I Lecția 12

De duma anda ilo hai sicav empatia

1 Tesaloniceni 2:7, 8

OBIECTIVO: De duma anda ilo hai sicav codolenghe cai așunen-tu că san interesime lendar.

Gândisar-tu codolende cai așunen-tu. Pregătisar chio ilo hai an tuche amintea ce pharimata si le manușen. Gândisar-tu sar daștin te simțon-pe von.
Alosar mișto che cuvintea. Rode te zuriares hai te anes alinare codolenghe cai așunen-tu. Na folosisar cuvintea cai daștinas te holearen-le hai na de duma bi respectosco anda codola cai nai-le Martori sau anda soste pachian von.
Sicav intereso ciacio. De duma șucar hai prin gesturi potrivime sicav codolenghe cai așunen-tu că san ciaces interesime lendar. Pe chio mui te dichiol-pe că san bucurime hai asa po iech data.

Na sicav prea but so simțos. Cana citisares, sicav che sentimentea cai arachen-pe ande codo pasajo, tha na țârde ando modo nepotrivime i atenția pa tute. De duma pe iech tono plăcuto.