I Lecția 18

Sicav vareso utilo codolen cai așunen-tu

1 Corinteni 9:19-23

OBIECTIVO: Cher codolen cai așunen-tu te gândin cadea caște simțon că sichile vareso importanto.

Încăr conto anda soste prinjianen deja le manușa. Ando than te phenes mai butivar iech informația cai codola cai așunen-tu jianen-la deja, ajutisar-le te dichen o subiecto ande iech nevo modo.

Nach mai sigo catar le idei prinjiande hai sicav mai but le idei neve.
Rode te prinjianes mișto o subiecto hai meditosar. Cana si posibilo, cher exemplea anda evenimentea hai fapte mai țâra prinjiande caște sicaves le idei importanto. Meditosar ca o subiecto vi ca o phanglimos cai si mașcar o subiecto hai le aspectea save cames te phenes-le.

Cana studiis o materialo, șiu tuche pușimata sar avenas: So? Sostar? Cana? Cai? Con? Sar? Chi prezentarea astarel viața cana șios hai răspunzos cadale pușimatande.
Sicav sar si utilo chio mesajo. Phen codolenghe cai așunen-tu sar daștin te aven lenghe utilo le sfaturi biblico andi viața de fiesavo ghies. De duma anda situații, atitudini hai acțiuni cai interesil codolen cai așunen-tu.