIDEO sau citisar Fapte 17:22, 23. Pala codoia șiu tuche le pușimata cai aven:
a) So simțosardea o Pavel cana dichlea le obiceiuri religioso neciace andai Atena? (Dich Fapte 17:16.)
b) Ando than te doșarel le manușen anda Atena, sar sicadea vo pachiv cana folosisardea-pe catar le buchia ande save pachianas caște phenel lenghe i vestea lași?
So sichioas catar o Pavel?
2. Le manușa va camena te așunen-ame mai but cana alosaras mișto so phenas, sar phenas hai cana phenas-la.
Cher so cărdea o Pavel
3. Alosar mișto che dumes. Sar exemplo, cana des duma ieche jeneia cai ci silo creștino, trebul te paruves o modo sar des duma anda i Biblia sau anda o Isus.
4. Na sighiar te ortosares. Mech le manușes te phenel so pachial vo. Dacă phenel vareso cai na-i pala le sicaimata andai Biblia, încăr-tu parpale te sicaves că nai-les ciacimos. (Iac. 1:19) Cana așunes atento so phenel, va avela te hachiares mai mișto sostar pachial cadaia. (Prov. 20:5)
5. Așar le manușes hai de-les ciacimos cana si mișto so phenel. O manuș daștilas te pachial că so jianel vo si o ciacimos. De chi zor ca mai anglal te araches le buchia comuno anda save te den duma, hai pala codoia, țâra po țâra, ajutisar-les te hachiarel so sicavel-ame i Biblia.