I Lecția 6

Sicav claro sar trebul hachiardo iech verseto

Ioan 10:33-36

OBIECTIVO: Na citisar numai o verseto hai na jia sigo mai dur ca aver ideea. Le sama ca codola cai așunen-tu te dichen claro o phanglimos mașcar o verseto citime hai i ideea so cames te sicaves-la.

SO TREBUL TE CHERES:

Încalav le cuvintea mai importanto. Pala soste citisares iech verseto, încalav le cuvintea cai sile phanglimos directo soia cames te sicaves. Daștis te cheres cadaia cana mai phenes încă iech data codol cuvintea sau cana șios iech pușimos prin savo te cheres le manușen te hachiaren save si le cuvintea importanto.

Cana phenes avere cuvintența i ideea importanto anda iech verseto, le sama ca codola cai așunen-tu te dichen claro o phanglimos mașcar so phenel i Biblia hai i ideea savi cames te phenes-la.
Sicav i ideea cai cames te avel încărdi andi goghi. Dacă phendean sostar citisares iech verseto, sicav vi o phanglimos cai si mașcar le cuvintea importanto hai sar zuriaren cadala i ideea.

Ando timpo so des duma anda o verseto, încăr i Biblia pâtărdi. Cadaia va ajutila codolen cai așunen-tu te cheren o phanglimos mașcar che cuvintea hai o verseto citime.
Cher aplicări simplo. Na de duma anda but buchia, numai anda codola cai cames te aven încărde andi goghi. Gândisar-tu so prinjianen deja codola cai așunen-tu anda o subiecto hai cadea va jianeia sode informații te phenes ca i aplicarea te avel simplo hai von te hachiaren-la.