Kasikesh Ruchingej Rey mu Dipandish da Yehova

Tang Kuchind 13:25–14:4 mulong wa kuman mutapu wakanganyau In Isarel kumuchingejin Yehova.

Shinshikin yom yawonsu. Mulong wak In Isarel afanyina kwikal ni kashinsh anch Yehova wafanyina kuyipandish padokalau mu Idjibit? (Kus. 78:12-16, 43-53) Yom ik yayishikija kushadish ruchingej rau muday Yehova? (Kuv. 1:26-28) Mutapu ik wamekeshay Yoshua ni Kaleb anch amuchingejidin Yehova?​—Kuch. 14:6-9.

Kimbijol chikurikina. Yom ik yafanyinau In Isarel kusal mulong wa kukasikesh ruchingej rau muday Yehova? (Kus. 9:11; 22:5; 78:11) Kutanijan ik kuda pakach pa kumuchingejin Yehova ni kumulimish?​—Kuch. 14:11.

Jingunin malejan. Iyipula anch:

• ‘Yom ik yikutwisha kupak ruchingej ram muday Yehova?’

• ‘Mutapu ik nikutwisha kukasikesh ruchingej ram muday Yehova kusambish katat ni mu machuku ma kurutu?’

• ‘Kashinsh ik nikweta pasejina mar makash?’​—Luka 21:25-28.