ASTAR TE DES DUMA
SICAIMOS 4
Sicav umilința
So phenel i Biblia: „Pherde umilința dichen le coaveren că sile mai bare tumendar”. (Filip. 2:3)
So cărdea o Pavel
1. Dich o MATERIALO VIDEO sau citisar Fapte 26:2, 3. Pala codoia șiu tuche le pușimata cai aven:
a) Sar dichiol-pe i umilința le Paveloschi anda o modo sar dea duma caring o rege Agripa?
b) Sar ortosardea o Pavel i atenția mai but caring o Iehova hai le Scripturi hai na caring peste? (Dich Fapte 26:22.)
So sichioas catar o Pavel?
2. Cana das duma le manușența pherde umilința hai sicavas lenghe pachiv, sea so phenas si mai șucar.
Cher so cărdea o Pavel
3. Na de tut baro. Na cher le manușes te pachial că tu jianes sea le buchia hai că vo ci jianel chanci. Cana des duma leia, sicav lesche pachiv.
4. Mech te hachiarel-pe că sea so phenes si andai Biblia. Ando Lil le Devlesco arachen-pe dumes cai arăsăn co ilo le manușengo. Cana folosis-les, ajutis le manușen te bariaren pengo pachiamos hai te pachian-pe ande leste.
5. Av lașio. Na de chi zor te sicaves că tut si tut ciacimos. Amen ci camas te has-ame le manușența. Sicaves umilința cana ci holiares-tu hai jianes cana trebul te tiliares. (Prov. 17:14; Tit 3:2) Iech duma lași hai șucar daștil te mechel iech udar pâtărdo anda iech aver data cana daisaras te das duma pale le manușeia.