Arach cuci bara cai ajutin tut te bariares chio pachiamos

Cana citis andai Biblia, daștis te araches cuci bara cana rodes te prinjianes mai but. Tha sar daștis te țârdes mai but miștimata anda so sichios?

Prinjiar mai but buchia anda o cotor biblico cai citis-les. Sar exemplo, rode te jianes con scriisardea-les, casche sas scriime codol dumes hai cana. Savi sas i situația atunci, so întâmplosardea-pe angla cado evenimento hai so sas vi pala codoia.

Gândisar tut so daștis te sichios anda so citis. Șiu tuche le pușimata: „So sas ando ilo le manușengo anda save citiv? Savo sas lengo phiraimos? Sostar trebulas te lav man pala lende sau te na cherav cadaia?”.

Cher so sichilean cana phiraves tut averența sau andi predicarea. Cana cheres cadaia va avela tut goghiaverimos le Devlestar, cadea sar sicavel vi i Biblia: „Codo cai silo goghiaver va lela sama pe cadal buchia”. (Ps. 107:43)

• So te cheres: Dich sar i tema Sumnacai anda o lil le Devlesco ajutil amen te cheras so sichileam. Ande cadai tema catar i întrunirea anda o mașcar le curchesco si but pușimata cai daisaras te șioas-len amenghe, sicaimata ca save te gândisaras amen hai imagini cai daisaras te dichas-len mai atento.