De duma le ilesche

Proverbe 3:1

OBIECTIVO: Ajutisar codolen cai așunen-tu te dichen ce cuci si so sichion hai te nachen ca fapte.

SO TREBUL TE CHERES:

• Ajutisar codolen cai așunen-tu te cheren penghe iech analiza. Șiu pușimata cai ci ajucăres răspunso lende caște ajutis codolen cai așunen-tu te dichen so si ande lengo ilo.

• Ajutisar-le te aven-le motivații lașe. Cher codolen cai așunen-tu te gândin-pe sostar cheren buchia lașe. Ajutisar-le te aven-le o mai lașe motivații: i iubirea caring o Iehova, i iubirea caring le manușa hai i iubirea caring le sicaimata la Bibliache. Na încăr lenghe predici, mai mișto ajutisar-le te hachiaren chichi de înțelepto si la Bibliache sfaturi. Sicav i tema cadea ca le manușenghe te na avel lenghe lajiav, tha mai mișto te simțon că trebul te cheren sea so si mai lașio.

• Țârde i atenția caring o Iehova. Sicav claro o modo sar le sicaimata, le principii hai le porunci andai Biblia sicaven le Devlesche calități hai leschi iubirea anda amende. Ajutisar codolen cai așunen-tu te camen te încăren conto sostar simțol o Iehova hai te aven lesche plăcuți.