Na dara te des sfaturi

So cărdea o Isus

MATERIALO VIDEO: O Isus del sfaturi ieche tărne conducătoresche cai silo barvalo

1. Dich o MATERIALO VIDEO sau citisar Marcu 10:17-22. Pala codoia șiu tuche le pușimata cai aven:

1. a) So lașe buchia daștil-pe că dichlea o Isus ca cado tărno conducătoro?

2. b) Sostar trebuisardea le Isusosche but iubirea hai vi tromai caște del sfaturi cadale murșesche?

So sichioas catar o Isus?

2. Trebul te das duma pherde iubirea le manușența, tha vi te phenas lenghe sar așen le buchia ciaces caște ajutisaras-le te barion ando pachiamos.

Cher so cărdea o Isus

3. Ajutisar le manușes te gândil-pe ca so buchia daștilas te cherel caște bariol ando pachiamos hai ajutisar-les te arăsăl lende.

1. a) Folosisar i secțiunea „So trebul te cheres” anda fiesavi lecția anda o lil Bucurisar-tu viațatar anda sea o timpo!

2. b) Ajutisar le manușes te hachiarel so paruimata trebul te cherel caște arăsăl ca le buchia mai țâne tha vi ca codola mai phare cai șiutea-le pesche andi goghi te cherel-len.

3. c) Așar mai butivar le manușes anda le paruimata cai cherel-le.

4. Dich so pharimata așiaven le manușes te bariol ando pachiamos hai ajutisar-les te nachel părdal cadala.

1. a) Șiu tuche le pușimata:

   • „Dacă o manuș ci cherel chanci caring o bolimos, so așiavel-les?”

   • „Sar daștiv te ajutiv-les?”

2. b) Mang-tu te avel tut tromai te des duma leia pâtărdes hai pherdo iubirea anda so trebul te cherel.

5. Așiav le studii cai ci cheren paruimata.

1. a) De chi zor te des chi sama dacă o manuș bariol ando pachiamos hai șiu tuche le pușimata:

   • „Cherel so sichiol?”

   • „Jial ca le întruniri la congregațiache hai del duma averența andal ciacimata cai sichilea-len?”

   • „Dacă studiil deja de iech timpo, camel vo te cărdiol iech Martoro le Iehovasco?”

2. b) Dacă o manuș ci camel te cherel mai but anda o Del:

   • Puș-les so așiavel-les.

   • Phen lesche lașimaia sostar așiaves o studio.

   • Phen lesche so paruimata trebul te cherel angla so va daștila te studiil pale.