CHER DISCIPOLI
SICAIMOS 10
Șiu ilo ande sea so cheres andal manușa
So phenel i Biblia: „Samas gata na numai te das tumen i vestea lași le Devleschi, tha te das vi amen anda tumende, cadea de cuci cărdilean anda amende”. (1 Tes. 2:8)
So cărdea o Isus
1. Dich o MATERIALO VIDEO sau citisar Ioan 3:1, 2. Pala codoia șiu tuche le pușimata:
a) Sostar pachias că o Nicodim alosardea te jial co Isus andi riat? (Dich Ioan 12:42, 43.)
b) Sar sicadea o Isus că șiolas ilo andi buchi te cherel discipoli cana gălea te dichel-pe le Nicodimoia andi riat?
So sichioas catar o Isus?
2. Anda codoia că iubisaras le manușen, șioas ilo hai das sea amari zor caște ajutisaras-len te cărdion discipoli.
Cher so cărdea o Isus
3. Cher o studio le manușeia cana hai cai si mai mișto anda leste. O manuș daștilas te camel te dichen tumen ande iech anumime ghies anda o curco sau ca iech anumime ceaso anda o ghies. Avelas mișto anda leste te sichion andai Biblia ca leschi buchi, chăre sau varecai cai si mai but manușa? De sea chi zor te paruves chio programo pala sar si mai mișto anda leste.
4. Încăren o studio ande fiesavo curco. Dacă tiliares iech timpo, na așiav o studio chichi san tiliardo. Gândisar-tu:
a) Daștias te încăres o studio ande aver ghies le curchesco?
b) Daștias te încăres o studio co telefono sau prin videoconferința?
c) Daștias te manghes ieche avere phrales te încărel o studio?
5. Mang-tu te diches lașe iachența le manușes. Mang le Iehovas te ajutil-tut te așes pașa o manuș, chiar cana si lesche pharo te studiil ande fiesavo curco sau si lesche pharo te cherel so sichiol andai Biblia. (Filip. 2:13) Si ciaces, le manușes siles vi șucar calități; mang le Iehovas te ajutil-tut te încăres chi goghi cadalende.