I Lecția 15

De duma convingătorii

1 Tesaloniceni 1:5

OBIECTIVO: De duma cadea te sicaves că pachias zurales ando ciacimos hai că si importanto so phenes.

Pregătisar-tu mișto. Studiisar o materialo ji cana hachiares save si le idei principalo hai sar i Biblia sicavel că cadala sile ciace. Încercosar te phenes ande cuvinte simplo le idei principalo anda chi prezentarea. Gândisar-tu sar daștin te ajutin codolen cai așunen-tu. Rugisar-tu anda o spirito sfânto.

Phen mai butivar i tema voceaia zurali ca le idei te așen tuche mișto andi goghi hai caște cheres iech lași prezentarea.
Folosisar cuvintea cai cheren le manușen te pachian so phenes. Na citisar numai fraze scriime, tha phen-le che cuvintența. Alosar te des duma cadea te sicaves că pachias so phenes.
De duma sincero. Folosisar iech volumo portivime. Dich pe codola cai așunen-tu, cana cadai buchi ci holearel.

Te des duma convingătorii ci însemnol te na avel-tu tacto, te sicaves că jianes mai but sau te aves insistento. Chiar vi cana des duma sincero, de duma ande iech modo iubitorii.